Skip to content

अध्याय १ · प्रथमोऽध्यायः

Creation and the Origin of the Law

prathamo'dhyāyaḥ

The sages ask Manu to declare the law. He tells how the Self-existent made the world from the golden egg, how Brahma's day and night measure the ages, and how this teaching came down through Bhrigu, who will recite it.

119 versesSanskrit with translation

A small luminous golden egg rests in a dark stone bowl of water beside a closed ancient manuscript.

मनुं एकाग्रं आसीनं अभिगम्य महर्षयः । प्रतिपूज्य यथान्यायं इदं वचनं अब्रुवन् ॥ १ ॥

manuṃ ekāgraṃ āsīnaṃ abhigamya maharṣayaḥ | pratipūjya yathānyāyaṃ idaṃ vacanaṃ abruvan || 1 ||

The great sages approached Manu, who was seated with a collected mind, and, having duly worshipped him, spoke as follows:

Report an error

भगवन्सर्ववर्णानां यथावदनुपूर्वशः । अन्तरप्रभवानां च धर्मान्नो वक्तुं अर्हसि ॥ २ ॥

bhagavansarvavarṇānāṃ yathāvadanupūrvaśaḥ | antaraprabhavānāṃ ca dharmānno vaktuṃ arhasi || 2 ||

'Deign, divine one, to declare to us precisely and in due order the sacred laws of each of the (four chief) castes (varna) and of the intermediate ones.

Report an error

त्वं एको ह्यस्य सर्वस्य विधानस्य स्वयंभुवः । अचिन्त्यस्याप्रमेयस्य कार्यतत्त्वार्थवित्प्रभो ॥ ३ ॥

tvaṃ eko hyasya sarvasya vidhānasya svayaṃbhuvaḥ | acintyasyāprameyasya kāryatattvārthavitprabho || 3 ||

'For thou, O Lord, alone knowest the purport, (i.e.) the rites, and the knowledge of the soul, (taught) in this whole ordinance of the Self-existent (Svayambhu), which is unknowable and unfathomable.'

Report an error

स तैः पृष्टस्तथा सम्यगमितौजा महात्मभिः । प्रत्युवाचार्च्य तान्सर्वान्महर्षीञ् श्रूयतां इति ॥ ४ ॥

sa taiḥ pṛṣṭastathā samyagamitaujā mahātmabhiḥ | pratyuvācārcya tānsarvānmaharṣīñ śrūyatāṃ iti || 4 ||

He, whose power is measureless, being thus asked by the high-minded great sages, duly honoured them, and answered, 'Listen!'

Report an error

आसीदिदं तमोभूतं अप्रज्ञातं अलक्षणम् । अप्रतर्क्यं अविज्ञेयं प्रसुप्तं इव सर्वतः ॥ ५ ॥

āsīdidaṃ tamobhūtaṃ aprajñātaṃ alakṣaṇam | apratarkyaṃ avijñeyaṃ prasuptaṃ iva sarvataḥ || 5 ||

This (universe) existed in the shape of Darkness, unperceived, destitute of distinctive marks, unattainable by reasoning, unknowable, wholly immersed, as it were, in deep sleep.

Report an error

ततः स्वयंभूर्भगवानव्यक्तो व्यञ्जयन्निदम् । महाभूतादि वृत्तौजाः प्रादुरासीत्तमोनुदः ॥ ६ ॥

tataḥ svayaṃbhūrbhagavānavyakto vyañjayannidam | mahābhūtādi vṛttaujāḥ prādurāsīttamonudaḥ || 6 ||

Then the divine Self-existent (Svayambhu, himself) indiscernible, (but) making (all) this, the great elements and the rest, discernible, appeared with irresistible (creative) power, dispelling the darkness.

Report an error

योऽसावतीन्द्रियग्राह्यः सूक्ष्मोऽव्यक्तः सनातनः । सर्वभूतमयोऽचिन्त्यः स एव स्वयं उद्बभौ ॥ ७ ॥

yo'sāvatīndriyagrāhyaḥ sūkṣmo'vyaktaḥ sanātanaḥ | sarvabhūtamayo'cintyaḥ sa eva svayaṃ udbabhau || 7 ||

He who can be perceived by the internal organ (alone), who is subtile, indiscernible, and eternal, who contains all created beings and is inconceivable, shone forth of his own (will).

Report an error

सोऽभिध्याय शरीरात्स्वात्सिसृक्षुर्विविधाः प्रजाः । अप एव ससर्जादौ तासु वीर्यं अवासृजत् ॥ ८ ॥

so'bhidhyāya śarīrātsvātsisṛkṣurvividhāḥ prajāḥ | apa eva sasarjādau tāsu vīryaṃ avāsṛjat || 8 ||

He, desiring to produce beings of many kinds from his own body, first with a thought created the waters, and placed his seed in them.

Report an error

तदण्डं अभवद्धैमं सहस्रांशुसमप्रभम् । तस्मिञ् जज्ञे स्वयं ब्रह्मा सर्वलोकपितामहः ॥ ९ ॥

tadaṇḍaṃ abhavaddhaimaṃ sahasrāṃśusamaprabham | tasmiñ jajñe svayaṃ brahmā sarvalokapitāmahaḥ || 9 ||

That (seed) became a golden egg, in brilliancy equal to the sun; in that (egg) he himself was born as Brahman, the progenitor of the whole world.

