धर्मराज उवाच ।
श्रीकृष्णे च तदर्चायामन्येषां प्रकृतौ सति ।
शिवे च शिवलिङ्गे च सूर्ये सूर्यमणौ तथा ॥ ३२ ॥
गणेशे वाथ दुर्गायामेवं सर्वत्र सुन्दरि ।
यः करोति भेदबुद्धिं ब्रह्महत्यां लभेत्तु सः ॥ ३३ ॥
स्वगुरौ स्वेष्टदेवे च जन्मदातरि मातरि ।
करोति भेदबुद्धिं यो ब्रह्महत्यां लभेत्तु सः ॥ ३४ ॥
वैष्णवेषु च भक्तेषु ब्राह्मणेष्वितरेषु च ।
करोति भेदबुद्धिं यो ब्रह्महत्यां लभेत्तु सः ॥ ३५ ॥
विप्रपादोदके चैव शालग्रामोदके तथा ।
करोति भेदबुद्धिं यो ब्रह्महत्यां लभेत्तु सः ॥ ३६ ॥
शिवनैवेद्यके चैव हरिनैवेद्यके तथा ।
करोति भेदबुद्धिं यो ब्रह्महत्यां लभेत्तु सः ॥ ३७ ॥
सर्वेश्वरेश्वरे कृष्णे सर्वकारणकारणे ।
सर्वाद्ये सर्वदेवानां सेव्ये सर्वान्तरात्मनि ॥ ३८ ॥
माययानेकरूपे वाप्येक एव हि निर्गुणे ।
करोतीशेन भेदं यो ब्रह्महत्यां लभेत्तु सः ॥ ३९ ॥
शक्तिभक्ते द्वेषबुद्धिं शक्तिशास्त्रे तथैव च ।
द्वेषं यः कुरुते मर्त्यो ब्रह्महत्यां लभेत्तु सः ॥ ४० ॥
पितृदेवार्चनं यो वा त्यजेद्वेदनिरूपितम् ।
यः करोति निषिद्धं च ब्रह्महत्यां लभेत्तु सः ॥ ४१ ॥
यो निन्दति हृषीकेशं तन्मन्त्रोपासकं तथा ।
पवित्राणां पवित्रं च ज्ञानानन्दं सनातनम् ॥ ४२ ॥
प्रधानं वैष्णवानां च देवानां सेव्यमीश्वरम् ।
ये नार्चयन्ति निन्दन्ति ब्रह्महत्यां लभन्ति ते ॥ ४३ ॥
ये निन्दन्ति महादेवीं कारणब्रह्मरूपिणीम् ।
सर्वशक्तिस्वरूपां च प्रकृतिं सर्वमातरम् ॥ ४४ ॥
सर्वदेवस्वरूपां च सर्वेषां वन्दितां सदा ।
सर्वकारणरूपां च ब्रह्महत्यां लभन्ति ते ॥ ४५ ॥
कृष्णजन्माष्टमीं रामनवमीं च सुपुण्यदाम् ।
शिवरात्रिं तथा चैकादशीं वारे रवेस्तथा ॥ ४६ ॥
पञ्च पर्वाणि पुण्यानि ये न कुर्वन्ति मानवाः ।
लभन्ति ब्रह्महत्यां ते चाण्डालाधिकपापिनः ॥ ४७ ॥
अम्बुवाच्यां भूखननं जलशौचादिकं च ये ।
कुर्वन्ति भारते वर्षे ब्रह्महत्यां लभन्ति ते ॥ ४८ ॥
गुरुञ्च मातरं तातं साध्वीं भार्यां सुतं सुताम् ।
अनिन्द्यां यो न पुष्णाति ब्रह्महत्यां लभेत्तु सः ॥ ४९ ॥
विवाहो यस्य न भवेन्न पश्यति सुतं तु यः ।
हरिभक्तिविहीनो यो ब्रह्महत्यां लभेत्तु सः ॥ ५० ॥
हरेरनैवेद्यभोजी नित्यं विष्णुं न पूजयेत् ।
पुण्यं पार्थिवलिङ्गं च ब्रह्महासौ प्रकीर्तितः ॥ ५१ ॥
गोप्रहारं प्रकुर्वन्तं दृष्ट्वा यो न निवारयेत् ।
याति गोविप्रयोर्मध्ये गोहत्या तु लभेत्तु सः ॥ ५२ ॥
दण्डैर्गोस्ताडयेन्मूढो यो विप्रो वृषवाहनः ।
दिने दिने गोवधं च लभते नात्र संशयः ॥ ५३ ॥
ददाति गोभ्य उच्छिष्टं भोजयेद् वृषवाहकम् ।
भुनक्ति वृषवाहान्नं स गोहत्यां लभेद् ध्रुवम् ॥ ५४ ॥
वृषलीपतिं याजयेद्यो भुङ्क्तेऽन्नं तस्य यो नरः ।
गोहत्याशतकं सोऽपि लभते नात्र संशयः ॥ ५५ ॥
पादं ददाति वह्नौ यो गाश्च पादेन ताडयेत् ।
गेहं विशेदधौताङ्घ्रिः स्नात्वा गोवधमाप्नुयात् ॥ ५६ ॥
यो भुङ्क्ते स्निग्धपादेन शेते स्निग्धाङ्घ्रिरेव च ।
सूर्योदये च यो भुङ्क्ते स गोहत्यां लभेद् ध्रुवम् ॥ ५७ ॥
अवीरान्नं च यो भुङ्क्ते योनिजीव्यस्य च द्विजः ।
यस्त्रिसन्ध्याविहीनश्च गोहत्या लभते च सः ॥ ५८ ॥
स्वभर्तरि च देवे वा भेदबुद्धिं करोति या ।
कटूक्त्या ताडयेत् कान्तं सा गोहत्यां लभेद् ध्रुवम् ॥ ५९ ॥
गोमार्गवर्जनं कृत्वा ददाति सस्यमेव वा ।
तडागे वा तु दुर्गे वा स गोहत्यां लभेद् ध्रुवम् ॥ ६० ॥
