अन्तकाय मृत्यवे नमः प्राणा अपाना इह ते रमन्ताम् । इहायमस्तु पुरुषः सहासुना सूर्यस्य भागे अमृतस्य लोके ॥ १ ॥ उदेनं भगो अग्रभीदुदेनं सोमो अंशुमान् । उदेनं मरुतो देवा उदिन्द्राग्नी स्वस्तये ॥ २ ॥ इह तेऽसुरिह प्राण इहायुरिह ते मनः । उत्त्वा निर्ऋत्याः पाशेभ्यो दैव्या वचा भरामसि ॥ ३ ॥ उत्क्रामातः पुरुष माव पत्था मृत्योः पड्वीषमवमुञ्चमानः । मा छित्था अस्माल्लोकादग्नेः सूर्यस्य संदृशः ॥ ४ ॥ तुभ्यं वातः पवतां मातरिश्वा तुभ्यं वर्षन्त्वमृतान्यापः । सूर्यस्ते तन्वे शं तपाति त्वां मृत्युर्दयतां मा प्र मेष्ठाः ॥ ५ ॥ उद्यानं ते पुरुष नावयानं जीवातुं ते दक्षतातिं कृणोमि । आ हि रोहेमममृतं सुखं रथमथ जिर्विर्विदथमा वदासि ॥ ६ ॥ मा ते मनस्तत्र गान् मा तिरो भून् मा जीवेभ्यः प्र मदो मानु गाः पितॄन् । विश्वे देवा अभि रक्षन्तु त्वेह ॥ ७ ॥ मा गतानामा दीधीथा ये नयन्ति परावतम् । आ रोह तमसो ज्योतिरेह्या ते हस्तौ रभामहे ॥ ८ ॥ श्यामश्च त्वा मा शबलश्च प्रेषितौ यमस्य यौ पथिरक्षी श्वानौ । अर्वाङेहि मा वि दीध्यो मात्र तिष्ठः पराङ्मनाः ॥ ९ ॥ मैतं पन्थामनु गा भीम एष येन पूर्वं नेयथ तं ब्रवीमि । तम एतत्पुरुष मा प्र पत्था भयं परस्तादभयं ते अर्वाक् ॥ १० ॥ {१} रक्षन्तु त्वाग्नयो ये अप्स्वन्ता रक्षतु त्वा मनुष्या यमिन्धते । वैश्वानरो रक्षतु जातवेदा दिव्यस्त्वा मा प्र धाग्विद्युता सह ॥ ११ ॥ मा त्वा क्रव्यादभि मंस्तारात्संकसुकाच्चर रक्षतु त्वा द्यौ रक्षतु । पृथिवी सूर्यश्च त्वा रक्षतां चन्द्रमाश्च । अन्तरिक्षं रक्षतु देवहेत्याः ॥ १२ ॥ बोधश्च त्वा प्रतिबोधश्च रक्षतामस्वप्नश्च त्वानवद्राणश्च रक्षताम् । गोपायंश्च त्वा जागृविश्च रक्षताम् ॥ १३ ॥ ते त्वा रक्षन्तु ते त्वा गोपायन्तु तेभ्यो नमस्तेभ्यः स्वाहा ॥ १४ ॥ जीवेभ्यस्त्वा समुदे वायुरिन्द्रो धाता दधातु सविता त्रायमाणः । मा त्वा प्राणो बलं हासीदसुं तेऽनु ह्वयामसि ॥ १५ ॥ मा त्वा जम्भः संहनुर्मा तमो विदन् मा जिह्वा बर्हिस्प्रमयुः कथा स्याः । उत्त्वादित्या वसवो भरन्तूदिन्द्राग्नी स्वस्तये ॥ १६ ॥ उत्त्वा द्यौरुत्पृथिव्युत्प्रजापतिरग्रभीत्। उत्त्वा मृत्योरोषधयः सोमराज्ञीरपीपरन् ॥ १७ ॥ अयं देवा इहैवास्त्वयं मामुत्र गादितः । इमं सहस्रवीर्येण मृत्योरुत्पारयामसि ॥ १८ ॥ उत्त्वा मृत्योरपीपरं सं धमन्तु वयोधसः । मा त्वा व्यस्तकेश्यो मा त्वाघरुदो रुदन् ॥ १९ ॥ आहार्षमविदं त्वा पुनरागाः पुनर्णवः । सर्वाङ्ग सर्वं ते चक्षुः सर्वमायुश्च तेऽविदम् ॥ २० ॥ व्यवात्ते ज्योतिरभूदप त्वत्तमो अक्रमीत्। अप त्वन् मृत्युं निर्ऋतिमप यक्ष्मं नि दध्मसि ॥ २१ ॥
antakāya mṛtyave namaḥ prāṇā apānā iha te ramantām | ihāyamastu puruṣaḥ sahāsunā sūryasya bhāge amṛtasya loke || 1 || udenaṃ bhago agrabhīdudenaṃ somo aṃśumān | udenaṃ maruto devā udindrāgnī svastaye || 2 || iha te'suriha prāṇa ihāyuriha te manaḥ | uttvā nirṛtyāḥ pāśebhyo daivyā vacā bharāmasi || 3 || utkrāmātaḥ puruṣa māva patthā mṛtyoḥ paḍvīṣamavamuñcamānaḥ | mā chitthā asmāllokādagneḥ sūryasya saṃdṛśaḥ || 4 || tubhyaṃ vātaḥ pavatāṃ mātariśvā tubhyaṃ varṣantvamṛtānyāpaḥ | sūryaste tanve śaṃ tapāti tvāṃ mṛtyurdayatāṃ mā pra meṣṭhāḥ || 5 || udyānaṃ te puruṣa nāvayānaṃ jīvātuṃ te dakṣatātiṃ kṛṇomi | ā hi rohemamamṛtaṃ sukhaṃ rathamatha jirvirvidathamā vadāsi || 6 || mā te manastatra gān mā tiro bhūn mā jīvebhyaḥ pra mado mānu gāḥ pitṝn | viśve devā abhi rakṣantu tveha || 7 || mā gatānāmā dīdhīthā ye nayanti parāvatam | ā roha tamaso jyotirehyā te hastau rabhāmahe || 8 || śyāmaśca tvā mā śabalaśca preṣitau yamasya yau pathirakṣī śvānau | arvāṅehi mā vi dīdhyo mātra tiṣṭhaḥ parāṅmanāḥ || 9 || maitaṃ panthāmanu gā bhīma eṣa yena pūrvaṃ neyatha taṃ bravīmi | tama etatpuruṣa mā pra patthā bhayaṃ parastādabhayaṃ te arvāk || 10 || {1} rakṣantu tvāgnayo ye apsvantā rakṣatu tvā manuṣyā yamindhate | vaiśvānaro rakṣatu jātavedā divyastvā mā pra dhāgvidyutā saha || 11 || mā tvā kravyādabhi maṃstārātsaṃkasukāccara rakṣatu tvā dyau rakṣatu | pṛthivī sūryaśca tvā rakṣatāṃ candramāśca | antarikṣaṃ rakṣatu devahetyāḥ || 12 || bodhaśca tvā pratibodhaśca rakṣatāmasvapnaśca tvānavadrāṇaśca rakṣatām | gopāyaṃśca tvā jāgṛviśca rakṣatām || 13 || te tvā rakṣantu te tvā gopāyantu tebhyo namastebhyaḥ svāhā || 14 || jīvebhyastvā samude vāyurindro dhātā dadhātu savitā trāyamāṇaḥ | mā tvā prāṇo balaṃ hāsīdasuṃ te'nu hvayāmasi || 15 || mā tvā jambhaḥ saṃhanurmā tamo vidan mā jihvā barhispramayuḥ kathā syāḥ | uttvādityā vasavo bharantūdindrāgnī svastaye || 16 || uttvā dyaurutpṛthivyutprajāpatiragrabhīt| uttvā mṛtyoroṣadhayaḥ somarājñīrapīparan || 17 || ayaṃ devā ihaivāstvayaṃ māmutra gāditaḥ | imaṃ sahasravīryeṇa mṛtyorutpārayāmasi || 18 || uttvā mṛtyorapīparaṃ saṃ dhamantu vayodhasaḥ | mā tvā vyastakeśyo mā tvāgharudo rudan || 19 || āhārṣamavidaṃ tvā punarāgāḥ punarṇavaḥ | sarvāṅga sarvaṃ te cakṣuḥ sarvamāyuśca te'vidam || 20 || vyavātte jyotirabhūdapa tvattamo akramīt| apa tvan mṛtyuṃ nirṛtimapa yakṣmaṃ ni dadhmasi || 21 ||
1 Homage to Death the Ender! May thy breathings, inward and outward, still remain within thee. Here stay this man united with his spirit in the Sun's realm, the world of life eternal! 2 Bhaga hath lifted up this man, and Soma with his filaments, Indra and Agni, and the Gods the Maruts, raised him up to health. 3 Here is thy spirit, here thy breath, here is thy life, here is thy soul: By a celestial utterance we raise thee from Destruction's bonds. 