Report an error

आपो नारा इति प्रोक्ता आपो वै नरसूनवः । ता यदस्यायनं पूर्वं तेन नारायणः स्मृतः ॥ १० ॥

āpo nārā iti proktā āpo vai narasūnavaḥ | tā yadasyāyanaṃ pūrvaṃ tena nārāyaṇaḥ smṛtaḥ || 10 ||

The waters are called narah, (for) the waters are, indeed, the offspring of Nara; as they were his first residence (ayana), he thence is named Narayana.

Report an error

यत्तत्कारणं अव्यक्तं नित्यं सदसदात्मकम् । तद्विसृष्टः स पुरुषो लोके ब्रह्मेति कीर्त्यते ॥ ११ ॥

yattatkāraṇaṃ avyaktaṃ nityaṃ sadasadātmakam | tadvisṛṣṭaḥ sa puruṣo loke brahmeti kīrtyate || 11 ||

From that (first) cause, which is indiscernible, eternal, and both real and unreal, was produced that male (Purusha), who is famed in this world (under the appellation of) Brahman.

Report an error

तस्मिन्नण्डे स भगवानुषित्वा परिवत्सरम् । स्वयं एवात्मनो ध्यानात्तदण्डं अकरोद्द्विधा ॥ १२ ॥

tasminnaṇḍe sa bhagavānuṣitvā parivatsaram | svayaṃ evātmano dhyānāttadaṇḍaṃ akaroddvidhā || 12 ||

The divine one resided in that egg during a whole year, then he himself by his thought (alone) divided it into two halves;

Report an error

ताभ्यां स शकलाभ्यां च दिवं भूमिं च निर्ममे । मध्ये व्योम दिशश्चाष्टावपां स्थानं च शाश्वतम् ॥ १३ ॥

tābhyāṃ sa śakalābhyāṃ ca divaṃ bhūmiṃ ca nirmame | madhye vyoma diśaścāṣṭāvapāṃ sthānaṃ ca śāśvatam || 13 ||

And out of those two halves he formed heaven and earth, between them the middle sphere, the eight points of the horizon, and the eternal abode of the waters.

Report an error

उद्बबर्हात्मनश्चैव मनः सदसदात्मकम् । मनसश्चाप्यहंकारं अभिमन्तारं ईश्वरम् ॥ १४ ॥

udbabarhātmanaścaiva manaḥ sadasadātmakam | manasaścāpyahaṃkāraṃ abhimantāraṃ īśvaram || 14 ||

From himself (atmanah) he also drew forth the mind, which is both real and unreal, likewise from the mind egoism, which possesses the function of self-consciousness (and is) lordly;

Report an error

महान्तं एव चात्मानं सर्वाणि त्रिगुणानि च । विषयाणां ग्रहीतॄणि शनैः पञ्चेन्द्रियाणि च ॥ १५ ॥

mahāntaṃ eva cātmānaṃ sarvāṇi triguṇāni ca | viṣayāṇāṃ grahītṝṇi śanaiḥ pañcendriyāṇi ca || 15 ||

Moreover, the great one, the soul, and all (products) affected by the three qualities, and, in their order, the five organs which perceive the objects of sensation.

Report an error

तेषां त्ववयवान्सूक्ष्मान्षण्णां अप्यमितौजसाम् । संनिवेश्यात्ममात्रासु सर्वभूतानि निर्ममे ॥ १६ ॥

teṣāṃ tvavayavānsūkṣmānṣaṇṇāṃ apyamitaujasām | saṃniveśyātmamātrāsu sarvabhūtāni nirmame || 16 ||

But, joining minute particles even of those six, which possess measureless power, with particles of himself, he created all beings.

Report an error

यन्मूर्त्यवयवाः सूक्ष्मास्तानीमान्याश्रयन्ति षट् । तस्माच्छरीरं इत्याहुस्तस्य मूर्तिं मनीषिणः ॥ १७ ॥

yanmūrtyavayavāḥ sūkṣmāstānīmānyāśrayanti ṣaṭ | tasmāccharīraṃ ityāhustasya mūrtiṃ manīṣiṇaḥ || 17 ||

Because those six (kinds of) minute particles, which form the (creator's) frame, enter (a-sri) these (creatures), therefore the wise call his frame sarira, (the body.)

Report an error

तदाविशन्ति भूतानि महान्ति सह कर्मभिः । मनश्चावयवैः सूक्ष्मैः सर्वभूतकृदव्ययम् ॥ १८ ॥

tadāviśanti bhūtāni mahānti saha karmabhiḥ | manaścāvayavaiḥ sūkṣmaiḥ sarvabhūtakṛdavyayam || 18 ||

That the great elements enter, together with their functions and the mind, through its minute parts the framer of all beings, the imperishable one.

