कान्तारे परमः क्रूरः क्षयकृत्प्राणिनामिह ।
व्यास उवाच - ।
इति तस्य वचः श्रुत्वा पतिमाह प्रियंवदा ॥ २९ ॥
यथा शृणु मया नीतः कालः परमदारुणः ।
गते त्वयि मुनिश्रेष्ठ दुर्भिक्षं समुपागतम् ॥ ३० ॥
अन्नार्थं पुत्रकाः सर्वे बभूवुश्चातिदुःखिताः ।
क्षुधितान्बालकान्वीक्ष्य नीवारार्थं वने वने ॥ ३१ ॥
भ्रान्ताहं चिन्तयाऽऽविष्टा किञ्चित्प्राप्तं फलं तदा ।
एवं च कतिचिन्मासा नीवारेणातिवाहिताः ॥ ३२ ॥
तदभावे मया कान्त चिन्तितं मनसा पुनः ।
न भिक्षा किल दुर्भिक्षे नीवारा नापि कानने ॥ ३३ ॥
न वृक्षेषु फलान्यासुर्न मूलानि धरातले ।
क्षुधया पीडिता बाला रुदन्ति भृशमातुराः ॥ ३४ ॥
किं करोमि क्व गच्छामि किं ब्रवीमि क्षुधार्तितान् ।
एवं विचिन्त्य मनसा निश्चयस्तु मया कृतः ॥ ३५ ॥
पुत्रमेकं ददाम्यद्य कस्मैचिद्धनिने किल ।
गृहीत्वा तस्य मौल्यं तु तेन द्रव्येण बालकान् ॥ ३६ ॥
पालयेऽहं क्षुधार्तांस्तु नान्योपायोऽस्ति पालने ।
इति सञ्चिन्त्य मनसा पुत्रोऽयं प्रहितो मया ॥ ३७ ॥
विक्रयार्थं महाभाग क्रन्दमानो भृशातुरः ।
क्रन्दमानं गृहीत्वैनं निर्गताहं गतत्रपा ॥ ३८ ॥
तदा सत्यव्रतो मार्गे मामुद्वीक्ष्य भृशातुराम् ।
पप्रच्छ स च राजर्षिः कस्माद्रोदिति बालकः ॥ ३९ ॥
तदाहं तमुवाचेदं वचनं मुनिसत्तम ।
विक्रयार्थं नीयतेऽसौ बालकोऽद्य मया नृप ॥ ४० ॥
श्रुत्वा मे वचनं राजा दयार्द्रहृदयस्ततः ।
मामुवाच गृहं याहि गृहीत्वैनं कुमारकम् ॥ ४१ ॥
भोजनार्थे कुमाराणामामिषं विहितं तव ।
प्रापयिष्याम्यहं नित्यं यावन्मुनिसमागमः ॥ ४२ ॥
अहन्यहनि भूपालो वृक्षेऽस्मिन्मृगसूकरान् ।
विन्यस्य याति हत्वासौ प्रत्यहं दययान्वितः ॥ ४३ ॥
तेनैव बालकाः कान्त पालिता वृजिनार्णवात् ।
वसिष्ठेनाथ शप्ताऽसौ भूपतिर्मम कारणात् ॥ ४४ ॥
कस्मिंश्चिद्दिवसे मांसं न प्राप्तं तेन कानने ।
हता दोग्ध्री वसिष्ठस्य तेनासौ कुपितो मुनिः ॥ ४५ ॥
त्रिशङ्कुरिति भूपस्य कृतं नाम महात्मना ।
कुपितेन वधाद्धेतोश्चाण्डालश्च कृतो नृपः ॥ ४६ ॥
तेनाहं दुःखिता जाता तस्य दुःखेन कौशिक ।
श्वपचत्वमसौ प्राप्तो मत्कृते नृपनन्दनः ॥ ४७ ॥
येन केनाप्युपायेन भवता नृपतेः किल ।
तस्माद्रक्षा प्रकर्तव्या तपसा प्रबलेन ह ॥ ४८ ॥
kāntāre paramaḥ krūraḥ kṣayakṛtprāṇināmiha |
vyāsa uvāca - |
iti tasya vacaḥ śrutvā patimāha priyaṃvadā || 29 ||
yathā śṛṇu mayā nītaḥ kālaḥ paramadāruṇaḥ |
gate tvayi muniśreṣṭha durbhikṣaṃ samupāgatam || 30 ||
annārthaṃ putrakāḥ sarve babhūvuścātiduḥkhitāḥ |
kṣudhitānbālakānvīkṣya nīvārārthaṃ vane vane || 31 ||
bhrāntāhaṃ cintayā''viṣṭā kiñcitprāptaṃ phalaṃ tadā |
evaṃ ca katicinmāsā nīvāreṇātivāhitāḥ || 32 ||
tadabhāve mayā kānta cintitaṃ manasā punaḥ |
na bhikṣā kila durbhikṣe nīvārā nāpi kānane || 33 ||
na vṛkṣeṣu phalānyāsurna mūlāni dharātale |
kṣudhayā pīḍitā bālā rudanti bhṛśamāturāḥ || 34 ||
kiṃ karomi kva gacchāmi kiṃ bravīmi kṣudhārtitān |
evaṃ vicintya manasā niścayastu mayā kṛtaḥ || 35 ||
putramekaṃ dadāmyadya kasmaiciddhanine kila |
gṛhītvā tasya maulyaṃ tu tena dravyeṇa bālakān || 36 ||
pālaye'haṃ kṣudhārtāṃstu nānyopāyo'sti pālane |
iti sañcintya manasā putro'yaṃ prahito mayā || 37 ||
vikrayārthaṃ mahābhāga krandamāno bhṛśāturaḥ |
krandamānaṃ gṛhītvainaṃ nirgatāhaṃ gatatrapā || 38 ||
tadā satyavrato mārge māmudvīkṣya bhṛśāturām |
papraccha sa ca rājarṣiḥ kasmādroditi bālakaḥ || 39 ||
tadāhaṃ tamuvācedaṃ vacanaṃ munisattama |
vikrayārthaṃ nīyate'sau bālako'dya mayā nṛpa || 40 ||
śrutvā me vacanaṃ rājā dayārdrahṛdayastataḥ |
māmuvāca gṛhaṃ yāhi gṛhītvainaṃ kumārakam || 41 ||
