Read / Devi Mahatmya / Chapter 9 of 13 अध्यायः ९
The Slaying of Nishumbha ॥
A chapter of the Devi Mahatmya.
39 verses · Sanskrit with translation
विचित्रमिदमाख्यातं भगवन् भवता मम ।
देव्याश्चरितमाहात्म्यं रक्तबीजवधाश्रितम् ॥ १ ॥
vicitramidamākhyātaṃ bhagavan bhavatā mama |
devyāścaritamāhātmyaṃ raktabījavadhāśritam || 1 ||
The king spoke: Wonderful is this that thou, Sir, hast related to me, the majesty of the goddess' exploits in connexion with the slaying of Raktavīja;
भूयश्चेच्छाम्यहं श्रोतुं रक्तबीजे निपातिते ।
चकार शुम्भो यत्कर्म निशुम्भश्चातिकोपनः ॥ २ ॥
bhūyaścecchāmyahaṃ śrotuṃ raktabīje nipātite |
cakāra śumbho yatkarma niśumbhaścātikopanaḥ || 2 ||
and I wish to hear further what deed did Śumbha do after Raktavīja was killed, and what the very irascible Niśumbha did.
चकार कोपमतुलं रक्तबीजे निपातिते ।
शुम्भासुरो निशुम्भश्च हतेष्वन्येषु चाहवे ॥ ३ ॥
cakāra kopamatulaṃ raktabīje nipātite |
śumbhāsuro niśumbhaśca hateṣvanyeṣu cāhave || 3 ||
The ṛishi spoke: After Raktavīja was slain and other demons were killed in the fight, the Asura Śumbha gave way to unbounded wrath, and Niśumbha also.
हन्यमानं महासैन्यं विलोक्यामर्षमुद्वहन् ।
अभ्यधावन्निशुम्भोऽथ मुख्ययासुरसेनया ॥ ४ ॥
hanyamānaṃ mahāsainyaṃ vilokyāmarṣamudvahan |
abhyadhāvanniśumbho'tha mukhyayāsurasenayā || 4 ||
Pouring out his indignation at beholding his great army being slaughtered, Niśumbha then rushed forward with the flower of the Asura army.
तस्याग्रतस्तथा पृष्ठे पार्श्वयोश्च महासुराः ।
संदष्टौष्ठपुटाः क्रुद्धा हन्तुं देवीमुपाययुः ॥ ५ ॥
tasyāgratastathā pṛṣṭhe pārśvayośca mahāsurāḥ |
saṃdaṣṭauṣṭhapuṭāḥ kruddhā hantuṃ devīmupāyayuḥ || 5 ||
In front of him and behind and on both sides great Asuras, biting their lips and enraged, advanced to slay the goddess.
आजगाम महावीर्यः शुम्भोऽपि स्वबलैर्वृतः ।
निहन्तुं चण्डिकां कोपात्कृताव युद्धं तु मातृभिः ॥ ६ ॥
ājagāma mahāvīryaḥ śumbho'pi svabalairvṛtaḥ |
nihantuṃ caṇḍikāṃ kopātkṛtāva yuddhaṃ tu mātṛbhiḥ || 6 ||
Śumbha also went forward, mighty in valour, surrounded with his own troops, to slay Chaṇḍikā in his rage, after engaging in battle with the Mothers.
ततो युद्धमतीवासीद्देव्या शुम्भनिशुम्भयोः ।
शरवर्षमतीवोग्रं मेघयोरिव वर्षतोः ॥ ७ ॥
tato yuddhamatīvāsīddevyā śumbhaniśumbhayoḥ |
śaravarṣamatīvograṃ meghayoriva varṣatoḥ || 7 ||
Then occurred a desperate combat between the goddess and Śumbha and Niśumbha, who both, like two thunder-clouds, rained a most tempestuous shower of arrows on her.
चिच्छेदास्ताञ्छरांस्ताभ्यां चण्डिका स्वशरोत्करैः ।
ताडयामास चाङ्गेषु शस्त्रौघैरसुरेश्वरौ ॥ ८ ॥
cicchedāstāñcharāṃstābhyāṃ caṇḍikā svaśarotkaraiḥ |
tāḍayāmāsa cāṅgeṣu śastraughairasureśvarau || 8 ||
Chaṇḍikā with multitudes of arrows quickly split the arrows shot by them, and smote the two Asura lords on their limbs with her numerous weapons.
निशुम्भो निशितं खड्गं चर्म चादाय सुप्रभम् ।
अताडयन्मूर्ध्नि सिंहं देव्या वाहनमुत्तमम् ॥ ९ ॥
niśumbho niśitaṃ khaḍgaṃ carma cādāya suprabham |
atāḍayanmūrdhni siṃhaṃ devyā vāhanamuttamam || 9 ||
Niśumbha grasping a sharp scymitar and glittering shield struck the lion, the noble beast that bore the goddess, on the head.
निशुम्भो निशितं खड्गं चर्म चादाय सुप्रभम् ।
अताडयन्मूर्ध्नि सिंहं देव्या वाहनमुत्तमम् ॥ १० ॥
niśumbho niśitaṃ khaḍgaṃ carma cādāya suprabham |
atāḍayanmūrdhni siṃhaṃ devyā vāhanamuttamam || 10 ||
When her animal was struck, the goddess quickly clove Niśumbha's superb sword with a horse-shoe-shaped arrow, and also his shield on which eight moons were pourtrayed.
छिन्ने चर्मणि खड्गे च शक्तिं चिक्षेप सोऽसुरः ।
तामप्यस्य द्विधा चक्रे चक्रेणाभिमुखागताम् ॥ ११ ॥
chinne carmaṇi khaḍge ca śaktiṃ cikṣepa so'suraḥ |
tāmapyasya dvidhā cakre cakreṇābhimukhāgatām || 11 ||
When his shield was cloven and his sword too, the Asura hurled his spear; and that his missile also, as it came towards her, she split in two with her discus.
कोपाध्मातो निशुम्भोऽथ शूलं जग्राह दानवः ।
आयातं मुष्टिपातेन देवी तच्चाप्यचूर्णयत् ॥ १२ ॥
kopādhmāto niśumbho'tha śūlaṃ jagrāha dānavaḥ |
āyātaṃ muṣṭipātena devī taccāpyacūrṇayat || 12 ||
Then Niśumbha, the Dānava, puffed up with wrath, seized a dart; and that also, when it came, the goddess shattered with a blow of her fist.
अथादाय गदां सोऽपि चिक्षेप चण्डिकां प्रति ।
सापि देव्या त्रिशूलेन भिन्ना भस्मत्वमागता ॥ १३ ॥
athādāya gadāṃ so'pi cikṣepa caṇḍikāṃ prati |
sāpi devyā triśūlena bhinnā bhasmatvamāgatā || 13 ||
And then aiming his club he flung it against Chaṇḍikā, yet that was shivered by the goddess' trident and became ashes.
ततः परशुहस्तं तमायान्त दैत्यपुङ्गवम् ।
आहत्य देवी बाणौघैरपातयत भूतले ॥ १४ ॥
tataḥ paraśuhastaṃ tamāyānta daityapuṅgavam |
āhatya devī bāṇaughairapātayata bhūtale || 14 ||
As that lordly Daitya then advanced with battle-axe in hand, the goddess struck him with a multitude of arrows and laid him low on the ground.
तस्मिन्निपतिते भूमौ निशुम्भे भीमविक्रमे ।
भ्रातर्यतीव संक्रुद्धः प्रययौ हन्तुमम्बिकाम् ॥ १५ ॥
tasminnipatite bhūmau niśumbhe bhīmavikrame |
bhrātaryatīva saṃkruddhaḥ prayayau hantumambikām || 15 ||
When his brother Niśumbha, who was terrible in prowess, fell to the ground, Śumbha in utmost fury strode forward to slay Ambikā.
स रथस्थस्तथात्युच्चैर्गृहीतपरमायुधैः ।
भुजैरष्टाभिरतुलैर्व्याप्याशेषं बभौ नभः ॥ १६ ॥
sa rathasthastathātyuccairgṛhītaparamāyudhaiḥ |
bhujairaṣṭābhiratulairvyāpyāśeṣaṃ babhau nabhaḥ || 16 ||
And he, standing in his chariot, appeared to fill the entire sky with his eight arms, which were lifted far on high grasping his superb weapons.