Report an error

तेषां इदं तु सप्तानां पुरुषाणां महौजसाम् । सूक्ष्माभ्यो मूर्तिमात्राभ्यः संभवत्यव्ययाद्व्ययम् ॥ १९ ॥

teṣāṃ idaṃ tu saptānāṃ puruṣāṇāṃ mahaujasām | sūkṣmābhyo mūrtimātrābhyaḥ saṃbhavatyavyayādvyayam || 19 ||

But from minute body (-framing) particles of these seven very powerful Purushas springs this (world), the perishable from the imperishable.

Report an error

आद्याद्यस्य गुणं त्वेषां अवाप्नोति परः परः । यो यो यावतिथश्चैषां स स तावद्गुणः स्मृतः ॥ २० ॥

ādyādyasya guṇaṃ tveṣāṃ avāpnoti paraḥ paraḥ | yo yo yāvatithaścaiṣāṃ sa sa tāvadguṇaḥ smṛtaḥ || 20 ||

Among them each succeeding (element) acquires the quality of the preceding one, and whatever place (in the sequence) each of them occupies, even so many qualities it is declared to possess.

Report an error

सर्वेषां तु स नामानि कर्माणि च पृथक्पृथक् । वेदशब्देभ्य एवादौ पृथक्संस्थाश्च निर्ममे ॥ २१ ॥

sarveṣāṃ tu sa nāmāni karmāṇi ca pṛthakpṛthak | vedaśabdebhya evādau pṛthaksaṃsthāśca nirmame || 21 ||

But in the beginning he assigned their several names, actions, and conditions to all (created beings), even according to the words of the Veda.

Report an error

कर्मात्मनां च देवानां सोऽसृजत्प्राणिनां प्रभुः । साध्यानां च गणं सूक्ष्मं यज्ञं चैव सनातनम् ॥ २२ ॥

karmātmanāṃ ca devānāṃ so'sṛjatprāṇināṃ prabhuḥ | sādhyānāṃ ca gaṇaṃ sūkṣmaṃ yajñaṃ caiva sanātanam || 22 ||

He, the Lord, also created the class of the gods, who are endowed with life, and whose nature is action; and the subtile class of the Sadhyas, and the eternal sacrifice.

Report an error

अग्निवायुरविभ्यस्तु त्रयं ब्रह्म सनातनम् । दुदोह यज्ञसिद्ध्यर्थं ऋग्यजुःसामलक्षणम् ॥ २३ ॥

agnivāyuravibhyastu trayaṃ brahma sanātanam | dudoha yajñasiddhyarthaṃ ṛgyajuḥsāmalakṣaṇam || 23 ||

But from fire, wind, and the sun he drew forth the threefold eternal Veda, called Rik, Yagus, and Saman, for the due performance of the sacrifice.

Report an error

कालं कालविभक्तीश्च नक्षत्राणि ग्रहांस्तथा । सरितः सागराञ् शैलान्समानि विषमानि च ॥ २४ ॥

kālaṃ kālavibhaktīśca nakṣatrāṇi grahāṃstathā | saritaḥ sāgarāñ śailānsamāni viṣamāni ca || 24 ||

Time and the divisions of time, the lunar mansions and the planets, the rivers, the oceans, the mountains, plains, and uneven ground.

Report an error

तपो वाचं रतिं चैव कामं च क्रोधं एव च । सृष्टिं ससर्ज चैवेमां स्रष्टुं इच्छन्निमाः प्रजाः ॥ २५ ॥

tapo vācaṃ ratiṃ caiva kāmaṃ ca krodhaṃ eva ca | sṛṣṭiṃ sasarja caivemāṃ sraṣṭuṃ icchannimāḥ prajāḥ || 25 ||

Austerity, speech, pleasure, desire, and anger, this whole creation he likewise produced, as he desired to call these beings into existence.

Report an error

कर्मणां च विवेकार्थं धर्माधर्मौ व्यवेचयत् । द्वन्द्वैरयोजयच्चेमाः सुखदुःखादिभिः प्रजाः ॥ २६ ॥

karmaṇāṃ ca vivekārthaṃ dharmādharmau vyavecayat | dvandvairayojayaccemāḥ sukhaduḥkhādibhiḥ prajāḥ || 26 ||

Moreover, in order to distinguish actions, he separated merit from demerit, and he caused the creatures to be affected by the pairs (of opposites), such as pain and pleasure.

Report an error

अण्व्यो मात्रा विनाशिन्यो दशार्धानां तु याः स्मृताः । ताभिः सार्धं इदं सर्वं संभवत्यनुपूर्वशः ॥ २७ ॥

aṇvyo mātrā vināśinyo daśārdhānāṃ tu yāḥ smṛtāḥ | tābhiḥ sārdhaṃ idaṃ sarvaṃ saṃbhavatyanupūrvaśaḥ || 27 ||

But with the minute perishable particles of the five (elements) which have been mentioned, this whole (world) is framed in due order.

Report an error

यं तु कर्मणि यस्मिन्स न्ययुङ्क्त प्रथमं प्रभुः । स तदेव स्वयं भेजे सृज्यमानः पुनः पुनः ॥ २८ ॥

yaṃ tu karmaṇi yasminsa nyayuṅkta prathamaṃ prabhuḥ | sa tadeva svayaṃ bheje sṛjyamānaḥ punaḥ punaḥ || 28 ||

But to whatever course of action the Lord at first appointed each (kind of beings), that alone it has spontaneously adopted in each succeeding creation.

