Read / Kamba Ramayanam / Ayodhya Kandam — tiruvaṭicūṭṭu paṭalam of 119 அயோத்தியா காண்டம் — திருவடிசூட்டு படலம் · அயோத்தியா காண்டம் — திருவடிசூட்டு படலம்
Ayodhya Kandam — tiruvaṭicūṭṭu paṭalam ayōttiyā kāṇṭam — tiruvaṭicūṭṭu paṭalam
॥
The original Tamil verses of Kambar’s Ramayanam.
142 verses · Tamil with transliteration
வந்த மா தவத்தோன் ஐ அம் மைந்தனும் ,
தந்தை ஆம் எனத் தாழ்ந்து வணங்கினான் ;
இந்து மோலி அன்னானும் , இரங்கினான் ,
அந்தம் இல் நலத்து ஆசிகள் கூறினான் .
vanta mā tavattōṉ ai am maintaṉum ,
tantai ām eṉat tāḻntu vaṇaṅkiṉāṉ ;
intu mōli aṉṉāṉum , iraṅkiṉāṉ ,
antam il nalattu ācikaḷ kūṟiṉāṉ .
'எடுத்த மா முடி சூடி , நின்பால் இயைந்து
அடுத்த பேர் அரசு ஆண்டிலை , ஐய ! நீ ,
முடித்த வார் சடைக் கற்றையை , மூசு தூசு
உடுத்து நண்ணுதற்கு உற்று உளது யாது ? ' என்றான் .
'eṭutta mā muṭi cūṭi , niṉpāl iyaintu
aṭutta pēr aracu āṇṭilai , aiya ! nī ,
muṭitta vār caṭaik kaṟṟaiyai , mūcu tūcu
uṭuttu naṇṇutaṟku uṟṟu uḷatu yātu ? ' eṉṟāṉ .
சினக் கடும் திறல் சீற்ற வெம் தீயினால்
மனக் கடுப்பினன் , மா தவத்து ஓங்கலை ,
'எனக்கு அடுப்பது இயம்பிலை நீ என்தான் ?
உனக்கு அடுப்பது அன்று , ஆல் , உரவோய் ! ' எனா .
ciṉak kaṭum tiṟal cīṟṟa vem tīyiṉāl
maṉak kaṭuppiṉaṉ , mā tavattu ōṅkalai ,
'eṉakku aṭuppatu iyampilai nī eṉtāṉ ?
uṉakku aṭuppatu aṉṟu , āl , uravōy ! ' eṉā .
மறையின் கேள்வற்கு மன் இளம் தோன்றல் , பின் ,
'முறையின் நீங்கி முது நிலம் கொள்கிலேன் ;
இறைவன் கொள்கிலன் ஆம் எனின் , யாண்டு எலாம்
உறைவென் கானத்து ஒருங்கு உடனே ' என்றான் .
maṟaiyiṉ kēḷvaṟku maṉ iḷam tōṉṟal , piṉ ,
'muṟaiyiṉ nīṅki mutu nilam koḷkilēṉ ;
iṟaivaṉ koḷkilaṉ ām eṉiṉ , yāṇṭu elām
uṟaiveṉ kāṉattu oruṅku uṭaṉē ' eṉṟāṉ .
உரைத்த வாசகம் கேட்டலும் , உள் எழுந்து
இரைத்த காதல் இரும் தவத்தோர்க்கு எலாம்
குரைத்த மேனியொடு உள்ளம் குளிர்ந்தவால் ,
அரைத்த சாந்துகொடு அப்பியது என்னவே .
uraitta vācakam kēṭṭalum , uḷ eḻuntu
iraitta kātal irum tavattōrkku elām
kuraitta mēṉiyoṭu uḷḷam kuḷirntavāl ,
araitta cāntukoṭu appiyatu eṉṉavē .
அன்ன காதல் அருந்தவர் , 'ஆண்தகை !
நின்னை ஒப்பவர் யார் உளர் நீ அலால் ? '
என்ன வாழ்த்திடும் ஏல்வை , இரவியும்
பொன்னின் மேருவில் போய் மறைந்திட்டது ஏ .
aṉṉa kātal aruntavar , 'āṇtakai !
niṉṉai oppavar yār uḷar nī alāl ? '
eṉṉa vāḻttiṭum ēlvai , iraviyum
poṉṉiṉ mēruvil pōy maṟaintiṭṭatu ē .
ஆய காலையில் ஐயனைக் கொண்டு தன்
தூய சாலை குறுகினன் தோம் இலான் ;
'மேய சேனைக்கு அமைப்பென் விருந்து ' எனாத்
தீயின் ஆவுதி செங்கையின் ஓக்கினான் .
āya kālaiyil aiyaṉaik koṇṭu taṉ
tūya cālai kuṟukiṉaṉ tōm ilāṉ ;
'mēya cēṉaikku amaippeṉ viruntu ' eṉāt
tīyiṉ āvuti ceṅkaiyiṉ ōkkiṉāṉ .
துறந்த செல்வன் நினையத் துறக்கம்தான்
பறந்து வந்து படிந்தது ; பல்சனர் ,
பிறந்து வேறு ஒர் உலகு பெற்றார் என ,
மறந்து வைகினர் முன்னைத் தம் வாழ்வு எலாம் .
tuṟanta celvaṉ niṉaiyat tuṟakkamtāṉ
paṟantu vantu paṭintatu ; palcaṉar ,
piṟantu vēṟu or ulaku peṟṟār eṉa ,
maṟantu vaikiṉar muṉṉait tam vāḻvu elām .
நந்தல் இல் அறம் நந்தினர் ஆம் என ,
அந்தரத்தின் அரம்பையர் , அன்பினர் ,
வந்து உவந்து எதிர் ஏற்றனர் , மைந்தரை ,
இந்துவின் சுடர் கோயில் கொண்டு ஏகினார் .
nantal il aṟam nantiṉar ām eṉa ,
antarattiṉ arampaiyar , aṉpiṉar ,
vantu uvantu etir ēṟṟaṉar , maintarai ,
intuviṉ cuṭar kōyil koṇṭu ēkiṉār .
நானம் நன்கு உரைத்தார் , நளிர் வான் இடை
ஆன கங்கை அரும் புனல் ஆட்டினார் ;
கான மா மணிக் கற்பகம் தாங்கிய
ஊனம் இல் மலர் ஆடை உடுத்தினார் .
nāṉam naṉku uraittār , naḷir vāṉ iṭai
āṉa kaṅkai arum puṉal āṭṭiṉār ;
kāṉa mā maṇik kaṟpakam tāṅkiya
ūṉam il malar āṭai uṭuttiṉār .
கொம்பின் நின்று நுடங்குறு கொள்கையார் ,
செம் பொனின் கல ராசி திருத்தினார் ;
அம்பரத்தின் அரம்பையர் , அன்பொடும் ,
உம்பர் கோன் நுகர் இன் அமிழ்து ஊட்டினார் .
kompiṉ niṉṟu nuṭaṅkuṟu koḷkaiyār ,
cem poṉiṉ kala rāci tiruttiṉār ;
amparattiṉ arampaiyar , aṉpoṭum ,
umpar kōṉ nukar iṉ amiḻtu ūṭṭiṉār .
அஞ்சு அடுத்த அமளி , அலத்தகப்
பஞ்சு அடுத்த பரிபுரப் பல்லவம் ,
நஞ்சு அடுத்த நயனியர் , நவ்வியின்
துஞ்ச , அத்தனை மைந்தரும் துஞ்சினார் .
añcu aṭutta amaḷi , alattakap
pañcu aṭutta paripurap pallavam ,
nañcu aṭutta nayaṉiyar , navviyiṉ
tuñca , attaṉai maintarum tuñciṉār .
ஏந்து செல்வம் அத்து இமையவர் ஆம் எனக்
கூந்தல் தெய்வ மகளிர் கொண்டாடினார் ,
வேந்தர் ஆதி , சிவிகையின் வீங்கு தோள்
மாந்தர் காறும் , வரிசை வழாமலே .
ēntu celvam attu imaiyavar ām eṉak
kūntal teyva makaḷir koṇṭāṭiṉār ,
vēntar āti , civikaiyiṉ vīṅku tōḷ
māntar kāṟum , varicai vaḻāmalē .
மாதர் யாவரும் வானவர் தேவியர்
கோது இல் செல்வத்து வைகினர் , கொவ்வை வாய்த்
தீது இல் தெய்வ மடந்தையர் , சேடியர் ,
தாதிமார் , எனத் தம் பணி கேட்பவே .
mātar yāvarum vāṉavar tēviyar
kōtu il celvattu vaikiṉar , kovvai vāyt
tītu il teyva maṭantaiyar , cēṭiyar ,
tātimār , eṉat tam paṇi kēṭpavē .
நந்து அம் நந்த வனங்களில் , நாள் மலர்க்
கந்தம் உந்திய கற்பகக் காவில் , நின்று
அந்தர் வந்தென , அந்தி தன் கை தர
மந்தம் முந்த , நடந்தது வாடை ஏ .
nantu am nanta vaṉaṅkaḷil , nāḷ malark
kantam untiya kaṟpakak kāvil , niṉṟu
antar vanteṉa , anti taṉ kai tara
mantam munta , naṭantatu vāṭai ē .
மான்று அளிக் குலம் மா மதம் வந்து உணத்
தேன் தளிர்த்த கவளமும் , செம் கதிர்
கான்ற நெல் தழைக் கற்றையும் , கற்பகம்
ஈன்று அளிக்க , நுகர்ந்தன யானையே .
māṉṟu aḷik kulam mā matam vantu uṇat
tēṉ taḷirtta kavaḷamum , cem katir
kāṉṟa nel taḻaik kaṟṟaiyum , kaṟpakam
īṉṟu aḷikka , nukarntaṉa yāṉaiyē .
நரகதர்க்கு அறம் நல்கும் நலத்த நீர்
கர கதக் கரி கால் நிமிர்த்து உண்டன ;
மரகதத்தின் கொழுந்து என வார்ந்த புல்
குரகதம் அத்து இன் குழாங்களும் கொண்டவே .
narakatarkku aṟam nalkum nalatta nīr
kara katak kari kāl nimirttu uṇṭaṉa ;
marakatattiṉ koḻuntu eṉa vārnta pul
kurakatam attu iṉ kuḻāṅkaḷum koṇṭavē .
இன்னர் , இன்னணம் யாவரும் , இந்திரன்
துன்னு போகங்கள் துய்த்தனர் ; தோன்றல்தான் ,
அன்ன காயும் கிழங்கும் உண்டு , அவ் இராப்
பொன்னின் மேனி பொடி உறப் போக்கினான் .
iṉṉar , iṉṉaṇam yāvarum , intiraṉ
tuṉṉu pōkaṅkaḷ tuyttaṉar ; tōṉṟaltāṉ ,
aṉṉa kāyum kiḻaṅkum uṇṭu , av irāp
poṉṉiṉ mēṉi poṭi uṟap pōkkiṉāṉ .
