व्यास उवाच ।
इत्युक्त्वा तरसा देवी कृपाणेन समाहिता ।
चिच्छेद मस्तकं तस्य निशुम्भस्याथ चण्डिका ॥ ३७ ॥
सच्छिन्नमस्तको देव्या कबन्धोऽतीव दारुणः ।
बभ्राम च गदापाणिस्त्रासयन्देवतागणान् ॥ ३८ ॥
देवी तस्य शितैर्बाणैश्चिच्छेद चरणौ करौ ।
पपातोर्व्यां ततः पापी गतासुः पर्वतोपमः ॥ ३९ ॥
तस्मिन्निपतिते दैत्ये निशुम्भे भीमविक्रमे ।
हाहाकारो महानासीत्तत्सैन्ये भयकम्पिते ॥ ४० ॥
त्यक्त्वाऽऽयुधानि सर्वाणि सैनिकाः क्षतजाप्लुताः ।
जग्मुर्बुम्बारवं सर्वे कुर्वाणा राजमन्दिरम् ॥ ४१ ॥
तानागतान्सुसम्प्रेक्ष्य शुम्भः शत्रुनिषूदनः ।
पप्रच्छ क्व निशुम्भोऽसौ कथं भग्नाः पलायिताः ॥ ॥ ४२ ॥
तच्छ्रुत्वा वचनं राज्ञस्ते प्रोचुः प्रणता भृशम् ।
राजंस्ते निहतो भ्राता शेते समरमूर्धनि ॥ ४३ ॥
तया निपातिताः शूरा ये च तेऽप्यनुजानुगाः ।
वयं त्वां कथितुं सर्वं वृत्तान्तं समुपागताः ॥ ४४ ॥
निशुम्भो निहतस्तत्र तया चण्डिकयाधुना ।
न हि युद्धस्य कालोऽद्य तव राजन् रणाङ्गणे ॥ ४५ ॥
देवकार्यं समुद्दिश्य कापीयं परमाङ्गना ।
हन्तुं दैत्यकुलं नूनं प्राप्तेति परिचिन्तय ॥ ४६ ॥
नैषा प्राकृतयोषैव देवी शक्तिरनुत्तमा ।
अचिन्त्यचरिता क्वापि दुर्ज्ञेया दैवतैरपि ॥ ४७ ॥
नानारूपधरातीव मायामूलविशारदा ।
विचित्रभूषणा देवी सर्वायुधधरा शुभा ॥ ४८ ॥
गहना गूढचरिता कालरात्रिरिवापरा ।
अपारपारगा पूर्णा सर्वलक्षणसंयुता ॥ ४९ ॥
अन्तरिक्षस्थिता देवास्तां स्तुवन्त्यकुतोभयाः ।
देवकार्यञ्च कुर्वाणां श्रीदेवीं परमाद्भुताम् ॥ ५० ॥
पलायनं परो धर्मः सर्वथा देहरक्षणम् ।
रक्षिते किल देहेस्मिन्कालेऽस्मत्सुखताङ्गते ॥ ५१ ॥
संग्रामे विजयो राजन् भविता ते न संशयः ।
कालः करोति बलिनं समये निर्बलं क्वचित् ॥ ५२ ॥
तं पुनः सबलं कृत्वा जयायोपदधाति हि ।
दातारं याचकं कालः करोति समये क्वचित् ॥ ५३ ॥
भिक्षुकं धनदातारं करोति समयान्तरे ।
विष्णुः कालवशे नूनं ब्रह्मा वा पार्वतीपतिः ॥ ५४ ॥
इन्द्राद्या निर्जराः सर्वे काल एव प्रभुः स्वयम् ।
तस्मात्कालं प्रतीक्षस्व विपरीतं तवाधुना ॥ ५५ ॥
सम्मुखो देवतानाञ्च दैत्यानां नाशहेतुकः ।
एकैव च गतिर्नास्ति कालस्य किल भूपते ॥ ५६ ॥
नानारूपधराप्यस्ति ज्ञातव्यं तस्य चेष्टितम् ।
कदाचित्सम्भवो नॄणां कदाचित्प्रलयस्तथा ॥ ५७ ॥
उत्पत्तिहेतुः कालोऽन्यः क्षयहेतुस्तथापरः ।
प्रत्यक्षं ते महाराज देवाः सर्वे सवासवाः ॥ ५८ ॥
करदास्ते कृताः पूर्वं कालेन सम्मुखेन च ।
तेनैव विमुखेनाद्य बलिनोऽबलयासुराः ॥ ५९ ॥
निहता नितरां कालः करोति च शुभाशुभम् ।
नैवात्र कारणं काली नैव देवाः सनातनाः ॥ ६० ॥
यथा ते रोचते राजंस्तथा कुरु विमृश्य च ।
कालोऽयं नात्र हेतुस्ते दानवानां तथा पुनः ॥ ६१ ॥
त्वदग्रतो गतः शक्रो भग्नः संख्ये निरायुधः ।
तथा विष्णुस्तथा रुद्रो वरुणो धनदो यमः ॥ ६२ ॥
तथा त्वमपि राजेन्द्र वीक्ष्य कालवशं जगत् ।
पातालं गच्छ तरसा जीवन्भद्रमवाप्स्यसि ॥ ६३ ॥
मृते त्वयि महाराज शत्रवस्ते मुदान्विताः ।
मङ्गलानि प्रगायन्तो विचरिष्यन्ति सर्वतः ॥ ६४ ॥
vyāsa uvāca |
ityuktvā tarasā devī kṛpāṇena samāhitā |
ciccheda mastakaṃ tasya niśumbhasyātha caṇḍikā || 37 ||
sacchinnamastako devyā kabandho'tīva dāruṇaḥ |
babhrāma ca gadāpāṇistrāsayandevatāgaṇān || 38 ||
