एतत्सर्वं तु विस्तीर्णं कृत्वा वक्तुमिहार्हसि ।
नारायण उवाच ।
कार्तिक्यां पूर्णिमायां तु राधायाः सुमहोत्सवः ॥ ४७ ॥
कृष्णः संपूज्य तां राधामुवास रासमण्डले ।
कृष्णेन पूजितां सा तु संपूज्य दृष्टमानसाः ॥ ४८ ॥
ऊषुर्ब्रह्मादयः सर्वे ऋषयः शौनकादयः ।
एतस्मिन्नंतरे कृष्णसंगीता च सरस्वती ॥ ४९ ॥
जगौ सुन्दरतालेन वीणया च मनोहरम् ।
तुष्टो ब्रह्मा ददौ तस्यै रत्नेंद्रसारहारकम् ॥ ५० ॥
शिवो मणींद्रसारं तु सर्वब्रह्माण्ड दुर्लभम् ।
कृष्णः कौस्तुभरत्नं च सर्वरत्नात्परं वरम् ॥ ५१ ॥
अमूल्यरत्ननिर्माणं हारसारं च राधिका ।
नारायणश्च भगवान्ददौ मालां मनोहराम् ॥ ५२ ॥
अमूल्यरत्ननिर्माणं लक्ष्मीः कनककुंडलम् ।
विष्णुमाया भगवती मूलप्रकृतिरीश्वरी ॥ ५३ ॥
दुर्गा नारायणीशाना ब्रह्मभक्तिं सुदुर्लभाम् ।
धर्मबुद्धिं च धर्मश्च यशश्च विपुलं भवे ॥ ५४ ॥
वह्निशुद्धांशुकं वह्निर्वायुश्च मणिनूपुरान् ।
एतस्मिन्नंतरे शंभुर्ब्रह्मणा प्रेरितो मुहुः ॥ ५५ ॥
जगौ श्रीकृष्णसंगीतं ससोल्लाससमन्वितम् ।
मूर्च्छां प्रापुः सुराः सर्वे चित्रपुत्तलिका यथा ॥ ५६ ॥
कष्टेन चेतनां प्राप्य ददृशू रासमंडले ।
स्थलं सर्वं जलाकीर्णं राधाकृष्णविहीनकम् ॥ ५७ ॥
अत्युच्चै रुरुदुः सर्वे गोपा गोप्यः सुरा द्विजाः ।
ध्यानेन ब्रह्मा बुबुधे सर्वं तीर्थमभीप्सितम् ॥ ५८ ॥
गतश्च राधया सार्धं श्रीकृष्णो द्रवतामिति ।
ततो ब्रह्मादयः सर्वे तुष्टुवुः परमेश्वरात् ॥ ५९ ॥
स्वमूर्तिं दर्शय विभो वांछितं वरमेव नः ।
एतस्मिन्नंतरे तत्र वाग्बभूवाशरीरिणी ॥ ६० ॥
तामेव शुश्रुवुः सर्वे सुव्यक्तां मधुरान्विताम् ।
सर्वात्माऽहमियं शक्तिर्भक्तानुग्रह विग्रहा ॥ ६१ ॥
ममाप्यस्याश्च देहेन कर्त्तव्यं च किमावयोः ।
मनवो मानवाः सर्वे मुनयश्चैव वैष्णवाः ॥ ६२ ॥
मन्मन्त्रपूता मां द्रष्टुमागमिष्यंति मत्पदम् ।
मूर्तिं द्रष्टुं च सुव्यक्तां यदीच्छत सुरेश्वराः ॥ ६३ ॥
करोतु शंभुस्तत्रैवं मदीयं वाक्यपालनम् ।
स्वयं विधातस्त्वं बह्मन्नाज्ञां कुरु जगद्गुरुम् ॥ ६४ ॥
कर्तुं शास्त्रविशेषं च वेदांगं सुमनोहरम् ।
अपूर्वमन्त्रनिकरैः सर्वाभीष्टफलप्रदैः ॥ ६५ ॥
स्तोत्रैश्च च निकरैर्ध्यानैर्युतं पूजाविधिक्रमैः ।
मन्मन्त्रकवचस्तोत्रं कृत्वा यत्नेन गोपनम् ॥ ६६ ॥
भवंति विमुखा येन जना मां तत्करिष्यति ।
सहस्रेषु शतेष्वेको मन्मंत्रोपासको भवेत् ॥ ६७ ॥
जना मन्मंत्रपूताश्च गमिष्यंति च मत्पदम् ।
अन्यथा न भविष्यंति सर्वे गोलोकवासिनः ॥ ६८ ॥
निष्फलं भविता सर्वं ब्रह्मांडं चैव ब्रह्मणः ।
जनाः पंच प्रकाराश्च युक्ताः स्रष्टुं भवे भवे ॥ ६९ ॥
पृथिवीवासिनः कचित्केचित्स्वर्गनिवासिनः ।
इदं कर्तुं महादेवः करोति देवसंसदि ॥ ७० ॥
प्रतिज्ञां सुदृढां सद्य स्ततो मूर्तिं च द्रक्ष्यति ।
इत्येवमुक्त्वा गगने विरराम सनातनः ॥ ७१ ॥
तच्छुत्वा जगतां धाता तमुवाच शिवं मुदा ।
ब्रह्मणो वचनं श्रुत्वा ज्ञानेशो ज्ञानिनः वरः ॥ ७२ ॥
गंगातोयं करे कृत्वा स्वीकारं च चकार सः ।
संयुक्तं विष्णुमायाया मंत्रौघैः शास्त्रमुत्तमम् ॥ ७३ ॥
वेदसारं करिष्यामि प्रतिज्ञापालनाय च ।
गंगातोयमुपस्पृश्य मिथ्या यदि वदेज्जनः ॥ ७४ ॥
स याति कालसूत्रं च यावद्वै ब्रह्मणो वयः ।
इत्युक्ते शंकरे ब्रह्मन्गोलोके सुरसंसदि ॥ ७५ ॥
आविर्बभूव श्रीकृष्णो राधया सहितस्ततः ।
तं सुदृष्ट्वा च संहृष्टास्तुष्टुवुः पुरुषोत्तमम् ॥ ७६ ॥
परमानन्दपूर्णाश्च चक्रुश्च पुनरुत्सवम् ।
कालेन शंभुर्भगवान्मुक्तिदीपं चकार सः ॥ ७७ ॥
इत्येवं कथितं सर्वं सुगोप्यं च सुदुर्लभम् ।
स एव द्रवरूपा सा गंगा गोलोकसंभवा ॥ ७८ ॥
राधाकृष्णांगसंभूता भुक्तिमुक्तिफलप्रदा ।