तमायान्तं समालोक्य देवी शङ्घमवादयत् ।
ज्याशब्दं चापि धनुषश्चकारातीव दुः सहम् ॥ १७ ॥
tamāyāntaṃ samālokya devī śaṅghamavādayat |
jyāśabdaṃ cāpi dhanuṣaścakārātīva duḥ saham || 17 ||
Beholding him approaching, the goddess sounded her conch, and made her bow also give forth from its string a note which was exceedingly hard to endure.
पूरयामास ककुभो निजघण्टास्वनेन च ।
समस्तदैत्यसैन्यानां तेजोवधविधायिना ॥ १८ ॥
pūrayāmāsa kakubho nijaghaṇṭāsvanena ca |
samastadaityasainyānāṃ tejovadhavidhāyinā || 18 ||
And she filled all regions with the clanging of her bell, which caused the vigour of all the Daitya hosts to die away.
ततः सिंहो महानादैस्त्याजितेभमहामदैः ।
पूरयामास गगनं गां तथैव दिशो दश ॥ १९ ॥
tataḥ siṃho mahānādaistyājitebhamahāmadaiḥ |
pūrayāmāsa gaganaṃ gāṃ tathaiva diśo daśa || 19 ||
Then her lion filled the heaven, the earth and the ten regions of the sky with loud roars, which checked the copious flow of the exudation from the demons' rutting elephants.
ततः काली समुत्पत्य गगनं क्ष्मामताडयत् ।
कराभ्यां तन्निनादेन प्राक्स्वनास्ते तिरोहिताः ॥ २० ॥
tataḥ kālī samutpatya gaganaṃ kṣmāmatāḍayat |
karābhyāṃ tanninādena prāksvanāste tirohitāḥ || 20 ||
Kālī springing upward then struck the heaven and the earth with both her hands; the boom thereof drowned those previous sounds.
अट्टाट्टहासमशिवं शिवदूती चकार ह ।
तैः शब्दैरसुरास्त्रेसुः शुम्भः कोपं परं ययौ ॥ २१ ॥
aṭṭāṭṭahāsamaśivaṃ śivadūtī cakāra ha |
taiḥ śabdairasurāstresuḥ śumbhaḥ kopaṃ paraṃ yayau || 21 ||
Śivadūtī uttered a loud inauspicious laugh. At those sounds the Asuras trembled; Śumbha gave way to utmost rage.
दुरात्मंस्तिष्ठ तिष्ठेति व्याजहाराम्बिका यदा ।
तदा जयेत्यभिहितं देवैराकाशसंस्थितैः ॥ २२ ॥
durātmaṃstiṣṭha tiṣṭheti vyājahārāmbikā yadā |
tadā jayetyabhihitaṃ devairākāśasaṃsthitaiḥ || 22 ||
When Ambikā cried out "Stand, O evil-souled! stand!" the gods who had taken their stations in the air then called to her, "Be thou victorious!"
शुम्भेनागत्य या शक्तिर्मुक्ता ज्वालातिभीषणा ।
आयान्ती वह्निकूटाभा सा निरस्ता महोल्कया ॥ २३ ॥
śumbhenāgatya yā śaktirmuktā jvālātibhīṣaṇā |
āyāntī vahnikūṭābhā sā nirastā maholkayā || 23 ||
The spear flaming most terribly, which Śumbha approaching hurled, that, gleaming like a mass of fire as it came along, was driven aside by a great fire-brand.
सिंहनादेन शुम्भस्य व्याप्तं लोकत्रयान्तरम् ।
निर्घातनिः स्वनो घोरो जितवानवनीपते ॥ २४ ॥
siṃhanādena śumbhasya vyāptaṃ lokatrayāntaram |
nirghātaniḥ svano ghoro jitavānavanīpate || 24 ||
The vault between the three worlds reverberated with Śumbha's lion-like roaring, but the dreadful sound of the slaughter among his soldiers surpassed that, O king.
