राजपुत्र्याः एकावल्याः वर्णनम् । व्यास उवाच । जातकर्मादिसंस्कारांश्चकार नृपतिस्तदा । दिने दिने जगामाशु वृद्धिं बालः सुलालितः ॥ १ ॥ नृपः संसारजं प्राप्य सुखं पुत्रसभुद्भवम् । ऋणत्रयविमोक्षं च मेने तेन महात्मना ॥ २ ॥ षष्ठेऽन्नप्राशनं तस्य कृत्वा मासि यथाविधि । तृतीयेऽथ तथा वर्षे चूडाकरणमुत्तमम् ॥ ३ ॥ चकार ब्राह्मणान् द्रव्यैः सम्पूज्य विविधैर्धनैः । गोभिश्च विविधैर्दानैर्याचकानितरानपि ॥ ४ ॥ वर्षे चैकादशे तस्य मौञ्जीबन्धनकर्म वै । कारयित्वा धनुर्वेदमध्यापयत पार्थिवः ॥ ५ ॥ अधीतवेदं पुत्रं तं राजधर्मविशारदम् । दृष्ट्वा तस्याभिषेकाय मतिं चक्रे जनाधिपः ॥ ६ ॥ पुष्यार्कयोगसंयुक्ते दिवसे नृपसत्तमः । कारयामास सम्भारानभिषेकार्थमादरात् ॥ ७ ॥ द्विजानाहूय वेदज्ञान् सर्वशास्त्रविचक्षणान् । अभिषेकं चकारासौ विधिवत् स्वात्मजस्य ह ॥ ८ ॥ जलमानीय तीर्थेभ्यः सागरेभ्यश्च पार्थिवः । स्वयं चकार विथिवदभिषेकं शुभे दिने ॥ ९ ॥ धनं दत्त्वाथ विप्रेभ्यो राज्यं पुत्रे निवेश्य सः । जगाम वनमेवाशु स्वर्गकामः स भूपतिः ॥ १० ॥
rājaputryāḥ ekāvalyāḥ varṇanam | vyāsa uvāca | jātakarmādisaṃskārāṃścakāra nṛpatistadā | dine dine jagāmāśu vṛddhiṃ bālaḥ sulālitaḥ || 1 || nṛpaḥ saṃsārajaṃ prāpya sukhaṃ putrasabhudbhavam | ṛṇatrayavimokṣaṃ ca mene tena mahātmanā || 2 || ṣaṣṭhe'nnaprāśanaṃ tasya kṛtvā māsi yathāvidhi | tṛtīye'tha tathā varṣe cūḍākaraṇamuttamam || 3 || cakāra brāhmaṇān dravyaiḥ sampūjya vividhairdhanaiḥ | gobhiśca vividhairdānairyācakānitarānapi || 4 || varṣe caikādaśe tasya mauñjībandhanakarma vai | kārayitvā dhanurvedamadhyāpayata pārthivaḥ || 5 || adhītavedaṃ putraṃ taṃ rājadharmaviśāradam | dṛṣṭvā tasyābhiṣekāya matiṃ cakre janādhipaḥ || 6 || puṣyārkayogasaṃyukte divase nṛpasattamaḥ | kārayāmāsa sambhārānabhiṣekārthamādarāt || 7 || dvijānāhūya vedajñān sarvaśāstravicakṣaṇān | abhiṣekaṃ cakārāsau vidhivat svātmajasya ha || 8 || jalamānīya tīrthebhyaḥ sāgarebhyaśca pārthivaḥ | svayaṃ cakāra vithivadabhiṣekaṃ śubhe dine || 9 || dhanaṃ dattvātha viprebhyo rājyaṃ putre niveśya saḥ | jagāma vanamevāśu svargakāmaḥ sa bhūpatiḥ || 10 ||
Vyāsa said :—O King! In the meanwhile the King Turvasu performed the Jātakarma (a religious ceremony performed at the birth of a child) and other ceremonies of the child. The boy was nurtured duly and began to grow older day by day. The King began to enjoy his worldly life on getting this son and thought within himself that the boy had freed him from the three debts due to the Fathers, the Riṣis and the Devas. Next, in the sixth month, the King performed the Annaprāsana ceremony (putting the boiled rice in the mouth of the child) and in the third year performed regularly his Chūḍa Karaṇa (the ceremony of the first tonsure) ceremony. He distributed on those occasions various articles, wealth and cows to the Brāhmaṇas and other articles to various other mendicants and made them glad. In the eleventh year, he performed the boy’s holy thread (Upanayana) ceremony and tying the girdle made of a triple string of Munja grass and put the boy to learn archery. Next when the boy passed off proficiently in the study of the Vedas and in learning the kingly duties, the King desired to install him on the throne. The King Turvasu then collected with great care all the necessary articles for installation in an auspicious day, the combination of Puṣyā asterism and Arka Yoga. He called then the Brāhmiṇs, well versed in the Vedas and in the Śāstras, and became ready, in accordance with due rites, to perform the installation ceremony of the prince. Waters were brought from various sacred places of pilgrimage and from the several oceans and on an auspicious day the King performed himself the installation of his son. When the ceremony was over the King gave away hoards of wealth to the Brāhmiṇs and giving the charge of his kingdom to his son, he went to the forest with a desire to ascend to the Heavens.