நீல வல் இருள் நீங்கலும் , நீங்குறும்
மூலம் இல் கனவில் , திரு முற்று உற ,
ஏல நல்வினை துய்ப்பவர்க்கு ஈறுசெல்
காலம் என்னக் கதிரவன் தோன்றினான் .
nīla val iruḷ nīṅkalum , nīṅkuṟum
mūlam il kaṉavil , tiru muṟṟu uṟa ,
ēla nalviṉai tuyppavarkku īṟucel
kālam eṉṉak katiravaṉ tōṉṟiṉāṉ .
ஆறி நின்று அறம் ஆற்றலர் வாழ்வு எனப்
பாறி வீந்தது செல்வம் ; பரிந்திலர்
தேறி , முந்தைத் தம் சிந்தையர் ஆயினார் ,
மாறி வந்து பிறந்து அன்ன மாட்சியார் .
āṟi niṉṟu aṟam āṟṟalar vāḻvu eṉap
pāṟi vīntatu celvam ; parintilar
tēṟi , muntait tam cintaiyar āyiṉār ,
māṟi vantu piṟantu aṉṉa māṭciyār .
காலை என்று எழுந்தது ; கண்டு , வானவர் ,
'வேலை ' என்று , 'அனிகம் ' என்று ஏங்கி விம்முறச்
சோலையும் கிரிகளும் சுண்ணமாய் எழப்
பாலை சென்று , அடைந்தது பரதன் சேனை ஏ .
kālai eṉṟu eḻuntatu ; kaṇṭu , vāṉavar ,
'vēlai ' eṉṟu , 'aṉikam ' eṉṟu ēṅki vimmuṟac
cōlaiyum kirikaḷum cuṇṇamāy eḻap
pālai ceṉṟu , aṭaintatu parataṉ cēṉai ē .
எழுந்தது துகள் ; அதின் , எரியும் வெய்யவன்
அழுந்தினன் , அவிப்ப அரும் வெம்மை ஆறினான் ;
பொழிந்தன கரி மதம் , பொடி வெங் கானகம்
இழிந்தன , வழி நடந்து ஏற தொணாமை ஏ .
eḻuntatu tukaḷ ; atiṉ , eriyum veyyavaṉ
aḻuntiṉaṉ , avippa arum vemmai āṟiṉāṉ ;
poḻintaṉa kari matam , poṭi veṅ kāṉakam
iḻintaṉa , vaḻi naṭantu ēṟa toṇāmai ē .
வடி உடை அயில் படை மன்னர் வெண் குடை
செடி உடை நெடு நிழல் செய்த ; தீப் பொதி
படி உடைப் பரல் உடைப் பாலை , மேல் உயர்
கொடி உடைப் பந்தரின் , குளிர்ந்தது எங்குமே .
vaṭi uṭai ayil paṭai maṉṉar veṇ kuṭai
ceṭi uṭai neṭu niḻal ceyta ; tīp poti
paṭi uṭaip paral uṭaip pālai , mēl uyar
koṭi uṭaip pantariṉ , kuḷirntatu eṅkumē .
'பெருகிய செல்வம் நீ பிடி ' என்றாள் வயின்
திருகிய சீற்றத்தால் செம்மையாய் , நிறம்
கருகிய அண்ணலைக் கண்டு , காதலின்
உருகிய , தளிர்த்தன உலவை ஈட்டமே .
'perukiya celvam nī piṭi ' eṉṟāḷ vayiṉ
tirukiya cīṟṟattāl cemmaiyāy , niṟam
karukiya aṇṇalaik kaṇṭu , kātaliṉ
urukiya , taḷirttaṉa ulavai īṭṭamē .
வன் தெறு பாலையை மருதம் ஆம் எனச்
சென்றது , சித்திரகூடம் சேர்ந்தது ஆல் ;
ஒன்று உரைத்து , 'உயிரினும் ஒழுக்கம் நன்று ' எனப்
பொன்றிய புரவலன் பொரு இல் சேனையே .
vaṉ teṟu pālaiyai marutam ām eṉac
ceṉṟatu , cittirakūṭam cērntatu āl ;
oṉṟu uraittu , 'uyiriṉum oḻukkam naṉṟu ' eṉap
poṉṟiya puravalaṉ poru il cēṉaiyē .
தூளியின் படலையும் , துரகம் , தேரொடு ,
மூள் இருஞ் சினக் கரி முழங்கும் ஓதையும் ,
ஆள் இருங் குழுவினர் ஆரவாரமும் ,
'கோள் இரும் படை இது ' என்று உணரக் கூறவே .
tūḷiyiṉ paṭalaiyum , turakam , tēroṭu ,
mūḷ iruñ ciṉak kari muḻaṅkum ōtaiyum ,
āḷ iruṅ kuḻuviṉar āravāramum ,
'kōḷ irum paṭai itu ' eṉṟu uṇarak kūṟavē .
எழுந்தனன் இளையவன் , ஏறினான் நிலம்
கொழுந்து உயர்ந்து அனையது ஓர் நெடிய குன்றின்மேல் ,
செழும் திரைப் பரவையைச் சிறுமை செய்த அக்
கழுந்து உடை வரி சிலைக் கடலை நோக்கினான் .
eḻuntaṉaṉ iḷaiyavaṉ , ēṟiṉāṉ nilam
koḻuntu uyarntu aṉaiyatu ōr neṭiya kuṉṟiṉmēl ,
ceḻum tiraip paravaiyaic ciṟumai ceyta ak
kaḻuntu uṭai vari cilaik kaṭalai nōkkiṉāṉ .
'பரதன் , இப் படை கொடு , பார் கொண்டான் , மறம்
கருதி , உள் கிடந்தது ஓர் கறுவு காதலால் ,
விரதம் உற்று இருந்தவன் மேல் , வந்தான் ; இது
சரதம் , மற்று இலது ' எனத் தழங்கு சீற்றத்தான் .
'parataṉ , ip paṭai koṭu , pār koṇṭāṉ , maṟam
karuti , uḷ kiṭantatu ōr kaṟuvu kātalāl ,
viratam uṟṟu iruntavaṉ mēl , vantāṉ ; itu
caratam , maṟṟu ilatu ' eṉat taḻaṅku cīṟṟattāṉ .
குதித்தனன் பாரிடைக் குவடு நீறு எழ
மிதித்தனன் , இராமனை விரைவின் எய்தினான் ,
'மதித்திலன் , பரதன் நின்மேல் வந்தான் , மதில்
பதிப் பெருஞ் சேனையின் பரப்பினான் ' எனா .
kutittaṉaṉ pāriṭaik kuvaṭu nīṟu eḻa
mitittaṉaṉ , irāmaṉai viraiviṉ eytiṉāṉ ,
'matittilaṉ , parataṉ niṉmēl vantāṉ , matil
patip peruñ cēṉaiyiṉ parappiṉāṉ ' eṉā .
கட்டினன் சுரிகையும் கழலும் ; பல் கணைப்
புட்டிலும் பொறுத்தனன் ; கவசம் பூட்டு அமைத்து
இட்டனன் ; எடுத்தனன் வரிவில் ; ஏந்தலைத்
தொட்டு அடி வணங்கி நின்று , இனைய சொல்லினான் .
kaṭṭiṉaṉ curikaiyum kaḻalum ; pal kaṇaip
puṭṭilum poṟuttaṉaṉ ; kavacam pūṭṭu amaittu
iṭṭaṉaṉ ; eṭuttaṉaṉ varivil ; ēntalait
toṭṭu aṭi vaṇaṅki niṉṟu , iṉaiya colliṉāṉ .
'இருமையும் இழந்த அப் பரதன் ஏந்து தோள்
பருமையும் , அன்னவன் படைத்த சேனையின்
பெருமையும் , நின் ஒரு பின்பு வந்த என்
ஒருமையும் கண்டு , இனி உவத்தி உள்ளம் நீ . '
'irumaiyum iḻanta ap parataṉ ēntu tōḷ
parumaiyum , aṉṉavaṉ paṭaitta cēṉaiyiṉ
perumaiyum , niṉ oru piṉpu vanta eṉ
orumaiyum kaṇṭu , iṉi uvatti uḷḷam nī . '
'படர் எலாம் படப் படும் பரும யானையின்
திடர் எலாம் உருட்டின , தேரும் ஈர்த்தன ,
குடர் எலாம் திரைத்தன , குருதி ஆறுகள்
கடர் எலாம் மடுப்பன பலவும் காண்டி ஆல் . '
'paṭar elām paṭap paṭum paruma yāṉaiyiṉ
tiṭar elām uruṭṭiṉa , tērum īrttaṉa ,
kuṭar elām tiraittaṉa , kuruti āṟukaḷ
kaṭar elām maṭuppaṉa palavum kāṇṭi āl . '
'கருவியும் , கைகளும் , கவச மார்பமும் உம் ,
உருவின உயிரினோடு , உதிரம் தோய்வு இல
திரிவன , சுடர்க் கணை , திசைக் கை யானைகள்
வெருவரச் செய்வன , காண்டி , வீர ! நீ . '
'karuviyum , kaikaḷum , kavaca mārpamum um ,
uruviṉa uyiriṉōṭu , utiram tōyvu ila
tirivaṉa , cuṭark kaṇai , ticaik kai yāṉaikaḷ
veruvarac ceyvaṉa , kāṇṭi , vīra ! nī . '
'கோடகத் தேர்படு , குருதி தாவிய
ஆடகத் தட்டு இடை , அலகை , அற்று உகு
கேடகத் தடக்கைகள் கவ்விக் கிந்தின ,
நாடகம் நடிப்பன காண்டி , நாத ! நீ . '
'kōṭakat tērpaṭu , kuruti tāviya
āṭakat taṭṭu iṭai , alakai , aṟṟu uku
kēṭakat taṭakkaikaḷ kavvik kintiṉa ,
nāṭakam naṭippaṉa kāṇṭi , nāta ! nī . '
'பண் முதிர் களிறு ஒடு பரந்த சேனையின்
எண் முதல் அறுத்து , நான் இமைப்பின் நீக்கலால் ,
விண் முதுகு உளுக்கவும் , வேலை ஆடையின்
மண் முதுகு ஆற்றவும் காண்டி , வள்ளல் ! நீ . '
'paṇ mutir kaḷiṟu oṭu paranta cēṉaiyiṉ
eṇ mutal aṟuttu , nāṉ imaippiṉ nīkkalāl ,
viṇ mutuku uḷukkavum , vēlai āṭaiyiṉ
maṇ mutuku āṟṟavum kāṇṭi , vaḷḷal ! nī . '
''நிவந்த வான் குருதியின் நீத்தம் நீந்தி மெய்
சிவந்த சாதகரொடு சிறு கண் கூளியும் ,
கவந்தமும் , 'உலகம் நின் கையது ஆயது ' என்று ,
உவந்தன குனிப்பன காண்டி , உம்பர் போல் . ''
''nivanta vāṉ kurutiyiṉ nīttam nīnti mey
civanta cātakaroṭu ciṟu kaṇ kūḷiyum ,
kavantamum , 'ulakam niṉ kaiyatu āyatu ' eṉṟu ,
uvantaṉa kuṉippaṉa kāṇṭi , umpar pōl . ''
'சூழி வெம் கட கரி , துரக ராசிகள் ,
பாழி வன் புயம் அத்து இகல் வயவர் பட்டு அற ,
ஆழி வெம் குருதியால் அழிந்த வேலைகள்
ஏழும் , ஒன்றாகி நின்று இரைப்பக் காண்டி ஆல் . '
'cūḻi vem kaṭa kari , turaka rācikaḷ ,
pāḻi vaṉ puyam attu ikal vayavar paṭṭu aṟa ,
āḻi vem kurutiyāl aḻinta vēlaikaḷ
ēḻum , oṉṟāki niṉṟu iraippak kāṇṭi āl . '
'ஆள் அற , அலங்கு தேர் அழிய , ஆடவர்
வாள் அற , வரிசிலை துணிய , மா கரி
தாள் அறத் தலை அறப் புரவி , தாளொடும்
தோள் அற வடி கணை தொடுப்பக் காண்டியால் . '
'āḷ aṟa , alaṅku tēr aḻiya , āṭavar
vāḷ aṟa , varicilai tuṇiya , mā kari
tāḷ aṟat talai aṟap puravi , tāḷoṭum
tōḷ aṟa vaṭi kaṇai toṭuppak kāṇṭiyāl . '
'தழைத்த வான் சிறையன , தசையும் கவ்வின ,
அழைத்த வான் பறவைகள் , அலங்கு பொன் வடிம்பு
இழைத்த வான் பகழி புக்கு இருவர் மார்பிடைப்
புழைத்த வான் பெருவழி போகக் காண்டியால் . '
'taḻaitta vāṉ ciṟaiyaṉa , tacaiyum kavviṉa ,
aḻaitta vāṉ paṟavaikaḷ , alaṅku poṉ vaṭimpu
iḻaitta vāṉ pakaḻi pukku iruvar mārpiṭaip
puḻaitta vāṉ peruvaḻi pōkak kāṇṭiyāl . '
'ஒரு மகள் காதலின் உலகை நோய் செய்த
பெருமகன் ஏவலின் பரதன் தான் பெறும்
இரு நிலம் ஆள்கை விட்டு , இன்று , என் ஏவலால்
அரு நரகு ஆள்வது காண்டி , ஆழியாய் ! '
'oru makaḷ kātaliṉ ulakai nōy ceyta
perumakaṉ ēvaliṉ parataṉ tāṉ peṟum
iru nilam āḷkai viṭṭu , iṉṟu , eṉ ēvalāl
aru naraku āḷvatu kāṇṭi , āḻiyāy ! '
'''வையகம் துறந்து வந்து அடவி வைகுதல்
எய்தியது உனக்கு ' என , நின்னை ஈன்றவள்
நைதல் கண்டு உவந்தவள் , நவையின் ஓங்கிய
கைகயன் மகள் , விழுந்து அரற்றக் காண்டியால் . ''
'''vaiyakam tuṟantu vantu aṭavi vaikutal
eytiyatu uṉakku ' eṉa , niṉṉai īṉṟavaḷ
naital kaṇṭu uvantavaḷ , navaiyiṉ ōṅkiya
kaikayaṉ makaḷ , viḻuntu araṟṟak kāṇṭiyāl . ''
''அரம் சுட அழல் நிமிர் அலங்கல் வேலினாய் !