Report an error

हिंस्राहिंस्रे मृदुक्रूरे धर्माधर्मावृतानृते । यद्यस्य सोऽदधात्सर्गे तत्तस्य स्वयं आविशत् ॥ २९ ॥

hiṃsrāhiṃsre mṛdukrūre dharmādharmāvṛtānṛte | yadyasya so'dadhātsarge tattasya svayaṃ āviśat || 29 ||

Whatever he assigned to each at the (first) creation, noxiousness or harmlessness, gentleness or ferocity, virtue or sin, truth or falsehood, that clung (afterwards) spontaneously to it.

Report an error

यथा र्तुलिङ्गान्यृतवः स्वयं एव र्तुपर्यये । स्वानि स्वान्यभिपद्यन्ते तथा कर्माणि देहिनः ॥ ३० ॥

yathā rtuliṅgānyṛtavaḥ svayaṃ eva rtuparyaye | svāni svānyabhipadyante tathā karmāṇi dehinaḥ || 30 ||

As at the change of the seasons each season of its own accord assumes its distinctive marks, even so corporeal beings (resume in new births) their (appointed) course of action.

Report an error

लोकानां तु विवृद्ध्यर्थं मुखबाहूरुपादतः । ब्राह्मणं क्षत्रियं वैश्यं शूद्रं च निरवर्तयत् ॥ ३१ ॥

lokānāṃ tu vivṛddhyarthaṃ mukhabāhūrupādataḥ | brāhmaṇaṃ kṣatriyaṃ vaiśyaṃ śūdraṃ ca niravartayat || 31 ||

But for the sake of the prosperity of the worlds he caused the Brahmana, the Kshatriya, the Vaisya, and the Sudra to proceed from his mouth, his arms, his thighs, and his feet.

Report an error

द्विधा कृत्वात्मनो देहं अर्धेन पुरुषोऽभवत् । अर्धेन नारी तस्यां स विराजं असृजत्प्रभुः ॥ ३२ ॥

dvidhā kṛtvātmano dehaṃ ardhena puruṣo'bhavat | ardhena nārī tasyāṃ sa virājaṃ asṛjatprabhuḥ || 32 ||

Dividing his own body, the Lord became half male and half female; with that (female) he produced Virag.

Report an error

तपस्तप्त्वासृजद्यं तु स स्वयं पुरुषो विराट् । तं मां वित्तास्य सर्वस्य स्रष्टारं द्विजसत्तमाः ॥ ३३ ॥

tapastaptvāsṛjadyaṃ tu sa svayaṃ puruṣo virāṭ | taṃ māṃ vittāsya sarvasya sraṣṭāraṃ dvijasattamāḥ || 33 ||

But know me, O most holy among the twice-born, to be the creator of this whole (world), whom that male, Virag, himself produced, having performed austerities.

Report an error

अहं प्रजाः सिसृक्षुस्तु तपस्तप्त्वा सुदुश्चरम् । पतीन्प्रजानां असृजं महर्षीनादितो दश ॥ ३४ ॥

ahaṃ prajāḥ sisṛkṣustu tapastaptvā suduścaram | patīnprajānāṃ asṛjaṃ maharṣīnādito daśa || 34 ||

Then I, desiring to produce created beings, performed very difficult austerities, and (thereby) called into existence ten great sages, lords of created beings,

Report an error

मरीचिं अत्र्यङ्गिरसौ पुलस्त्यं पुलहं क्रतुम् । प्रचेतसं वसिष्ठं च भृगुं नारदं एव च ॥ ३५ ॥

marīciṃ atryaṅgirasau pulastyaṃ pulahaṃ kratum | pracetasaṃ vasiṣṭhaṃ ca bhṛguṃ nāradaṃ eva ca || 35 ||

Mariki, Atri, Angiras, Pulastya, Pulaha, Kratu, Praketas, Vasishtha, Bhrigu, and Narada.

Report an error

एते मनूंस्तु सप्तान्यानसृजन्भूरितेजसः । देवान्देवनिकायांश्च महर्षींश्चामितौजसः ॥ ३६ ॥

ete manūṃstu saptānyānasṛjanbhūritejasaḥ | devāndevanikāyāṃśca maharṣīṃścāmitaujasaḥ || 36 ||

They created seven other Manus possessing great brilliancy, gods and classes of gods and great sages of measureless power,

Report an error

यक्षरक्षःपिशाचांश्च गन्धर्वाप्सरसोऽसुरान् । नागान्सर्पान्सुपर्णांश्च पितॄणांश्च पृथग्गणम् ॥ ३७ ॥

yakṣarakṣaḥpiśācāṃśca gandharvāpsaraso'surān | nāgānsarpānsuparṇāṃśca pitṝṇāṃśca pṛthaggaṇam || 37 ||

Yakshas (the servants of Kubera, the demons called) Rakshasas and Pisakas, Gandharvas (or musicians of the gods), Apsarases (the dancers of the gods), Asuras, (the snake-deities called) Nagas and Sarpas, (the bird-deities called) Suparnas and the several classes of the manes,