प्रायश्चित्ते गोवधस्य यः करोति व्यतिक्रमम् ।
पुत्रलोभादथाज्ञानात्स गोहत्या लभेद् ध्रुवम् ॥ ६१ ॥
राजके दैवके यत्नाद् गोस्वामी गां न रक्षति ।
दुःखं ददाति यो मूढो गोहत्यां स लभेद् ध्रुवम् ॥ ६२ ॥
प्राणिनो लङ्घयेद्यो हि देवार्चामनलं जलम् ।
नैवेद्यं पुष्पमन्नं च स गोहत्यां लभेद् ध्रुवम् ॥ ६३ ॥
शश्वन्नास्तीति यो वादी मिथ्यावादी प्रतारकः ।
देवद्वेषी गुरुद्वेषी स गोहत्यां लभेद् ध्रुवम् ॥ ६४ ॥
देवताप्रतिमां दृष्ट्वा गुरुं वा ब्राह्मणं सति ।
सम्भ्रमान्न नमेद्यो हि स गोहत्या लभेद् ध्रुवम् ॥ ६५ ॥
न ददात्याशिषं कोपात्प्रणताय च यो द्विजः ।
विद्यार्थिने च विद्यां च स गोहत्यां लभेद् ध्रुवम् ॥ ६६ ॥
गोहत्या विप्रहत्या च कथिता चातिदेशिकी ।
गम्यां स्त्रियं नृणामेव निबोध कथयामि ते ॥ ६७ ॥
स्वस्त्री गम्या च सर्वेषामिति वेदानुशासनम् ।
अगम्या च तदन्या या चेति वेदविदो विदुः ॥ ६८ ॥
सामान्यं कथितं सर्वं विशेषं शृणु सुन्दरि ।
अत्यगम्या हि या याश्च निबोध कथयामि ताः ॥ ६९ ॥
शूद्राणां विप्रपत्नी च विप्राणां शूद्रकामिनी ।
अत्यगम्या च निन्द्या च लोके वेदे पतिव्रते ॥ ७० ॥
शूद्रश्च ब्राह्मणीं गत्वा ब्रह्महत्याशतं लभेत् ।
तत्समं ब्राह्मणी चापि कुम्भीपाकं लभेद् ध्रुवम् ॥ ७१ ॥
शूद्राणां विप्रपत्नी च विप्राणां शूद्रकामिनी ।
यदि शूद्रा व्रजेद्विप्रो वृषलीपतिरेव सः ॥ ७२ ॥
स भ्रष्टो विप्रजातेश्च चाण्डालात्सोऽधमः स्मृतः ।
विष्ठासमश्च तत्पिण्डो मूत्रं तस्य च तर्पणम् ॥ ७३ ॥
न पितॄणां सुराणां च तद्दत्तमुपतिष्ठति ।
कोटिजन्मार्जितं पुण्यं तस्यार्चात्तपसार्जितम् ॥ ७४ ॥
द्विजस्य वृषलीलोभान्नश्यत्येव न संशयः ।
ब्राह्मणश्च सुरापीतिर्विड्भोजी वृषलीपतिः ॥ ७५ ॥
तप्तमुद्रादग्धदेहस्तप्तशूलाङ्कितस्तथा ।
हरिवासरभोजी च कुम्भीपाकं व्रजेद् द्विजः ॥ ७६ ॥
गुरुपत्नीं राजपत्नीं सपत्नीं मातरं ध्रुवम् ।
सुतां पुत्रवधूं श्वश्रूं सगर्भां भगिनीं सतीम् ॥ ७७ ॥
सहोदरभ्रातृजायां मातुलानीं पितुः प्रसूम् ।
मातुः प्रसूं तत्स्वसारं भगिनीं भ्रातृकन्यकाम् ॥ ७८ ॥
शिष्यां शिष्यस्य पत्नीं च भागिनेयस्य कामिनीम् ।
भ्रातुः पुत्रप्रियां चैवात्यगम्या आह पद्मजः ॥ ७९ ॥
एताः कामेन कान्ता यो व्रजेद्वै मानवाधमः ।
स मातृगामी वेदेषु ब्रह्महत्याशतं व्रजेत् ॥ ८० ॥
अकर्मार्होऽप्यसंस्पृश्यो लोके वेदे च निन्दितः ।
स याति कुम्भीपाके च महापापी सुदुष्करे ॥ ८१ ॥
करोत्यशुद्धां सन्ध्यां वा न सन्ध्यां वा करोति च ।
त्रिसन्ध्यं वर्जयेद्यो वा सन्ध्याहीनश्च स द्विजः ॥ ८२ ॥
वैष्णवं च तथा शैवं शाक्तं सौरं च गाणपम् ।
योऽहङ्कारान्न गृह्णाति मन्त्रं सोऽदीक्षितः स्मृतः ॥ ८३ ॥
प्रवाहमवधिं कृत्वा यावद्धस्तचतुष्टयम् ।
तत्र नारायणः स्वामी गङ्गागर्भान्तरे वसेत् ॥ ८४ ॥
तत्र नारायणक्षेत्रे मृतो याति हरेः पदम् ।
वाराणस्यां बदर्यां च गङ्गासागरसङ्गमे ॥ ८५ ॥
पुष्करे हरिहरक्षेत्रे प्रभासे कामरूस्थले ।
हरिद्वारे च केदारे तथा मातृपुरेऽपि च ॥ ८६ ॥
सरस्वतीनदीतीरे पुण्ये वृन्दावने वने ।
गोदावर्यां च कौशिक्यां त्रिवेण्यां च हिमाचले ॥ ८७ ॥
एषु तीर्थेषु यो दानं प्रतिगृह्णाति कामतः ।
स च तीर्थप्रतिग्राही कुम्भीपाके प्रयाति सः ॥ ८८ ॥
शूद्रसेवी शूद्रयाजी ग्रामयाजीति कीर्तितः ।
