नान्यः कोऽपि ममारातिर्यो मे प्रतिबलो भवेत् ।
व्यास उवाच ।
एतस्मिन्नन्तरे दूतास्तत्रान्ये वै समागताः ॥ ४१ ॥
ते होचुस्त्वरिता भीताः कालकेतुं गृहे स्थितम् ।
किं स्वस्थोऽसि महाराज समीपे सैन्यमागतम् ॥ ४२ ॥
निर्गच्छ नगरात्तूर्णं सैन्येन महताऽऽवृतः ।
इति तेषां वचः श्रुत्वा कालकेतुर्महाबलः ॥ ४३ ॥
रथमारुह्य त्वरितो निर्ययौ स्वपुराद्बहिः ।
एकवीरोऽपि सहसा हयारूढः प्रतापवान् ॥ ४४ ॥
आगतस्तत्र कामिन्या विरहेण समाकुलः ।
युद्धं तयोरभूत्तत्र वृत्रवासवयोरिव ॥ ४५ ॥
शस्त्रास्त्रैर्बहुधा मुक्तैरादीपितदिगन्तरम् ।
वर्तमाने तदा युद्धे कातराणां भयावहे ॥ ४६ ॥
गदया ताडयामास दैत्यं सिन्धुसुतासुतः ।
स गतासुः पपातोर्व्यां वज्राहत इवाचलः ॥ ४७ ॥
पलायित्वा गताः सर्वे राक्षसा भयपीडिताः ।
यशोवती ततो गत्वा वेगादेकावलीं तदा ॥ ४८ ॥
उवाच मधुरां वाणीं विस्मिता मुदिता भृशम् ।
एह्यालि नृपपुत्रेण दानवोऽसौ निपातितः ॥ ४९ ॥
एकवीरेण धीरेण युद्धं कृत्वा सुदारुणम् ।
स्कन्धावारेऽप्यसौ राजा तिष्ठत्यद्य श्रमातुरः ॥ ५० ॥
दर्शनं काङ्क्षमाणस्ते श्रुतरूपगुणस्तव ।
पश्य तं कुटिलापाङ्गि मनोभवसमं नृपम् ॥ ५१ ॥
कथिता त्वं मया पूर्वं तस्याग्रे जाह्नवीतटे ।
पूर्णानुरागः सञ्जातस्तेनासौ विरहातुरः ॥ ५२ ॥
वाञ्छति त्वां चारुरूपां द्रष्टुं नृपतिनन्दनः ।
सा तस्या वचनं श्रुत्वा गमनाय मनो दधे ॥ ५३ ॥
लज्जमाना भृशं भीत्या कौमारं प्राप्तया तया ।
कथं तस्य मुखं द्रक्ष्ये कुमारी ह्यवशा भृशम् ॥ ५४ ॥
स मां गृह्णाति कामार्त इति चिन्ताकुला सती ।
यशोवत्या युता तत्र नरयानस्थिता ययौ ॥ ५५ ॥
स्कन्धावारेऽतिमलिना मलिनाम्बरधारिणी ।
तामागतां विशालाक्षीं दृष्ट्वा राजसुतोऽब्रवीत् ॥ ५६ ॥
दर्शनं देहि तन्वङ्गि तृषिते नयने मम ।
कामातुरं च तं वीक्ष्य तां च लज्जाभरावृताम् ॥ ५७ ॥
नीतिज्ञा शिष्टमार्गज्ञा तमुवाच यशोवती ।
राजपुत्र पिताप्यस्यास्त्वामेनां दातुमिच्छति ॥ ५८ ॥
एषापि त्वद्वशा नूनं भविता सङ्गमस्तव ।
कालं प्रतीक्ष्य राजेन्द्र नयैनां पितुरन्तिकम् ॥ ५९ ॥
स विवाहविधिं कृत्वा दास्यतीति विनिश्चयः ।
स तस्या वचनं तथ्यं मत्वा सैन्यसमन्वितः ॥ ६० ॥
समेतः कामिनीभ्यां तु ययौ तत्पितुराश्रमम् ।
राजपुत्रीं तथायातां श्रुत्वा प्रेमसमन्वितः ॥ ६१ ॥
प्रययौ सम्मुखस्तूर्णं सचिवैः परिवेष्टितः ।
बहुभिर्दिवसैर्दृष्टा पुत्री सा मलिनाम्बरा ॥ ६२ ॥
यशोवत्या तु वृत्तान्तः कथितो विस्तरात्पुनः ।
एकवीरं मिलित्वासौ गृहमानीय चादरात् ॥ ६३ ॥
पुण्येऽह्नि कारयामास विवाहं विधिपूर्वकम् ।
पारिबर्हं ततो दत्त्वा सम्पूज्य विधिवत्तदा ॥ ६४ ॥
पुत्रीं विसर्जयामास यशोवत्या समन्विताम् ।
एवं विवाहे संवृत्ते रमापुत्रो मुदान्वितः ॥ ६५ ॥
गृहं प्राप्य बहून्भोगाम्बुभुजे प्रियया समम् ।
बभूव तस्यां पुत्रस्तु कृतवीर्याभिधः किल ।
तत्सुतः कार्तवीर्यस्तु वंशोऽयं कथितो मया ॥ ६६ ॥
nānyaḥ ko'pi mamārātiryo me pratibalo bhavet |
vyāsa uvāca |
etasminnantare dūtāstatrānye vai samāgatāḥ || 41 ||
te hocustvaritā bhītāḥ kālaketuṃ gṛhe sthitam |
kiṃ svastho'si mahārāja samīpe sainyamāgatam || 42 ||
nirgaccha nagarāttūrṇaṃ sainyena mahatā''vṛtaḥ |
iti teṣāṃ vacaḥ śrutvā kālaketurmahābalaḥ || 43 ||
rathamāruhya tvarito niryayau svapurādbahiḥ |
ekavīro'pi sahasā hayārūḍhaḥ pratāpavān || 44 ||
āgatastatra kāminyā viraheṇa samākulaḥ |
yuddhaṃ tayorabhūttatra vṛtravāsavayoriva || 45 ||
śastrāstrairbahudhā muktairādīpitadigantaram |
vartamāne tadā yuddhe kātarāṇāṃ bhayāvahe || 46 ||
gadayā tāḍayāmāsa daityaṃ sindhusutāsutaḥ |
sa gatāsuḥ papātorvyāṃ vajrāhata ivācalaḥ || 47 ||