விரஞ்சு ஒரு நொடியில் , இவ் அனிக வேலையை
உரம் சுடு வடிக்கணை ஒன்றில் வென்று , முப்
புரம் சுடும் ஒருவனின் , பொலிவென் யான் '' என்றான் .
''aram cuṭa aḻal nimir alaṅkal vēliṉāy !
virañcu oru noṭiyil , iv aṉika vēlaiyai
uram cuṭu vaṭikkaṇai oṉṟil veṉṟu , mup
puram cuṭum oruvaṉiṉ , poliveṉ yāṉ '' eṉṟāṉ .
'இலக்குவ ! உலகம் ஓர் ஏழும் ஏழும் நீ
கலக்குவன் என்பது கருதினால் , அது
விலக்குவது அரிது ; அது விளம்ப வேண்டும் ஓ ?
புலக்கு உரித்து ஒரு பொருள் புகலக் கேட்டி ஆல் '
'ilakkuva ! ulakam ōr ēḻum ēḻum nī
kalakkuvaṉ eṉpatu karutiṉāl , atu
vilakkuvatu aritu ; atu viḷampa vēṇṭum ō ?
pulakku urittu oru poruḷ pukalak kēṭṭi āl '
'நம் குலத்து உதித்தவர் , நவையின் நீங்கினார் ,
எங்கு உலப்புறுவர்கள் ? எண்ணின் , யாவரே
தம் குலத்து ஒருவரும் தருமம் நீங்கினார் ?
பொங்கு உலத் திரள் ஒடு உம் பொருத தோளினாய் ! '
'nam kulattu utittavar , navaiyiṉ nīṅkiṉār ,
eṅku ulappuṟuvarkaḷ ? eṇṇiṉ , yāvarē
tam kulattu oruvarum tarumam nīṅkiṉār ?
poṅku ulat tiraḷ oṭu um poruta tōḷiṉāy ! '
'எனைத்து உள மறை அவை இயம்பல் பாலன ,
பனை திரள் கரக் கரிப் பரதன் செய்கையே ;
அனைத்திறம் அல்லன அல்ல ; அன்னது
நினைத்திலை , என்வயின் நேய நெஞ்சின் ஆல் . '
'eṉaittu uḷa maṟai avai iyampal pālaṉa ,
paṉai tiraḷ karak karip parataṉ ceykaiyē ;
aṉaittiṟam allaṉa alla ; aṉṉatu
niṉaittilai , eṉvayiṉ nēya neñciṉ āl . '
'பெருமகன் ஏவலின் , பிறந்த காதலின்
வரும் என நினைகையும் , மண்ணை என் வயின்
தரும் என நினைகையும் தவிரத் தானையால்
பொரும் என நினைகையும் புலமைப் பாலது ஓ ? '
'perumakaṉ ēvaliṉ , piṟanta kātaliṉ
varum eṉa niṉaikaiyum , maṇṇai eṉ vayiṉ
tarum eṉa niṉaikaiyum tavirat tāṉaiyāl
porum eṉa niṉaikaiyum pulamaip pālatu ō ? '
'பொன் ஒடும் பொரு கழல் பரதன் போந்தனன் ,
நல் நெடும் பெரும்படை நல்கல் அன்றியே ,
என்னொடும் பொரும் என இயம்பற் பாலதோ ?
மின் ஒடு உம் பொருவுற விளங்கும் வேலினாய் ! '
'poṉ oṭum poru kaḻal parataṉ pōntaṉaṉ ,
nal neṭum perumpaṭai nalkal aṉṟiyē ,
eṉṉoṭum porum eṉa iyampaṟ pālatō ?
miṉ oṭu um poruvuṟa viḷaṅkum vēliṉāy ! '
'சேண் உயர் தருமத்தின் தேவைச் செம்மையின்
ஆணியை , அன்னது நினைக்கல் ஆகுமோ ?
பூண் இயல் மொய்ம்பினாய் ! போந்தது ஈண்டு எனைக்
காணிய ; நீ இது பின்னும் காண்டியால் ! '
'cēṇ uyar tarumattiṉ tēvaic cemmaiyiṉ
āṇiyai , aṉṉatu niṉaikkal ākumō ?
pūṇ iyal moympiṉāy ! pōntatu īṇṭu eṉaik
kāṇiya ; nī itu piṉṉum kāṇṭiyāl ! '
என்றனன் , இளவலை நோக்கி , ஏந்தலும்
நின்றனன் ; பரதனும் , நிமிர்ந்த சேனையைப்
'பின் தருக ' என்று , தன் பிரிவு இல் காதலின்
தன் துணைத் தம்பியும் தானும் முந்தினான் .
eṉṟaṉaṉ , iḷavalai nōkki , ēntalum
niṉṟaṉaṉ ; parataṉum , nimirnta cēṉaiyaip
'piṉ taruka ' eṉṟu , taṉ pirivu il kātaliṉ
taṉ tuṇait tampiyum tāṉum muntiṉāṉ .
தொழுது உயர் கையினன் , துவண்ட மேனியன் ,
அழுது அழி கண்ணினன் , 'அவலம் ஈது ' என
எழுதிய படிவம் ஒத்து , எய்துவான் தனை ,
முழுது உணர் சிந்தையான் முடிய நோக்கினான் .
toḻutu uyar kaiyiṉaṉ , tuvaṇṭa mēṉiyaṉ ,
aḻutu aḻi kaṇṇiṉaṉ , 'avalam ītu ' eṉa
eḻutiya paṭivam ottu , eytuvāṉ taṉai ,
muḻutu uṇar cintaiyāṉ muṭiya nōkkiṉāṉ .
கார்ப் பொரு மேனி அக் கண்ணன் காட்டினான் ,
'ஆர்ப்பு உறு வரி சிலை இளைய ! ஐய ! நீ ,
தேர்ப் பெருந் தானை அப் பரதன் சீறிய
போர்ப் பெருங் கோலத்தைப் பொருந்த நோக்கு ' எனா .
kārp poru mēṉi ak kaṇṇaṉ kāṭṭiṉāṉ ,
'ārppu uṟu vari cilai iḷaiya ! aiya ! nī ,
tērp perun tāṉai ap parataṉ cīṟiya
pōrp peruṅ kōlattaip porunta nōkku ' eṉā .
எல் ஒடுங்கிய முகத்து இளவல் நின்றனன் ,
மல் ஒடுங்கிய புயத்தவனை வைது எழும்
சொல்லொடும் சினம் அத்து ஒடும் உணர்வு சோர்தர ,
வில் ஒடு உம் கண்ணின் நீர் நிலம் அத்து வீழவே .
el oṭuṅkiya mukattu iḷaval niṉṟaṉaṉ ,
mal oṭuṅkiya puyattavaṉai vaitu eḻum
colloṭum ciṉam attu oṭum uṇarvu cōrtara ,
vil oṭu um kaṇṇiṉ nīr nilam attu vīḻavē .
கோது அறத் தவம் செய்து குறிப்பின் எய்திய
நாதனைப் பிரிந்தனள் , நலத்து நீங்கினாள் ,
வேதனைத் திருமகள் மெலிகின்றாள் விடு
தூது எனப் பரதனும் தொழுது தோன்றினான் .
kōtu aṟat tavam ceytu kuṟippiṉ eytiya
nātaṉaip pirintaṉaḷ , nalattu nīṅkiṉāḷ ,
vētaṉait tirumakaḷ melikiṉṟāḷ viṭu
tūtu eṉap parataṉum toḻutu tōṉṟiṉāṉ .
'அறம்தனை நினைந்திலை ! அருளை நீத்தனை !
துறந்தனை முறைமையை ! ' என்னும் சொல்லினான் ,
மறந்தனன் , மலர் அடி வந்து வீழ்ந்தனன் ,
இறந்தனன் தாதையை எதிர்கண்டு என்னவே .
'aṟamtaṉai niṉaintilai ! aruḷai nīttaṉai !
tuṟantaṉai muṟaimaiyai ! ' eṉṉum colliṉāṉ ,
maṟantaṉaṉ , malar aṭi vantu vīḻntaṉaṉ ,
iṟantaṉaṉ tātaiyai etirkaṇṭu eṉṉavē .