Report an error

विद्युतोऽशनिमेघांश्च रोहितेन्द्रधनूंषि च । उल्कानिर्घातकेतूंश्च ज्योतींष्युच्चावचानि च ॥ ३८ ॥

vidyuto'śanimeghāṃśca rohitendradhanūṃṣi ca | ulkānirghātaketūṃśca jyotīṃṣyuccāvacāni ca || 38 ||

Lightnings, thunderbolts and clouds, imperfect (rohita) and perfect rainbows, falling meteors, supernatural noises, comets, and heavenly lights of many kinds,

Report an error

किन्नरान्वानरान्मत्स्यान्विविधांश्च विहङ्गमान् । पशून्मृगान्मनुष्यांश्च व्यालांश्चोभयतोदतः ॥ ३९ ॥

kinnarānvānarānmatsyānvividhāṃśca vihaṅgamān | paśūnmṛgānmanuṣyāṃśca vyālāṃścobhayatodataḥ || 39 ||

(Horse-faced) Kinnaras, monkeys, fishes, birds of many kinds, cattle, deer, men, and carnivorous beasts with two rows of teeth,

Report an error

कृमिकीटपतङ्गांश्च यूकामक्षिकमत्कुणम् । सर्वं च दंशमशकं स्थावरं च पृथग्विधम् ॥ ४० ॥

kṛmikīṭapataṅgāṃśca yūkāmakṣikamatkuṇam | sarvaṃ ca daṃśamaśakaṃ sthāvaraṃ ca pṛthagvidham || 40 ||

Small and large worms and beetles, moths, lice, flies, bugs, all stinging and biting insects and the several kinds of immovable things.

Report an error

एवं एतैरिदं सर्वं मन्नियोगान्महात्मभिः । यथाकर्म तपोयोगात्सृष्टं स्थावरजङ्गमम् ॥ ४१ ॥

evaṃ etairidaṃ sarvaṃ manniyogānmahātmabhiḥ | yathākarma tapoyogātsṛṣṭaṃ sthāvarajaṅgamam || 41 ||

Thus was this whole (creation), both the immovable and the movable, produced by those high-minded ones by means of austerities and at my command, (each being) according to (the results of) its actions.

Report an error

येषां तु यादृषं कर्म भूतानां इह कीर्तितम् । तत्तथा वोऽभिधास्यामि क्रमयोगं च जन्मनि ॥ ४२ ॥

yeṣāṃ tu yādṛṣaṃ karma bhūtānāṃ iha kīrtitam | tattathā vo'bhidhāsyāmi kramayogaṃ ca janmani || 42 ||

But whatever act is stated (to belong) to (each of) those creatures here below, that I will truly declare to you, as well as their order in respect to birth.

Report an error

पशवश्च मृगाश्चैव व्यालाश्चोभयतोदतः । रक्षांसि च पिशाचाश्च मनुष्याश्च जरायुजाः ॥ ४३ ॥

paśavaśca mṛgāścaiva vyālāścobhayatodataḥ | rakṣāṃsi ca piśācāśca manuṣyāśca jarāyujāḥ || 43 ||

Cattle, deer, carnivorous beasts with two rows of teeth, Rakshasas, Pisakas, and men are born from the womb.

Report an error

अण्डाजाः पक्षिणः सर्पा नक्रा मत्स्याश्च कच्छपाः । यानि चैवंः प्रकाराणि स्थलजान्यौदकानि च ॥ ४४ ॥

aṇḍājāḥ pakṣiṇaḥ sarpā nakrā matsyāśca kacchapāḥ | yāni caivaṃḥ prakārāṇi sthalajānyaudakāni ca || 44 ||

From eggs are born birds, snakes, crocodiles, fishes, tortoises, as well as similar terrestrial and aquatic (animals).

Report an error

स्वेदजं दंशमशकं यूकामक्षिकमत्कुणम् । ऊष्मणश्चोपजायन्ते यच्चान्यत्किं चिदीदृषम् ॥ ४५ ॥

svedajaṃ daṃśamaśakaṃ yūkāmakṣikamatkuṇam | ūṣmaṇaścopajāyante yaccānyatkiṃ cidīdṛṣam || 45 ||

From hot moisture spring stinging and biting insects, lice, flies, bugs, and all other (creatures) of that kind which are produced by heat.

Report an error

उद्भिज्जाः स्थावराः सर्वे बीजकाण्डप्ररोहिणः । ओषध्यः फलपाकान्ता बहुपुष्पफलोपगाः ॥ ४६ ॥

udbhijjāḥ sthāvarāḥ sarve bījakāṇḍaprarohiṇaḥ | oṣadhyaḥ phalapākāntā bahupuṣpaphalopagāḥ || 46 ||

All plants, propagated by seed or by slips, grow from shoots; annual plants (are those) which, bearing many flowers and fruits, perish after the ripening of their fruit;

Report an error

अपुष्पाः फलवन्तो ये ते वनस्पतयः स्मृताः । पुष्पिणः फलिनश्चैव वृक्षास्तूभयतः स्मृताः ॥ ४७ ॥

apuṣpāḥ phalavanto ye te vanaspatayaḥ smṛtāḥ | puṣpiṇaḥ phalinaścaiva vṛkṣāstūbhayataḥ smṛtāḥ || 47 ||

(Those trees) which bear fruit without flowers are called vanaspati (lords of the forest); but those which bear both flowers and fruit are called vriksha.

