Skip to content

माङ्गल्यस्तवः

Mangalya Stava

māṅgalyastavaḥ

A hymn of auspicious blessings.

50 versesSanskrit with translation

Lamps lit at a doorway at dawn.

The English on this page is an AI draft. It was written with AI for this library and has not yet been checked by a translator, so read it as a guide to the original, not as an authority. How these drafts are made.

कार्यारंभेषु सर्वेषु दुःस्वप्नेषु च सत्तम । अमाङ्गल्येषु दृष्टेषु यज्जप्तव्यं तदुच्यताम् ॥ १ ॥

kāryāraṃbheṣu sarveṣu duḥsvapneṣu ca sattama | amāṅgalyeṣu dṛṣṭeṣu yajjaptavyaṃ taducyatām || 1 ||

Best of people, tell me what should be recited at the beginning of every undertaking, after bad dreams and when inauspicious things are seen.

AI draft translation, not yet reviewed

Report an error

येनारंभाश्च सिद्ध्यन्ति दुःस्वप्नश्चोपशाम्यति । अमङ्गलानां दृष्टानां परिहारश्च जायते ॥ २ ॥

yenāraṃbhāśca siddhyanti duḥsvapnaścopaśāmyati | amaṅgalānāṃ dṛṣṭānāṃ parihāraśca jāyate || 2 ||

Tell me that through which undertakings succeed, bad dreams subside and the inauspicious things seen are averted.

AI draft translation, not yet reviewed

Report an error

श्री पुलस्त्यः : । जनार्दनं भूतपतिं जगद्गुरुं स्मरन् मनुष्यः सततं महामुने । दुष्टान्यशेषण्यपहन्ति साधयति अशेषकार्याणि च यान्यभीप्सति ॥ ३ ॥

śrī pulastyaḥ : | janārdanaṃ bhūtapatiṃ jagadguruṃ smaran manuṣyaḥ satataṃ mahāmune | duṣṭānyaśeṣaṇyapahanti sādhayati aśeṣakāryāṇi ca yānyabhīpsati || 3 ||

Pulastya said: Great sage, by constantly remembering Janārdana, lord of beings and teacher of the world, a person removes every evil and accomplishes all the undertakings they desire.

AI draft translation, not yet reviewed

Report an error

शृणुष्व चान्यत् गदतो ममाखिलं वदामि यत् ते द्विजवर्य।! मङ्गलम् । सर्वार्थसिद्धिं प्रददाति यत् सदा निहन्त्य्शेषाणि च पातकानि ॥ ४ ॥

śṛṇuṣva cānyat gadato mamākhilaṃ vadāmi yat te dvijavarya|! maṅgalam | sarvārthasiddhiṃ pradadāti yat sadā nihantyśeṣāṇi ca pātakāni || 4 ||

Listen also to all else I say, best of brahmins. I tell you what is auspicious, what always grants success in every aim and destroys all wrongdoing.

AI draft translation, not yet reviewed

Report an error

प्रतिष्टितं यत्र जगच्चराचरं जगत्त्रये यो जगतश्च हेतुः । जगच्च पात्यत्ति च यः स सर्वदा ममास्तु माङ्गल्यविवृद्धये हरिः ॥ ५ ॥

pratiṣṭitaṃ yatra jagaccarācaraṃ jagattraye yo jagataśca hetuḥ | jagacca pātyatti ca yaḥ sa sarvadā mamāstu māṅgalyavivṛddhaye hariḥ || 5 ||

In Hari rests the world of moving and unmoving beings; he is the cause of the world within the three worlds, and he protects and consumes it. May Hari always increase my good fortune.

AI draft translation, not yet reviewed

Report an error

व्योमाम्बुवाय्वग्निमहीस्वरूपैः विस्तारवान् योऽणुतरोऽणुभावात् । अस्थूलसूक्ष्मः सततं परेश्वरो ममास्तु माङ्गल्यविवृद्धये हरिः ॥ ६ ॥

vyomāmbuvāyvagnimahīsvarūpaiḥ vistāravān yo'ṇutaro'ṇubhāvāt | asthūlasūkṣmaḥ satataṃ pareśvaro mamāstu māṅgalyavivṛddhaye hariḥ || 6 ||

Hari extends through the forms of space, water, air, fire and earth, yet is subtler than the subtle, neither gross nor subtle, ever the supreme Lord. May Hari increase my good fortune.