உண்டு கொல் உயிர் என ஒடுங்கினான் உருக்
கண்டனன் , நின்றனன் கண்ணன் , கண் எனும்
புண்டரீகம் பொழி புனல் அவன் சடா
மண்டலம் நிறைந்துபோய் வழிந்து சோரவே .
uṇṭu kol uyir eṉa oṭuṅkiṉāṉ uruk
kaṇṭaṉaṉ , niṉṟaṉaṉ kaṇṇaṉ , kaṇ eṉum
puṇṭarīkam poḻi puṉal avaṉ caṭā
maṇṭalam niṟaintupōy vaḻintu cōravē .
அயா உயிர்த்து , அழு கண் நீர் அருவி மார்பிடை
உயா உற திரு உளம் உருகப் புல்லினான் ,
நியாயம் அத்தனைக்கும் ஓர் நிலயம் ஆயினான் ,
தயா முதல் அறம் அத்து இன் ஐ தழீஇயது என்னவே .
ayā uyirttu , aḻu kaṇ nīr aruvi mārpiṭai
uyā uṟa tiru uḷam urukap pulliṉāṉ ,
niyāyam attaṉaikkum ōr nilayam āyiṉāṉ ,
tayā mutal aṟam attu iṉ ai taḻīiyatu eṉṉavē .
புல்லினன் நின்று , அவன் புனைந்த வேடம் அத்து ஐ
பல் முறை நோக்கினான் , பலவும் உன்னினான் ;
'அல்லலின் அழுங்கினை , ஐய ! ஆள் உடை
மல் உயர் தோளினான் வலியன் ஓ ? ' என்றான் .
pulliṉaṉ niṉṟu , avaṉ puṉainta vēṭam attu ai
pal muṟai nōkkiṉāṉ , palavum uṉṉiṉāṉ ;
'allaliṉ aḻuṅkiṉai , aiya ! āḷ uṭai
mal uyar tōḷiṉāṉ valiyaṉ ō ? ' eṉṟāṉ .
அரியவன் உரைசெயப் பரதன் , 'ஐய ! நின்
பிரிவு எனும் பிணியினால் , என்னைப் பெற்ற அக்
கரியவள் வரம் எனும் காலன் ஆல் , தனக்கு
உரிய மெய் நிறுவிப் போய் , உம்பரான் ' என்றான் .
ariyavaṉ uraiceyap parataṉ , 'aiya ! niṉ
pirivu eṉum piṇiyiṉāl , eṉṉaip peṟṟa ak
kariyavaḷ varam eṉum kālaṉ āl , taṉakku
uriya mey niṟuvip pōy , umparāṉ ' eṉṟāṉ .
'விண் இடை அடைந்தனன் ' என்ற வெய்ய சொல் ,
புண் இடை அயில் எனச் செவி புகாமுனம் ,
கண் ஒடு மனம் சுழல் கறங்கு போல ஆய் ,
மண் இடை விழுந்தனன் வானின் உம்பரான் .
'viṇ iṭai aṭaintaṉaṉ ' eṉṟa veyya col ,
puṇ iṭai ayil eṉac cevi pukāmuṉam ,
kaṇ oṭu maṉam cuḻal kaṟaṅku pōla āy ,
maṇ iṭai viḻuntaṉaṉ vāṉiṉ umparāṉ .
இரு நிலம் சேர்ந்தனன் இறை , உயிர்த்திலன் ,
உரும் இனை அரவு என உணர்வு நீங்கினான் ;
அருமையின் உயிர்வர அயாவுயிர்த்து , அகம்
பொருமினன் பல் முறை , புலம்பினான் அரோ .
iru nilam cērntaṉaṉ iṟai , uyirttilaṉ ,
urum iṉai aravu eṉa uṇarvu nīṅkiṉāṉ ;
arumaiyiṉ uyirvara ayāvuyirttu , akam
porumiṉaṉ pal muṟai , pulampiṉāṉ arō .
'நந்தா விளக்கு அனைய நாயகனே ! நானிலத்தோர்
தந்தாய் ! தனி அறத்தின் தாயே ! தயாநிலையே !
எந்தாய் ! இகல் வேந்தர் ஏறே ! இறந்தனையே ?
அந்தோ ! இனி , வாய்மைக்கு ஆர் உளரே மற்று ? ' என்றான் .
'nantā viḷakku aṉaiya nāyakaṉē ! nāṉilattōr
tantāy ! taṉi aṟattiṉ tāyē ! tayānilaiyē !
entāy ! ikal vēntar ēṟē ! iṟantaṉaiyē ?
antō ! iṉi , vāymaikku ār uḷarē maṟṟu ? ' eṉṟāṉ .
'சொல் பெற்ற நோன்பின் துறையோன் அருள் வேண்டி ,
நல் பெற்ற வேள்வி , நவை நீங்க , நீ இயற்றி ,
என் பெற்று , நீ பெற்றது இன் உயிர் போய் நீங்கல் ஓ ?
கொல் பெற்ற வெற்றிக் கொலை பெற்ற கூர் வேலோய் ! '
'col peṟṟa nōṉpiṉ tuṟaiyōṉ aruḷ vēṇṭi ,
nal peṟṟa vēḷvi , navai nīṅka , nī iyaṟṟi ,
eṉ peṟṟu , nī peṟṟatu iṉ uyir pōy nīṅkal ō ?
kol peṟṟa veṟṟik kolai peṟṟa kūr vēlōy ! '
'மன் உயிர்க்கு நல்கு உரிமை
மண் பாரம் நான் சுமக்கப்
பொன் உயிர்க்கும் தாரோய் !
பொறை உயிர்த்த ஆறு இதுவோ ?
உன் உயிர்க்கும் கூற்றாய்
உலகு ஆள உற்றேன் ஓ ?
மின் உயிர்க்கும் தீவாய்
வெயில் உயிர்க்கும் வெள் வேலோய் ! '
'maṉ uyirkku nalku urimai
maṇ pāram nāṉ cumakkap
poṉ uyirkkum tārōy !
poṟai uyirtta āṟu ituvō ?
uṉ uyirkkum kūṟṟāy
ulaku āḷa uṟṟēṉ ō ?
miṉ uyirkkum tīvāy
veyil uyirkkum veḷ vēlōy ! '
'எம் பரத்தது ஆக்கி அரசுரிமை , இந்தியங்கள்
தம் பரத்தில் வீழாத் தவம் இழைத்த ஆறு இது ஓ ?
சம்பரப் பேர்த் தானவனைத் தள்ளிச் சதமகற்கு , அன்று ,
அம்பரத்தின் நீங்கா அரசு அளித்த ஆழியாய் ! '
'em parattatu ākki aracurimai , intiyaṅkaḷ
tam parattil vīḻāt tavam iḻaitta āṟu itu ō ?
camparap pērt tāṉavaṉait taḷḷic catamakaṟku , aṉṟu ,
amparattiṉ nīṅkā aracu aḷitta āḻiyāy ! '
'வேண்டும் திறத்தாரும் வேண்டா அரசாட்சி
பூண்டு , இவ் உலகுக்கு இடர் கொடுத்த புல்லனேன் ,
மாண்டு முடிவது அல்லால் , மாயா உடம்பு இது கொண்டு ,
ஆண்டு வருவது இனி , யார் முகத்தே நோக்கவோ ? '
'vēṇṭum tiṟattārum vēṇṭā aracāṭci
pūṇṭu , iv ulakukku iṭar koṭutta pullaṉēṉ ,
māṇṭu muṭivatu allāl , māyā uṭampu itu koṇṭu ,
āṇṭu varuvatu iṉi , yār mukattē nōkkavō ? '
'தேன் அடைந்த சோலைத்
திருநாடு கைவிட்டுக்
கான் அடைந்தேன் என்னத்
தரியாது , காவல ! நீ
வான் அடைந்தாய் ; இன்னம்
இருந்தேன் நான் , வாழ்வு உகந்து ஏ ;
ஊன் அடைந்த தெவ்வர்
உயிர் அடைந்த ஒள் வேலோய் ! '
'tēṉ aṭainta cōlait
tirunāṭu kaiviṭṭuk
kāṉ aṭaintēṉ eṉṉat
tariyātu , kāvala ! nī
vāṉ aṭaintāy ; iṉṉam
iruntēṉ nāṉ , vāḻvu ukantu ē ;
ūṉ aṭainta tevvar
uyir aṭainta oḷ vēlōy ! '
'வண்மையும் , மானமும் , வானவர்க்கும் பேர்க்ககிலாத்
திண்மையும் , செங்கோல் நெறியும் , திறம்பாத
உண்மையும் , எல்லாம் உடனே கொண்டு ஏகினை ஏ !
தண்மை தகை மதிக்கும் ஈந்த தனி குடையோய் ! '
'vaṇmaiyum , māṉamum , vāṉavarkkum pērkkakilāt
tiṇmaiyum , ceṅkōl neṟiyum , tiṟampāta
uṇmaiyum , ellām uṭaṉē koṇṭu ēkiṉai ē !
taṇmai takai matikkum īnta taṉi kuṭaiyōy ! '
என்று எடுத்துப் பற்பலவும் பன்னி , இடர் உழக்கும்
குன்று எடுத்த போலும் குவவுத் தோள் கோள் அரியை ,
வன் தட கைத் தம்பியரும் , வந்து அடைந்த மன்னவரும் ,
சென்று எடுத்துத் தாங்கினார் ; மா வதிட்டன் தேற்றினான் .
eṉṟu eṭuttup paṟpalavum paṉṉi , iṭar uḻakkum
kuṉṟu eṭutta pōlum kuvavut tōḷ kōḷ ariyai ,
vaṉ taṭa kait tampiyarum , vantu aṭainta maṉṉavarum ,
ceṉṟu eṭuttut tāṅkiṉār ; mā vatiṭṭaṉ tēṟṟiṉāṉ .
பன் அரிய நோன்பின் பரத்துவனே ஆதியாம்
பின்னு சடையோரும் , பேர் உலகம் ஓர் ஏழின்
மன்னவரும் , மந்திரியர் எல்லாரும் , வந்து அடைந்தார் ;
தன் உரிமைச் சேனைத் தலைவோரும் தாம் அடைந்தார் .
paṉ ariya nōṉpiṉ parattuvaṉē ātiyām
piṉṉu caṭaiyōrum , pēr ulakam ōr ēḻiṉ
maṉṉavarum , mantiriyar ellārum , vantu aṭaintār ;
taṉ urimaic cēṉait talaivōrum tām aṭaintār .
மற்றும் வரற்பாலர் எல்லாரும் வந்து அடைந்து ,
சுற்றும் இருந்த அமைதியினில் , துன்பு உழக்கும்
கொற்றக் குரிசில் முகம் நோக்கிக் கோ மலரோன்
பெற்ற பெருமைத் தவ முனிவன் பேசுவான் .
maṟṟum varaṟpālar ellārum vantu aṭaintu ,
cuṟṟum irunta amaitiyiṉil , tuṉpu uḻakkum
koṟṟak kuricil mukam nōkkik kō malarōṉ
peṟṟa perumait tava muṉivaṉ pēcuvāṉ .