शुम्भमुक्ताञ्छरान्देवी शुम्भस्तत्प्रहिताञ्छरान् ।
चिच्छेद स्वशरैरुग्रैः शतशोऽथ सहस्रशः ॥ २५ ॥
śumbhamuktāñcharāndevī śumbhastatprahitāñcharān |
ciccheda svaśarairugraiḥ śataśo'tha sahasraśaḥ || 25 ||
The goddess split the arrows shot by Śumbha, and Śumbha the arrows that she discharged, each with her and his sharp arrows in hundreds and thousands.
ततः सा चण्डिका क्रुद्धा शूलेनाभिजघान तम् ।
स तदाभिहतो भूमौ मूर्च्छितो निपपात ह ॥ २६ ॥
tataḥ sā caṇḍikā kruddhā śūlenābhijaghāna tam |
sa tadābhihato bhūmau mūrcchito nipapāta ha || 26 ||
Chaṇḍikā enraged thereat smote him with a dart. Wounded therewith he fell in a faint to the ground.
ततो निशुम्भः सम्प्राप्य चेतनामात्तकार्मुकः ।
आजघान शरैर्देवीं कालीं केसरिणं तथा ॥ २७ ॥
tato niśumbhaḥ samprāpya cetanāmāttakārmukaḥ |
ājaghāna śarairdevīṃ kālīṃ kesariṇaṃ tathā || 27 ||
Thereupon Niśumbha, regaining consciousness, seized his bow again and struck the goddess, and Kālī and the lion with arrows.
पुनश्च कृत्वा बाहूनामयुतं दनुजेश्वरः ।
चक्रायुधेन दितिजश्छादयामास चण्डिकाम् ॥ २८ ॥
punaśca kṛtvā bāhūnāmayutaṃ danujeśvaraḥ |
cakrāyudhena ditijaśchādayāmāsa caṇḍikām || 28 ||
And the Dānava lord, that son of Diti, putting forth a myriad arms, again covered Chaṇḍikā with a myriad discuses.
ततो भगवती क्रुद्धा दुर्गा दुर्गार्तिनाशिनी ।
चिच्छेद तानि चक्राणि स्वशरैः सायकांश्च तान् ॥ २९ ॥
tato bhagavatī kruddhā durgā durgārtināśinī |
ciccheda tāni cakrāṇi svaśaraiḥ sāyakāṃśca tān || 29 ||
The goddess then enraged, she, Durgā who destroys the afflictions of adversity, split those discuses and those arrows with her own arrows.
ततो निशुम्भो वेगेन गदामादाय चण्डिकाम् ।
अभ्यधावत वै हन्तुं दैत्यसेनासमावृतः ॥ ३० ॥
tato niśumbho vegena gadāmādāya caṇḍikām |
abhyadhāvata vai hantuṃ daityasenāsamāvṛtaḥ || 30 ||
Then Niśumbha seizing his club rushed impetuously at Chaṇḍikā to slay her outright, with the Daitya host surrounding him.
तस्यापतत एवाशु गदां चिच्छेद चण्डिका ।
खड्गेन शितधारेण स च शूलं समाददे ॥ ३१ ॥
tasyāpatata evāśu gadāṃ ciccheda caṇḍikā |
khaḍgena śitadhāreṇa sa ca śūlaṃ samādade || 31 ||
As he was just falling upon her, Chaṇḍikā swiftly clove his club with her sharp-edged scymitar. And he took hold of a dart.
शूलहस्तं समायान्तं निशुम्भममरार्दनम् ।
हृदि विव्याध शूलेन वेगाविद्धेन चण्डिका ॥ ३२ ॥
śūlahastaṃ samāyāntaṃ niśumbhamamarārdanam |
hṛdi vivyādha śūlena vegāviddhena caṇḍikā || 32 ||
Chaṇḍikā with a dart hurled swiftly pierced Niśumbha, the afflicter of the Immortals, in the heart, as he approached with dart in hand.
