विन्ध्योपाख्यानवर्णनम् । श्रीदेव्युवाच । भूमिपाल महाबाहो सर्वमेतद्भविष्यति । यत्त्वया प्रार्थितं तत्ते ददामि मनुजाधिप ॥ १ ॥ अहं प्रसन्ना दैत्येन्द्रनाशनामोघविक्रमा । वाग्भवस्य जपेनैव तपसा ते सुनिश्चितम् ॥ २ ॥ राज्यं निष्कण्टकं तेऽस्तु पुत्रा वंशकरा अपि । मयि भक्तिर्दृढा वत्स मोक्षान्ते सत्पदे भवेत् ॥ ३ ॥ एवं वरान्महादेवी तस्मै दत्त्वा महात्मने । पश्यतस्तु मनोरेव जगाम विन्ध्यपर्वतम् ॥ ४ ॥ योऽसौ विन्ध्याचलो रुद्धः कुम्भोद्भवमहर्षिणा । भानुमार्गावरोधार्थं प्रवृत्तो गगनं स्पृशन् ॥ ५ ॥ सा विन्ध्यवासिनी विष्णोरनुजा वरदेश्वरी । बभूव पूज्या लोकानां सर्वेषां मुनिसत्तम ॥ ६ ॥
vindhyopākhyānavarṇanam | śrīdevyuvāca | bhūmipāla mahābāho sarvametadbhaviṣyati | yattvayā prārthitaṃ tatte dadāmi manujādhipa || 1 || ahaṃ prasannā daityendranāśanāmoghavikramā | vāgbhavasya japenaiva tapasā te suniścitam || 2 || rājyaṃ niṣkaṇṭakaṃ te'stu putrā vaṃśakarā api | mayi bhaktirdṛḍhā vatsa mokṣānte satpade bhavet || 3 || evaṃ varānmahādevī tasmai dattvā mahātmane | paśyatastu manoreva jagāma vindhyaparvatam || 4 || yo'sau vindhyācalo ruddhaḥ kumbhodbhavamaharṣiṇā | bhānumārgāvarodhārthaṃ pravṛtto gaganaṃ spṛśan || 5 || sā vindhyavāsinī viṣṇoranujā varadeśvarī | babhūva pūjyā lokānāṃ sarveṣāṃ munisattama || 6 ||
The Devī said :—O King! O Mighty armed One! All these I grant unto you. Whatever you have asked for, I give them to you. I am very much pleased with your hard Tapasyā and with your Japam of the Vāgbhava Mantra. Know Me that My power is infallible in killing the Lords of the Daityas. O Child! Let your kingdom be free from enemies and let your prosperity be increased. Let your devotion be fixed on Me and in the end you will verily get Nirvāṇa Mukti. O Nārada! Thus granting the boon to the highsouled Manu the Great Devī disappeared before him and went to the Bindhya Range. O Devarṣi! This Bindhya mountain increased in height so much so that it was well nigh on the way to prevent the course of the Sun when it was arrested by Mahārṣi Agastya, born of a kumbha (water jar). The younger sister of Viṣṇu, Varades'varī, is staying here as Bindhyavāsinī. O Best of the Munis! This Devī is an object of worship of all.