पतिते बाष्कले सैन्यं भग्नं तस्य दुरात्मनः ।
जयेति च मुदा देवाश्चुक्रुशुर्गगने स्थिताः ॥ २६ ॥
तस्मिंश्च निहते दैत्ये दुर्मुखोऽतिबलान्वितः ।
आजगाम रणे देवीं क्रोधसंरक्तलोचनः ॥ २७ ॥
तिष्ठ तिष्ठाबले सोऽपि भाषमाणः पुनः पुनः ।
धनुर्बाणधरः श्रीमान्रथस्थः कवचावृतः ॥ २८ ॥
तमागच्छन्तमालोक्य देवी शङ्खमवादयत् ।
कोपयन्ती दानवं तं ज्याघोषञ्च चकार ह ॥ २९ ॥
सोऽपि बाणान्मुमोचाशु तीक्ष्णानाशीविषोपमान् ।
स्वबाणैस्तान्महामाया चिच्छेद च ननाद च ॥ ३० ॥
तयोः परस्परं युद्धं बभूव तुमुलं नृप ।
बाणशक्तिगदाघातैर्मुसलैस्तोमरैस्तथा ॥ ३१ ॥
रणभूमौ तदा जाता रुधिरौघवहा नदी ।
पतितानि तदा तीरे शिरांसि प्रबभुस्तदा ॥ ३२ ॥
यथा सन्तरणार्थाय यमकिङ्करनायकैः ।
तुम्बीफलानि नीतानि नवशिक्षापरैर्मुदा ॥ ३३ ॥
रणभूमिस्तदा घोरा बभूवातीव दुर्गमा ।
शरीरैः पतितैर्भूमौ खाद्यमानैर्वृकादिभिः ॥ ३४ ॥
गोमायुसारमेयाश्च काकाः कङ्का अयोमुखाः ।
गृध्रा श्येनाश्च खादन्ति शरीराणि दुरात्मनाम् ॥ ३५ ॥
ववौ वायुश्च दुर्गन्धो मृतानां देहसङ्गतः ।
अभूत्किलकिलाशब्दः खगानां पलभक्षिणाम् ॥ ३६ ॥
तदा चुकोप दुष्टात्मा दुर्मुखः कालमोहितः ।
देवीमुवाच गर्वेण कृत्वा चोर्ध्वकरं शुभम् ॥ ३७ ॥
गच्छ चण्डि हनिष्यामि त्वामद्यैव सुबालिशे ।
दैत्यं वा भज वामोरु महिषं मदगर्वितम् ॥ ३८ ॥
patite bāṣkale sainyaṃ bhagnaṃ tasya durātmanaḥ |
jayeti ca mudā devāścukruśurgagane sthitāḥ || 26 ||
tasmiṃśca nihate daitye durmukho'tibalānvitaḥ |
ājagāma raṇe devīṃ krodhasaṃraktalocanaḥ || 27 ||
tiṣṭha tiṣṭhābale so'pi bhāṣamāṇaḥ punaḥ punaḥ |
dhanurbāṇadharaḥ śrīmānrathasthaḥ kavacāvṛtaḥ || 28 ||
tamāgacchantamālokya devī śaṅkhamavādayat |
kopayantī dānavaṃ taṃ jyāghoṣañca cakāra ha || 29 ||
so'pi bāṇānmumocāśu tīkṣṇānāśīviṣopamān |
svabāṇaistānmahāmāyā ciccheda ca nanāda ca || 30 ||
tayoḥ parasparaṃ yuddhaṃ babhūva tumulaṃ nṛpa |
bāṇaśaktigadāghātairmusalaistomaraistathā || 31 ||
raṇabhūmau tadā jātā rudhiraughavahā nadī |
patitāni tadā tīre śirāṃsi prababhustadā || 32 ||
yathā santaraṇārthāya yamakiṅkaranāyakaiḥ |
tumbīphalāni nītāni navaśikṣāparairmudā || 33 ||
raṇabhūmistadā ghorā babhūvātīva durgamā |
śarīraiḥ patitairbhūmau khādyamānairvṛkādibhiḥ || 34 ||
gomāyusārameyāśca kākāḥ kaṅkā ayomukhāḥ |
gṛdhrā śyenāśca khādanti śarīrāṇi durātmanām || 35 ||
vavau vāyuśca durgandho mṛtānāṃ dehasaṅgataḥ |
abhūtkilakilāśabdaḥ khagānāṃ palabhakṣiṇām || 36 ||
tadā cukopa duṣṭātmā durmukhaḥ kālamohitaḥ |
devīmuvāca garveṇa kṛtvā cordhvakaraṃ śubham || 37 ||
gaccha caṇḍi haniṣyāmi tvāmadyaiva subāliśe |
daityaṃ vā bhaja vāmoru mahiṣaṃ madagarvitam || 38 ||
Vāskala falling thus dead on the field, the soldiers of the wicked demon routed; whereas the Devas became glad and repeatedly shouted aloud, Victory to the Devī. On this Daitya being slain, Durmukha came forward on the battle-field, filled with anger and accompanied by a stronger army. Mounted on a chariot, shielded all over his body with a coat of armour, Durmukha came before the Devī, shouting all along, Wait, wait, O You weak woman! and with bows and arrows in his hands. The Devī blew Her conchshell and made sounds by stretching Her bow in order to make the Dānava infuriated with anger. The Asura then began to shoot sharp arrows after arrows like poisonous snakes. The Mahāmāyā, by Her own arrows, cut off those of Her enemy and began to shout loudly. The fight then raged furiously, when both parties began to use arrows, Śaktis, clubs, Muṣalas, and Tomaras. Blood began to flow in the battle-field in torrents like rivers and on the banks of that river of blood, were seen the severed heads of the dead bodies which looked like so many hollow shells of gourds, as if kept there by the attendant of the god of Death, for their swimming purposes. The battle-field, then, became very dreadful and impassable; at some places dead bodies are lying; wolves are feeding on their flesh; at other places are seen jackals, dogs, herons, crows, vultures, eagles, and other voracious birds and beasts and iron-tipped arrows, eating the dead bodies of those wicked demons. Air began to emit an offensive smell, because of its contact with these corpses; and there were heard the heart-rending sounds of various carnivorous birds and animals. Then the wicked Durmukha began, as if inspired by the god of Death, to address the Devī angrily and arrogantly with his right hand raised up before Her. Your brain has become perverted; fly away just now or I will send you unto death, or you better accept the proud Mahiṣa, the lord of the Daityas, as your husband.