4 Up from this place, O man, rise! sink not downward, casting away the bonds of Death that hold thee. Be not thou parted from this world, from sight of Agni and the Sun. 5 Purely for thee breathe Wind and Mātarisvan, and let the Waters rain on thee their nectar. The Sun shall shine with healing on thy body; Death shall have mercy on thee: do not leave us! 6 Upward must be thy way, O man, not downward: with life and mental vigour I endow thee. Ascend this car eternal, lightly rolling; then full of years shalt thou address the meeting. 7 Let not thy soul go thither, nor be lost to us: slight not the living, go not where the Fathers are. Let all the Gods retain thee here in safety. 8 Yearn not for the departed ones, for those who lead men far away. Rise up from darkness into light: come, both thy hands we clasp in ours. 9 Let not the black dog and the brindled seize thee, two warders of the way sent forth by Yama. Come hither; do not hesitate: with mind averted stay not there. p. a323 10 Forbear to tread this path, for it is awful: that path I speak of which thou hast not travelled. Enter it not, O man; this way is darkness: forward is danger, hitherward is safety. 11 Thy guardians be the Fires within the Waters, thy guardian be the Fire which men enkindle. Thy guardian be Vaisvānara Jātavedas; let not celestial Fire with lightning burn thee. 12 Let not the Flesh-Consumer plot against thee: depart thou far away from the Destroyer. Be Heaven and Earth and Sun and Moon thy keepers, and from the dart of Gods may Air protect thee. 13 May Vigilance and Watchfulness protect thee, Sleepless and Slumberless keep guard above thee! Let Guardian and let Wakeful be thy warders. 14 Let these be thy preservers, these thy keepers. All hail to these, to these be lowly worship! 15 May saving Savitar, Vāyu, Indra, Dhātar restore thee to com- munion with the living. Let not thy vigour or thy breath forsake thee: we recall thy life. 16 Let not the fiend with snapping jaws, nor darkness find thee: tongue, holy grass: how shouldst thou perish? May the Ādityas and the Vasus, Indra and Agni raise thee and to health restore thee. 17 The Sky hath raised thee, and the Earth, Prajāpati hath raised thee up. The Plants and Herbs with Soma as their King have rescued thee from Death. 18 Here let this man, O Gods, remain: let him not go to yonder world. We rescue him from Mrityu with a charm that hath a thousand powers. 19 I have delivered thee from Death. Strength-givers smelt and fashion thee! Let not she-fiends with wild loose locks, or fearful howlers yell at thee. 20 I have attained and captured thee: thou hast returned restored to youth. Perfect in body: so have I found all thy sight and all thy life. p. a324 21 Life hath breathed on thee; light hath come: darkness hath past away from thee. Far from thee we have buried Death, buried Destruction and: Decline.