AI draft translation, not yet reviewed

Report an error

यस्मात् परस्मात् पुरुषादनन्तात् अनादिमध्यादधिकं न किंचित् । स हेतुहेतुः परमेश्वरेश्वरः ममास्तु माङ्गल्यविवृद्धये हरिः ॥ ७ ॥

yasmāt parasmāt puruṣādanantāt anādimadhyādadhikaṃ na kiṃcit | sa hetuhetuḥ parameśvareśvaraḥ mamāstu māṅgalyavivṛddhaye hariḥ || 7 ||

Nothing is greater than that supreme, infinite Person, without beginning or middle, the cause of causes, Lord of the supreme lords. May Hari increase my good fortune.

AI draft translation, not yet reviewed

Report an error

हिरण्यगर्भाच्युतरुद्ररूपी सृजत्यशेषं परिपाति हन्ति । गुणाग्रणीर्यो भगवान् स सर्वदा ममास्तु माङ्गल्यविवृद्धये हरिः ॥ ८ ॥

hiraṇyagarbhācyutarudrarūpī sṛjatyaśeṣaṃ paripāti hanti | guṇāgraṇīryo bhagavān sa sarvadā mamāstu māṅgalyavivṛddhaye hariḥ || 8 ||

Taking the forms of Hiraṇyagarbha, Acyuta and Rudra, the Lord creates, protects and destroys everything, leading the qualities of nature. May Hari always increase my good fortune.

AI draft translation, not yet reviewed

Report an error

परः सुराणां परमोऽसुराणां परो यतीनां परमो मुनीनाम् । परः समस्तस्य च यः स सर्वदा ममास्तु माङ्गल्यविवृद्धये हरिः ॥ ९ ॥

paraḥ surāṇāṃ paramo'surāṇāṃ paro yatīnāṃ paramo munīnām | paraḥ samastasya ca yaḥ sa sarvadā mamāstu māṅgalyavivṛddhaye hariḥ || 9 ||

He is beyond the gods, beyond the demons, beyond ascetics, beyond sages and beyond everything. May Hari always increase my good fortune.

AI draft translation, not yet reviewed

Report an error

ध्यातो मुनीनामपकल्मषैर्यो ददाति मुक्तिं परमेश्वरेश्वरः । मनोभिरामः पुरुषः स सर्वदा ममास्तु माङ्गल्यविवृद्धये हरिः ॥ १० ॥

dhyāto munīnāmapakalmaṣairyo dadāti muktiṃ parameśvareśvaraḥ | manobhirāmaḥ puruṣaḥ sa sarvadā mamāstu māṅgalyavivṛddhaye hariḥ || 10 ||

Meditated upon by the stainless minds of sages, the Lord of supreme lords grants liberation, the Person who delights the mind. May Hari always increase my good fortune.

AI draft translation, not yet reviewed

Report an error

सुरेन्द्रवैवस्वतवित्तपाम्बुपस्वरूपरूपी परिपाति यो जगत् । स शुद्धशुद्धः परमेश्वरेश्वरो ममास्तु माङ्गल्यविवृद्धये हरिः ॥ ११ ॥

surendravaivasvatavittapāmbupasvarūparūpī paripāti yo jagat | sa śuddhaśuddhaḥ parameśvareśvaro mamāstu māṅgalyavivṛddhaye hariḥ || 11 ||

Taking the forms of Indra, Yama, Kubera and Varuṇa, he protects the world, pure beyond the pure, Lord of supreme lords. May Hari increase my good fortune.

AI draft translation, not yet reviewed

Report an error

यन्नामसङ्कीर्तनतो विमुच्यते ह्यनेकजन्मार्जितपापसञ्चयात् । पापेन्धनाग्निः स सदैव निर्मलो ममास्तु माङ्गल्यविवृद्धये हरिः ॥ १२ ॥

yannāmasaṅkīrtanato vimucyate hyanekajanmārjitapāpasañcayāt | pāpendhanāgniḥ sa sadaiva nirmalo mamāstu māṅgalyavivṛddhaye hariḥ || 12 ||

Through singing his name one is freed from the heap of wrongs accumulated over many births. Ever stainless, he is the fire to the fuel of wrongdoing. May Hari increase my good fortune.

AI draft translation, not yet reviewed

Report an error

येनोद्धृतेयं धरणी रसातलात् अशेषसृष्टिस्थितिकारणादिकम् । बिभर्ति विश्वं जगतः स मूलं ममास्तु माङ्गल्यविवृद्धये हरिः ॥ १३ ॥

yenoddhṛteyaṃ dharaṇī rasātalāt aśeṣasṛṣṭisthitikāraṇādikam | bibharti viśvaṃ jagataḥ sa mūlaṃ mamāstu māṅgalyavivṛddhaye hariḥ || 13 ||

He raised this earth from Rasātala, sustains the whole universe and all the causes of creation, preservation and the rest, and is the root of the world. May Hari increase my good fortune.

