व्यास उवाच ।
इति सञ्चिन्त्य तौ वीरौ संस्थितौ युद्धतत्परौ ।
धनुर्बाणधरौ तत्र सन्नद्धौ रथसङ्गतौ ॥ ३५ ॥
प्रथमं तु बिडालाख्यः सप्तबाणान्मुमोच ह ।
असिलोमा स्थितो दूरे प्रेक्षकः परमास्त्रवित् ॥ ३६ ॥
चिच्छेद तांस्तथाप्राप्तानम्बिका स्वशरैः शरान् ।
बिडालाख्यं त्रिभिर्बाणैर्जघान च शिलाशितैः ॥ ३७ ॥
प्राप्य बाणव्यथां दैत्यः पपात समराङ्गणे ।
मूर्च्छितोऽथ ममाराशु दानवो दैवयोगतः ॥ ३८ ॥
बिडालाख्यं हतं दृष्ट्वा रणे शक्तिशरोत्करैः ।
असिलोमा धनुष्पाणिः संस्थितो युद्धतत्परः ॥ ३९ ॥
ऊर्ध्वं सव्यं करं कृत्वा तामुवाच मितं वचः ।
देवि जानामि मरणं दानवानां दुरात्मनाम् ॥ ४० ॥
तथापि युद्धं कर्तव्यं पराधीनेन वै मया ।
महिषो मन्दबुद्धिश्च न जानाति प्रियाप्रिये ॥ ४१ ॥
तदग्रे नैव वक्तव्यं हितं चैवाप्रियं मया ।
मर्तव्यं वीरधर्मेण शुभं वाप्यशुभं भवेत् ॥ ४२ ॥
दैवमेव परं मन्ये धिपौरुषमनर्थकम् ।
पतन्ति दानवास्तूर्णं तव बाणहता भुवि ॥ ४३ ॥
इत्युक्त्वा शरवृष्टिं स चकार दानवोत्तमः ।
देवी चिच्छेद तान्बाणैरप्राप्तांस्तु निजान्तिके ॥ ४४ ॥
अन्यैर्विव्याध तं तूर्णमसिलोमानमाशुगैः ।
वीक्षितामरसङ्घैश्च कोपपूर्णानना तदा ॥ ४५ ॥
शुशुभे दानवः कामं बाणैर्विद्धतनुः किल ।
स्रवद्रुधिरधारः स प्रफुल्लः किंशुको यथा ॥ ४६ ॥
असिलोमा गदां गुर्वीं लौहीमुद्यम्य वेगतः ।
दुद्राव चण्डिकां कोपात्सिंहं मूर्ध्नि जघान ह ॥ ४७ ॥
सिंहोऽपि नखराघातैस्तं ददार भुजान्तरे ।
अगणय्य गदाघातं कृतं तेन बलीयसा ॥ ४८ ॥
उत्पत्य तरसा दैत्यो गदापाणिः सुदारुणः ।
सिंहमूर्ध्नि समारुह्य जघान गदयाम्बिकाम् ॥ ४९ ॥
कृतं तेन प्रहारं तु वञ्चयित्वा विशांपते ।
खड्गेन शितधारेण शिरश्चिच्छेद कण्ठतः ॥ ५० ॥
छिन्ने शिरसि दैत्येन्द्रः पपात तरसा क्षितौ ।
हाहाकारो महानासीत्सैन्ये तस्य दुरात्मनः ॥ ५१ ॥
जय देवीति देवास्ता तुष्टुवुर्जगदम्बिकाम् ।
देवदुन्दुभयो नेदुर्जगुश्च नृप किन्नराः ॥ ५२ ॥
निहतौ दानवौ वीक्ष्य पतितौ च रणाङ्गणे ।
निहताः सैनिकाः सर्वे तत्र केसरिणा बलात् ॥ ५३ ॥
भक्षिताश्च तथा केचिन्निःशेषं तद्रणं कृतम् ।
भग्नाः केचिद् गता मन्दा महिषं प्रति दुःखिताः ॥ ५४ ॥
चुक्रुशू रुरुदुश्चैव त्राहि त्राहीति भाषणैः ।
असिलोमबिडालाख्यौ निहतौ नृपसत्तम ॥ ५५ ॥
अन्ये ये सैनिका राजन् सिंहेन भक्षिताश्च ते ।
एवं ब्रुवन्तो राजानं तदा चक्रुश्च वैशसम् ॥ ५६ ॥
तच्छ्रुत्वा वचनं तेषां महिषो दुर्मनास्तदा ।
बभूव चिन्ताकुलितो विमना दुःखसंयुतः ॥ ५७ ॥
vyāsa uvāca |
iti sañcintya tau vīrau saṃsthitau yuddhatatparau |
dhanurbāṇadharau tatra sannaddhau rathasaṅgatau || 35 ||
prathamaṃ tu biḍālākhyaḥ saptabāṇānmumoca ha |
asilomā sthito dūre prekṣakaḥ paramāstravit || 36 ||
ciccheda tāṃstathāprāptānambikā svaśaraiḥ śarān |
biḍālākhyaṃ tribhirbāṇairjaghāna ca śilāśitaiḥ || 37 ||
prāpya bāṇavyathāṃ daityaḥ papāta samarāṅgaṇe |
mūrcchito'tha mamārāśu dānavo daivayogataḥ || 38 ||
biḍālākhyaṃ hataṃ dṛṣṭvā raṇe śaktiśarotkaraiḥ |