bhojanārthe kumārāṇāmāmiṣaṃ vihitaṃ tava |
prāpayiṣyāmyahaṃ nityaṃ yāvanmunisamāgamaḥ || 42 ||
ahanyahani bhūpālo vṛkṣe'sminmṛgasūkarān |
vinyasya yāti hatvāsau pratyahaṃ dayayānvitaḥ || 43 ||
tenaiva bālakāḥ kānta pālitā vṛjinārṇavāt |
vasiṣṭhenātha śaptā'sau bhūpatirmama kāraṇāt || 44 ||
kasmiṃściddivase māṃsaṃ na prāptaṃ tena kānane |
hatā dogdhrī vasiṣṭhasya tenāsau kupito muniḥ || 45 ||
triśaṅkuriti bhūpasya kṛtaṃ nāma mahātmanā |
kupitena vadhāddhetoścāṇḍālaśca kṛto nṛpaḥ || 46 ||
tenāhaṃ duḥkhitā jātā tasya duḥkhena kauśika |
śvapacatvamasau prāpto matkṛte nṛpanandanaḥ || 47 ||
yena kenāpyupāyena bhavatā nṛpateḥ kila |
tasmādrakṣā prakartavyā tapasā prabalena ha || 48 ||
Vyāsa said :—O King! Hearing the above words of the husband, the sweet speaking lady spoke :—Hear, how I passed my time in times of famine. O Muni! After you had gone to practise Tapasyā, the dire famine raged; and my sons, exhausted of hunger, became very anxious for food. I became very anxious to see the sons hungry; I then went out to the forest in quest of wild rice; and I got some fruits. Thus I spent some months by collecting the rice growing wildly in the forest; then in times these also could not be got and I became again anxious. The Nibāra rice, too, is now not available and nothing is obtained also by begging; there are no fruits on the trees and no roots are found under the earth. The sons are crying in agony of hunger. What to do? And where to go? What am I to say now to the hungry boys? Oh God! Thus thinking on various ways, I at last came to this conclusion that I would sell one of my sons to a rich man and whatever price I can fetch, with that I will preserve the lives of the other sons. O Dear! Thus thinking, I became ready and went out. O Fortunate One! Then this boy began to cry aloud and became very distressed; yet I was so shameless that I took the crying boy and got out of my Āśrama. At this time one Rājarṣi Satyavrata seeing me very distressed, asked me O One of good vows! Why is this boy weeping? O Muni! I spoke to him Today I am going to sell this boy. The King’s heart became overfilled with pity, and spoke to me :—Take back to your Āśrama this boy. Daily I will supply you with meat for the food of your boys until the Muni returns home. O Muni! The King from that time used to bring, with great pity, daily the flesh of deer and boar killed by him in the forest and he used to tie that on this tree. O Beloved! Thus I could protect my sons in that fearful ocean of crisis; but that King was cursed by Vaśiṣṭha only for my sake. One day that King did not get any meat in the forest; so he slaughtered the Kāma Dhenu (the cow giving all desires) of Vaśiṣṭha and the Muni became therefore very angry with him. The high-souled Muni, angry on account of the killing of his cow, called the King by the name of Triśanku and made him a Chāṇḍāla. O Kauśika! The prince turned into a Chāṇḍāla because he came forward to do good to me, so I am very sorry for his sake. So it is your urgent duty to save the King from his terrible position by any means or by the influence of your powerful Tapasyā.