Report an error

गुच्छगुल्मं तु विविधं तथैव तृणजातयः । बीजकाण्डरुहाण्येव प्रताना वल्ल्य एव च ॥ ४८ ॥

gucchagulmaṃ tu vividhaṃ tathaiva tṛṇajātayaḥ | bījakāṇḍaruhāṇyeva pratānā vallya eva ca || 48 ||

But the various plants with many stalks, growing from one or several roots, the different kinds of grasses, the climbing plants and the creepers spring all from seed or from slips.

Report an error

तमसा बहुरूपेण वेष्टिताः कर्महेतुना । अन्तःसंज्ञा भवन्त्येते सुखदुःखसमन्विताः ॥ ४९ ॥

tamasā bahurūpeṇa veṣṭitāḥ karmahetunā | antaḥsaṃjñā bhavantyete sukhaduḥkhasamanvitāḥ || 49 ||

These (plants) which are surrounded by multiform Darkness, the result of their acts (in former existences), possess internal consciousness and experience pleasure and pain.

Report an error

एतदन्तास्तु गतयो ब्रह्माद्याः समुदाहृताः । घोरेऽस्मिन्भूतसंसारे नित्यं सततयायिनि ॥ ५० ॥

etadantāstu gatayo brahmādyāḥ samudāhṛtāḥ | ghore'sminbhūtasaṃsāre nityaṃ satatayāyini || 50 ||

The (various) conditions in this always terrible and constantly changing circle of births and deaths to which created beings are subject, are stated to begin with (that of) Brahman, and to end with (that of) these (just mentioned immovable creatures).

Report an error

एवं सर्वं स सृष्ट्वेदं मां चाचिन्त्यपराक्रमः । आत्मन्यन्तर्दधे भूयः कालं कालेन पीडयन् ॥ ५१ ॥

evaṃ sarvaṃ sa sṛṣṭvedaṃ māṃ cācintyaparākramaḥ | ātmanyantardadhe bhūyaḥ kālaṃ kālena pīḍayan || 51 ||

When he whose power is incomprehensible, had thus produced the universe and men, he disappeared in himself, repeatedly suppressing one period by means of the other.

Report an error

यदा स देवो जागर्ति तदेवं चेष्टते जगत् । यदा स्वपिति शान्तात्मा तदा सर्वं निमीलति ॥ ५२ ॥

yadā sa devo jāgarti tadevaṃ ceṣṭate jagat | yadā svapiti śāntātmā tadā sarvaṃ nimīlati || 52 ||

When that divine one wakes, then this world stirs; when he slumbers tranquilly, then the universe sinks to sleep.

Report an error

तस्मिन्स्वपिति तु स्वस्थे कर्मात्मानः शरीरिणः । स्वकर्मभ्यो निवर्तन्ते मनश्च ग्लानिं ऋच्छति ॥ ५३ ॥

tasminsvapiti tu svasthe karmātmānaḥ śarīriṇaḥ | svakarmabhyo nivartante manaśca glāniṃ ṛcchati || 53 ||

But when he reposes in calm sleep, the corporeal beings whose nature is action, desist from their actions and mind becomes inert.

Report an error

युगपत्तु प्रलीयन्ते यदा तस्मिन्महात्मनि । तदायं सर्वभूतात्मा सुखं स्वपिति निर्वृतः ॥ ५४ ॥

yugapattu pralīyante yadā tasminmahātmani | tadāyaṃ sarvabhūtātmā sukhaṃ svapiti nirvṛtaḥ || 54 ||

When they are absorbed all at once in that great soul, then he who is the soul of all beings sweetly slumbers, free from all care and occupation.

Report an error

तमोऽयं तु समाश्रित्य चिरं तिष्ठति सेन्द्रियः । न च स्वं कुरुते कर्म तदोत्क्रामति मूर्तितः ॥ ५५ ॥

tamo'yaṃ tu samāśritya ciraṃ tiṣṭhati sendriyaḥ | na ca svaṃ kurute karma tadotkrāmati mūrtitaḥ || 55 ||

When this (soul) has entered darkness, it remains for a long time united with the organs (of sensation), but performs not its functions; it then leaves the corporeal frame.

Report an error

यदाणुमात्रिको भूत्वा बीजं स्थास्नु चरिष्णु च । समाविशति संसृष्टस्तदा मूर्तिं विमुञ्चति ॥ ५६ ॥

yadāṇumātriko bhūtvā bījaṃ sthāsnu cariṣṇu ca | samāviśati saṃsṛṣṭastadā mūrtiṃ vimuñcati || 56 ||

When, being clothed with minute particles (only), it enters into vegetable or animal seed, it then assumes, united (with the fine body), a (new) corporeal frame.

Report an error

एवं स जाग्रत्स्वप्नाभ्यां इदं सर्वं चराचरम् । संजीवयति चाजस्रं प्रमापयति चाव्ययः ॥ ५७ ॥

evaṃ sa jāgratsvapnābhyāṃ idaṃ sarvaṃ carācaram | saṃjīvayati cājasraṃ pramāpayati cāvyayaḥ || 57 ||

Thus he, the imperishable one, by (alternately) waking and slumbering, incessantly revivifies and destroys this whole movable and immovable (creation).