तथा देवोपजीवी च देवलः परिकीर्तितः ॥ ८९ ॥
शूद्रपाकोपजीवी यः सूपकार इति स्मृतः ।
सन्ध्यापूजनहीनश्च प्रमत्तः पतितः स्मृतः ॥ ९० ॥
उक्तं सर्वं मया भद्रे लक्षणं वृषलीपतेः ।
एते महापातकिनः कुम्भीपाकं प्रयान्ति ते ।
कुण्डान्यन्यानि ये यान्ति निबोध कथयामि ते ॥ ९१ ॥
dharmarāja uvāca |
śrīkṛṣṇe ca tadarcāyāmanyeṣāṃ prakṛtau sati |
śive ca śivaliṅge ca sūrye sūryamaṇau tathā || 32 ||
gaṇeśe vātha durgāyāmevaṃ sarvatra sundari |
yaḥ karoti bhedabuddhiṃ brahmahatyāṃ labhettu saḥ || 33 ||
svagurau sveṣṭadeve ca janmadātari mātari |
karoti bhedabuddhiṃ yo brahmahatyāṃ labhettu saḥ || 34 ||
vaiṣṇaveṣu ca bhakteṣu brāhmaṇeṣvitareṣu ca |
karoti bhedabuddhiṃ yo brahmahatyāṃ labhettu saḥ || 35 ||
viprapādodake caiva śālagrāmodake tathā |
karoti bhedabuddhiṃ yo brahmahatyāṃ labhettu saḥ || 36 ||
śivanaivedyake caiva harinaivedyake tathā |
karoti bhedabuddhiṃ yo brahmahatyāṃ labhettu saḥ || 37 ||
sarveśvareśvare kṛṣṇe sarvakāraṇakāraṇe |
sarvādye sarvadevānāṃ sevye sarvāntarātmani || 38 ||
māyayānekarūpe vāpyeka eva hi nirguṇe |
karotīśena bhedaṃ yo brahmahatyāṃ labhettu saḥ || 39 ||
śaktibhakte dveṣabuddhiṃ śaktiśāstre tathaiva ca |
dveṣaṃ yaḥ kurute martyo brahmahatyāṃ labhettu saḥ || 40 ||
pitṛdevārcanaṃ yo vā tyajedvedanirūpitam |
yaḥ karoti niṣiddhaṃ ca brahmahatyāṃ labhettu saḥ || 41 ||
yo nindati hṛṣīkeśaṃ tanmantropāsakaṃ tathā |
pavitrāṇāṃ pavitraṃ ca jñānānandaṃ sanātanam || 42 ||
pradhānaṃ vaiṣṇavānāṃ ca devānāṃ sevyamīśvaram |
ye nārcayanti nindanti brahmahatyāṃ labhanti te || 43 ||
ye nindanti mahādevīṃ kāraṇabrahmarūpiṇīm |
sarvaśaktisvarūpāṃ ca prakṛtiṃ sarvamātaram || 44 ||
sarvadevasvarūpāṃ ca sarveṣāṃ vanditāṃ sadā |
sarvakāraṇarūpāṃ ca brahmahatyāṃ labhanti te || 45 ||
kṛṣṇajanmāṣṭamīṃ rāmanavamīṃ ca supuṇyadām |
śivarātriṃ tathā caikādaśīṃ vāre ravestathā || 46 ||
pañca parvāṇi puṇyāni ye na kurvanti mānavāḥ |
labhanti brahmahatyāṃ te cāṇḍālādhikapāpinaḥ || 47 ||
ambuvācyāṃ bhūkhananaṃ jalaśaucādikaṃ ca ye |
kurvanti bhārate varṣe brahmahatyāṃ labhanti te || 48 ||
guruñca mātaraṃ tātaṃ sādhvīṃ bhāryāṃ sutaṃ sutām |
anindyāṃ yo na puṣṇāti brahmahatyāṃ labhettu saḥ || 49 ||
vivāho yasya na bhavenna paśyati sutaṃ tu yaḥ |
haribhaktivihīno yo brahmahatyāṃ labhettu saḥ || 50 ||
hareranaivedyabhojī nityaṃ viṣṇuṃ na pūjayet |
puṇyaṃ pārthivaliṅgaṃ ca brahmahāsau prakīrtitaḥ || 51 ||
goprahāraṃ prakurvantaṃ dṛṣṭvā yo na nivārayet |
yāti goviprayormadhye gohatyā tu labhettu saḥ || 52 ||
daṇḍairgostāḍayenmūḍho yo vipro vṛṣavāhanaḥ |
dine dine govadhaṃ ca labhate nātra saṃśayaḥ || 53 ||
dadāti gobhya ucchiṣṭaṃ bhojayed vṛṣavāhakam |
bhunakti vṛṣavāhānnaṃ sa gohatyāṃ labhed dhruvam || 54 ||
vṛṣalīpatiṃ yājayedyo bhuṅkte'nnaṃ tasya yo naraḥ |
gohatyāśatakaṃ so'pi labhate nātra saṃśayaḥ || 55 ||