AI draft translation, not yet reviewed

Report an error

पादेषु वेदा जठरे चराचरं रोमस्वशेषा मुनयो मुखे मखाः । यस्येश्वरेशस्य स सर्वदा प्रभुः ममास्तु माङ्गल्यविवृद्धये हरिः ॥ १४ ॥

pādeṣu vedā jaṭhare carācaraṃ romasvaśeṣā munayo mukhe makhāḥ | yasyeśvareśasya sa sarvadā prabhuḥ mamāstu māṅgalyavivṛddhaye hariḥ || 14 ||

The Vedas are at his feet, moving and unmoving beings within his belly, all the sages in his hairs and sacrifices in his mouth. May that Lord of lords, Hari, always increase my good fortune.

AI draft translation, not yet reviewed

Report an error

समस्त यज्ञाङ्गमयं वपुः प्रभोः यस्याङ्गमीशेश्वरसंस्तुतस्य । वराहरूपी भगवान् स सर्वदा ममास्तु माङ्गल्यविवृद्धये हरिः ॥ १५ ॥

samasta yajñāṅgamayaṃ vapuḥ prabhoḥ yasyāṅgamīśeśvarasaṃstutasya | varāharūpī bhagavān sa sarvadā mamāstu māṅgalyavivṛddhaye hariḥ || 15 ||

The Lord's body consists of all the limbs of sacrifice; the supreme lords praise his form. May the Lord Hari, who takes the form of the boar, always increase my good fortune.

AI draft translation, not yet reviewed

Report an error

विक्षोभ्य सर्वोदधितोयसंभवं दधार धात्रीं जगतश्च यो भुवम् । यज्ञेश्वरो यज्ञपुमान् स सर्वदा ममास्तु माङ्गल्यविवृद्धये हरिः ॥ १६ ॥

vikṣobhya sarvodadhitoyasaṃbhavaṃ dadhāra dhātrīṃ jagataśca yo bhuvam | yajñeśvaro yajñapumān sa sarvadā mamāstu māṅgalyavivṛddhaye hariḥ || 16 ||

Stirring the whole mass of ocean water, he bore the earth that supports the world, the lord of sacrifice, sacrifice in person. May Hari always increase my good fortune.

AI draft translation, not yet reviewed

Report an error

पातालमूलेश्वरभोगिसंहतो विन्यस्य पादौ पृतिवीं च बिभ्रतः । यस्योपमानं न बभूव सोऽच्युतो ममास्तु माङ्गल्यविवृद्धये हरिः ॥ १७ ॥

pātālamūleśvarabhogisaṃhato vinyasya pādau pṛtivīṃ ca bibhrataḥ | yasyopamānaṃ na babhūva so'cyuto mamāstu māṅgalyavivṛddhaye hariḥ || 17 ||

He planted his feet among the lordly serpents at the root of the underworld and bore the earth; there was no comparison for him, the unfailing one. May Hari increase my good fortune.

AI draft translation, not yet reviewed

Report an error

सघर्घरं यस्य च बृंहितं मुहुः सनन्दनाद्यैर्जनलोकसंश्रितैः । श्रुतं जयेत्युक्तिपरैः स सर्वदा ममास्तु माङ्गल्यविवृद्धये हरिः ॥ १८ ॥

saghargharaṃ yasya ca bṛṃhitaṃ muhuḥ sanandanādyairjanalokasaṃśritaiḥ | śrutaṃ jayetyuktiparaiḥ sa sarvadā mamāstu māṅgalyavivṛddhaye hariḥ || 18 ||

Sanandana and the others dwelling in Janaloka repeatedly heard his rumbling roar and cried, Victory! May Hari always increase my good fortune.

AI draft translation, not yet reviewed

Report an error

एकार्णवाद् यस्य महीयसौ महीं आदाय वेगेन खमुत्पतिष्यतः । नतं वपुर्योगिवरैः स सर्वदा ममास्तु माङ्गल्यविवृद्धये हरिः ॥ १९ ॥

ekārṇavād yasya mahīyasau mahīṃ ādāya vegena khamutpatiṣyataḥ | nataṃ vapuryogivaraiḥ sa sarvadā mamāstu māṅgalyavivṛddhaye hariḥ || 19 ||

The foremost yogis bowed to his mighty form as he took the earth from the single ocean and rose swiftly into the sky. May Hari always increase my good fortune.

