वृत्तान्तं कथयामास सुराचार्यो विधिं प्रति ।
प्रहस्योवाच तच्छ्रुत्वा महेन्द्रं कमलासनः ॥ ३ ॥
ब्रह्मोवाच ।
वत्स मद्वंशजातोऽसि प्रपौत्रो मे विचक्षणः ।
बृहस्पतेश्च शिष्यस्त्वं सुराणामधिपः स्वयम् ॥ ४ ॥
मातामहश्च दक्षस्ते विष्णुभक्तः प्रतापवान् ।
कुलत्रयं यस्य शुद्धं कथं सोऽहङ्कृतो भवेत् ॥ ५ ॥
माता पतिव्रता यस्य पिता शुद्धो जितेन्द्रियः ।
मातामहो मातुलश्च कथं सोऽहङ्कृतो भवेत् ॥ ६ ॥
जनः पैतृकदोषेण दोषान्मातामहस्य च ।
गुरुदोषात्त्रिभिर्दोषैर्हरिदोषी भवेद् ध्रुवम् ॥ ७ ॥
सर्वान्तरात्मा भगवान् सर्वदेहेष्ववस्थितः ।
यस्य देहात्स प्रयाति स शवस्तत्क्षणं भवेत् ॥ ८ ॥
मनोऽहमिन्द्रियेशं च ज्ञानरूपो हि शङ्करः ।
विष्णुप्राणा च प्रकृतिर्बुद्धिर्भगवती सती ॥ ९ ॥
निद्रादयः शक्तयश्च ताः सर्वाः प्रकृतेः कलाः ।
आत्मनः प्रतिबिम्बश्च जीवो भोगशरीरभृत् ॥ १० ॥
आत्मनीशे गते देहात्सर्वे यान्ति ससम्भ्रमाः ।
यथा वर्त्मनि गच्छन्तं नरदेवमिवानुगाः ॥ ११ ॥
अहं शिवश्च शेषश्च विष्णुर्धर्मो महाविराट् ।
यूयं यदंशा भक्ताश्च तत्पुष्पं न्यक्कृतं त्वया ॥ १२ ॥
शिवेन पूजितं पादपद्मं पुष्पेण येन च ।
तत्र दुर्वाससा दत्तं दैवेन न्यक्कृतं त्वया ॥ १३ ॥
तत्पुण्यं मस्तके यस्य कृष्णपादाब्जप्रच्युतम् ।
सर्वेषां च सुराणां च तत्पूजापुरतो भवेत् ॥ १४ ॥
दैवेन वञ्चितस्त्वं हि दैवं च बलवत्तरम् ।
भाग्यहीनं जनं मूढं को वा रक्षितुमीश्वरः ॥ १५ ॥
सा श्रीर्गताधुना कोपात्कृष्णनिर्माल्यवर्जनात् ।
अधुना गच्छ वैकुण्ठं मया च गुरुणा सह ॥ १६ ॥
निषेव्य तत्र श्रीनाथं श्रियं प्राप्स्यति मद्वरात् ।
एवमुक्त्वा च स ब्रह्मा सर्वैः सुरगणैः सह ॥ १७ ॥
तत्र गत्वा परब्रह्म भगवन्तं सनातनम् ।
दृष्ट्वा तेजःस्वरूपं तं प्रज्वलन्तं स्वतेजसा ॥ १८ ॥
ग्रीष्ममध्याह्नमार्तण्डशतकोटिसमप्रभम् ।
शान्तमनादिमध्यान्तं लक्ष्यीकान्तमनन्तकम् ॥ १९ ॥
चतुर्भुजैः पार्षदैश्च सरस्वत्या युतं प्रभुम् ।
भक्त्या चतुर्भिर्वेदैश्च गङ्गया परिवेष्टितम् ॥ २० ॥
तं प्रणेमुः सुराः सर्वे मूर्ध्ना ब्रह्मपुरोगमाः ।
भक्तिनम्राः साश्रुनेत्रास्तुष्टुवुः परमेश्वरम् ॥ २१ ॥
वृत्तान्तं कथयामास स्वयं ब्रह्मा कृताञ्जलिः ।
रुरुदुर्देवताः सर्वाः स्वाधिकाराच्चुताश्च ताः ॥ २२ ॥
स ददर्श सुरगणं विपद्ग्रस्तं भयाकुलम् ।
रत्नभूषणशून्यं च वाहनादिविवर्जितम् ॥ २३ ॥
शोभाशून्यं हतश्रीकं निष्प्रभं सभयं परम् ।
उवाच कातरं दृष्ट्वा भयभीतिविभञ्जनः ॥ २४ ॥
श्रीभगवानुवाच ।
मा भैर्ब्रह्मन् हे सुराश्च भयं किं वो मयि स्थिते ।
दास्यामि लक्ष्मीमचलां परमैश्वर्यवर्धिनीम् ॥ २५ ॥
vṛttāntaṃ kathayāmāsa surācāryo vidhiṃ prati |
prahasyovāca tacchrutvā mahendraṃ kamalāsanaḥ || 3 ||
brahmovāca |
vatsa madvaṃśajāto'si prapautro me vicakṣaṇaḥ |
bṛhaspateśca śiṣyastvaṃ surāṇāmadhipaḥ svayam || 4 ||
mātāmahaśca dakṣaste viṣṇubhaktaḥ pratāpavān |
kulatrayaṃ yasya śuddhaṃ kathaṃ so'haṅkṛto bhavet || 5 ||
mātā pativratā yasya pitā śuddho jitendriyaḥ |
mātāmaho mātulaśca kathaṃ so'haṅkṛto bhavet || 6 ||
janaḥ paitṛkadoṣeṇa doṣānmātāmahasya ca |
gurudoṣāttribhirdoṣairharidoṣī bhaved dhruvam || 7 ||
sarvāntarātmā bhagavān sarvadeheṣvavasthitaḥ |