pādaṃ dadāti vahnau yo gāśca pādena tāḍayet |
gehaṃ viśedadhautāṅghriḥ snātvā govadhamāpnuyāt || 56 ||
yo bhuṅkte snigdhapādena śete snigdhāṅghrireva ca |
sūryodaye ca yo bhuṅkte sa gohatyāṃ labhed dhruvam || 57 ||
avīrānnaṃ ca yo bhuṅkte yonijīvyasya ca dvijaḥ |
yastrisandhyāvihīnaśca gohatyā labhate ca saḥ || 58 ||
svabhartari ca deve vā bhedabuddhiṃ karoti yā |
kaṭūktyā tāḍayet kāntaṃ sā gohatyāṃ labhed dhruvam || 59 ||
gomārgavarjanaṃ kṛtvā dadāti sasyameva vā |
taḍāge vā tu durge vā sa gohatyāṃ labhed dhruvam || 60 ||
prāyaścitte govadhasya yaḥ karoti vyatikramam |
putralobhādathājñānātsa gohatyā labhed dhruvam || 61 ||
rājake daivake yatnād gosvāmī gāṃ na rakṣati |
duḥkhaṃ dadāti yo mūḍho gohatyāṃ sa labhed dhruvam || 62 ||
prāṇino laṅghayedyo hi devārcāmanalaṃ jalam |
naivedyaṃ puṣpamannaṃ ca sa gohatyāṃ labhed dhruvam || 63 ||
śaśvannāstīti yo vādī mithyāvādī pratārakaḥ |
devadveṣī gurudveṣī sa gohatyāṃ labhed dhruvam || 64 ||
devatāpratimāṃ dṛṣṭvā guruṃ vā brāhmaṇaṃ sati |
sambhramānna namedyo hi sa gohatyā labhed dhruvam || 65 ||
na dadātyāśiṣaṃ kopātpraṇatāya ca yo dvijaḥ |
vidyārthine ca vidyāṃ ca sa gohatyāṃ labhed dhruvam || 66 ||
gohatyā viprahatyā ca kathitā cātideśikī |
gamyāṃ striyaṃ nṛṇāmeva nibodha kathayāmi te || 67 ||
svastrī gamyā ca sarveṣāmiti vedānuśāsanam |
agamyā ca tadanyā yā ceti vedavido viduḥ || 68 ||
sāmānyaṃ kathitaṃ sarvaṃ viśeṣaṃ śṛṇu sundari |
atyagamyā hi yā yāśca nibodha kathayāmi tāḥ || 69 ||
śūdrāṇāṃ viprapatnī ca viprāṇāṃ śūdrakāminī |
atyagamyā ca nindyā ca loke vede pativrate || 70 ||
śūdraśca brāhmaṇīṃ gatvā brahmahatyāśataṃ labhet |
tatsamaṃ brāhmaṇī cāpi kumbhīpākaṃ labhed dhruvam || 71 ||
śūdrāṇāṃ viprapatnī ca viprāṇāṃ śūdrakāminī |
yadi śūdrā vrajedvipro vṛṣalīpatireva saḥ || 72 ||
sa bhraṣṭo viprajāteśca cāṇḍālātso'dhamaḥ smṛtaḥ |
viṣṭhāsamaśca tatpiṇḍo mūtraṃ tasya ca tarpaṇam || 73 ||
na pitṝṇāṃ surāṇāṃ ca taddattamupatiṣṭhati |
koṭijanmārjitaṃ puṇyaṃ tasyārcāttapasārjitam || 74 ||
dvijasya vṛṣalīlobhānnaśyatyeva na saṃśayaḥ |
brāhmaṇaśca surāpītirviḍbhojī vṛṣalīpatiḥ || 75 ||
taptamudrādagdhadehastaptaśūlāṅkitastathā |
harivāsarabhojī ca kumbhīpākaṃ vrajed dvijaḥ || 76 ||
gurupatnīṃ rājapatnīṃ sapatnīṃ mātaraṃ dhruvam |
sutāṃ putravadhūṃ śvaśrūṃ sagarbhāṃ bhaginīṃ satīm || 77 ||
sahodarabhrātṛjāyāṃ mātulānīṃ pituḥ prasūm |
mātuḥ prasūṃ tatsvasāraṃ bhaginīṃ bhrātṛkanyakām || 78 ||
śiṣyāṃ śiṣyasya patnīṃ ca bhāgineyasya kāminīm |
bhrātuḥ putrapriyāṃ caivātyagamyā āha padmajaḥ || 79 ||
etāḥ kāmena kāntā yo vrajedvai mānavādhamaḥ |
sa mātṛgāmī vedeṣu brahmahatyāśataṃ vrajet || 80 ||
akarmārho'pyasaṃspṛśyo loke vede ca ninditaḥ |
sa yāti kumbhīpāke ca mahāpāpī suduṣkare || 81 ||