'''துறத்தலும் நல் அறத் துறையும் அல்லது ,
புறத்து ஒரு துணை இலை , பொருந்தும் மன்னுயிர்க்கு ,
இறத்தலும் பிறத்தலும் இயற்கை ' என்பதை
மறத்தி ஓ , மறைகளின் வரம்பு கண்ட நீ ? ''
'''tuṟattalum nal aṟat tuṟaiyum allatu ,
puṟattu oru tuṇai ilai , poruntum maṉṉuyirkku ,
iṟattalum piṟattalum iyaṟkai ' eṉpatai
maṟatti ō , maṟaikaḷiṉ varampu kaṇṭa nī ? ''
''உண்மை இல் பிறவிகள் உலப்பு இல் கோடிகள்
தண்மையில் வெம்மையில் தழுவின எனும்
வண்மையை நோக்கிய , வலிய கூற்றின்பால்
கண்மையும் உளது எனக் கருதல் ஆகுமோ ? ''
''uṇmai il piṟavikaḷ ulappu il kōṭikaḷ
taṇmaiyil vemmaiyil taḻuviṉa eṉum
vaṇmaiyai nōkkiya , valiya kūṟṟiṉpāl
kaṇmaiyum uḷatu eṉak karutal ākumō ? ''
''பெறுவதன் முன் உயிர் பிரிதல் காண்டியால் ,
மறு அறு கற்பினில் வையம் யாவையும்
அறுவதினாயிரம் ஆண்டும் ஆண்டவன்
இறுவது கண்டு , அவற்கு இரங்கல் வேண்டுமோ ? ''
''peṟuvataṉ muṉ uyir pirital kāṇṭiyāl ,
maṟu aṟu kaṟpiṉil vaiyam yāvaiyum
aṟuvatiṉāyiram āṇṭum āṇṭavaṉ
iṟuvatu kaṇṭu , avaṟku iraṅkal vēṇṭumō ? ''
''சீலமும் , தருமமும் சிதைவு இல் செய்கையாய் !
சூலமும் , திகிரியும் , சொல்லும் தாங்கிய ,
மூலம் வந்து உதவிய , மூவர்க்கு ஆயினும் ,
காலம் என்று ஒரு வலை கடக்கல் ஆகுமோ ? ''
''cīlamum , tarumamum citaivu il ceykaiyāy !
cūlamum , tikiriyum , collum tāṅkiya ,
mūlam vantu utaviya , mūvarkku āyiṉum ,
kālam eṉṟu oru valai kaṭakkal ākumō ? ''
''கண் முதல் காட்சிய , கரை இல் நீளத்த ,
உள் முதல் பொருட்கு எலாம் ஊற்றம் ஆவன ,
மண் முதல் பூதங்கள் மாயும் என்ற போது ,
எண் முதல் உயிர்க்கு நீ இரங்கல் வேண்டும் ஓ ? ''
''kaṇ mutal kāṭciya , karai il nīḷatta ,
uḷ mutal poruṭku elām ūṟṟam āvaṉa ,
maṇ mutal pūtaṅkaḷ māyum eṉṟa pōtu ,
eṇ mutal uyirkku nī iraṅkal vēṇṭum ō ? ''
''புண்ணிய நறு நெயில் , பொரு இல் காலம் ஆம்
திண்ணிய திரியினில் , விதி என் தீயினில் ,
எண்ணிய விளக்கு அவை இரண்டும் எஞ்சினால் ,
அண்ணலே ! அவிவதற்கு ஐயம் யாவதோ ? ''
''puṇṇiya naṟu neyil , poru il kālam ām
tiṇṇiya tiriyiṉil , viti eṉ tīyiṉil ,
eṇṇiya viḷakku avai iraṇṭum eñciṉāl ,
aṇṇalē ! avivataṟku aiyam yāvatō ? ''
''இவ் உலகத்தினும் இடர் உளே கிடந்து ,
அவ் உலகத்தினும் நரகில் ஆழ்ந்து , தம்
வெவ் வினை துய்ப்பன விரிந்த யோனிகள் ,
எவ் அளவில் செல எண்ணல் ஆகுமோ ? ''
''iv ulakattiṉum iṭar uḷē kiṭantu ,
av ulakattiṉum narakil āḻntu , tam
vev viṉai tuyppaṉa virinta yōṉikaḷ ,
ev aḷavil cela eṇṇal ākumō ? ''
''உண்டு கொல் இது அலது உதவி நீ செய்வது ?
எண் தகு குணத்தினாய் ! தாதை என்றலால் ,
புண்டரீகத் தனி முதற்கும் போக்கு அரு
விண்டுவின் உலகு இடை விளங்கினான் அரோ ! ''
''uṇṭu kol itu alatu utavi nī ceyvatu ?
eṇ taku kuṇattiṉāy ! tātai eṉṟalāl ,
puṇṭarīkat taṉi mutaṟkum pōkku aru
viṇṭuviṉ ulaku iṭai viḷaṅkiṉāṉ arō ! ''
''ஐய ! நீ யாது ஒன்றும் அவலிப்பாய் அலை ;
உய் திறம் அவற்கு இனி இதனின் ஊங்கு உண்டோ ?
செய்வன வரன் முறை திருத்திச் சேந்த பின்
கையினால் ஒழுக்குதி கடன் எலாம் '' என்றான் .
''aiya ! nī yātu oṉṟum avalippāy alai ;
uy tiṟam avaṟku iṉi itaṉiṉ ūṅku uṇṭō ?
ceyvaṉa varaṉ muṟai tiruttic cēnta piṉ
kaiyiṉāl oḻukkuti kaṭaṉ elām '' eṉṟāṉ .
''விண்ணு நீர் மொக்குளின் விளியும் யாக்கையை
எண்ணி நீ அழுங்குதல் இழுதைப் பாலதால் ;
கண்ணின் நீர் உகுத்தலின் கண்டது இல்லை ; போய்
மண்ணு நீர் உகுத்தி , நீ , மலர் கையால் '' என்றான் .
''viṇṇu nīr mokkuḷiṉ viḷiyum yākkaiyai
eṇṇi nī aḻuṅkutal iḻutaip pālatāl ;
kaṇṇiṉ nīr ukuttaliṉ kaṇṭatu illai ; pōy
maṇṇu nīr ukutti , nī , malar kaiyāl '' eṉṟāṉ .
என்ற பின் , ஏந்தலை ஏந்தி , வேந்தரும் ,
பொன் திணிந்து அன சடைப் புனிதனோடும் , போய்ச்
சென்றனர் செறி திரைப் புனலில் ; 'செய்க ' என ,
நின்றனர் இராமனும் , நெறியை நோக்கினான் .
eṉṟa piṉ , ēntalai ēnti , vēntarum ,
poṉ tiṇintu aṉa caṭaip puṉitaṉōṭum , pōyc
ceṉṟaṉar ceṟi tiraip puṉalil ; 'ceyka ' eṉa ,
niṉṟaṉar irāmaṉum , neṟiyai nōkkiṉāṉ .
புக்கனன் புனலினில் , முழுகிப் போந்தனன் ,
தக்க நல் மறையவன் சடங்கு காட்டத் தான்
முக்கையின் நீர் விதி முறையின் ஈந்தனன் ,
ஒக்க நின்று உயிர் தொறும் உணர்வு நல்குவான் .
pukkaṉaṉ puṉaliṉil , muḻukip pōntaṉaṉ ,
takka nal maṟaiyavaṉ caṭaṅku kāṭṭat tāṉ
mukkaiyiṉ nīr viti muṟaiyiṉ īntaṉaṉ ,
okka niṉṟu uyir toṟum uṇarvu nalkuvāṉ .
ஆனவன் பிற உள யாவும் ஆற்றிப் பின்
மான மந்திரத்தவர் , மன்னர் , மாதவர் ,
ஏனையர் பிறர்களும் , சுற்ற ஏகினன் ,
சானகி இருந்த அச் சாலை எய்தினான் .
āṉavaṉ piṟa uḷa yāvum āṟṟip piṉ
māṉa mantirattavar , maṉṉar , mātavar ,
ēṉaiyar piṟarkaḷum , cuṟṟa ēkiṉaṉ ,
cāṉaki irunta ac cālai eytiṉāṉ .
எய்திய வேலையில் , தமியள் எய்திய
தையலை நோக்கினன் , சாலை நோக்கினான் ,
கைகளின் கண்மலர் புடைத்துக் கால் மிசை ,
ஐயன் , அப்பரதன் , வீழ்ந்து அரற்றினான் அரோ .
eytiya vēlaiyil , tamiyaḷ eytiya
taiyalai nōkkiṉaṉ , cālai nōkkiṉāṉ ,
kaikaḷiṉ kaṇmalar puṭaittuk kāl micai ,
aiyaṉ , apparataṉ , vīḻntu araṟṟiṉāṉ arō .
வெம் துயர் தொடர்தர , விம்மி விம்மி , நீர்
உந்திய நிரந்தரம் , ஊற்று மாற்றில
சிந்திய , குரிசில் அச் செம்மல் சேந்த கண் ,
இந்தியங்களில் எறி கடல் உண்டு என்னவே .
vem tuyar toṭartara , vimmi vimmi , nīr
untiya nirantaram , ūṟṟu māṟṟila
cintiya , kuricil ac cemmal cēnta kaṇ ,
intiyaṅkaḷil eṟi kaṭal uṇṭu eṉṉavē .
அந்நெடும் துயர் உறும் அரிய வீரனைத்
தன் நெடும் தடக்கையால் இராமன் தாங்கினான் ,
நல் நெடும் கூந்தலை நோக்கி , 'நாயகன் ,
என் நெடும் பிரிவினால் , துஞ்சினான் ' என்றான் .
anneṭum tuyar uṟum ariya vīraṉait
taṉ neṭum taṭakkaiyāl irāmaṉ tāṅkiṉāṉ ,
nal neṭum kūntalai nōkki , 'nāyakaṉ ,
eṉ neṭum piriviṉāl , tuñciṉāṉ ' eṉṟāṉ .
துண்ணொனும் நெஞ்சினாள் துளங்கினாள் , துணைக்
கண் எனும் கடல் நெடும் கலுழி கான்றிட ,
மண் எனும் செவிலிமேல் வைத்த கையினாள் ,
பண் எனும் கிளவியால் பன்னி , ஏங்கினாள் .
tuṇṇoṉum neñciṉāḷ tuḷaṅkiṉāḷ , tuṇaik
kaṇ eṉum kaṭal neṭum kaluḻi kāṉṟiṭa ,
maṇ eṉum cevilimēl vaitta kaiyiṉāḷ ,
paṇ eṉum kiḷaviyāl paṉṉi , ēṅkiṉāḷ .
கல் நகு திரள் புயக் கணவன் பின் செல ,
நல் நகர் ஒத்தது நடந்த கானமும் ;
'மன்னவன் துஞ்சினன் ' என்ற மாற்றத்தால் ,
அன்னமும் துயர் கடல் அடி வைத்தாள் , அரோ !
kal naku tiraḷ puyak kaṇavaṉ piṉ cela ,
nal nakar ottatu naṭanta kāṉamum ;
'maṉṉavaṉ tuñciṉaṉ ' eṉṟa māṟṟattāl ,
aṉṉamum tuyar kaṭal aṭi vaittāḷ , arō !