AI draft translation, not yet reviewed

Report an error

हतो हिरण्याक्षमहासुरः पुरा पुराणपुंसा परमेण येन । वराहरूपः स पतिः प्रजापतिः ममास्तु माङ्गल्यविवृद्धये हरिः ॥ २० ॥

hato hiraṇyākṣamahāsuraḥ purā purāṇapuṃsā parameṇa yena | varāharūpaḥ sa patiḥ prajāpatiḥ mamāstu māṅgalyavivṛddhaye hariḥ || 20 ||

The supreme, ancient Person long ago slew the great demon Hiraṇyākṣa. May that lord, master of creatures, Hari in the form of the boar, increase my good fortune.

AI draft translation, not yet reviewed

Report an error

दंष्ट्राकरालं सुरभीतिनाशकं कृतं वपुर्दिव्यनृसिंहरूपिणा । त्रातुं जगत् येन स सर्वदा प्रभुः ममास्तु माङ्गल्यविवृद्धये हरिः ॥ २१ ॥

daṃṣṭrākarālaṃ surabhītināśakaṃ kṛtaṃ vapurdivyanṛsiṃharūpiṇā | trātuṃ jagat yena sa sarvadā prabhuḥ mamāstu māṅgalyavivṛddhaye hariḥ || 21 ||

To save the world he assumed a body in the divine form of Narasiṃha, terrible with fangs, destroying the gods' fear. May the Lord Hari always increase my good fortune.

AI draft translation, not yet reviewed

Report an error

दैत्येन्द्रवक्षःस्थलदारदारुणैः । करेरुहैर्यः क्रकचानुकारिभिः । विच्छेद लोकस्य भयानि सोऽच्युतो । ममास्तु माङ्गल्यविवृद्धये हरिः ॥ २२ ॥

daityendravakṣaḥsthaladāradāruṇaiḥ | kareruhairyaḥ krakacānukāribhiḥ | viccheda lokasya bhayāni so'cyuto | mamāstu māṅgalyavivṛddhaye hariḥ || 22 ||

With his nails, fearsome in tearing open the demon king's chest and resembling saws, the unfailing one cut away the world's fears. May Hari increase my good fortune.

AI draft translation, not yet reviewed

Report an error

दन्तान्तदीप्तद्युतिनिर्मलानि यः चकार सर्वाणि दिशां मुखानि । निनादवित्रासितदानवो ह्यसौ ममास्तु माङ्गल्यविवृद्धये हरिः ॥ २३ ॥

dantāntadīptadyutinirmalāni yaḥ cakāra sarvāṇi diśāṃ mukhāni | ninādavitrāsitadānavo hyasau mamāstu māṅgalyavivṛddhaye hariḥ || 23 ||

He made the faces of all the directions clear with the bright radiance shining from the tips of his teeth, and terrified the Dānavas with his roar. May Hari increase my good fortune.

AI draft translation, not yet reviewed

Report an error

यन्नामसंकीर्तनतो महाभयात् विमोक्षमाप्नोति न संशयं नरः । स सर्वलोकार्तिहरो नृकेसरी ममास्तु माङ्गल्यविवृद्धये हरिः ॥ २४ ॥

yannāmasaṃkīrtanato mahābhayāt vimokṣamāpnoti na saṃśayaṃ naraḥ | sa sarvalokārtiharo nṛkesarī mamāstu māṅgalyavivṛddhaye hariḥ || 24 ||

By singing his name, a person is certainly released from great fear. May that man-lion, remover of every world's distress, Hari, increase my good fortune.

AI draft translation, not yet reviewed

Report an error

सटाकरालभ्रमणानिलाहताः स्फुटन्ति यस्यांबुधराः समन्ततः । स दिव्यसिंहः स्फुरितानलेक्षणो ममास्तु माङ्गल्यविवृद्धये हरिः ॥ २५ ॥

saṭākarālabhramaṇānilāhatāḥ sphuṭanti yasyāṃbudharāḥ samantataḥ | sa divyasiṃhaḥ sphuritānalekṣaṇo mamāstu māṅgalyavivṛddhaye hariḥ || 25 ||

The clouds burst on every side, struck by the wind from the terrible whirling of his mane. May that divine lion, whose eyes flash with fire, Hari, increase my good fortune.