palāyitvā gatāḥ sarve rākṣasā bhayapīḍitāḥ |
yaśovatī tato gatvā vegādekāvalīṃ tadā || 48 ||
uvāca madhurāṃ vāṇīṃ vismitā muditā bhṛśam |
ehyāli nṛpaputreṇa dānavo'sau nipātitaḥ || 49 ||
ekavīreṇa dhīreṇa yuddhaṃ kṛtvā sudāruṇam |
skandhāvāre'pyasau rājā tiṣṭhatyadya śramāturaḥ || 50 ||
darśanaṃ kāṅkṣamāṇaste śrutarūpaguṇastava |
paśya taṃ kuṭilāpāṅgi manobhavasamaṃ nṛpam || 51 ||
kathitā tvaṃ mayā pūrvaṃ tasyāgre jāhnavītaṭe |
pūrṇānurāgaḥ sañjātastenāsau virahāturaḥ || 52 ||
vāñchati tvāṃ cārurūpāṃ draṣṭuṃ nṛpatinandanaḥ |
sā tasyā vacanaṃ śrutvā gamanāya mano dadhe || 53 ||
lajjamānā bhṛśaṃ bhītyā kaumāraṃ prāptayā tayā |
kathaṃ tasya mukhaṃ drakṣye kumārī hyavaśā bhṛśam || 54 ||
sa māṃ gṛhṇāti kāmārta iti cintākulā satī |
yaśovatyā yutā tatra narayānasthitā yayau || 55 ||
skandhāvāre'timalinā malināmbaradhāriṇī |
tāmāgatāṃ viśālākṣīṃ dṛṣṭvā rājasuto'bravīt || 56 ||
darśanaṃ dehi tanvaṅgi tṛṣite nayane mama |
kāmāturaṃ ca taṃ vīkṣya tāṃ ca lajjābharāvṛtām || 57 ||
nītijñā śiṣṭamārgajñā tamuvāca yaśovatī |
rājaputra pitāpyasyāstvāmenāṃ dātumicchati || 58 ||
eṣāpi tvadvaśā nūnaṃ bhavitā saṅgamastava |
kālaṃ pratīkṣya rājendra nayaināṃ piturantikam || 59 ||
sa vivāhavidhiṃ kṛtvā dāsyatīti viniścayaḥ |
sa tasyā vacanaṃ tathyaṃ matvā sainyasamanvitaḥ || 60 ||
sametaḥ kāminībhyāṃ tu yayau tatpiturāśramam |
rājaputrīṃ tathāyātāṃ śrutvā premasamanvitaḥ || 61 ||
prayayau sammukhastūrṇaṃ sacivaiḥ pariveṣṭitaḥ |
bahubhirdivasairdṛṣṭā putrī sā malināmbarā || 62 ||
yaśovatyā tu vṛttāntaḥ kathito vistarātpunaḥ |
ekavīraṃ militvāsau gṛhamānīya cādarāt || 63 ||
puṇye'hni kārayāmāsa vivāhaṃ vidhipūrvakam |
pāribarhaṃ tato dattvā sampūjya vidhivattadā || 64 ||
putrīṃ visarjayāmāsa yaśovatyā samanvitām |
evaṃ vivāhe saṃvṛtte ramāputro mudānvitaḥ || 65 ||
gṛhaṃ prāpya bahūnbhogāmbubhuje priyayā samam |
babhūva tasyāṃ putrastu kṛtavīryābhidhaḥ kila |
tatsutaḥ kārtavīryastu vaṃśo'yaṃ kathito mayā || 66 ||
Vyāsa said :—O King! Just then other messengers hurriedly came there terrified and spoke to Kālaketu who had been staying in the house, thus :—O King! The army has come quite close to the city and how are you staying in the house, calm and quiet? Better march out of the city with your vast army as early as possible. The powerful Kālaketu, then, hearing their words, mounted on the chariot and quickly went out of his city. The King Haihaya, on the other hand, suffering from the bereavements of his dear lady, suddenly came there mounted on horseback. The terrible fight ensued then and there between the two and each one struck the other with sharpened weapons and the quarters all around blazed with their glitterings and clashings. When the terrible fight was going on, Haihaya, the son of Lakṣmī, struck Kālaketu, the King of the Daityas with a very powerful club (Gadā). Thus struck by the Gadā, the Lord of the Daityas fell on the ground like a mountain, struck by lightning, and died. All the Rākṣasas fled away on all sides, struck with terror. Yaśovatī went then very hurriedly with a gladdened heart to Ekāvalī and