Skip to content

Devi Bhagavata Purana 5.17.3–26

महिष उवाच । सिंहलो नाम देशो ऽस्ति विख्यातः पृथिवीतले । घनपादपसंयुक्तो धनधान्यसमृद्धिमान् ॥ ३ ॥ चंद्रसेनाऽभिधस्तत्र राजा धर्मपरायणः । न्यायदंडधरः शांतः प्रजापालनतत्परः ॥ ४ ॥ सत्यवादी मृदुः शूरस्तितिक्षुर्नीतिसागरः । शास्त्रवित्सर्वधर्मज्ञो धनुर्वेदेऽतिनिष्ठितः ॥ ५ ॥ तस्य भार्या वरारोहा सुन्दरी सुभगा शुभा । सदाचाराऽतिसुमुखीं पतिभक्तिपरायणा ॥ ६ ॥ नाम्ना गुणवती कांता सर्वलक्षणसंयुता । सुषुवे प्रथमे गर्भे पुत्रीं सा चातिसुन्दरीम् ॥ ७ ॥ पिता चातीव संतुष्टः पुत्रीं प्राप्य मनोरमाम् । मन्दोदरीति नामास्याः पिता चक्रे मुदान्वितः ॥ ८ ॥ इंदोः कलेव चात्यर्थं ववृधे सा दिनेदिने । दशवर्षा यदा जाता कन्या चातिमनोहरा ॥ ९ ॥ वरार्थं नृपतिश्चिन्तामवाप च दिनेदिने । मद्रदेशाधिपः शूरः सुधन्वा नाम पार्थिवः ॥ १० ॥ तस्य पुत्रोऽतिमेधावी कंबुग्रीवोऽतिविश्रुतः । ब्राह्मणैः कथितो राज्ञे स युक्तोऽस्या वरः शुभः ॥ ११ ॥ सर्वलक्षणसंपन्नः सर्वविद्यार्थपारगः । राज्ञा पृष्टा तदा राज्ञा नाम्ना गुणवती प्रिया ॥ १२ ॥ कंबुग्रीवाय कन्यां स्वां दास्यामि वरवर्णिनीम् । सा तु पत्युर्वचः श्रुत्वा पुत्रीं पप्रच्छ सादरम् ॥ १३ ॥ विवाहं ते पिता कर्तुं कंबुग्रीवेण वांछति । तच्छ्रुत्वा मातरं प्राह वाक्यं मन्दोदरी तदा ॥ १४ ॥ नाहं पतिं करिष्यामि नेच्छा मेऽस्ति परिग्रहे । कौमारं व्रतमास्थाय कालं नेष्यामि सर्वथा ॥ १५ ॥ स्वातंत्र्येण चरिष्यामि तपस्तीव्रं सदैव हि । पारतंत्र्य परंदुःखं मातः संसारसागरे ॥ १६ ॥ स्वातंत्र्या न्मोक्षमित्याहुः पण्डिताः शास्त्रकोविदा । तस्मान्मुक्ता भविष्यामि पत्या मे न प्रयोजनम् ॥ १७ ॥ विवाहे वर्तमाने तु पावकस्य च सन्निधौ । वक्तव्यं वचनं सम्यक्त्वदधीनाऽस्मि सर्वदा ॥ १८ ॥ श्वश्रूदेवरवर्गाणां दासीत्वं श्वशुरालये । पतिचिंत्तानुवर्तित्वं दुःखादुः खतरं स्मृतम् ॥ १९ ॥ कदाचित्पतिरन्यां वा कामिनीं च भजेद्यदि । तदा महत्तरं दुःखं सपत्नीसंभवं भवेत् ॥ २० ॥ तदेर्ष्या जायते पत्यौ क्लेशश्चापि भवेदथ । संसारे क्व सुखं मातर्नारीणां च विशेषतः ॥ २१ ॥ स्वभावात्परतन्त्राणां संसारे स्वप्नधर्मिणि । श्रुतं मया पुरा मातरुत्तानचरणात्मजः ॥ २२ ॥ उत्तमः सर्वधर्मज्ञो धुवादवरजो नृपः । पत्नीं धर्मपरां साध्वीं पतिभक्तिपरायणाम् ॥ २३ ॥ अपराधं विना कांतां त्यक्तवान्विपिने प्रियाम् । एवंविधानि दुःखानि विद्यमाने तु भर्तरि ॥ २४ ॥ कालयोगान्मृते तस्मिन्नारी स्याद् दुःखभाजनम् । वैधव्यं परमं दुःखं शोक संतापकारकम् ॥ २५ ॥ परोषि(पि?)तपतित्वेऽपि दुःखं स्यादधिकं गृहे । मदनाग्निविदग्धायाः किं सुख पति संगजम् ॥ २६ ॥