asilomā dhanuṣpāṇiḥ saṃsthito yuddhatatparaḥ || 39 ||
ūrdhvaṃ savyaṃ karaṃ kṛtvā tāmuvāca mitaṃ vacaḥ |
devi jānāmi maraṇaṃ dānavānāṃ durātmanām || 40 ||
tathāpi yuddhaṃ kartavyaṃ parādhīnena vai mayā |
mahiṣo mandabuddhiśca na jānāti priyāpriye || 41 ||
tadagre naiva vaktavyaṃ hitaṃ caivāpriyaṃ mayā |
martavyaṃ vīradharmeṇa śubhaṃ vāpyaśubhaṃ bhavet || 42 ||
daivameva paraṃ manye dhipauruṣamanarthakam |
patanti dānavāstūrṇaṃ tava bāṇahatā bhuvi || 43 ||
ityuktvā śaravṛṣṭiṃ sa cakāra dānavottamaḥ |
devī ciccheda tānbāṇairaprāptāṃstu nijāntike || 44 ||
anyairvivyādha taṃ tūrṇamasilomānamāśugaiḥ |
vīkṣitāmarasaṅghaiśca kopapūrṇānanā tadā || 45 ||
śuśubhe dānavaḥ kāmaṃ bāṇairviddhatanuḥ kila |
sravadrudhiradhāraḥ sa praphullaḥ kiṃśuko yathā || 46 ||
asilomā gadāṃ gurvīṃ lauhīmudyamya vegataḥ |
dudrāva caṇḍikāṃ kopātsiṃhaṃ mūrdhni jaghāna ha || 47 ||
siṃho'pi nakharāghātaistaṃ dadāra bhujāntare |
agaṇayya gadāghātaṃ kṛtaṃ tena balīyasā || 48 ||
utpatya tarasā daityo gadāpāṇiḥ sudāruṇaḥ |
siṃhamūrdhni samāruhya jaghāna gadayāmbikām || 49 ||
kṛtaṃ tena prahāraṃ tu vañcayitvā viśāṃpate |
khaḍgena śitadhāreṇa śiraściccheda kaṇṭhataḥ || 50 ||
chinne śirasi daityendraḥ papāta tarasā kṣitau |
hāhākāro mahānāsītsainye tasya durātmanaḥ || 51 ||
jaya devīti devāstā tuṣṭuvurjagadambikām |
devadundubhayo nedurjaguśca nṛpa kinnarāḥ || 52 ||
nihatau dānavau vīkṣya patitau ca raṇāṅgaṇe |
nihatāḥ sainikāḥ sarve tatra kesariṇā balāt || 53 ||
bhakṣitāśca tathā kecinniḥśeṣaṃ tadraṇaṃ kṛtam |
bhagnāḥ kecid gatā mandā mahiṣaṃ prati duḥkhitāḥ || 54 ||
cukruśū ruruduścaiva trāhi trāhīti bhāṣaṇaiḥ |
asilomabiḍālākhyau nihatau nṛpasattama || 55 ||
anye ye sainikā rājan siṃhena bhakṣitāśca te |
evaṃ bruvanto rājānaṃ tadā cakruśca vaiśasam || 56 ||
tacchrutvā vacanaṃ teṣāṃ mahiṣo durmanāstadā |
babhūva cintākulito vimanā duḥkhasaṃyutaḥ || 57 ||
Vyāsa said :—O King! Thus thinking, the two heroes then wore their coats of armour, mounted on their chariots and, with bows and arrows in their hands, became ready for fight. First Viḍālākṣa shot seven arrows; the great warrior Asilomā stood aloof at a distance as a mere witness. The Divine Mother cut off those arrows to pieces with Her arrows, no sooner they reached Her, and then shot at Viḍālākṣa three arrows sharpened on stone. The demon Vidālāksa fell senselss by these arrows on the battle-field and after a short while died, as if ordained by Fate. Seeing Viḍālākṣa thus dead, Asilomā took up his bows and arrows and came up, for fight. The hero, then, raising his left