ஆயவள் தன்னை நேர்ந்து அங்கை ஏந்தினர் ,
தாயரின் , முனிவர் தம் தருமப் பன்னியர் ,
தூய நீர் ஆட்டினர் , துயரம் நீக்கினர் ,
நாயகற் சேர்த்தினர் , நவையுள் நீங்கினார் .
āyavaḷ taṉṉai nērntu aṅkai ēntiṉar ,
tāyariṉ , muṉivar tam tarumap paṉṉiyar ,
tūya nīr āṭṭiṉar , tuyaram nīkkiṉar ,
nāyakaṟ cērttiṉar , navaiyuḷ nīṅkiṉār .
தேன் தரும் தெரியல் அச் செம்மல் நால்வரை
ஈன்றவர் மூவரோடு , இருமை நோக்குறும்
சான்றவர் குழாம் அத்து ஒடு உம் , தருமம் நோக்கிய
தோன்றல் பால் , சுமந்திரன் தொழுது தோன்றினான் .
tēṉ tarum teriyal ac cemmal nālvarai
īṉṟavar mūvarōṭu , irumai nōkkuṟum
cāṉṟavar kuḻām attu oṭu um , tarumam nōkkiya
tōṉṟal pāl , cumantiraṉ toḻutu tōṉṟiṉāṉ .
'எந்தை யாண்டையான் ? இயம்புவீர் ! ' எனா ,
வந்த தாயர் தம் வயங்கு சேவடி
சிந்தி நின்றனன் சேந்த கண்ண நீர் ,
முந்தை நான்முகத்தவற்கும் முந்தையான் .
'entai yāṇṭaiyāṉ ? iyampuvīr ! ' eṉā ,
vanta tāyar tam vayaṅku cēvaṭi
cinti niṉṟaṉaṉ cēnta kaṇṇa nīr ,
muntai nāṉmukattavaṟkum muntaiyāṉ .
தாயரும் தலைப் பெய்து தாம் தழீஇ ,
ஓய்வு இல் துன்பினால் உரறல் ஓங்கினார் ;
ஆய சேனையும் , அணங்கு அனார்களும் ,
தீயில் வீழ்ந்து தீ மெழுகின் , தேம்பினார் .
tāyarum talaip peytu tām taḻīi ,
ōyvu il tuṉpiṉāl uraṟal ōṅkiṉār ;
āya cēṉaiyum , aṇaṅku aṉārkaḷum ,
tīyil vīḻntu tī meḻukiṉ , tēmpiṉār .
பின் அவ் வீரரைப் பெற்ற பெற்றி அப்
பொன் அனார்களும் சனகன் பூவையைத்
துன்னி , மார்பு உறத் தொடர்ந்து புல்லினார் ,
இன்னல் வேலை புக்கு இழிந்து அழுந்துவார் .
piṉ av vīraraip peṟṟa peṟṟi ap
poṉ aṉārkaḷum caṉakaṉ pūvaiyait
tuṉṉi , mārpu uṟat toṭarntu pulliṉār ,
iṉṉal vēlai pukku iḻintu aḻuntuvār .
சேனை வீரரும் , திரு நல் மா நகர்
மால் நை மாந்தரும் , மற்று உளோர்களும் ,
ஏனை வேந்தரும் , பிறரும் , யாவரும்
கோனை எய்தினார் , குறையும் சிந்தையார் .
cēṉai vīrarum , tiru nal mā nakar
māl nai māntarum , maṟṟu uḷōrkaḷum ,
ēṉai vēntarum , piṟarum , yāvarum
kōṉai eytiṉār , kuṟaiyum cintaiyār .
படம் செய் நாகம் அணை பள்ளி நீங்கினான்
இடம் செய் தொல் குலத்து இறைவன் ஆதலால் ,
தடம் செய் தேரினான் , தானும் நீரினால்
கடம் செய்வான் எனக் கடலின் மூழ்கினான் .
paṭam cey nākam aṇai paḷḷi nīṅkiṉāṉ
iṭam cey tol kulattu iṟaivaṉ ātalāl ,
taṭam cey tēriṉāṉ , tāṉum nīriṉāl
kaṭam ceyvāṉ eṉak kaṭaliṉ mūḻkiṉāṉ .
அன்று தீர்ந்தபின் , அரச வேலையும் ,
துன்று செஞ்சடைத் தவரும் , சுற்றமும் ,
தன் துணைத் திருத் தம்பிமார்களும் ,
சென்று சூழ , ஆண்டு இருந்த செம்மல் தான் .
aṉṟu tīrntapiṉ , araca vēlaiyum ,
tuṉṟu ceñcaṭait tavarum , cuṟṟamum ,
taṉ tuṇait tirut tampimārkaḷum ,
ceṉṟu cūḻa , āṇṭu irunta cemmal tāṉ .
'வரதன் துஞ்சினான் ; வையம் ஆணையால்
சரதம் நின்னதே ; மகுடம் தாங்கலாய் ,
விரத வேடம் நீ என் கொல் வேண்டுவான் ?
பரத ! கூறு ' எனாப் பரிந்து கூறினான் .
'varataṉ tuñciṉāṉ ; vaiyam āṇaiyāl
caratam niṉṉatē ; makuṭam tāṅkalāy ,
virata vēṭam nī eṉ kol vēṇṭuvāṉ ?
parata ! kūṟu ' eṉāp parintu kūṟiṉāṉ .
என்றலும் , பதைத்து எழுந்து , கைதொழா
நின்று , தோன்றலை நெடிது நோக்கி , 'நீ
அன்றி யாவரே அறத்து உளோர் ? அதில்
பின்றுவாய் கொலாம் ? ' என்னப் பேசுவான் .
eṉṟalum , pataittu eḻuntu , kaitoḻā
niṉṟu , tōṉṟalai neṭitu nōkki , 'nī
aṉṟi yāvarē aṟattu uḷōr ? atil
piṉṟuvāy kolām ? ' eṉṉap pēcuvāṉ .
'மனக்கு ஒன்றாதன வரத்தின் , நின்னையும்
நினக்கு ஒன்றா நிலை நிறுவி , நேமியான்
தனைக் கொன்றாள் தரும் தனையன் ஆதலால் ,
எனக்கு ஒன்றா , தவம் அடுப்பது எண்ணினால் . '
'maṉakku oṉṟātaṉa varattiṉ , niṉṉaiyum
niṉakku oṉṟā nilai niṟuvi , nēmiyāṉ
taṉaik koṉṟāḷ tarum taṉaiyaṉ ātalāl ,
eṉakku oṉṟā , tavam aṭuppatu eṇṇiṉāl . '
'நோவது ஆக இவ் உலகை நோய் செய்த
பாவ காரியின் பிறந்த பாவியேன் ,
சாவது ஓர்கிலேன் , தவம் செய்வேன் அலேன் ,
யாவன் ஆகி , இப் பழி நின்று ஏறுவேன் ? '
'nōvatu āka iv ulakai nōy ceyta
pāva kāriyiṉ piṟanta pāviyēṉ ,
cāvatu ōrkilēṉ , tavam ceyvēṉ alēṉ ,
yāvaṉ āki , ip paḻi niṉṟu ēṟuvēṉ ? '
'நிறையின் நீங்கிய மகளிர் நீர்மையும் ,
பொறையின் நீங்கிய தவமும் , பொங்கு அருள்
துறையின் நீங்கிய அறமும் , தொல்லையோர்
முறையின் நீங்கிய அரசின் முந்துமோ ? '
'niṟaiyiṉ nīṅkiya makaḷir nīrmaiyum ,
poṟaiyiṉ nīṅkiya tavamum , poṅku aruḷ
tuṟaiyiṉ nīṅkiya aṟamum , tollaiyōr
muṟaiyiṉ nīṅkiya araciṉ muntumō ? '
'பிறந்து நீயுடைப் பிரிவு இல் தொல் அறம்
துறந்து மாதவம் தொடங்குவாய் என்றால் ,
மறந்தும் நீதியில் திறம்பி , வாளின் கொன்று
அறம் தின்றான் என , அரசு அது ஆள்வென் ஓ ? '
'piṟantu nīyuṭaip pirivu il tol aṟam
tuṟantu mātavam toṭaṅkuvāy eṉṟāl ,
maṟantum nītiyil tiṟampi , vāḷiṉ koṉṟu
aṟam tiṉṟāṉ eṉa , aracu atu āḷveṉ ō ? '
'தொகை இல் அன்பினால் இறைவன் துஞ்ச , நீ
புகையும் வெஞ்சுரம் புகுதப் புந்தியால்
வகை இல் வஞ்சனாய் அரசு வௌவ , யான்
பகைவனே கொலாம் இறவு பார்க்கின்றேன் ? '
'tokai il aṉpiṉāl iṟaivaṉ tuñca , nī
pukaiyum veñcuram pukutap puntiyāl
vakai il vañcaṉāy aracu vauva , yāṉ
pakaivaṉē kolām iṟavu pārkkiṉṟēṉ ? '
'உந்தை தீமையும் , உலகு உறாத நோய்
தந்த தீவினைத் தாய் செய் தீமையும் ,
எந்தை ! நீங்க , மீண்டு அரசு செய்க ' எனாச்
சிந்தை யாவதும் தெரியக் கூறினான் .
'untai tīmaiyum , ulaku uṟāta nōy
tanta tīviṉait tāy cey tīmaiyum ,
entai ! nīṅka , mīṇṭu aracu ceyka ' eṉāc
cintai yāvatum teriyak kūṟiṉāṉ .
சொற்ற வாசகத் துணிவு உணர்ந்த பின் ,
'இற்றதோ இவன் மனம் ! ' என்று எண்ணுவான் ,
'வெற்றி வீர ! யான் விளம்பக் கேள் ' எனா ,
முற்ற நோக்கினான் மொழிதல் மேயினான் .
coṟṟa vācakat tuṇivu uṇarnta piṉ ,
'iṟṟatō ivaṉ maṉam ! ' eṉṟu eṇṇuvāṉ ,
'veṟṟi vīra ! yāṉ viḷampak kēḷ ' eṉā ,
muṟṟa nōkkiṉāṉ moḻital mēyiṉāṉ .
'முறையும் , வாய்மையும் , முயலும் நீதியும் ,
அறையும் மேன்மையோடு அறனும் ஆதியாம்
துறையுள் யாவையும் , சுருதி நூல் விடா
இறைவர் ஏவலால் இயைவ காண்டியால் . '
'muṟaiyum , vāymaiyum , muyalum nītiyum ,
aṟaiyum mēṉmaiyōṭu aṟaṉum ātiyām
tuṟaiyuḷ yāvaiyum , curuti nūl viṭā
iṟaivar ēvalāl iyaiva kāṇṭiyāl . '
'பரவு கேள்வியும் , பழுது இல் ஞானமும் ,
விரவு சீலமும் , வினையின் மேன்மையும் ,
உர விலோய் ! தொழற்கு உரிய தேவரும் ,
குரவரே எனப் பெரிது கோடி ஆல் . '
'paravu kēḷviyum , paḻutu il ñāṉamum ,
viravu cīlamum , viṉaiyiṉ mēṉmaiyum ,
ura vilōy ! toḻaṟku uriya tēvarum ,
kuravarē eṉap peritu kōṭi āl . '
'அந்த நல் பெருங் குரவர் ஆர் எனச்
சிந்தை தேர்வு உற தெரிய நோக்கினால் ,
தந்தை தாயர் என்று இவர்கள் தாம் அலால் ,
எந்தை ! கூற வேறு எவரும் இல்லை ஆல் . '
'anta nal peruṅ kuravar ār eṉac
cintai tērvu uṟa teriya nōkkiṉāl ,
tantai tāyar eṉṟu ivarkaḷ tām alāl ,
entai ! kūṟa vēṟu evarum illai āl . '
'தாய் வரம் கொளத் தந்தை ஏவலால்
மேய நம் குலத் தருமம் மேவினேன் ;
நீ வரம் கொளத் தவிர்தல் நீர்மையோ ?