AI draft translation, not yet reviewed

Report an error

यदीक्षणज्योतिषि रश्मिमण्डलं प्रलीनमीषन्न रराज भास्वतः । कुतः शशाङ्कस्य स दिव्यरूपधृक् ममास्तु माङ्गल्यविवृद्धये हरिः ॥ २६ ॥

yadīkṣaṇajyotiṣi raśmimaṇḍalaṃ pralīnamīṣanna rarāja bhāsvataḥ | kutaḥ śaśāṅkasya sa divyarūpadhṛk mamāstu māṅgalyavivṛddhaye hariḥ || 26 ||

The Sun's circle of rays merged in the light of his eyes and could scarcely shine: how much less could the moon! May Hari, bearer of that divine form, increase my good fortune.

AI draft translation, not yet reviewed

Report an error

अशेषदेवेशनरेश्वरेश्वरैः सदा स्तुतं यच्चरितं महाद्भुतम् । स सर्वलोकार्तिहरो महाहरिः ममास्तु माङ्गल्यविवृद्धये हरिः ॥ २७ ॥

aśeṣadeveśanareśvareśvaraiḥ sadā stutaṃ yaccaritaṃ mahādbhutam | sa sarvalokārtiharo mahāhariḥ mamāstu māṅgalyavivṛddhaye hariḥ || 27 ||

All the supreme gods and kings always praise his wondrous deeds. May the great lion Hari, remover of the suffering of every world, increase my good fortune.

AI draft translation, not yet reviewed

Report an error

द्रवन्ति दैत्याः प्रणमन्ति देवताः नश्यन्ति रक्षांसि अपयान्ति चारयः । यत्कीर्तनात् सोऽद्भुतरूपकेसरी ममास्तु माङ्गल्यविवृद्धये हरिः ॥ २८ ॥

dravanti daityāḥ praṇamanti devatāḥ naśyanti rakṣāṃsi apayānti cārayaḥ | yatkīrtanāt so'dbhutarūpakesarī mamāstu māṅgalyavivṛddhaye hariḥ || 28 ||

When he is praised, Daityas flee, deities bow, Rākṣasas perish and enemies depart. May Hari, the lion of wondrous form, increase my good fortune.

AI draft translation, not yet reviewed

Report an error

ऋक्पावितं यो यजुषा हि श्रीमत् सामध्वनिध्वस्तसमस्तपातकम् । चक्रे जगत् वामनकः स सर्वदा ममास्तु माङ्गल्यविवृद्धये हरिः ॥ २९ ॥

ṛkpāvitaṃ yo yajuṣā hi śrīmat sāmadhvanidhvastasamastapātakam | cakre jagat vāmanakaḥ sa sarvadā mamāstu māṅgalyavivṛddhaye hariḥ || 29 ||

As Vāmana he made the world purified by Ṛg verses, splendid through the Yajur Veda, and freed of every wrong through the sound of the Sāma Veda. May Hari always increase my good fortune.

AI draft translation, not yet reviewed

Report an error

यत्पादविन्यासपवित्रतां मही ययौ वियच्चर्ग्यजुषामुदीरणात् । स वामनो दिव्यशरीररूपदृङ् ममास्तु माङ्गल्यविवृद्धये हरिः ॥ ३० ॥

yatpādavinyāsapavitratāṃ mahī yayau viyaccargyajuṣāmudīraṇāt | sa vāmano divyaśarīrarūpadṛṅ mamāstu māṅgalyavivṛddhaye hariḥ || 30 ||

The earth became pure through the placing of his feet, and the sky through his utterance of Ṛg and Yajur verses. May Vāmana, Hari in that divine bodily form, increase my good fortune.

AI draft translation, not yet reviewed

Report an error

यस्मिन् प्रयातेऽसुरभूभृतोऽध्वरात् ननाम खेदादवनिः ससागरा । स वामनः सर्वजगन्मयः सदा ममास्तु माङ्गल्यविवृद्धये हरिः ॥ ३१ ॥

yasmin prayāte'surabhūbhṛto'dhvarāt nanāma khedādavaniḥ sasāgarā | sa vāmanaḥ sarvajaganmayaḥ sadā mamāstu māṅgalyavivṛddhaye hariḥ || 31 ||

When he departed from the demon king's sacrifice, the earth with its oceans bowed under the strain. May Vāmana, Hari who consists of the whole universe, always increase my good fortune.