began to speak to her in terms of surprise and in sweet words :—O Dear! O Dear! Come, Come; the great warrior, the prince Ekavīra has killed the Lord of the Daityas in a dreadful battle. That King is now waiting, tired in the midst of his soldiers. He has already heard from me about your beauty and qualities; and now he is expecting to see you. O One Looking askance! Now satisfy your eyes and mind by seeing that King who is like the Cupid. When I described to him before on the banks of the Ganges your beauty and qualifications, he got enamoured of you and now he is suffering from bereavements and wants to see you. Thus, hearing, Ekāvalī determined to go to him and as she was yet unmarried, she became abashed and afraid. She thought how could she see the prince as she was unmarried. It might be that he being passionate would catch her by her arms. Thus, troubled with thought, that daughter of the King, with a sad look, and wearing poor clothes, Ekāvalī went with Yaśovatī on a palanquin, carried on men’s shoulders. Seeing that large-eyed daughter of the King coming there, the prince said :—O Beautiful One! My two eyes are very thirsty to see you. Satisfy my eyes and mind by showing yourself to me. Seeing the prince passionate and the King’s daughter very much abashed, Yaśovatī, who knew the rules of modesty, thus spoke to the prince :— O Prince! The father of my dear companion expressed a desire to betroth her to your hands. She is also obedient to you. Therefore your meeting will certainly take place. O King! Wait; take her to her father; and he will perform duly the marriage ceremony and betroth her to your hands. Know this to be quite certain. The King took her words to be quite just and true and taking those two ladies went with his army to the house of the father of Ekāvalī. Ekāvalī’s father became very glad and cheerful to learn that his daughter was coming and, accompanied by his ministers, went hurriedly to her. After a long time the King saw his daughter in poor clothings and became highly pleased. Yaśovatī then described in detail all what happened before the King. The King then with his minister brought with great love, courtesy and gentleness Ekavīra to his house and on an auspicious day performed the marriage ceremony of him with Ekāvalī, in accordance with due ceremonies and rites. Then the King gave away many clothings, ornaments, jewels, and articles for fitting a house and many other things and worshipped duly and sent his daughter together with Yaśovatī away with the King Haihaya. Thus the marriage ceremony was performed and the son of Lakṣmī gladly returned to his house and began to enjoy many pleasures with his wife. Then, in course of time, in the womb of Ekāvalī the King Haihaya got a son named Kritavīrya. The son of this Kritavīrya is known as Kārtavīrya. O King! Thus I have narrated to you the origin of the Haihaya dynasty.
Here ends the Twenty-third Chapter in the Sixth Book on the battle of Haihaya and Kālaketu in the Mahā Purāṇam Śrī Mad Devī Bhāgavatam by Maharṣi Veda Vyāsa.