स्थाने स्थाने स्थापिता सा कृष्णेन च परात्मना ॥ ७९ ॥
etatsarvaṃ tu vistīrṇaṃ kṛtvā vaktumihārhasi |
nārāyaṇa uvāca |
kārtikyāṃ pūrṇimāyāṃ tu rādhāyāḥ sumahotsavaḥ || 47 ||
kṛṣṇaḥ saṃpūjya tāṃ rādhāmuvāsa rāsamaṇḍale |
kṛṣṇena pūjitāṃ sā tu saṃpūjya dṛṣṭamānasāḥ || 48 ||
ūṣurbrahmādayaḥ sarve ṛṣayaḥ śaunakādayaḥ |
etasminnaṃtare kṛṣṇasaṃgītā ca sarasvatī || 49 ||
jagau sundaratālena vīṇayā ca manoharam |
tuṣṭo brahmā dadau tasyai ratneṃdrasārahārakam || 50 ||
śivo maṇīṃdrasāraṃ tu sarvabrahmāṇḍa durlabham |
kṛṣṇaḥ kaustubharatnaṃ ca sarvaratnātparaṃ varam || 51 ||
amūlyaratnanirmāṇaṃ hārasāraṃ ca rādhikā |
nārāyaṇaśca bhagavāndadau mālāṃ manoharām || 52 ||
amūlyaratnanirmāṇaṃ lakṣmīḥ kanakakuṃḍalam |
viṣṇumāyā bhagavatī mūlaprakṛtirīśvarī || 53 ||
durgā nārāyaṇīśānā brahmabhaktiṃ sudurlabhām |
dharmabuddhiṃ ca dharmaśca yaśaśca vipulaṃ bhave || 54 ||
vahniśuddhāṃśukaṃ vahnirvāyuśca maṇinūpurān |
etasminnaṃtare śaṃbhurbrahmaṇā prerito muhuḥ || 55 ||
jagau śrīkṛṣṇasaṃgītaṃ sasollāsasamanvitam |
mūrcchāṃ prāpuḥ surāḥ sarve citraputtalikā yathā || 56 ||
kaṣṭena cetanāṃ prāpya dadṛśū rāsamaṃḍale |
sthalaṃ sarvaṃ jalākīrṇaṃ rādhākṛṣṇavihīnakam || 57 ||
atyuccai ruruduḥ sarve gopā gopyaḥ surā dvijāḥ |
dhyānena brahmā bubudhe sarvaṃ tīrthamabhīpsitam || 58 ||
gataśca rādhayā sārdhaṃ śrīkṛṣṇo dravatāmiti |
tato brahmādayaḥ sarve tuṣṭuvuḥ parameśvarāt || 59 ||
svamūrtiṃ darśaya vibho vāṃchitaṃ varameva naḥ |
etasminnaṃtare tatra vāgbabhūvāśarīriṇī || 60 ||
tāmeva śuśruvuḥ sarve suvyaktāṃ madhurānvitām |
sarvātmā'hamiyaṃ śaktirbhaktānugraha vigrahā || 61 ||
mamāpyasyāśca dehena karttavyaṃ ca kimāvayoḥ |
manavo mānavāḥ sarve munayaścaiva vaiṣṇavāḥ || 62 ||
manmantrapūtā māṃ draṣṭumāgamiṣyaṃti matpadam |
mūrtiṃ draṣṭuṃ ca suvyaktāṃ yadīcchata sureśvarāḥ || 63 ||
karotu śaṃbhustatraivaṃ madīyaṃ vākyapālanam |
svayaṃ vidhātastvaṃ bahmannājñāṃ kuru jagadgurum || 64 ||
kartuṃ śāstraviśeṣaṃ ca vedāṃgaṃ sumanoharam |
apūrvamantranikaraiḥ sarvābhīṣṭaphalapradaiḥ || 65 ||
stotraiśca ca nikarairdhyānairyutaṃ pūjāvidhikramaiḥ |
manmantrakavacastotraṃ kṛtvā yatnena gopanam || 66 ||
bhavaṃti vimukhā yena janā māṃ tatkariṣyati |
sahasreṣu śateṣveko manmaṃtropāsako bhavet || 67 ||
janā manmaṃtrapūtāśca gamiṣyaṃti ca matpadam |
anyathā na bhaviṣyaṃti sarve golokavāsinaḥ || 68 ||
niṣphalaṃ bhavitā sarvaṃ brahmāṃḍaṃ caiva brahmaṇaḥ |
janāḥ paṃca prakārāśca yuktāḥ sraṣṭuṃ bhave bhave || 69 ||
pṛthivīvāsinaḥ kacitkecitsvarganivāsinaḥ |
idaṃ kartuṃ mahādevaḥ karoti devasaṃsadi || 70 ||
pratijñāṃ sudṛḍhāṃ sadya stato mūrtiṃ ca drakṣyati |
ityevamuktvā gagane virarāma sanātanaḥ || 71 ||
tacchutvā jagatāṃ dhātā tamuvāca śivaṃ mudā |
brahmaṇo vacanaṃ śrutvā jñāneśo jñāninaḥ varaḥ || 72 ||
gaṃgātoyaṃ kare kṛtvā svīkāraṃ ca cakāra saḥ |
saṃyuktaṃ viṣṇumāyāyā maṃtraughaiḥ śāstramuttamam || 73 ||
vedasāraṃ kariṣyāmi pratijñāpālanāya ca |
gaṃgātoyamupaspṛśya mithyā yadi vadejjanaḥ || 74 ||
sa yāti kālasūtraṃ ca yāvadvai brahmaṇo vayaḥ |