karotyaśuddhāṃ sandhyāṃ vā na sandhyāṃ vā karoti ca |
trisandhyaṃ varjayedyo vā sandhyāhīnaśca sa dvijaḥ || 82 ||
vaiṣṇavaṃ ca tathā śaivaṃ śāktaṃ sauraṃ ca gāṇapam |
yo'haṅkārānna gṛhṇāti mantraṃ so'dīkṣitaḥ smṛtaḥ || 83 ||
pravāhamavadhiṃ kṛtvā yāvaddhastacatuṣṭayam |
tatra nārāyaṇaḥ svāmī gaṅgāgarbhāntare vaset || 84 ||
tatra nārāyaṇakṣetre mṛto yāti hareḥ padam |
vārāṇasyāṃ badaryāṃ ca gaṅgāsāgarasaṅgame || 85 ||
puṣkare hariharakṣetre prabhāse kāmarūsthale |
haridvāre ca kedāre tathā mātṛpure'pi ca || 86 ||
sarasvatīnadītīre puṇye vṛndāvane vane |
godāvaryāṃ ca kauśikyāṃ triveṇyāṃ ca himācale || 87 ||
eṣu tīrtheṣu yo dānaṃ pratigṛhṇāti kāmataḥ |
sa ca tīrthapratigrāhī kumbhīpāke prayāti saḥ || 88 ||
śūdrasevī śūdrayājī grāmayājīti kīrtitaḥ |
tathā devopajīvī ca devalaḥ parikīrtitaḥ || 89 ||
śūdrapākopajīvī yaḥ sūpakāra iti smṛtaḥ |
sandhyāpūjanahīnaśca pramattaḥ patitaḥ smṛtaḥ || 90 ||
uktaṃ sarvaṃ mayā bhadre lakṣaṇaṃ vṛṣalīpateḥ |
ete mahāpātakinaḥ kumbhīpākaṃ prayānti te |
kuṇḍānyanyāni ye yānti nibodha kathayāmi te || 91 ||
Dharmarājan said :—O Fair Sāvitrī! If anybody makes a distinction between Kriṣṇa and His Image or between any Deva and his image, between Śiva and His phallic emblem, between the Sun and the stone Sūrya Kānta (a precious stone of a bright and glittering colour) between Ganeśa and Durgā, he is said to be guilty of the sin Brahmahattyā. If anybody makes any difference (superiority or inferiority) between his own Iṣta Deva (his Deity), his Spiritual Teacher, his natural father, and mother, is certainly involved in the sin of Brahmahattyā. He who shews any difference (superiority or inferiority) between the devotees of Viṣṇu and those of other Devas, is said to commit Brahmahattyā. He who makes any difference in matters of respect between the waters of the feet of any Brāhmaṇa and those of Śālagrāma stone, is said to commit Brahmahattyā. The difference between the offerings to Hari and Hara leads to Brahmahattyā. He who shews any difference between Kriṣṇa, Who is verily the God of gods, the Cause of all causes, the Origin of all, Who is worshipped by all the Devas, Who is the Self of all, Who is attributeless and without a second yet Who by His Magic powers assumes many forms and who is Iśāna, is said to commit, indeed, the Brahmahattyā. If any Vaiṣṇava (a devotee of Viṣṇu) abuses and envies a Śakta (a devotee of Śakti), he commits Brahmahattyā. He who does not worship, according to the Vedas, the Pitris and the Devas or prohibits others in doing so, commits Brahmahattyā. He who abuses Hriṣikeśa, Who is the Highest of the Holy things, Who is Knowledge and Bliss and Who is Eternal, Who is the only God to be served by the Devas and Vaiṣṇavas, and