devī tasya śitairbāṇaiściccheda caraṇau karau |
papātorvyāṃ tataḥ pāpī gatāsuḥ parvatopamaḥ || 39 ||
tasminnipatite daitye niśumbhe bhīmavikrame |
hāhākāro mahānāsīttatsainye bhayakampite || 40 ||
tyaktvā''yudhāni sarvāṇi sainikāḥ kṣatajāplutāḥ |
jagmurbumbāravaṃ sarve kurvāṇā rājamandiram || 41 ||
tānāgatānsusamprekṣya śumbhaḥ śatruniṣūdanaḥ |
papraccha kva niśumbho'sau kathaṃ bhagnāḥ palāyitāḥ || || 42 ||
tacchrutvā vacanaṃ rājñaste procuḥ praṇatā bhṛśam |
rājaṃste nihato bhrātā śete samaramūrdhani || 43 ||
tayā nipātitāḥ śūrā ye ca te'pyanujānugāḥ |
vayaṃ tvāṃ kathituṃ sarvaṃ vṛttāntaṃ samupāgatāḥ || 44 ||
niśumbho nihatastatra tayā caṇḍikayādhunā |
na hi yuddhasya kālo'dya tava rājan raṇāṅgaṇe || 45 ||
devakāryaṃ samuddiśya kāpīyaṃ paramāṅganā |
hantuṃ daityakulaṃ nūnaṃ prāpteti paricintaya || 46 ||
naiṣā prākṛtayoṣaiva devī śaktiranuttamā |
acintyacaritā kvāpi durjñeyā daivatairapi || 47 ||
nānārūpadharātīva māyāmūlaviśāradā |
vicitrabhūṣaṇā devī sarvāyudhadharā śubhā || 48 ||
gahanā gūḍhacaritā kālarātririvāparā |
apārapāragā pūrṇā sarvalakṣaṇasaṃyutā || 49 ||
antarikṣasthitā devāstāṃ stuvantyakutobhayāḥ |
devakāryañca kurvāṇāṃ śrīdevīṃ paramādbhutām || 50 ||
palāyanaṃ paro dharmaḥ sarvathā deharakṣaṇam |
rakṣite kila dehesminkāle'smatsukhatāṅgate || 51 ||
saṃgrāme vijayo rājan bhavitā te na saṃśayaḥ |
kālaḥ karoti balinaṃ samaye nirbalaṃ kvacit || 52 ||
taṃ punaḥ sabalaṃ kṛtvā jayāyopadadhāti hi |
dātāraṃ yācakaṃ kālaḥ karoti samaye kvacit || 53 ||
bhikṣukaṃ dhanadātāraṃ karoti samayāntare |
viṣṇuḥ kālavaśe nūnaṃ brahmā vā pārvatīpatiḥ || 54 ||
indrādyā nirjarāḥ sarve kāla eva prabhuḥ svayam |
tasmātkālaṃ pratīkṣasva viparītaṃ tavādhunā || 55 ||
sammukho devatānāñca daityānāṃ nāśahetukaḥ |
ekaiva ca gatirnāsti kālasya kila bhūpate || 56 ||
nānārūpadharāpyasti jñātavyaṃ tasya ceṣṭitam |
kadācitsambhavo nṝṇāṃ kadācitpralayastathā || 57 ||
utpattihetuḥ kālo'nyaḥ kṣayahetustathāparaḥ |
pratyakṣaṃ te mahārāja devāḥ sarve savāsavāḥ || 58 ||
karadāste kṛtāḥ pūrvaṃ kālena sammukhena ca |
tenaiva vimukhenādya balino'balayāsurāḥ || 59 ||
nihatā nitarāṃ kālaḥ karoti ca śubhāśubham |
naivātra kāraṇaṃ kālī naiva devāḥ sanātanāḥ || 60 ||
yathā te rocate rājaṃstathā kuru vimṛśya ca |
kālo'yaṃ nātra hetuste dānavānāṃ tathā punaḥ || 61 ||
tvadagrato gataḥ śakro bhagnaḥ saṃkhye nirāyudhaḥ |
tathā viṣṇustathā rudro varuṇo dhanado yamaḥ || 62 ||
tathā tvamapi rājendra vīkṣya kālavaśaṃ jagat |
pātālaṃ gaccha tarasā jīvanbhadramavāpsyasi || 63 ||
mṛte tvayi mahārāja śatravaste mudānvitāḥ |
maṅgalāni pragāyanto vicariṣyanti sarvataḥ || 64 ||
Vyāsa said :—O King! Thus saying the Chaṇḍikā Devī instantly cut off the head of Niśumbha by Her axe with great caution.