AI draft translation, not yet reviewed

Report an error

महाद्भुते दैत्यपतेर्महाध्वरे यस्मिन् प्रविष्टे क्षुभितं महासुरैः । स वामनोऽन्तस्थितसप्तलोकधृङ् ममास्तु माङ्गल्यविवृद्धये हरिः ॥ ३२ ॥

mahādbhute daityapatermahādhvare yasmin praviṣṭe kṣubhitaṃ mahāsuraiḥ | sa vāmano'ntasthitasaptalokadhṛṅ mamāstu māṅgalyavivṛddhaye hariḥ || 32 ||

When he entered the demon king's great and wondrous sacrifice, the mighty demons were thrown into turmoil. May Vāmana, Hari who holds the seven worlds within, increase my good fortune.

AI draft translation, not yet reviewed

Report an error

संघैः सुराणां दिवि भूतलस्थितैः तथा मनुष्यैर्गगने च खेचरैः । स्तुतः क्रमाद् यः प्रच्चार सर्वदा ममास्तु माङ्गल्यविवृद्धये हरिः ॥ ३३ ॥

saṃghaiḥ surāṇāṃ divi bhūtalasthitaiḥ tathā manuṣyairgagane ca khecaraiḥ | stutaḥ kramād yaḥ praccāra sarvadā mamāstu māṅgalyavivṛddhaye hariḥ || 33 ||

As he advanced in successive strides, the hosts of gods in heaven, human beings upon earth and sky-roaming beings in the air praised him. May Hari always increase my good fortune.

AI draft translation, not yet reviewed

Report an error

क्रान्त्वा धरित्रीं गगनं तथा दिवं मरुत्पतेर्यः प्रददौ त्रिविष्टपम् । स देवदेवो भुवनेश्वरेश्वरो ममास्तु माङ्गल्यविवृद्धये हरिः ॥ ३४ ॥

krāntvā dharitrīṃ gaganaṃ tathā divaṃ marutpateryaḥ pradadau triviṣṭapam | sa devadevo bhuvaneśvareśvaro mamāstu māṅgalyavivṛddhaye hariḥ || 34 ||

Striding across earth, the sky and heaven, he gave the celestial world back to the lord of the Maruts. May that God of gods, Lord of the world's lords, Hari, increase my good fortune.

AI draft translation, not yet reviewed

Report an error

अनुग्रहं चापि बलेरनुत्त्मं चकार यश्चेन्द्रपदोपमं क्षणात् । सुरांश्च यज्ञांशभुजः स सर्वदा ममास्तु माङ्गल्यविवृद्धये हरिः ॥ ३५ ॥

anugrahaṃ cāpi baleranuttmaṃ cakāra yaścendrapadopamaṃ kṣaṇāt | surāṃśca yajñāṃśabhujaḥ sa sarvadā mamāstu māṅgalyavivṛddhaye hariḥ || 35 ||

He instantly granted Bali unsurpassed favour, a station comparable to Indra's, and made the gods enjoy their shares of sacrifice. May Hari always increase my good fortune.

AI draft translation, not yet reviewed

Report an error

रसातलाद् येन पुरा समाहृताः समस्तवेदा जलचाररिरूपिणा । स कैटभारिमधुहाऽम्बुशायी ममास्तु माङ्गल्यविवृद्धये हरिः ॥ ३६ ॥

rasātalād yena purā samāhṛtāḥ samastavedā jalacārarirūpiṇā | sa kaiṭabhārimadhuhā'mbuśāyī mamāstu māṅgalyavivṛddhaye hariḥ || 36 ||

Long ago he recovered all the Vedas from Rasātala in an aquatic form. May that enemy of Kaiṭabha, slayer of Madhu, sleeper upon the waters, Hari, increase my good fortune.

AI draft translation, not yet reviewed

Report an error

निःक्षत्रियं यश्च चकार मेदिनीं अनेकशो बाहुवनं तथाऽच्छिनत् । यः कार्तवीर्यस्य स भार्गवोत्तमो ममास्तु माङ्गल्यविवृद्धये हरिः ॥ ३७ ॥

niḥkṣatriyaṃ yaśca cakāra medinīṃ anekaśo bāhuvanaṃ tathā'cchinat | yaḥ kārtavīryasya sa bhārgavottamo mamāstu māṅgalyavivṛddhaye hariḥ || 37 ||

He repeatedly made the earth devoid of warriors and cut down the forest of Kārtavīrya's arms. May the foremost descendant of Bhṛgu, Hari, increase my good fortune.

