धर्म उवाच ।
वेदप्रणिहितो धर्मः कर्म यन्मङ्गलं परम् ।
अवैदिकं तु यत्कर्म तदेवाशुभमेव च ॥ ५ ॥
अहैतुकी देवसेवा संकल्परहिता सती ।
कर्मनिर्मूलरूपा च सा एव परभक्तिदा ॥ ६ ॥
को वा कर्मफलं भुङ्क्ते को वा निर्लिप्त एव च ।
ब्रह्मभक्तो यो नरश्च स च मुक्तः श्रुतः श्रुतौ ॥ ७ ॥
जन्ममृत्युजराव्याधिशोकभीतिविवर्जितः ।
भक्तिश्च द्विविधा साध्वि श्रुत्युक्ता सर्वसम्मता ॥ ८ ॥
निर्वाणपददात्री च हरिरूपप्रदा नृणाम् ।
हरिरूपस्वरूपां च भक्तिं वाञ्छन्ति वैष्णवाः ॥ ९ ॥
अन्ये निर्वाणमिच्छन्ति योगिनो ब्रह्मवित्तमाः ।
कर्मणो बीजरूपश्च सततं तत्फलप्रदः ॥ १० ॥
कर्मरूपश्च भगवान्परात्मा प्रकृतिः परा ।
सोऽपि तद्धेतुरूपश्च देहो नश्वर एव च ॥ ११ ॥
पृथिवी वायुराकाशो जलं तेजस्तथैव च ।
एतानि सूत्ररूपाणि सृष्टिरूपविधौ सतः ॥ १२ ॥
कर्मकर्ता च देही च आत्मा भोजयिता सदा ।
भोगो विभवभेदश्च नित्कृतिर्मुक्तिरेव च ॥ १३ ॥
सदसद्भेदबीजं च ज्ञानं नानाविधं भवेत् ।
विषयाणां विभागानां भेदि बीजं च कीर्तितम् ॥ १४ ॥
बुद्धिर्विवेचना सा च ज्ञानबीजं श्रुतौ श्रुतम् ।
वायुभेदाश्च प्राणाश्च बलरूपाश्च देहिनाम् ॥ १५ ॥
इन्द्रियाणां च प्रवरमीश्वरांशमनूहकम् ।
प्रेरकं कर्मणां चैव दुर्निवार्यं च देहिनाम् ॥ १६ ॥
अनिरूप्यमदृश्यं च ज्ञानभेदो मनः स्मृतम् ।
लोचनं श्रवणं घ्राणं त्वक्च रसनमिन्द्रियम् ॥ १७ ॥
अङ्गिनामङ्गरूपं च प्रेरकं सर्वकर्मणाम् ।
रिपुरूपं मित्ररूपं सुखरूपं च दुःखदम् ॥ १८ ॥
सूर्यो वायुश्च पृथिवी ब्रह्माद्या देवताः स्मृताः ।
प्राणदेहादिभृद्यो हि स जीवः परिकीर्तितः ॥ १९ ॥
परमं व्यापकं ब्रह्म निर्गुणः प्रकृतेः परः ।
कारणं कारणानां च परमात्मा स उच्यते ॥ २० ॥
इत्येवं कथितं सर्वं त्वया पृष्टं यथागमम् ।
ज्ञानिनां ज्ञानरूपं च गच्छ वत्से यथासुखम् ॥ २१ ॥
dharma uvāca |
vedapraṇihito dharmaḥ karma yanmaṅgalaṃ param |
avaidikaṃ tu yatkarma tadevāśubhameva ca || 5 ||
ahaitukī devasevā saṃkalparahitā satī |
karmanirmūlarūpā ca sā eva parabhaktidā || 6 ||
ko vā karmaphalaṃ bhuṅkte ko vā nirlipta eva ca |
brahmabhakto yo naraśca sa ca muktaḥ śrutaḥ śrutau || 7 ||
janmamṛtyujarāvyādhiśokabhītivivarjitaḥ |
bhaktiśca dvividhā sādhvi śrutyuktā sarvasammatā || 8 ||
nirvāṇapadadātrī ca harirūpapradā nṛṇām |
harirūpasvarūpāṃ ca bhaktiṃ vāñchanti vaiṣṇavāḥ || 9 ||
anye nirvāṇamicchanti yogino brahmavittamāḥ |
karmaṇo bījarūpaśca satataṃ tatphalapradaḥ || 10 ||
karmarūpaśca bhagavānparātmā prakṛtiḥ parā |
so'pi taddheturūpaśca deho naśvara eva ca || 11 ||
pṛthivī vāyurākāśo jalaṃ tejastathaiva ca |
etāni sūtrarūpāṇi sṛṣṭirūpavidhau sataḥ || 12 ||
karmakartā ca dehī ca ātmā bhojayitā sadā |
bhogo vibhavabhedaśca nitkṛtirmuktireva ca || 13 ||
sadasadbhedabījaṃ ca jñānaṃ nānāvidhaṃ bhavet |
viṣayāṇāṃ vibhāgānāṃ bhedi bījaṃ ca kīrtitam || 14 ||
buddhirvivecanā sā ca jñānabījaṃ śrutau śrutam |
vāyubhedāśca prāṇāśca balarūpāśca dehinām || 15 ||
indriyāṇāṃ ca pravaramīśvarāṃśamanūhakam |
prerakaṃ karmaṇāṃ caiva durnivāryaṃ ca dehinām || 16 ||
anirūpyamadṛśyaṃ ca jñānabhedo manaḥ smṛtam |
locanaṃ śravaṇaṃ ghrāṇaṃ tvakca rasanamindriyam || 17 ||
aṅgināmaṅgarūpaṃ ca prerakaṃ sarvakarmaṇām |
ripurūpaṃ mitrarūpaṃ sukharūpaṃ ca duḥkhadam || 18 ||
sūryo vāyuśca pṛthivī brahmādyā devatāḥ smṛtāḥ |
prāṇadehādibhṛdyo hi sa jīvaḥ parikīrtitaḥ || 19 ||
paramaṃ vyāpakaṃ brahma nirguṇaḥ prakṛteḥ paraḥ |
kāraṇaṃ kāraṇānāṃ ca paramātmā sa ucyate || 20 ||