The head thus severed from the body by the blow of the Devī, the headless Demon began to roam there with great force with club in his hand. The Devas then got very much frightened; The Devī, then, cut off the hands and feet of that headless Demon with sharpened arrows. That vicious wretch fell down lifeless, on the ground like a mountain. The powerful Daitya Niśumbha being thus killed, a great uproar arose amidst his panic stricken forces. The soldiers, covered all over their bodies with blood, left all their weapons in the field, began to make Boombā sound (a piteous cry with mouth and hands as sign of danger) and fled away to the King Śumbha. He, the tormentor of the foes, then asked them coming :—Where is Niśumbha now? Why have you fled away from the field? Thus hearing the King’s words, they bowed down and said :—O King! Your brother Niśumbha is lying dead on the battlefield. O King! The Devī killed all the Dānava warriors that attended your brother; only we are left and have come here to give you the information. O King! Niśumbha has been killed by the weapons of the Devī. So we think you ought not to go to the battle. Know this as certain that the Lady, the Highest Cause of this Universe has come here to destroy the Dānavas, the object being to serve the cause of the Gods. This Lady is not an ordinary woman; She is the Supreme Force; Her doings are inconceivable; what more can be said than the fact that the Devas never can know Her! This Devī can assume various forms; She is the origin of Māyā; She is very clever; She is adorned with various ornaments and is holding various weapons in Her hands. Her doings are incomprehensible; She is like a Second Night of Dissolution (at the end of the world); She is Perfect, endowed with all auspicious signs, capable to go beyond the insurmountable. This wonderful Devī is serving the cause of the gods and the Devas from the sky are singing hymns to Her. O King! It is now your paramount duty to fly away and save your life; if you live, you may have the chance for gaining the victory when time will turn out favourable; there is no doubt in this. It is Time that makes a strong man weak; and it is that very Time that makes that weak man strong again and stimulates him for victory. Time makes a generous donor a beggar and it is Time that makes the same beggar again a generous donor. Brahmā, Viṣṇu, Maheśa, Indra and other Devas are all under the sway of this Time; so Time is the Sovereign of all. Therefore, O King! Wait for this Time. Now Time is favourable to the Gods and inimical to you. Therefore Time is destroying now the Daityas. But the course of Time is not the same throughout. O King! The actions of Time are various no doubt. Time creates men and Time destroys them. The time of creation is different from the time of destruction, this is evident to you before your eyes. See! When Time was favourable to you, you subject Indra and all other Devas and made them pay taxes to you; and now Time is unfavourable to you; so an ordinary weak woman is killing the powerful Dānavas; Time, therefore, is doing favourable things and also unfavourable things. The host of Devas or the woman Kālī is not the cause thereof. O King! The present Time is not favourable to you and the Daityas; knowing this, do as you like. See! Indra, Viṣṇu, Varuṇa, Yama and other prominent Devas all fled before in battle, quitting the weapons. So, knowing this world as subject to the control of Time, you can now fly away and go quickly to the Pātāla. For if you live, you will get in future all the pleasures; and if you be killed, your enemies will all be very glad and roam everywhere fearlessly, singing propitious songs.
Here ends the Thirtieth Chapter of the Fifth Book on the killing of Niśumbha in Śrī Mad Devī Bhāgavatam, the Mahā Purāṇam, of 18,000 verses by Maharṣi Veda Vyāsa.