those Who are worshippers of His Mantra, and those who do not worship themselves are said to commit Brahmahattyā. He who abuses and vilifies Mūlaprakriti Mahā Devī, Who is of the nature of Causal Brahmā (Kāraṇa Brahmā), Who is All Power and the Mother of all, Who is worshipped by all and who is of the nature of all the Devas and the Cause of all Causes, Who is Ādyā Śakti Bhagavatī, is said to commit Brahmahattyā. He who does not observe the Holy Śrī Kriṣṇa Janmāṣṭami, Śrī Rāma Navamī, Śivarātri, the Ekādaśī happening on Sunday, and five other holy Pārvaṇas (festivals), commits Brahmahattyā; is considered more sinful than a Chāṇḍāla. He who in this land of Bhārata, digs earth on the day of Ambuvāchī or makes water, etc., in the waters of the tanks, is involved in the sin of Brahmahattyā. He who does not support his spiritual teacher, mother, father, chaste wife, son and daughter, though they are faultless, commits Brahmahattyā. He whose marriage does not take place during his whole life-time, who does not see the face of his son, who does not cherish devotion to Hari, who eats things unoffered to Śrī Hari, who never worshipped throughout his life Viṣṇu or an earthen symbol of Śiva, verily commits Brahmahattyā. O Fair One! Now I will recite the characteristics, according to the Śāstras, of Gohattyā (killing a cow). Listen. If anybody does not prohibit one, seeing one to beat a cow, or if he goes between a cow and a Brāhmiṇ, he is involved in the sin of Gohattyā. If any illiterate Brāhmaṇ, carrying an ox, daily beats with a stick, the cows, certainly he commits the Gohattyā. If anybody gives the remains of another’s meal to a cow to eat, or feeds a Brāhmiṇ who carries, rather moves or drives, cows and oxen; or eats himself the food of such a Brāhmiṇ driver, he commits Gohattyā. Those who do sacrifices of the husband of a barren woman (Vriṣalī) or eat his food, commit sin equal to one hundred Gohattyās; there is no doubt in this. Those who touch fire with their feet, beat the cows or enter the temple bathing but not washing their feet, commit Gohattyā. Those who eat without washing their feet or those who sleep with their feet wetted with water and those who eat just after the Sun has risen, commit Gohattyā. Those who eat the food of women without husbands or sons or the food of pimps and pampers or those who do not perform their Sandhyās thrice, commit Gohattyā. If any woman makes any difference between her husband and the Devatā, or chastises and uses harsh words to her husband, she commits Gohattyā. If anybody destroys cow’s pasture land, tanks, or land for forts and cultivates there grains, he commits Gohattyā. He who does not do Prāyaśchitta (expiation, atonement) for