ityukte śaṃkare brahmangoloke surasaṃsadi || 75 ||
āvirbabhūva śrīkṛṣṇo rādhayā sahitastataḥ |
taṃ sudṛṣṭvā ca saṃhṛṣṭāstuṣṭuvuḥ puruṣottamam || 76 ||
paramānandapūrṇāśca cakruśca punarutsavam |
kālena śaṃbhurbhagavānmuktidīpaṃ cakāra saḥ || 77 ||
ityevaṃ kathitaṃ sarvaṃ sugopyaṃ ca sudurlabham |
sa eva dravarūpā sā gaṃgā golokasaṃbhavā || 78 ||
rādhākṛṣṇāṃgasaṃbhūtā bhuktimuktiphalapradā |
sthāne sthāne sthāpitā sā kṛṣṇena ca parātmanā || 79 ||
Nārāyaṇa said :—O Nārada! On the Full Moon night of the month of Kārtik in the Rāsa māṇḍalam, at the great festivity in honour of Rādhā, Śrī Kriṣṇa worshipped Rādhā and remained there. Next Rādhā, worshipped by Śrī Kriṣṇa, was worshipped by Brahmā and the other Devas, by Saunaka and the other Riṣis, who also stopped there with much gladness. At this moment the Devī Sarasvatī, the Presiding Deity of the Science of Music began to sing lovely songs regarding Kriṣṇa, in tune with vocal and instrumental music. Brahmā became glad and presented to Sarasvatī a necklace of jewels; Mahā Deva gave her gems and jewels rare in this universe; Kriṣṇa presented the best Kaustubha jewel; Rādhikā offered excellent invaluable necklace of jewels; Nārāyaṇa presented to her the best and most excellent garland of jewels; Lakṣmī gave her invaluable golden earrings decked with gems; Viṣṇu-Māyā Mūla Prakriti, Bhagvatī Durgā, who is Nārāyaṇī, Īs'varī, Īs'ānī, presented Her devotion to Brahmā, so very rare; Dharma gave her devotion to Dharma and high fame; Agni (fire) gave her excellent raiments purified by fire and Vāyu gave Her Nūpura (toe ornaments) made of gems and jewels. At this time, Mahes'vara, the Lord of Bhūtas (elements) began to sing, at the suggestion of Brahmā, songs relating to Śrī Kriṣṇa's grand Rāsa festival. Hearing this, the Devas became very much enchanted and remained motionless like statues. With great difficulty, they regained their consciousness. Then they saw that there was no Rādhā nor Kriṣṇa in this Rāsa māṇḍala; everything was deluged with water. The Gopas, Gopīs, Devas and Brāhmaṇas began to cry loudly. Brahmā in his meditation then came to know that Rādhā and Kriṣṇa both have assumed this liquid appearance for the deliverance of the people of the world. Brahmā and others, all began to praise Śrī Kriṣṇa and said :—O All prevading One! Now be pleased to show us Thy form and grant us our desired boons. At that instant a sweet incorporeal voice was clearly heard by all, as coming from air above, that, I am the Self of all, pervading all; and this my Śakti, Rādhā, is also the Self of all, prevades all; so there is no separation of us from you all even for a moment. It is only to show our favour to the devotees that we assume special forms. For this reason only there is separation of us from you as regards this body! There is nothing else. Besides you have no necessity with our bodies. O Devas! Now if my Manus, men, Munis, Vaiṣṇavas and you all, purified by Mantras desire very