Devi Bhagavata Purana 7.38.35–40
भस्मीभवन्ति पापानि तत्क्षणान्नग सत्वरम् । श्राद्धकाले पठेदेतान्यमलानि द्विजाग्रतः ॥ ३५ ॥ मुक्तास्तत्पितरः सर्वे प्रयान्ति परमां गतिम् । अधुना कथयिष्यामि व्रतानि तव सुव्रत ॥ ३६ ॥ नारीभिश्च नरैश्चैव कर्तव्यानि प्रयत्नतः । व्रतमनन्ततृतीयाख्यं रसकल्याणिनीव्रतम् ॥ ३७ ॥ आर्द्रानन्दकरं नाम्ना तृतीयाया व्रतं च यत् । शुक्रवारव्रतं चैव तथा कृष्णचतुर्दशी ॥ ३८ ॥ भौमवारव्रतं चैव प्रदोषव्रतमेव च । यत्र देवो महादेवो देवीं संस्थाप्य विष्टरे ॥ ३९ ॥ नृत्यं करोति पुरतः सार्धं देवैर्निशामुखे । तत्रोपोष्य रजन्यादौ प्रदोषे पूजयेच्छिवाम् ॥ ४० ॥
bhasmībhavanti pāpāni tatkṣaṇānnaga satvaram | śrāddhakāle paṭhedetānyamalāni dvijāgrataḥ || 35 || muktāstatpitaraḥ sarve prayānti paramāṃ gatim | adhunā kathayiṣyāmi vratāni tava suvrata || 36 || nārībhiśca naraiścaiva kartavyāni prayatnataḥ | vratamanantatṛtīyākhyaṃ rasakalyāṇinīvratam || 37 || ārdrānandakaraṃ nāmnā tṛtīyāyā vrataṃ ca yat | śukravāravrataṃ caiva tathā kṛṣṇacaturdaśī || 38 || bhaumavāravrataṃ caiva pradoṣavratameva ca | yatra devo mahādevo devīṃ saṃsthāpya viṣṭare || 39 || nṛtyaṃ karoti purataḥ sārdhaṃ devairniśāmukhe | tatropoṣya rajanyādau pradoṣe pūjayecchivām || 40 ||
And if one reads, in the time of S'rāddha, before the Brahmiṇs, these holy names of the Devī, his Pitris will be purified of their sins in the Mahākās'a by the Mahā Prāṇa and will get their highest goal. O One of good vows! I will now describe to you the vows that are to be carefully observed by men and women; hear. Ananta Tritīyākhya Vrata (vow), Rasakalyānī Vrata, and Ārdrānandakara Vrata, these three Vratas are to be observed in the Tritīyā (third) tithi. The next come the Friday vow, the Kriṣṇa Chaturdas'i vows, the Tuesday vow, and the evening twilight vow. In this twilight vow, Mahā Deva placed the Devī in the evening on an Āsana; and He, along with the other Devas, began to dance before Her. Fasting is enjoined in this vow; and then in the evening one must worship the Devī, the Giver of all auspicious things. Especially in every fortnight, if the Devī be worshipped, She gets extremely pleased.