ओं दक्षिणाप्रवणा भूमिर् दक्षिणत आपो वहन्ति तस्माद् यज्ञास् तद्भूमेर् उन्नततरम् इव भवति यत्र भृग्वङ्गिरसो विष्ठास् तद् यथाप इमांल् लोकान् अभिवहन्त्य् एवम् एव भृग्वङ्गिरसः सर्वान् देवान् अभिवहन्ति एवम् एवैषा व्याहृतिः सर्वान् वेदान् अभिवहत्य् ओम् इति हर्चाम् ओम् इति यजुषाम् ओम् इति साम्नाम् ओम् इति सर्वस्याहाभिवादस् तं ह स्मैतद् उत्तरं यज्ञे विद्वांसः कुर्वन्ति देवा ब्रह्माण आगच्छतागच्छतेति एते वै देवा ब्रह्माणो यद् भृग्वङ्गिरसस् तान् एवैतद् गृणानास् तान् वृणाना ह्वयन्तो मन्यन्ते नान्यो ऽभृग्वङ्गिरोविदो वृतो यज्ञम् आगच्छेन् यज्ञस्य तेजसा तेज आप्नोत्य् ऊर्जयोर्जां यशसा यशः नान्यो ऽभृग्वङ्गिरोविदो वृतो यज्ञम् आगच्छेन् नेद् यज्ञं परिमुष्णीयाद् इति तद् यथा पूर्वं वत्सो ऽधीत्य गां धयेद् एवं ब्रह्मा भृग्वङ्गिरोविद् वृतो यज्ञम् आगच्छेन् नेद् यज्ञं परिमुष्णीयाद् इति तद् यथा गौर् वाश्वो वाश्वतरो वैकपाद् द्विपात् त्रिपाद् इति स्यात् किम् अभिवहेत् किम् अभ्यश्नुयाद् इति तस्माद् ऋग्विदम् एव होतारं वृणीष्व यजुर्विदम् अध्वर्युं सामविदम् उद्गातारम् अथर्वाङ्गिरोविदं ब्रह्माणम् तथा हास्य यज्ञश् चतुर्षु लोकेषु चतुर्षु देवेषु वेदेषु चतसृषु होत्रासु चतुष्पाद् यज्ञः प्रतितिष्ठति प्रतितिष्ठति प्रजया पशुभिर् य एवं वेद यश् चैवम् ऋत्विजाम् आर्त्विज्यं वेद यश् च यज्ञे यजनीयं वेदेति ब्राह्मणम् ॥ १ ॥
oṃ dakṣiṇāpravaṇā bhūmir dakṣiṇata āpo vahanti tasmād yajñās tadbhūmer unnatataram iva bhavati yatra bhṛgvaṅgiraso viṣṭhās tad yathāpa imāṃl lokān abhivahanty evam eva bhṛgvaṅgirasaḥ sarvān devān abhivahanti evam evaiṣā vyāhṛtiḥ sarvān vedān abhivahaty om iti harcām om iti yajuṣām om iti sāmnām om iti sarvasyāhābhivādas taṃ ha smaitad uttaraṃ yajñe vidvāṃsaḥ kurvanti devā brahmāṇa āgacchatāgacchateti ete vai devā brahmāṇo yad bhṛgvaṅgirasas tān evaitad gṛṇānās tān vṛṇānā hvayanto manyante nānyo 'bhṛgvaṅgirovido vṛto yajñam āgacchen yajñasya tejasā teja āpnoty ūrjayorjāṃ yaśasā yaśaḥ nānyo 'bhṛgvaṅgirovido vṛto yajñam āgacchen ned yajñaṃ parimuṣṇīyād iti tad yathā pūrvaṃ vatso 'dhītya gāṃ dhayed evaṃ brahmā bhṛgvaṅgirovid vṛto yajñam āgacchen ned yajñaṃ parimuṣṇīyād iti tad yathā gaur vāśvo vāśvataro vaikapād dvipāt tripād iti syāt kim abhivahet kim abhyaśnuyād iti tasmād ṛgvidam eva hotāraṃ vṛṇīṣva yajurvidam adhvaryuṃ sāmavidam udgātāram atharvāṅgirovidaṃ brahmāṇam tathā hāsya yajñaś caturṣu lokeṣu caturṣu deveṣu vedeṣu catasṛṣu hotrāsu catuṣpād yajñaḥ pratitiṣṭhati pratitiṣṭhati prajayā paśubhir ya evaṃ veda yaś caivam ṛtvijām ārtvijyaṃ veda yaś ca yajñe yajanīyaṃ vedeti brāhmaṇam || 1 ||
Om. The earth slopes southward and the waters flow towards the south. Thus the sacrifices are as though a little higher than the ground where the Bhṛgus and Aṅgirases are stationed. As the waters carry these worlds along, so the Bhṛgus and Aṅgirases carry all the gods along. So this sacred utterance carries all the Vedas along: Om for the verses, Om for the offering formulas, Om for the chants, Om as the salutation of them all. Those who know this used to place this next at the sacrifice: 'Gods, Brahmans, come, come.' The Bhṛgus and Aṅgirases are those gods and Brahmans. They think it is to those very ones they sing, those they choose, those they call. No one other than a knower of the Bhṛgu and Aṅgiras texts should come to the sacrifice upon being chosen. By the radiance of the sacrifice he attains radiance, by its nourishment nourishment, by its renown renown. No other than a knower of the Bhṛgu and Aṅgiras texts should come when chosen, lest he plunder the sacrifice. Just as a calf would learn first and then suckle the cow, so the supervising priest, chosen as a knower of the Bhṛgu and Aṅgiras texts, should come to the sacrifice lest he plunder it. If a cow, horse or mule had one foot, or two or three, what could it carry or reach? Therefore choose a knower of the verses as the invoking priest, a knower of the offering formulas as the officiating priest, a knower of the chants as the chanting priest, and a knower of the Atharvan and Aṅgiras texts as the supervising priest. Then his four-footed sacrifice stands firm in four worlds, four gods, the Vedas and four priestly offices. He who knows this, the office of the priests and what is to be sacrificed at the sacrifice stands firm with offspring and livestock. So says the Brāhmaṇa.