much to see My Form clearly, then I tell you to request Mahes'vara to carry out My word. O Brahmā! O Creator! Better ask Mahādeva, the World Teacher, that He would better compose the beautiful Tantra S'āstra, in accordance with the limbs of the Vedas. And that the above S'āstra be full of Mantras, capable to yield desired fruits, Stotras (hymns) and Kavachas (protection mantras) and rules of due worship in proper order. And that also My Mantra, My Stotra, and My Kavacha be also given there in a hidden form. So that those people that are sinners might not understand their real meanings and thus turn out against Me. It may be that one in a thousand or in a hundred may worship My Mantra. And My Mantra worshippers, the saints, become purified and come to My Abode. If My S'āstra be not well made (i. e., if everyone be able to understand its meaning) and if everyone be able to go from Bhūrloka to Goloka, then Thy labour in this creation of the world will all be in vain. Therefore dost Thou better create different worlds according to the differences of Sāttvik, Rājasik, and Tamo Guṇas; then some will be the inhabitants of this Bhūrloka, some will be the inhabitants of Dyuloka according to their Karmas. O Brāhmaṇ! If Mahā Deva promises earnestly in this assembly of the Devas, I will then exhibit My True Form. O Nārada! Thus speaking, the Eternal Puruṣa Śrī Kriṣṇa remained silent (i. e., the aerial incorporeal voice stopped). Hearing this, Brahmā, the Creator of the world, gladly informed Śiva of this. When the Lord of Knowledge, the Foremost of the Jñānins, Bhūtanātha heard the words of the Creator, He took the Ganges water in His hands and swore that I will complete the Tantra S'astra, full of Rādhā mantras and not opposed to the Vedas. If one touches the Ganges water and speaks lies, one remains in the terrible Kālasutra hell for a period of one Brahmā's life time. O Dvija! When Bhagavān S'ankara said this before the assembly of the Devas in the region of Goloka, Śrī Kriṣṇa appeared there with Rādhā. The Devas became exceedingly glad to see Him. They praised Him, the Best Puruṣa and they were all filled with rapture and again engaged themselves in the grand Rāsa Festival. Some time after, Māhā Deva lighted the Torch of Mukti, i.e., the Tantra S'āstra was published by Him, as promised. O Child! Thus I have disclosed to you this anecdote, so very secret, and hard to be attained. Thus Śrī Kriṣṇa Himself, is verily the liquid Gangā sprung in the region of Goloka. This holy Gangā, born of the bodies of Kriṣṇa and Rādhā inseparable from each other, grants enjoyment, lordship and liberation. Śrī Kriṣṇa, the Highest Self, has placed Her in various places; so Gangā is of the nature of Śrī Kriṣṇa and is everywhere, equally honoured everywhere in the Brahmāṇḍa (universe).
Here ends the Twelfth Chapter in the Ninth Book on the origin of Gangā in the Mahāpurāṇam Śrīmad Devī Bhāgavatam of 18,000 verses by Maharṣi Veda Vyāsa.