yasya dehātsa prayāti sa śavastatkṣaṇaṃ bhavet || 8 ||
mano'hamindriyeśaṃ ca jñānarūpo hi śaṅkaraḥ |
viṣṇuprāṇā ca prakṛtirbuddhirbhagavatī satī || 9 ||
nidrādayaḥ śaktayaśca tāḥ sarvāḥ prakṛteḥ kalāḥ |
ātmanaḥ pratibimbaśca jīvo bhogaśarīrabhṛt || 10 ||
ātmanīśe gate dehātsarve yānti sasambhramāḥ |
yathā vartmani gacchantaṃ naradevamivānugāḥ || 11 ||
ahaṃ śivaśca śeṣaśca viṣṇurdharmo mahāvirāṭ |
yūyaṃ yadaṃśā bhaktāśca tatpuṣpaṃ nyakkṛtaṃ tvayā || 12 ||
śivena pūjitaṃ pādapadmaṃ puṣpeṇa yena ca |
tatra durvāsasā dattaṃ daivena nyakkṛtaṃ tvayā || 13 ||
tatpuṇyaṃ mastake yasya kṛṣṇapādābjapracyutam |
sarveṣāṃ ca surāṇāṃ ca tatpūjāpurato bhavet || 14 ||
daivena vañcitastvaṃ hi daivaṃ ca balavattaram |
bhāgyahīnaṃ janaṃ mūḍhaṃ ko vā rakṣitumīśvaraḥ || 15 ||
sā śrīrgatādhunā kopātkṛṣṇanirmālyavarjanāt |
adhunā gaccha vaikuṇṭhaṃ mayā ca guruṇā saha || 16 ||
niṣevya tatra śrīnāthaṃ śriyaṃ prāpsyati madvarāt |
evamuktvā ca sa brahmā sarvaiḥ suragaṇaiḥ saha || 17 ||
tatra gatvā parabrahma bhagavantaṃ sanātanam |
dṛṣṭvā tejaḥsvarūpaṃ taṃ prajvalantaṃ svatejasā || 18 ||
grīṣmamadhyāhnamārtaṇḍaśatakoṭisamaprabham |
śāntamanādimadhyāntaṃ lakṣyīkāntamanantakam || 19 ||
caturbhujaiḥ pārṣadaiśca sarasvatyā yutaṃ prabhum |
bhaktyā caturbhirvedaiśca gaṅgayā pariveṣṭitam || 20 ||
taṃ praṇemuḥ surāḥ sarve mūrdhnā brahmapurogamāḥ |
bhaktinamrāḥ sāśrunetrāstuṣṭuvuḥ parameśvaram || 21 ||
vṛttāntaṃ kathayāmāsa svayaṃ brahmā kṛtāñjaliḥ |
rurudurdevatāḥ sarvāḥ svādhikārāccutāśca tāḥ || 22 ||
sa dadarśa suragaṇaṃ vipadgrastaṃ bhayākulam |
ratnabhūṣaṇaśūnyaṃ ca vāhanādivivarjitam || 23 ||
śobhāśūnyaṃ hataśrīkaṃ niṣprabhaṃ sabhayaṃ param |
uvāca kātaraṃ dṛṣṭvā bhayabhītivibhañjanaḥ || 24 ||
śrībhagavānuvāca |
mā bhairbrahman he surāśca bhayaṃ kiṃ vo mayi sthite |
dāsyāmi lakṣmīmacalāṃ paramaiśvaryavardhinīm || 25 ||
Brihaspati, the Āchārya of the Devas, then communicated all to Brahmā. Hearing this, He smiled and spoke, addressing Indra :—O Indra! You have been born in My race; nay, you are My grandson; the Ārya Brihaspati is your Guru; you yourself are the ruler of the Devas and you are very wise and sagacious; the mother of your father is the powerful Dakṣa, a great Viṣṇu Bhakta. How is it, then that when the three sides of the family are pure, one would turn out so haughty and arrogant! Whose mother is so much devoted to her husband, whose father, mother’s father and mother’s brother are self-controlled and of pure Sattva Guṇa, he is not expected to be so very haughty! Every man may be guilty to Hari for the three faults :—For some fault due to that of his father, or of his mother’s father, or of Guru, the Spiritual Teacher. Bhagavān Nārāyaṇa, resides in this great holy