ityevaṃ kathitaṃ sarvaṃ tvayā pṛṣṭaṃ yathāgamam |
jñānināṃ jñānarūpaṃ ca gaccha vatse yathāsukham || 21 ||
Dharma said :—Karma is of two kinds: good and bad. The Karma that is stated in the Vedas as leading to Dharma is good; all other actions are bad. The God’s service, without any selfish ends (Sankalpa) and without the hope of any fruits thereof (ahaitukī), is of such a nature as to root out all the Karmas and gives rise to the highest devotion to God. A man who is such a Bhakta of Brahmā becomes liberated, so the Śrutis say. Who then does the Karma and who is it that enjoys? (i.e., no such body). To such a Bhakta to Brahmā, there is no birth, death, old age, disease, sorrow nor any fear. O Chaste One! Bhakti is two-fold. This is stated by all in the Śrutis. The one leads to Nirvāṇa and the other leads to the nature of Hari. The Vaiṣṇavas want the Bhakti to Hari, i.e., the Saguṇa Bhakti. The other Yogis and the best knowers of Brahmā want the Nirguṇa Bhakti. He who is the Seed of Karma, and the Bestower for ever the fruits of Karma, Who is the Karma Incarnate and the Mūla Prakriti, is the Bhagavān; He is the Highest Self. He is the Material Cause of Karma. Know this body to be by nature liable to dissolve and die. Earth, air, ākāśa, water, and fire; these are the threads, as it were, of the work of creation of Brahmā, Who is of the nature of Being. Dehī or The Embodied Soul is the Doer of Karma, the Kartā; he is the enjoyer; and Ātmā (self) is the prompter, the stimulator within to do the Karma and enjoy the fruits thereof. The experiencing of pleasures and pains and the varieties thereof is known as Bhoga (enjoyment). Liberation, Mukti is the escape therefrom.
The knowledge by which Ātmā (sat) and Māyā (Asat) are discriminated is called Jñānam (Brahmā Jñānam). The knowledge is considered as the root discriminator of various objects of enjoyments (i.e., by which the various objects are at once recognised as different from Ātmān). By Buddhi is meant the right seeing of things, (as certain) and is considered as the seed of Jñānam. By Prāṇa is known as the different Vāyus in the body. And this Prāṇa is the strength of the embodied. Mind is the chief, the best, of the senses, it is a part of Īśvara; its characteristic is its doubtful uncertain state. It impels to all actions, irresistible. It is inascertainable, invisible; it obstructs the Jñāna. The senses are seeing, hearing, smelling, touching and tasting. These are the several limbs, as it were, of the embodied and the impellers to all actions. They are both enemies and friends as they give pain (when attached to worldly objects) and happiness (when attached to virtuous objects) both. The Sun, Vāyu, Earth, Brahmā and others are their Devatās. The Jīva is the holder, the sustainer of Prāṇa, body, etc. The Paramātmā, the Highest Self, is the Best of all, Omnipresent, transcending the the Guṇas, and beyond Prakriti. He is the Cause of all causes and He is the Brahmā Itself. O Chaste One! I have replied, according to the Śāstras to all your questions. These are Jñānas of the Jñānins. O Child! Now go back to your house at pleasure.