ஆய்வு அரும் புலத்து அறிவு மேவினாய் ! '
'tāy varam koḷat tantai ēvalāl
mēya nam kulat tarumam mēviṉēṉ ;
nī varam koḷat tavirtal nīrmaiyō ?
āyvu arum pulattu aṟivu mēviṉāy ! '
'தனையர் ஆயினார் தந்தை தாயரை
வினையின் நல்லது ஓர் இசையை வேய்தலோ ,
நினையல் ஓவிடா நெடிய வன் பழி
புனிதலோ , ஐய ! புதல்வர் ஆதல்தான் ? '
'taṉaiyar āyiṉār tantai tāyarai
viṉaiyiṉ nallatu ōr icaiyai vēytalō ,
niṉaiyal ōviṭā neṭiya vaṉ paḻi
puṉitalō , aiya ! putalvar ātaltāṉ ? '
'இம்மை பொய் உரைத்து இவறி , எந்தையார்
அம்மை வெம்மை சேர் நரகம் ஆள , யான்
கொம்மை வெம் முலைக் குவையின் வைகி வாழ்
செம்மை சேர் நிலம் அத்து அரசு செய்வெனோ ? '
'immai poy uraittu ivaṟi , entaiyār
ammai vemmai cēr narakam āḷa , yāṉ
kommai vem mulaik kuvaiyiṉ vaiki vāḻ
cemmai cēr nilam attu aracu ceyveṉō ? '
'வரன் நில் உந்தை சொல் மரபினால் , உடைத்
தரணி நின்னது என்று இயைந்த தன்மையால் ,
உரனின் நீ பிறந்து உரிமை ஆதலால் ,
அரசு நின்னதே , ஆள்க ' என்ன வே .
'varaṉ nil untai col marapiṉāl , uṭait
taraṇi niṉṉatu eṉṟu iyainta taṉmaiyāl ,
uraṉiṉ nī piṟantu urimai ātalāl ,
aracu niṉṉatē , āḷka ' eṉṉa vē .
'முன்னர் வந்து உதித்து , உலகம் மூன்றினும்
நின்னை ஒப்பு இலா நீ பிறந்த பார்
என்னது ஆகில் , யான் இன்று தந்தனென் ;
மன்ன ! போந்து நீ மகுடம் சூடு ' எனா .
'muṉṉar vantu utittu , ulakam mūṉṟiṉum
niṉṉai oppu ilā nī piṟanta pār
eṉṉatu ākil , yāṉ iṉṟu tantaṉeṉ ;
maṉṉa ! pōntu nī makuṭam cūṭu ' eṉā .
'மலங்கி வையகம் வருந்தி வைக , நீ ,
உலம் கொள் தோள் உனக்கு , உறுவ செய்தி ஓ ?
கலங்குறா வணம் காத்தி போந்து ' எனாப்
பொலம் குலாவு தாள் பூண்டு , வேண்டினான் .
'malaṅki vaiyakam varunti vaika , nī ,
ulam koḷ tōḷ uṉakku , uṟuva ceyti ō ?
kalaṅkuṟā vaṇam kātti pōntu ' eṉāp
polam kulāvu tāḷ pūṇṭu , vēṇṭiṉāṉ .
'பசைந்த சிந்தை நீ பரிவின் வையம் என்
வசம் செய்தால் , அது முறைமையோ ? வசைக்கு
அசைந்த எந்தையார் அருள , அன்று , நான் ,
இசைந்த ஆண்டு எலாம் இன்றொடு ஏறும் ஓ ? '
'pacainta cintai nī pariviṉ vaiyam eṉ
vacam ceytāl , atu muṟaimaiyō ? vacaikku
acainta entaiyār aruḷa , aṉṟu , nāṉ ,
icainta āṇṭu elām iṉṟoṭu ēṟum ō ? '
'வாய்மை என்னும் ஈது அன்றி , வையகம்
தூய்மை என்றும் ஒன்று உண்மை சொல்லும் ஓ ?
தீமை தான் அதில் தீர்தல் ; அன்றியே ,
ஆய் , மெய் ஆக , வேறு அறையல் ஆவது ஏ ? '
'vāymai eṉṉum ītu aṉṟi , vaiyakam
tūymai eṉṟum oṉṟu uṇmai collum ō ?
tīmai tāṉ atil tīrtal ; aṉṟiyē ,
āy , mey āka , vēṟu aṟaiyal āvatu ē ? '
'எந்தை ஏவ , ஆண்டு ஏழொடு ஏழ் எனா
வந்த காலம் நான் வனத்துள் வைக , நீ ,
தந்த பாரகம் தன்னை , மெய்ம்மையால்
அந்த நாள் எலாம் ஆள் , என் ஆணை , ஆல் . '
'entai ēva , āṇṭu ēḻoṭu ēḻ eṉā
vanta kālam nāṉ vaṉattuḷ vaika , nī ,
tanta pārakam taṉṉai , meymmaiyāl
anta nāḷ elām āḷ , eṉ āṇai , āl . '
'மன்னவன் இருக்க ஏ உம் ,
''மணி அணி மகுடம் சூடுக ''
என்ன , யான் இயைந்தது , அன்னான்
ஏயது மறுக்க அஞ்சி ;
அன்னது நினைந்து நீ என்
ஆணையை மறுக்கல் ஆம் ஓ ?
சொன்னது செய்தி , ஐய !
துயர் உழந்து அயரல் ! ' என்றான் .
'maṉṉavaṉ irukka ē um ,
''maṇi aṇi makuṭam cūṭuka ''
eṉṉa , yāṉ iyaintatu , aṉṉāṉ
ēyatu maṟukka añci ;
aṉṉatu niṉaintu nī eṉ
āṇaiyai maṟukkal ām ō ?
coṉṉatu ceyti , aiya !
tuyar uḻantu ayaral ! ' eṉṟāṉ .
ஒள்ளியோன் இனைய எல்லாம்
உரைத்தலும் , உரைக்கல் உற்ற
பள்ளம் நீர் வெள்ளம் அன்ன
பரதனை விலக்கிப் பண்டு
தெள்ளிய குலத்தோர் செய்கை
சிக்கு அறச் சிந்தை நோக்கி ,
'வள்ளியோய் ! கேட்டி ' என்னா ,
வசிட்ட மா முனிவன் சொன்னான் .
oḷḷiyōṉ iṉaiya ellām
uraittalum , uraikkal uṟṟa
paḷḷam nīr veḷḷam aṉṉa
parataṉai vilakkip paṇṭu
teḷḷiya kulattōr ceykai
cikku aṟac cintai nōkki ,
'vaḷḷiyōy ! kēṭṭi ' eṉṉā ,
vaciṭṭa mā muṉivaṉ coṉṉāṉ .
'கிளர் அகன் புனலுள் நின்று , அரி , ஓர் கேழல் ஆய் ,
இளை எனும் திருவினை ஏந்தினான் அரோ ,
உளைவு அரும் பெருமை ஓர் எயிற்றின் உள் புரை
வளர் இளம் பிறை இடை மறுவின் தோன்றவே . '
'kiḷar akaṉ puṉaluḷ niṉṟu , ari , ōr kēḻal āy ,
iḷai eṉum tiruviṉai ēntiṉāṉ arō ,
uḷaivu arum perumai ōr eyiṟṟiṉ uḷ purai
vaḷar iḷam piṟai iṭai maṟuviṉ tōṉṟavē . '
'ஆதிய அமைதியின் இறுதி , ஐம்பெரும்
பூதமும் வெளி ஒழித்து எவையும் புக்க பின்
நாதன் அவ் அகன் புனல் நல்கி , நண்ணரும்
சோதி ஆம் தன்மையின் துயிறல் மேயினான் . '
'ātiya amaitiyiṉ iṟuti , aimperum
pūtamum veḷi oḻittu evaiyum pukka piṉ
nātaṉ av akaṉ puṉal nalki , naṇṇarum
cōti ām taṉmaiyiṉ tuyiṟal mēyiṉāṉ . '
'ஏற்ற இ தன்மையின் , அமரர்க்கு இன் அமுது
ஊற்றுடைக் கடல்வணன் உந்தி உந்திய
நூற்று இதழ்க் கமலம் அத்து இன் , நொய்தின் யாவையும்
தோற்றுவித்து உதவிட , முதல்வன் தோன்றினான் . '
'ēṟṟa i taṉmaiyiṉ , amararkku iṉ amutu
ūṟṟuṭaik kaṭalvaṇaṉ unti untiya
nūṟṟu itaḻk kamalam attu iṉ , noytiṉ yāvaiyum
tōṟṟuvittu utaviṭa , mutalvaṉ tōṉṟiṉāṉ . '
'அன்று அவன் உலகினை அளிக்க , ஆகியது
உன் தனிக் குலம் முதல் ; உள்ள வேந்தர்கள்
இன்று அளவினும் முறை இகந்து உளார் இலை ;
ஒன்று உளது உரை இனம் , உணரக் கேட்டி யால் . '
'aṉṟu avaṉ ulakiṉai aḷikka , ākiyatu
uṉ taṉik kulam mutal ; uḷḷa vēntarkaḷ
iṉṟu aḷaviṉum muṟai ikantu uḷār ilai ;
oṉṟu uḷatu urai iṉam , uṇarak kēṭṭi yāl . '
'இத இயல் இயற்றிய குரவர் யாரினும்
மத இயல் களிற்றினாய் ! ''மறு இல் விஞ்சைகள்
பதவிய இருமையும் பயக்கப் பண்பினால்
உதவிய ஒருவனே உயரும் '' என்பரால் . '
'ita iyal iyaṟṟiya kuravar yāriṉum
mata iyal kaḷiṟṟiṉāy ! ''maṟu il viñcaikaḷ
pataviya irumaiyum payakkap paṇpiṉāl
utaviya oruvaṉē uyarum '' eṉparāl . '
'என்றலால் யான் உனை எடுத்து விஞ்சைகள்
ஒன்று அலாதன பல உதவிற்று உண்மையால் ,
அன்று எனது , இன்று எனது ஆணை , ஐய ! நீ
நன்று போந்து அளி , உனக்கு உரிய நாடு ' என்றான் .
'eṉṟalāl yāṉ uṉai eṭuttu viñcaikaḷ
oṉṟu alātaṉa pala utaviṟṟu uṇmaiyāl ,
aṉṟu eṉatu , iṉṟu eṉatu āṇai , aiya ! nī
naṉṟu pōntu aḷi , uṉakku uriya nāṭu ' eṉṟāṉ .