भिन्नस्य तस्य शूलेन हृदयान्निः सृतोऽपरः ।
महाबलो महावीर्यस्तिष्ठेति पुरुषो वदन् ॥ ३३ ॥
bhinnasya tasya śūlena hṛdayānniḥ sṛto'paraḥ |
mahābalo mahāvīryastiṣṭheti puruṣo vadan || 33 ||
When he was pierced by the dart, out of his heart issued another man of great strength and great valour, exclaiming "Stand!"
तस्य निष्क्रामतो देवी प्रहस्य स्वनवत्ततः ।
शिरश्चिच्छेद खड्गेन ततोऽसावपतद् भुवि ॥ ३४ ॥
tasya niṣkrāmato devī prahasya svanavattataḥ |
śiraściccheda khaḍgena tato'sāvapatad bhuvi || 34 ||
When he stepped forth, the goddess laughing aloud then struck off his head with her scymitar; thereupon he fell to the ground.
ततः सिंहश्चखादोग्रं दंष्ट्राक्षुण्णशिरोधरान् ।
असुरांस्तांस्तथा काली शिवदूती तथापरान् ॥ ३५ ॥
tataḥ siṃhaścakhādograṃ daṃṣṭrākṣuṇṇaśirodharān |
asurāṃstāṃstathā kālī śivadūtī tathāparān || 35 ||
The lion then devoured those Asuras whose necks he had crushed with his savage teeth, and Kālī and Śivadūtī devoured the others.
कौमारीशक्तिनिर्भिन्नाः केचिन्नेशुर्महासुराः ।
ब्रह्माणीमन्त्रपूतेन तोयेनान्ये निराकृताः ॥ ३६ ॥
kaumārīśaktinirbhinnāḥ kecinneśurmahāsurāḥ |
brahmāṇīmantrapūtena toyenānye nirākṛtāḥ || 36 ||
Some great Asuras perished, being pierced through by the spear held by Kumāra's Energy; others were driven back by the water purified by the spell uttered by Brahmā's Energy;
माहेश्वरीत्रिशूलेन भिन्नाः पेतुस्तथापरे ।
वाराहीतुण्डघातेन केचिच्चूर्णोकृता भुवि ॥ ३७ ॥
māheśvarītriśūlena bhinnāḥ petustathāpare |
vārāhītuṇḍaghātena keciccūrṇokṛtā bhuvi || 37 ||
and others fell, pierced by the trident wielded by Śiva's Energy; some were pounded to dust on the ground by blows from the snout of Varāha's Energy;
खण्डं खण्डं च चक्रेण वैष्णव्या दानवाः कृताः ।
वज्रेण चैन्द्रीहस्ताग्रविमुक्तेन तथापरे ॥ ३८ ॥
khaṇḍaṃ khaṇḍaṃ ca cakreṇa vaiṣṇavyā dānavāḥ kṛtāḥ |
vajreṇa caindrīhastāgravimuktena tathāpare || 38 ||
some Dānavas were cut to pieces by the discus hurled by Vishṇu's Energy; and others again by the thunderbolt discharged from the fingers of Indra's Energy.
केचिद्विनेशुरसुराः केचिन्नष्टा महाहवात् ।
भक्षिताश्चापरे कालीशिवदूतीमृगाधिपैः ॥ ३९ ॥
kecidvineśurasurāḥ kecinnaṣṭā mahāhavāt |
bhakṣitāścāpare kālīśivadūtīmṛgādhipaiḥ || 39 ||
Some Asuras perished outright, some perished by reason of the great battle, and others were devoured by Kālī, Śivadūtī and the lion.
← Chapter 8 The Slaying of Raktabija Chapter 10 → The Slaying of Shumbha Keys: ← → turn the page, J K step through the verses.
Illustration: Verse & Place · AI-generated with ChatGPT (Generated for this project). Translation: F. Eden Pargiter, The Mārkaṇḍeya Purāṇa, translated with notes, Bibliotheca Indica, Asiatic Society of Bengal, Calcutta, 1904, cantos 81–93. Taken from scans on archive.org and corrected by hand against two copies; Pargiter’s footnotes are left out, and his c’ is written ch. Verses his edition does not have are left without English. (public domain).