AI draft translation, not yet reviewed

Report an error

निहत्य यो वालिनमुग्रविक्रमं । निबद्ध्य सेतुं जलधौ दशाननम् । जघान चान्यान् रजनीचरान् असौ । ममास्तु माङ्गल्यविवृद्धये हरिः ॥ ३८ ॥

nihatya yo vālinamugravikramaṃ | nibaddhya setuṃ jaladhau daśānanam | jaghāna cānyān rajanīcarān asau | mamāstu māṅgalyavivṛddhaye hariḥ || 38 ||

He slew Vālin of terrible prowess, built a bridge across the ocean, and killed the ten-headed one and other night-roaming demons. May Hari increase my good fortune.

AI draft translation, not yet reviewed

Report an error

चिक्षेप बालः शकटं।, बभञ्ज यो यमार्जुनं।, कंसमरिं जघान च । ममर्द चाणूरमुखान् स सर्वदा ममास्तु माङ्गल्यविवृद्धये हरिः ॥ ३९ ॥

cikṣepa bālaḥ śakaṭaṃ|, babhañja yo yamārjunaṃ|, kaṃsamariṃ jaghāna ca | mamarda cāṇūramukhān sa sarvadā mamāstu māṅgalyavivṛddhaye hariḥ || 39 ||

As a child he flung away the cart, broke the twin arjuna trees, killed his enemy Kaṃsa and crushed Cāṇūra and the other wrestlers. May Hari always increase my good fortune.

AI draft translation, not yet reviewed

Report an error

प्रातः सहस्रांशुमरीचिनिर्मलं करेण बिभ्रत् भगवान् सुदर्शनम् । कौमोदकी चापि गदामनन्तो ममास्तु माङ्गल्यविवृद्धये हरिः ॥ ४० ॥

prātaḥ sahasrāṃśumarīcinirmalaṃ kareṇa bibhrat bhagavān sudarśanam | kaumodakī cāpi gadāmananto mamāstu māṅgalyavivṛddhaye hariḥ || 40 ||

In the morning the infinite Lord bears in his hand Sudarśana, clear as the rays of the Sun, and also the mace Kaumodakī. May Hari increase my good fortune.

AI draft translation, not yet reviewed

Report an error

हिमेन्दुकुन्दस्फटिकाभनिर्मलं मुखानिलापूरितमीश्वरेश्वरः । मध्याह्नकालेऽपि स शन्खमुद्वहन् ममास्तु माङ्गल्यविवृद्धये हरिः ॥ ४१ ॥

himendukundasphaṭikābhanirmalaṃ mukhānilāpūritamīśvareśvaraḥ | madhyāhnakāle'pi sa śankhamudvahan mamāstu māṅgalyavivṛddhaye hariḥ || 41 ||

At midday the Lord of lords carries the conch, filled with the breath of his mouth, pure as snow, moonlight, jasmine and crystal. May Hari increase my good fortune.

AI draft translation, not yet reviewed

Report an error

तथापराह्णे प्रविकासि पङ्कजं वक्षस्थलेन श्रियमुद्वहन् हरिः । विस्तारिपद्मायतपत्रलोचनो ममास्तु माङ्गल्यविवृद्धये हरिः ॥ ४२ ॥

tathāparāhṇe pravikāsi paṅkajaṃ vakṣasthalena śriyamudvahan hariḥ | vistāripadmāyatapatralocano mamāstu māṅgalyavivṛddhaye hariḥ || 42 ||

In the afternoon Hari bears a blossoming lotus and Lakshmi upon his chest, his eyes long as the broad petals of an opening lotus. May Hari increase my good fortune.

AI draft translation, not yet reviewed

Report an error

सर्वेषु कालेषु समस्तदेशेषु अशेषकार्येषु तथेश्वरेश्वरः । सर्वैः स्वरूपैर्भगवान् अनादिमान् ममास्तु माङ्गल्यविवृद्धये हरिः ॥ ४३ ॥

sarveṣu kāleṣu samastadeśeṣu aśeṣakāryeṣu tatheśvareśvaraḥ | sarvaiḥ svarūpairbhagavān anādimān mamāstu māṅgalyavivṛddhaye hariḥ || 43 ||

At all times, in every place and in every undertaking, may the beginningless Lord, Lord of lords, Hari, increase my good fortune through all his forms.

AI draft translation, not yet reviewed

Report an error

एतत् पठन् दाल्भ्य समस्तपापैः । विमुच्यते विष्णुपरो मनुष्यः । सिद्ध्यन्ति कार्याणि तथाऽस्य सर्वान् । अर्थानवाप्नोति यथेच्छते तान् ॥ ४४ ॥

etat paṭhan dālbhya samastapāpaiḥ | vimucyate viṣṇuparo manuṣyaḥ | siddhyanti kāryāṇi tathā'sya sarvān | arthānavāpnoti yathecchate tān || 44 ||

Dālbhya, a person devoted to Vishnu who recites this is freed from every wrong. Their undertakings succeed, and they obtain all the ends they desire.