the expiation of the sin of Gohattyā done by his son (for fear of his son’s life), commits the sin himself. If any trouble arises in the state or from the Devas, and if any master does not protect then his own cows, rather torments them, he is said to commit Gohattyā. If any Jīva oversteps the image of a Deva, fire, water, offerings to a god, flowers, or food, he commits the great sin Brahmahattyā. When a guest comes, if the master of the house always says, there is nothing, nothing with me; no, no, and if he be a liar, cheat and an abuser of the Devas, he commits the above sin. O fair One! Whoever seeing his spiritual teacher, and a Brāhmaṇ, does not bow down and make respectful obeisance to them, commits Gohattyā. If any Brāhmiṇ, out of sheer anger, does not utter blessings to a man who bows down or does not impart knowledge to a student, he commits Gohattyā. O Fair One! Thus I have described to you the characteristics, approved by Śāstras, of cow-killing (Gohattyā) and murdering a Brāhmiṇ (Brahmahattyā). Now hear which women are (Agamyās) not fit to be approached and those which are fit to be approached (Gamyās). One’s own wife is fit to be approached (Gamyā) and all other women are Agamyās, so the Pundits, versed in the Vedas, declare. This is a general remark; now hear everything in particular. O Chaste One! The Brāhmiṇ wives of Śūdras or the Śūdra wives of Brāhmaṇas are Atyāgamyās (very unfit to be approached) and blameable both in the Vedas and in the society. A Śūdra going to a Brāhmaṇī woman commits one hundred Brahmahattyās; so a Brāhmaṇa woman going to a Śūdra goes to the Kumbhīpāka hell. As a Śūdra should avoid a Brahmāṇi, so a Brāhmaṇa should avoid a Śūdra woman. A Brāhmaṇa going to a Śūdra woman is recognised a Briṣalipati (one who has married an unmarried girl twelve years old in whom menstruation has commenced). So much so that that Brāhmaṇa is considered an outcast and the vilest of the Chāṇḍālas. The offerings of Piṇḍas by him are considered as faeces and water offered by him is considered as urine. Nowhere whether in the Devaloka or in the Pitriloka, his offered Piṇḍas and water are accepted. Whatever religious merits he has acquired by worshipping the Devas, and practising austerities for Koṭi births, he loses all at once by the greed of enjoying the Śūdra woman. There is no doubt in this. A Brāhmiṇ, if he drinks wine, is considered as the husband of a Vriṣalī, eating faeces. And if he be a Vaiṣṇava, a devotee of Viṣṇu, his body must be branded with the marks of a Taptamudrā (hot seal); and if he be a Śaiva, his body is to be branded with the Tapta Śūla (hot trident). The wife of a spiritual teacher, the wife of a