'கூறிய முனிவனைக் குளிர்ந்த தாமரை
சீறிய கைகளால் தொழுது , செங்கணான் ,
'ஆறிய சிந்தனை அறிஞ ! ஒன்று உரை
கூறுவது உளது ' எனக் கூறல் மேயினான் .
'kūṟiya muṉivaṉaik kuḷirnta tāmarai
cīṟiya kaikaḷāl toḻutu , ceṅkaṇāṉ ,
'āṟiya cintaṉai aṟiña ! oṉṟu urai
kūṟuvatu uḷatu ' eṉak kūṟal mēyiṉāṉ .
'சான்றவர் ஆக , தன் குரவர் ஆக , தாய்
போன்றவர் ஆக , பொன் புதல்வர் ஆக தான் ,
தேன் தரு மலர் உளான் சிறுவ ! செய்வென் என்று
ஏன்றபின் , அவ் உரை மறுக்கும் ஈட்டதோ ? '
'cāṉṟavar āka , taṉ kuravar āka , tāy
pōṉṟavar āka , poṉ putalvar āka tāṉ ,
tēṉ taru malar uḷāṉ ciṟuva ! ceyveṉ eṉṟu
ēṉṟapiṉ , av urai maṟukkum īṭṭatō ? '
'தாய் பணித்து உவந்தன , தந்தை செய்கென
ஏய , எ பொருள்களும் இறைஞ்சி மேல் கொளா
தீய அப் புலையனின் , செய்கை தேர்கிலா
நாய் எனத் திரிவது நல்லது அல்லதோ ? '
'tāy paṇittu uvantaṉa , tantai ceykeṉa
ēya , e poruḷkaḷum iṟaiñci mēl koḷā
tīya ap pulaiyaṉiṉ , ceykai tērkilā
nāy eṉat tirivatu nallatu allatō ? '
'முன் உறப் பணித்தவர் மொழியை யான் என
சென்னியில் கொண்டு , ''அது செய்வென் '' என்றதன்
பின் உறப் பணித்தனை , பெருமையோய் ! எனக்கு
என் இனிச் செய்வகை ? உரைசெய் ஈங்கு ' என்றான் .
'muṉ uṟap paṇittavar moḻiyai yāṉ eṉa
ceṉṉiyil koṇṭu , ''atu ceyveṉ '' eṉṟataṉ
piṉ uṟap paṇittaṉai , perumaiyōy ! eṉakku
eṉ iṉic ceyvakai ? uraicey īṅku ' eṉṟāṉ .
முனிவனும் 'உரைப்பது ஓர் முறைமை கண்டிலம்
இனி ' என இருந்தனன் ; இளைய மைந்தனும் ,
'அனையதேல் ஆள்பவர் ஆள்க நாடு ; நான்
பனி படர் காடு உடன் படர்தல் மெய் ' என்றான் .
muṉivaṉum 'uraippatu ōr muṟaimai kaṇṭilam
iṉi ' eṉa iruntaṉaṉ ; iḷaiya maintaṉum ,
'aṉaiyatēl āḷpavar āḷka nāṭu ; nāṉ
paṉi paṭar kāṭu uṭaṉ paṭartal mey ' eṉṟāṉ .
அ வழி இமையவர் அறிந்து கூடினார் ,
'இ வழி இராமனை இவன் கொண்டு ஏகுமேல் ,
செம் வழித்து அன்று நம் செயல் ' என்று எண்ணினார் ,
கவ்வையர் , விசும்பு இடை கழறல் மேயினார் .
a vaḻi imaiyavar aṟintu kūṭiṉār ,
'i vaḻi irāmaṉai ivaṉ koṇṭu ēkumēl ,
cem vaḻittu aṉṟu nam ceyal ' eṉṟu eṇṇiṉār ,
kavvaiyar , vicumpu iṭai kaḻaṟal mēyiṉār .
'ஏத்தரும் பெரும் குணத்து இராமன் இவ் வழி
போத்து அரும் தாதை சொல் புரக்கும் பூட்சியான்
ஆத்த ஆண்டு ஏழினோடு ஏழும் அந் நிலம்
காத்தல் உன் கடன் ; இவை கடமை ' என்றனர் .
'ēttarum perum kuṇattu irāmaṉ iv vaḻi
pōttu arum tātai col purakkum pūṭciyāṉ
ātta āṇṭu ēḻiṉōṭu ēḻum an nilam
kāttal uṉ kaṭaṉ ; ivai kaṭamai ' eṉṟaṉar .
வானவர் உரைத்தலும் , 'மறுக்கற்பாலது அன்று ;
யான் உனை இரந்தனென் , இனி என் ஆணையால்
ஆனது ஓர் அமைதியின் அளித்தி பார் ' எனா ,
தான் அவன் துணை மலர்த் தடக்கை பற்றினான் .
vāṉavar uraittalum , 'maṟukkaṟpālatu aṉṟu ;
yāṉ uṉai irantaṉeṉ , iṉi eṉ āṇaiyāl
āṉatu ōr amaitiyiṉ aḷitti pār ' eṉā ,
tāṉ avaṉ tuṇai malart taṭakkai paṟṟiṉāṉ .
'ஆம் எனில் , ஏழ் இரண்டு ஆண்டில் , ஐய ! நீ
நாம நீர் நெடு நகர் நண்ணி நானிலம்
கோ முறை புரிகிலை என்னின் , கூர் எரிச்
சாம் , இது சரதம் ! நின் ஆணை சாற்றினேன் ! '
'ām eṉil , ēḻ iraṇṭu āṇṭil , aiya ! nī
nāma nīr neṭu nakar naṇṇi nāṉilam
kō muṟai purikilai eṉṉiṉ , kūr eric
cām , itu caratam ! niṉ āṇai cāṟṟiṉēṉ ! '
என்பது சொல்லிய பரதன் , யாதும் ஓர்
துன்பிலன் அவனது துணிவை நோக்கினான் ;
அன்பினன் , உருகினன் , 'அன்னது ஆக ' என்றான் ,
தன்புகழ் தன்னினும் பெரிய தன்மையான் .
eṉpatu colliya parataṉ , yātum ōr
tuṉpilaṉ avaṉatu tuṇivai nōkkiṉāṉ ;
aṉpiṉaṉ , urukiṉaṉ , 'aṉṉatu āka ' eṉṟāṉ ,
taṉpukaḻ taṉṉiṉum periya taṉmaiyāṉ .
விம்மினன் பரதனும் , வேறு செய்வது ஒன்று
இன்மையின் , 'அரிது ' என எண்ணி ஏங்குவான் ,
'செம்மையின் திரு வடி தலம் தந்தீக ' என
எம்மையும் தருவன இரண்டும் நல்கினான் .
vimmiṉaṉ parataṉum , vēṟu ceyvatu oṉṟu
iṉmaiyiṉ , 'aritu ' eṉa eṇṇi ēṅkuvāṉ ,
'cemmaiyiṉ tiru vaṭi talam tantīka ' eṉa
emmaiyum taruvaṉa iraṇṭum nalkiṉāṉ .
அடி தலம் இரண்டையும் அழுத கண்ணினான் ,
முடி தலம் இவை என முறையின் சூடினான் ;
படி தலம் அத்து இறைஞ்சினன் , பரதன் போயினான் ,
பொடித்தலம் இலங்குறு பொலம் கொள் மேனியான் .
aṭi talam iraṇṭaiyum aḻuta kaṇṇiṉāṉ ,
muṭi talam ivai eṉa muṟaiyiṉ cūṭiṉāṉ ;
paṭi talam attu iṟaiñciṉaṉ , parataṉ pōyiṉāṉ ,
poṭittalam ilaṅkuṟu polam koḷ mēṉiyāṉ .
ஈன்றவர் முதலிய எண் இல் சுற்றமும் ,
சான்றவர் குழுவொடு தவம் அத்து உளோர்கள் உம் ,
வான் தரு சேனையும் , மற்றும் சுற்றுற ,
மூன்று நூல் கிடந்த தோள் முனியும் போயினான் .
īṉṟavar mutaliya eṇ il cuṟṟamum ,
cāṉṟavar kuḻuvoṭu tavam attu uḷōrkaḷ um ,
vāṉ taru cēṉaiyum , maṟṟum cuṟṟuṟa ,
mūṉṟu nūl kiṭanta tōḷ muṉiyum pōyiṉāṉ .
பண்டை நூல் தெரி பரத்துவனும் போயினான் ;
மண்டு நீர் நெடு நகர் மாந்தர் போயினார் ;
விண்டு உறை தேவரும் விலகிப் போயினார் ;
கொண்டல் தன் ஆணையால் குகனும் போயினான் .
paṇṭai nūl teri parattuvaṉum pōyiṉāṉ ;
maṇṭu nīr neṭu nakar māntar pōyiṉār ;
viṇṭu uṟai tēvarum vilakip pōyiṉār ;
koṇṭal taṉ āṇaiyāl kukaṉum pōyiṉāṉ .
பாதுகம் தலைக்கொடு பரதன் பைம் புனல்
மோது கங்கையின் கரை கடந்து முந்தினான் ,
போது உகும் கடி பொழில் அயோத்தி புக்கிலன் ,
ஓது கங்குலில் நெடிது உறக்கம் நீங்கினான் .
pātukam talaikkoṭu parataṉ paim puṉal
mōtu kaṅkaiyiṉ karai kaṭantu muntiṉāṉ ,
pōtu ukum kaṭi poḻil ayōtti pukkilaṉ ,
ōtu kaṅkulil neṭitu uṟakkam nīṅkiṉāṉ .
நந்தி அம் பதி இடை , நாதன் பாதுகம்
செந் தனிக் கோல் முறை செலுத்தச் சிந்தையான்
இந்தியங்களை அவித்து இருத்தல் மேயினான் ,
அந்தியும் பகலும் நீர் அறாத கண்ணினான் .
nanti am pati iṭai , nātaṉ pātukam
cen taṉik kōl muṟai celuttac cintaiyāṉ
intiyaṅkaḷai avittu iruttal mēyiṉāṉ ,
antiyum pakalum nīr aṟāta kaṇṇiṉāṉ .
'குன்றினில் இருந்தனன் என்னும் கொள்கையால்
நின்றவர் நலிவரால் நேயம் அத்து ஆல் ' எனாத்
தன் துணைத் தம்பியும் , தானும் , தையலும் ,
தென் திசை நெறியினைச் சேறல் மேயினான் .
அயோத்தியா காண்டம் முற்றிற்று
'kuṉṟiṉil iruntaṉaṉ eṉṉum koḷkaiyāl
niṉṟavar nalivarāl nēyam attu āl ' eṉāt
taṉ tuṇait tampiyum , tāṉum , taiyalum ,
teṉ ticai neṟiyiṉaic cēṟal mēyiṉāṉ .
ayōttiyā kāṇṭam muṟṟiṟṟu
← Ayodhya Kandam — kukappaṭalam Ayodhya Kandam — kukappaṭalam Aranya Kandam — kaṭavuḷ vāḻttu → Aranya Kandam — kaṭavuḷ vāḻttu Keys: ← → turn the page, J K step through the verses.
Illustration: Verse & Place (Project-owned).