mahiṣa uvāca | siṃhalo nāma deśo 'sti vikhyātaḥ pṛthivītale | ghanapādapasaṃyukto dhanadhānyasamṛddhimān || 3 || caṃdrasenā'bhidhastatra rājā dharmaparāyaṇaḥ | nyāyadaṃḍadharaḥ śāṃtaḥ prajāpālanatatparaḥ || 4 || satyavādī mṛduḥ śūrastitikṣurnītisāgaraḥ | śāstravitsarvadharmajño dhanurvede'tiniṣṭhitaḥ || 5 || tasya bhāryā varārohā sundarī subhagā śubhā | sadācārā'tisumukhīṃ patibhaktiparāyaṇā || 6 || nāmnā guṇavatī kāṃtā sarvalakṣaṇasaṃyutā | suṣuve prathame garbhe putrīṃ sā cātisundarīm || 7 || pitā cātīva saṃtuṣṭaḥ putrīṃ prāpya manoramām | mandodarīti nāmāsyāḥ pitā cakre mudānvitaḥ || 8 || iṃdoḥ kaleva cātyarthaṃ vavṛdhe sā dinedine | daśavarṣā yadā jātā kanyā cātimanoharā || 9 || varārthaṃ nṛpatiścintāmavāpa ca dinedine | madradeśādhipaḥ śūraḥ sudhanvā nāma pārthivaḥ || 10 || tasya putro'timedhāvī kaṃbugrīvo'tiviśrutaḥ | brāhmaṇaiḥ kathito rājñe sa yukto'syā varaḥ śubhaḥ || 11 || sarvalakṣaṇasaṃpannaḥ sarvavidyārthapāragaḥ | rājñā pṛṣṭā tadā rājñā nāmnā guṇavatī priyā || 12 || kaṃbugrīvāya kanyāṃ svāṃ dāsyāmi varavarṇinīm | sā tu patyurvacaḥ śrutvā putrīṃ papraccha sādaram || 13 || vivāhaṃ te pitā kartuṃ kaṃbugrīveṇa vāṃchati | tacchrutvā mātaraṃ prāha vākyaṃ mandodarī tadā || 14 || nāhaṃ patiṃ kariṣyāmi necchā me'sti parigrahe | kaumāraṃ vratamāsthāya kālaṃ neṣyāmi sarvathā || 15 || svātaṃtryeṇa cariṣyāmi tapastīvraṃ sadaiva hi | pārataṃtrya paraṃduḥkhaṃ mātaḥ saṃsārasāgare || 16 || svātaṃtryā nmokṣamityāhuḥ paṇḍitāḥ śāstrakovidā | tasmānmuktā bhaviṣyāmi patyā me na prayojanam || 17 || vivāhe vartamāne tu pāvakasya ca sannidhau | vaktavyaṃ vacanaṃ samyaktvadadhīnā'smi sarvadā || 18 || śvaśrūdevaravargāṇāṃ dāsītvaṃ śvaśurālaye | paticiṃttānuvartitvaṃ duḥkhāduḥ khataraṃ smṛtam || 19 || kadācitpatiranyāṃ vā kāminīṃ ca bhajedyadi | tadā mahattaraṃ duḥkhaṃ sapatnīsaṃbhavaṃ bhavet || 20 || taderṣyā jāyate patyau kleśaścāpi bhavedatha | saṃsāre kva sukhaṃ mātarnārīṇāṃ ca viśeṣataḥ || 21 || svabhāvātparatantrāṇāṃ saṃsāre svapnadharmiṇi | śrutaṃ mayā purā mātaruttānacaraṇātmajaḥ || 22 || uttamaḥ sarvadharmajño dhuvādavarajo nṛpaḥ | patnīṃ dharmaparāṃ sādhvīṃ patibhaktiparāyaṇām || 23 || aparādhaṃ vinā kāṃtāṃ tyaktavānvipine priyām | evaṃvidhāni duḥkhāni vidyamāne tu bhartari || 24 || kālayogānmṛte tasminnārī syād duḥkhabhājanam | vaidhavyaṃ paramaṃ duḥkhaṃ śoka saṃtāpakārakam || 25 || paroṣi(pi?)tapatitve'pi duḥkhaṃ syādadhikaṃ gṛhe | madanāgnividagdhāyāḥ kiṃ sukha pati saṃgajam || 26 ||