king, step-mother, daughter, son’s wife, mother-in-law, sister of the same father and mother, the wife of one’s brother (of the same father and mother), the wife of a maternal uncle, the father’s mother, mother’s mother, the mother’s sister, sisters, the brother’s daughter, the female disciple, the disciple’s wife, the wife of the sister’s son, the wife of the brother’s son, these all are mentioned by Brahmā as Atyāgamyās (very unfit to be approached). The people are hereby warned. If anybody, overpowered by passion, goes to these Atyāgamyā women, he becomes the vilest of men. The Vedas consider him as if going to his mother and he commits one hundred Brahmahattyā sins. These have no right to do any actions. They are not to be touched by any. They are blamed in the Vedas, in the society everywhere. Ultimately they go to the dreadful Kumbhīpāka hells. O Fair One! He who performs Sandhyās wrongly or reads it wrongly or does not perform at all the three Sandhyās daily, is called as void of Sandhyā. He is said to remain uninitiated who does not, out of sheer vanity, receive any Mantra, whether he be a Vaiṣṇavite, Śaivite, or a Sun worshipper or the Ganeśa worshipper. Where there is the running stream of the Ganges, lands on either side, four hands in width, are said to be the womb of the Ganges (Gangā Garbha) Bhagavān Nārāyaṇa incessantly dwells there. This is called the Nārāyaṇa (Kṣetra). One goes to Viṣṇupada who dies in such a place. Vārāṇasī (Benares), Vadarī, the Confluence of the Ganges with the ocean (Ganga-Sāgara), Puṣkara, Hari Hara Kṣettra (in Behar near Chāprā), Prabhāsa, Kāmarūpa, Hardwar, Kedāra, Mātripura, the banks of the river Sarasvatī, the holy land Bindrāban, Godāvarī, Kauśikī, Triveṇī (Allahabad), and the Himālayās are all famous places of pilgrimages. Those who willingly accept gifts in these sacred places are said to be Tīrthapratigrāhīs (the acceptors of the gifts in the Tīrtha). These Tīrthaprathigrāhīs go in the end to Kumbhīpāka hell. The Brāhmaṇa who acts as priest to the Śūdras is called Śūdrayājī; the village priests are called Grāmayājīs. Those who subsist on the offerings made to the gods are called Devalas. The cooks of the Śūdras are called Sūpakāras. Those who are void of Sandhyā Bandanams are called Pramattas (mad). O Bhadre! These are the marks of the Vriṣalīpatis that I have (now) enumerated. These are the Great Sinners (Mahā Pātakas). They go ultimately to the Kumbhīpāka hell. O Fair One! I now state by and by the other Kuṇḍas (hells) when other people go. Listen.
Here ends the Thirty fourth Chapter of the Ninth Book on the description of the various hells in the Mahā Purāṇam Śrīmad Devī Bhāgavatam of 18,000 verses by Maharṣi Veda Vyāsa.