अथ स लोभमुपेत्य सुराधिपः । समधिगम्य गजासनसंस्थितः । त्रिशिरसं प्रति दुष्टमतिस्तदा । मुनिमपश्यदमेयपराक्रमम् ॥ १ ॥ तमभिवीक्ष्य दृढासनसंस्थितं । जितगिरं सुसमाधिवशं गतम् । रविविभावसुसन्निभमोजसा । सुरपतिः परमापदमभ्यगात् ॥ २ ॥ कथमसौ विनिहन्तुमहो मया । मुनिरपापमतिः किल सम्मतः । रिपुरयं सुसमिद्धतपोबलः । कथमुपेक्ष्य इहासनकामुकः ॥ ३ ॥ इति विचिन्त्य पविं परमायुधं । प्रति मुमोच मुनिं तपसि स्थितम् । शशिदिवाकरसन्निभमाशुगं । त्रिशिरसं सुरसङ्घपतिः स्वयम् ॥ ४ ॥ तदभिघातहतः स धरातले । किल पपात ममार च तापसः । शिखरिणः शिखरं कुलिशार्दितं । निपतितं भुवि चाद्भुतदर्शनम् ॥ ५ ॥ तं निहत्य मुदमाप सुरेश- । श्चुक्रुशुश्च मुनयस्तु संस्थिताः । हा हतेति भृशमार्तनिःस्वनाः । किं कृतं शतमखेन पापिना ॥ ६ ॥ विनापराधं तपसां निधिर्हतः । शचीपतिः पापमतिर्दुरात्मा । फलं किलायं तरसा कृतस्य । प्राप्नोतु पापी हननोद्भवस्य ॥ ७ ॥ तं निहत्य तरसा सुरराजो । निर्जगाम निजमन्दिरमाशु । स हतोऽपि विरराज महात्मा । जीवमान इव तेजसां निधिः ॥ ८ ॥ तं दृष्ट्वा पतितं भूमौ जीवन्तमिव वृत्रहा । चिन्तामापातिखिन्नाङ्गः किं वा जीवेदयं पुनः ॥ ९ ॥ विमृश्य मनसातीव तक्षाणं पुरतः स्थितम् । मघवा वीक्ष्य तं प्राह स्वकार्यसदृशं वचः ॥ १० ॥ तक्षंश्छिन्धि शिरांस्यस्य कुरुष्व वचनं मम । मा जीवतु महातेजा भाति जीवन्निव स्वयम् ॥ ११ ॥
atha sa lobhamupetya surādhipaḥ | samadhigamya gajāsanasaṃsthitaḥ | triśirasaṃ prati duṣṭamatistadā | munimapaśyadameyaparākramam || 1 || tamabhivīkṣya dṛḍhāsanasaṃsthitaṃ | jitagiraṃ susamādhivaśaṃ gatam | ravivibhāvasusannibhamojasā | surapatiḥ paramāpadamabhyagāt || 2 || kathamasau vinihantumaho mayā | munirapāpamatiḥ kila sammataḥ | ripurayaṃ susamiddhatapobalaḥ | kathamupekṣya ihāsanakāmukaḥ || 3 || iti vicintya paviṃ paramāyudhaṃ | prati mumoca muniṃ tapasi sthitam | śaśidivākarasannibhamāśugaṃ | triśirasaṃ surasaṅghapatiḥ svayam || 4 || tadabhighātahataḥ sa dharātale | kila papāta mamāra ca tāpasaḥ | śikhariṇaḥ śikharaṃ kuliśārditaṃ | nipatitaṃ bhuvi cādbhutadarśanam || 5 || taṃ nihatya mudamāpa sureśa- | ścukruśuśca munayastu saṃsthitāḥ | hā hateti bhṛśamārtaniḥsvanāḥ | kiṃ kṛtaṃ śatamakhena pāpinā || 6 || vināparādhaṃ tapasāṃ nidhirhataḥ | śacīpatiḥ pāpamatirdurātmā | phalaṃ kilāyaṃ tarasā kṛtasya | prāpnotu pāpī hananodbhavasya || 7 || taṃ nihatya tarasā surarājo | nirjagāma nijamandiramāśu | sa hato'pi virarāja mahātmā | jīvamāna iva tejasāṃ nidhiḥ || 8 || taṃ dṛṣṭvā patitaṃ bhūmau jīvantamiva vṛtrahā | cintāmāpātikhinnāṅgaḥ kiṃ vā jīvedayaṃ punaḥ || 9 || vimṛśya manasātīva takṣāṇaṃ purataḥ sthitam | maghavā vīkṣya taṃ prāha svakāryasadṛśaṃ vacaḥ || 10 || takṣaṃśchindhi śirāṃsyasya kuruṣva vacanaṃ mama | mā jīvatu mahātejā bhāti jīvanniva svayam || 11 ||
Vyāsa said :—The extremely covetous Indra, then, mounted on his Airāvata elephant and determined to kill the Muni. He went to him and saw him immersed in deep Samādhi, firmly seated in his posture and with his speech controlled. At that time, a halo of light emanated from his body and he looked like a second Sun and a blazing fire. Indra became very sad and dejected when he saw that. Indra then thought within himself thus :—Oh! Can I slay this Muni, free from any vicious inclinations, and endowed with the power of Tapas, blazing like a fire! This is quite against the Dharma. But, Alas! He wants to usurp my position; how can I, then, neglect such an enemy? Thus cogitating, Indra hurled at the Muni his swift going, infallible thunderbolt, the Muni remaining engaged in his penance and shining like the Sun and Moon. The ascetic, struck thus, fell on the ground and died, like a mountain peak struck by thunder falling on the ground and presenting a wondrous sight. Indra became very glad when he killed the Muni; but the other Munis then cried aloud :—Oh! We are killed! Alas! What a crime has Indra committed today! Oh! The vicious Indra has killed today this jewel amongst the Munis without any offence! Let, then, this sinner reap the fruits of his sinful act without any delay. Indra, then, went back soon to his own abode; on the other hand, the high-souled Muni, though killed, looked as it were, living by the lustre of his own body. Indra, then, seeing him lying like a living man thought that the Muni might get alive and so became very sad. While he was thus arguing in his mind, he saw before him a wood cutter named Takṣa and began to speak to him for his own selfish ends thus O Artisan! Cut all the heads of this Muni and keep my word; this highly lustrous Muni is looking as it were alive; therefore, if you sever his heads, he cannot be alive. Takṣa then cursed him and spoke thus.