Report an error

इदं शास्त्रं तु कृत्वासौ मां एव स्वयं आदितः । विधिवद्ग्राहयां आस मरीच्यादींस्त्वहं मुनीन् ॥ ५८ ॥

idaṃ śāstraṃ tu kṛtvāsau māṃ eva svayaṃ āditaḥ | vidhivadgrāhayāṃ āsa marīcyādīṃstvahaṃ munīn || 58 ||

But he having composed these Institutes (of the sacred law), himself taught them, according to the rule, to me alone in the beginning; next I (taught them) to Mariki and the other sages.

Report an error

एतद्वोऽयं भृगुः शास्त्रं श्रावयिष्यत्यशेसतः । एतद्धि मत्तोऽधिजगे सर्वं एषोऽखिलं मुनिः ॥ ५९ ॥

etadvo'yaṃ bhṛguḥ śāstraṃ śrāvayiṣyatyaśesataḥ | etaddhi matto'dhijage sarvaṃ eṣo'khilaṃ muniḥ || 59 ||

Bhrigu, here, will fully recite to you these Institutes; for that sage learned the whole in its entirety from me.

Report an error

ततस्तथा स तेनोक्तो महर्षिमनुना भृगुः । तानब्रवीदृषीन्सर्वान्प्रीतात्मा श्रूयतां इति ॥ ६० ॥

tatastathā sa tenokto maharṣimanunā bhṛguḥ | tānabravīdṛṣīnsarvānprītātmā śrūyatāṃ iti || 60 ||

Then that great sage Bhrigu, being thus addressed by Manu, spoke, pleased in his heart, to all the sages, 'Listen!'

Report an error

स्वायंभुवस्यास्य मनोः षड्वंश्या मनवोऽपरे । सृष्टवन्तः प्रजाः स्वाः स्वा महात्मानो महौजसः ॥ ६१ ॥

svāyaṃbhuvasyāsya manoḥ ṣaḍvaṃśyā manavo'pare | sṛṣṭavantaḥ prajāḥ svāḥ svā mahātmāno mahaujasaḥ || 61 ||

Six other high-minded, very powerful Manus, who belong to the race of this Manu, the descendant of the Self-existent (Svayambhu), and who have severally produced created beings,

Report an error

स्वारोचिषश्चोत्तमश्च तामसो रैवतस्तथा । चाक्षुषश्च महातेजा विवस्वत्सुत एव च ॥ ६२ ॥

svārociṣaścottamaśca tāmaso raivatastathā | cākṣuṣaśca mahātejā vivasvatsuta eva ca || 62 ||

(Are) Svarokisha, Auttami, Tamasa, Raivata, Kakshusha, possessing great lustre, and the son of Vivasvat.

Report an error

स्वायंभुवाद्याः सप्तैते मनवो भूरितेजसः । स्वे स्वेऽन्तरे सर्वं इदं उत्पाद्यापुश्चराचरम् ॥ ६३ ॥

svāyaṃbhuvādyāḥ saptaite manavo bhūritejasaḥ | sve sve'ntare sarvaṃ idaṃ utpādyāpuścarācaram || 63 ||

These seven very glorious Manus, the first among whom is Svayambhuva, produced and protected this whole movable and immovable (creation), each during the period (allotted to him).

Report an error

निमेषा दश चाष्टौ च काष्ठा त्रिंशत्तु ताः कला । त्रिंशत्कला मुहूर्तः स्यादहोरात्रं तु तावतः ॥ ६४ ॥

nimeṣā daśa cāṣṭau ca kāṣṭhā triṃśattu tāḥ kalā | triṃśatkalā muhūrtaḥ syādahorātraṃ tu tāvataḥ || 64 ||

Eighteen nimeshas (twinklings of the eye, are one kashtha), thirty kashthas one kala, thirty kalas one muhurta, and as many (muhurtas) one day and night.

Report an error

अहोरात्रे विभजते सूर्यो मानुषदैविके । रात्रिः स्वप्नाय भूतानां चेष्टायै कर्मणां अहः ॥ ६५ ॥

ahorātre vibhajate sūryo mānuṣadaivike | rātriḥ svapnāya bhūtānāṃ ceṣṭāyai karmaṇāṃ ahaḥ || 65 ||

The sun divides days and nights, both human and divine, the night (being intended) for the repose of created beings and the day for exertion.

Report an error

पित्र्ये रात्र्यहनी मासः प्रविभागस्तु पक्षयोः । कर्मचेष्टास्वहः कृष्णः शुक्लः स्वप्नाय शर्वरी ॥ ६६ ॥

pitrye rātryahanī māsaḥ pravibhāgastu pakṣayoḥ | karmaceṣṭāsvahaḥ kṛṣṇaḥ śuklaḥ svapnāya śarvarī || 66 ||

A month is a day and a night of the manes, but the division is according to fortnights. The dark (fortnight) is their day for active exertion, the bright (fortnight) their night for sleep.