temple of our this physical body controlling the hearts of all. At whatever moment, Śrī Nārāyaṇa quits this temple-body, at that moment this body becomes dead. I myself am the mind; Śankara is the Knowledge, Viṣṇu is the vital breaths, Bhagavatī Durgā is the intelligence (Buddhi), sleep, etc., the powers of Prakriti; when these are being reflected on by the Ātman, Jīva is formed with a body for enjoyment called Bhoga Śarīrabhrit. When a king departs, his attendants also follow him; so when this Ātman departs from this temple of body, his attendants mind, buddhi, etc., instantly depart from this body and follow the Ātman. O Indra! We all, are verily, the parts of Śrī Kriṣṇa. I myself, Śiva, Ananta Deva, Viṣṇu, Dharma, Mahā Virāt, you all are His parts and entirely devoted to Him. And you have shown contempt for His flower. Bhagavān Śankara, the Lord of the Bhūtas, worshipped the lotus-feet of Śrī Kriṣṇa with that flower. The Riṣi Durvāsā gave you that flower. But you showed disrespect to it. The flower, Pārijāta, after being offered at the lotus-feet of Kriṣṇa, should be placed on the head of an Immortal; His worship is to be done first; and it is the foremost amongst the Devas. So you are now being afflicted by the inevitable course of Fate; Fate is the most powerful of all. Who can save that unlucky man against whom Fate has turned? Seeing that you have rejected the flower offered to Śrī Kriṣṇa, Śrī Lakṣmī Devī has left you out of anger. Now come with Me and with your family priest Brihaspati to Vaikuṇṭha and worship the Lord of Lakṣmī; then by His grace you may get back your Heavens. Thus saying, Brahmā with Indra and all the other Devas, went to the Eternal Puruṣa, Bhagavān Nārāyaṇa and saw that He was full of Fire and Energy like one hundred koṭi summer midday Suns, yet perfectly cool and calm. He has no beginning, and no end, nor any middle. He is Infinite. The four-armed Pāriṣadas, Sarasvatī, the four Vedas, and the Ganges, all were surrounding Him. Seeing Him, Brahmā and the other Devas bowed down with devotion and began to chant hymns to Him with tears in their eyes. Brahmā, then, informed Him of everything when all the Devas, dispossessed of their places, began to weep before Him. Nārāyaṇa saw that the Devas were very afraid and much distressed. They had no jewel ornaments as before, no vehicles (Vāhanas), nor the Daivic splendour as before, not that brillance; always fearful. Then Nārāyaṇa, the Destroyer of fear, seeing the Devas in that state, addressed Brahmā and the other Devas :—O Brāhmaṇ! O Devas! Discard all fears. What fear can overcome you? I am here. I will give you again the immoveable prosperous Rājya Lakṣmī (the Laksmī of the kings).