Thus asked by the Devī, Mahiṣa began to say :—“O Devī! There is a place, named Simhala, noted in this earth and decorated with various trees and prosperous with wealth and grains. A virtuous king, named Chandrasena, used to reign there; he was calm, peaceful, truthful, heroic, charitable, steady, forbearing, well versed in polities, ethics and morals vast as a wide ocean, learned in Śāstras, knowing all forms of religions and much skilled in archery. He was mindful in governing his subjects and he used to punish according to the laws of Justice. The king had a beautiful well-qualified wife, very handsome and broad-hipped. She was very much devoted to her husband and always engaged in religious acts and of good conduct. This wife, endowed with all auspicious signs, gave birth to a beautiful daughter in her first delivery. The King Chandrasena, the father, was very pleased to have this beautiful daughter and gladly called her by the name of Mandodarī. This daughter began to grow daily like the phases of the Moon. When she grew ten years old, she became very handsome. The King now became anxious to have a suitable bridegroom and used to think of it everyday. The Brāhmiṇs then told the king that there was a prince named Kambugrīva, the intelligent son of the powerful king Sudhanvā of Madra; this prince was endowed, with all kingly qualifications and versed in all knowledge and was therefore a fit match for your daughter. The king then asked his dear qualified wife that he would like to marry his daughter to Kambugrīva. The queen, hearing this, asked her daughter Mandodarī that her father was desiring to marry her to Kambugrīva, the son of the king of Madra. Hearing her mother’s words, Mandodarī spoke thus :—“O Mother! I have got no desire to marry; I will not accept any husband; I will take the vow of leading a chaste virgin life and thus pass the rest of my life. O Mother! There is nothing more miserable in this ocean of world than dependence; I therefore prefer to lead incessantly a life of severe asceticism. The Pundits versed in the Śāstras say that taking up the vow of separateness and independence leads to salvation; I will thus be liberated; I have no need for a husband. At the time of marriage ceremony, one has to say before the consecrated Fire that one will remain always a dependent to one’s husband in every way; besides in a father-in-law’s house, one has to pass one’s time as a slave, as it were, to one’s mother-in-law and to husband’s (younger) brothers; again one will have to think oneself as happy when one’s husband is happy and as unhappy when one’s husband is unhappy; this is the worst of all miseries. Again if the husband marries again another woman, then this misery of having a co-wife is extreme. O Mother! Jealousy arises then towards even one’s own husband and therefore suffering is endless. Therefore what happiness can there be in this dream-like worlds; especially with women who are made dependent by Nature? O Mother! I heard that in days of yore the religious son of Uttānapāda, Uttama was younger than Dhruva; and yet he became King. And the King Uttānapāda banished his dear wife, solely devoted to her husband, without any cause, to the forest. Therefore women have to suffer such diverse pains while their husbands are living; and if by chance the husband dies, then women get interminable pains; the widowhood becomes the only source of grief and sorrow. Again if the husband be in foreign lands, women become subjected to the fire of Cupid, and then the house becomes an object of more agony. Thus whether the husband lives or dies, there is no happiness at any time. Thus, according to my opinion, I ought never to accept any husband.”

Report an error