AI draft translation, not yet reviewed

Report an error

दुःस्वप्नः प्रशममुपैति पठ्यमाने । स्तोत्रेऽस्मिन् श्रवणविधौ सदोद्यतस्य । प्रारम्भो द्रुतमुपयाति सिद्धिमीशः । पापानि क्षपयति चास्य देवदेवः ॥ ४५ ॥

duḥsvapnaḥ praśamamupaiti paṭhyamāne | stotre'smin śravaṇavidhau sadodyatasya | prārambho drutamupayāti siddhimīśaḥ | pāpāni kṣapayati cāsya devadevaḥ || 45 ||

When this hymn is recited, bad dreams subside. For one always intent on hearing it, an undertaking quickly reaches success, and the Lord, God of gods, destroys their wrongs.

AI draft translation, not yet reviewed

Report an error

माङ्गल्यं परमपदं सदाऽर्थसिद्धिं । निर्विघ्नामधिकफलां श्रियं ददाति । किं लोके तदिह परत्र चापि पुंसां । यद्विष्णुप्रवणधियां न दाल्भ्य।! साध्यम् ॥ ४६ ॥

māṅgalyaṃ paramapadaṃ sadā'rthasiddhiṃ | nirvighnāmadhikaphalāṃ śriyaṃ dadāti | kiṃ loke tadiha paratra cāpi puṃsāṃ | yadviṣṇupravaṇadhiyāṃ na dālbhya|! sādhyam || 46 ||

He grants good fortune, the supreme state, constant success in one's aims and prosperity free of obstacles and rich in fruit. Dālbhya, what could be unattainable in this world or the next for people whose minds turn towards Vishnu?

AI draft translation, not yet reviewed

Report an error

देवेन्द्रस्त्रिभुवनमर्थमेकपिंगः । संसिद्धिं त्रिभुवनगां च कार्तवीर्यः । वैदेहः परमपदं प्रसाद्य विष्णुं । संप्राप्ताः सकलफलप्रदो हि विष्णुः ॥ ४७ ॥

devendrastribhuvanamarthamekapiṃgaḥ | saṃsiddhiṃ tribhuvanagāṃ ca kārtavīryaḥ | vaidehaḥ paramapadaṃ prasādya viṣṇuṃ | saṃprāptāḥ sakalaphalaprado hi viṣṇuḥ || 47 ||

By pleasing Vishnu, Indra gained the three worlds, Ekapiṅga gained wealth, Kārtavīrya gained accomplishment extending through the three worlds, and the king of Videha gained the supreme state. Vishnu indeed grants every fruit.

AI draft translation, not yet reviewed

Report an error

सर्वारम्भेषु दाल्भ्यैतद् दुःस्वप्नेषु च पण्डितः । जपेदेकमना विष्णौ तथाऽमङ्गल्यदर्शने ॥ ४८ ॥

sarvārambheṣu dālbhyaitad duḥsvapneṣu ca paṇḍitaḥ | japedekamanā viṣṇau tathā'maṅgalyadarśane || 48 ||

Dālbhya, at the beginning of every undertaking, after bad dreams and upon seeing inauspicious things, the wise should recite this with the mind fixed solely upon Vishnu.

AI draft translation, not yet reviewed

Report an error

शमं प्रयान्ति दुष्टानि ग्रहपीडाश्च दारुणाः । कर्मारम्भाश्च सिद्ध्यन्ति पुण्यमाप्नोति चोत्तमम् ॥ ४९ ॥

śamaṃ prayānti duṣṭāni grahapīḍāśca dāruṇāḥ | karmārambhāśca siddhyanti puṇyamāpnoti cottamam || 49 ||

Evils and terrible planetary afflictions subside, undertakings succeed, and one gains the highest merit.

AI draft translation, not yet reviewed

Report an error

हरिर्ददाति भद्राणि मङ्गल्यस्तुतिसंस्तुतः । करोत्यखिलरूपैस्तु रक्षामक्षतशक्तिभृत् ॥ ५० ॥

harirdadāti bhadrāṇi maṅgalyastutisaṃstutaḥ | karotyakhilarūpaistu rakṣāmakṣataśaktibhṛt || 50 ||

Praised by this hymn of good fortune, Hari grants blessings. With undiminished power, he gives protection through all his forms.

AI draft translation, not yet reviewed

Report an error

Illustration: Verse & Place (Project-owned).