hand, said briefly, thus :—O Devī! I know that death is inevitable to the Dānavas; still I am ready to fight; for I am dependent and Mahiṣa is of very dull intellect; he cannot make any distinction between what is really good and what is merely pleasant. I will never speak before him unpleasant words, though beneficial. Rather I will sacrifice my life in the battle-field than advise him anything, be that auspicious or inauspicious. The Dānavas are being killed no sooner they are shot at by your arrows; seeing this I consider Fate superior to all. Prowess does not lead to any success; Fie on one’s prowess! Thus saying, the Demon began to shower arrows after arrows on the Devī; the Devī, too, cut them to pieces with Her own arrows before they came to Her; and, becoming angry, soon pierced him with arrows. The Devas witnessed this sight from above. The body of the Demon was then covered with cuts and wounds; blood began to flow from them; the Demon consequently began to shine like the jovial Kimsuka tree. Asilomā then lifted aloft his heavy iron club and ran after Chaṇḍikā and hurt the lion on his head with anger. Not caring at all this severe stroke of the club inflicted by that powerful Demon, the lion tore asunder his arms with his claws. Then that dreadful Demon leapt with club in his hand and got up the shoulder of the lion and hit the Devī very hard. O King! The Devī, then, baffled the hit and cut off the Demon’s head with Her sharp axe. The head being thus severed, the Demon was thrown on the ground with great force; seeing this, a general cry of distress arose among his soldiers. The Devas shouted aloud Victory to the Devī and chanted hymns to Her. The drums of the Devas resounded and the Gandarbhas began to dance in great joy. Seeing the two Demons thus lying dead on the battlefield, the lion killed some of the remaining forces by his sheer strength and ate up others, and made the battlefield void of any persons. Some fled away in great distress to Mahiṣāsura. The fugitives began to cry aloud, Save us, save us and said, O King! Asilomā and Viḍālākṣa are both slain; and those soldiers that remained were eaten up by the lion. Thus they told and plunged the King in an ocean of dire distress. Hearing their words, Mahiṣa became absent minded through pain and grief and began to think over the matter with great anxiety.
Here ends the Fifteenth Chapter of the Fifth Book on the slaying of Viḍālākṣa and Asilomā in Śrīmad Devī Bhāgavatam, the Mahā Purāṇam, of 18,000 verses by Maharṣi Veda Vyāsa.