Report an error

दैवे रात्र्यहनी वर्षं प्रविभागस्तयोः पुनः । अहस्तत्रोदगयनं रात्रिः स्याद्दक्षिणायनम् ॥ ६७ ॥

daive rātryahanī varṣaṃ pravibhāgastayoḥ punaḥ | ahastatrodagayanaṃ rātriḥ syāddakṣiṇāyanam || 67 ||

A year is a day and a night of the gods; their division is (as follows): the half year during which the sun progresses to the north will be the day, that during which it goes southwards the night.

Report an error

ब्राह्मस्य तु क्षपाहस्य यत्प्रमाणं समासतः । एकैकशो युगानां तु क्रमशस्तन्निबोधत ॥ ६८ ॥

brāhmasya tu kṣapāhasya yatpramāṇaṃ samāsataḥ | ekaikaśo yugānāṃ tu kramaśastannibodhata || 68 ||

But hear now the brief (description of) the duration of a night and a day of Brahman and of the several ages (of the world, yuga) according to their order.

Report an error

चत्वार्याहुः सहस्राणि वर्साणां तत्कृतं युगम् । तस्य तावच्छती संध्या संध्यांशश्च तथाविधः ॥ ६९ ॥

catvāryāhuḥ sahasrāṇi varsāṇāṃ tatkṛtaṃ yugam | tasya tāvacchatī saṃdhyā saṃdhyāṃśaśca tathāvidhaḥ || 69 ||

They declare that the Krita age (consists of) four thousand years (of the gods); the twilight preceding it consists of as many hundreds, and the twilight following it of the same number.

Report an error

इतरेषु ससंध्येषु ससंध्यांशेषु च त्रिषु । एकापायेन वर्तन्ते सहस्राणि शतानि च ॥ ७० ॥

itareṣu sasaṃdhyeṣu sasaṃdhyāṃśeṣu ca triṣu | ekāpāyena vartante sahasrāṇi śatāni ca || 70 ||

In the other three ages with their twilights preceding and following, the thousands and hundreds are diminished by one (in each).

Report an error

यदेतत्परिसंख्यातं आदावेव चतुर्युगम् । एतद्द्वादशसाहस्रं देवानां युगं उच्यते ॥ ७१ ॥

yadetatparisaṃkhyātaṃ ādāveva caturyugam | etaddvādaśasāhasraṃ devānāṃ yugaṃ ucyate || 71 ||

These twelve thousand (years) which thus have been just mentioned as the total of four (human) ages, are called one age of the gods.

Report an error

दैविकानां युगानां तु सहस्रं परिसंख्यया । ब्राह्मं एकं अहर्ज्ञेयं तावतीं रात्रिं एव च ॥ ७२ ॥

daivikānāṃ yugānāṃ tu sahasraṃ parisaṃkhyayā | brāhmaṃ ekaṃ aharjñeyaṃ tāvatīṃ rātriṃ eva ca || 72 ||

But know that the sum of one thousand ages of the gods (makes) one day of Brahman, and that his night has the same length.

Report an error

तद्वै युगसहस्रान्तं ब्राह्मं पुण्यं अहर्विदुः । रात्रिं च तावतीं एव तेऽहोरात्रविदो जनाः ॥ ७३ ॥

tadvai yugasahasrāntaṃ brāhmaṃ puṇyaṃ aharviduḥ | rātriṃ ca tāvatīṃ eva te'horātravido janāḥ || 73 ||

Those (only, who) know that the holy day of Brahman, indeed, ends after (the completion of) one thousand ages (of the gods) and that his night lasts as long, (are really) men acquainted with (the length of) days and nights.

Report an error

तस्य सोऽहर्निशस्यान्ते प्रसुप्तः प्रतिबुध्यते । प्रतिबुद्धश्च सृजति मनः सदसदात्मकम् ॥ ७४ ॥

tasya so'harniśasyānte prasuptaḥ pratibudhyate | pratibuddhaśca sṛjati manaḥ sadasadātmakam || 74 ||

At the end of that day and night he who was asleep, awakes and, after awaking, creates mind, which is both real and unreal.

Report an error

मनः सृष्टिं विकुरुते चोद्यमानं सिसृक्षया । आकाशं जायते तस्मात्तस्य शब्दं गुणं विदुः ॥ ७५ ॥

manaḥ sṛṣṭiṃ vikurute codyamānaṃ sisṛkṣayā | ākāśaṃ jāyate tasmāttasya śabdaṃ guṇaṃ viduḥ || 75 ||

Mind, impelled by (Brahman's) desire to create, performs the work of creation by modifying itself, thence ether is produced; they declare that sound is the quality of the latter.

Report an error

आकाशात्तु विकुर्वाणात्सर्वगन्धवहः शुचिः । बलवाञ् जायते वायुः स वै स्पर्शगुणो मतः ॥ ७६ ॥

ākāśāttu vikurvāṇātsarvagandhavahaḥ śuciḥ | balavāñ jāyate vāyuḥ sa vai sparśaguṇo mataḥ || 76 ||

But from ether, modifying itself, springs the pure, powerful wind, the vehicle of all perfumes; that is held to possess the quality of touch.

Report an error

वायोरपि विकुर्वाणाद्विरोचिष्णु तमोनुदम् । ज्योतिरुत्पद्यते भास्वत्तद्रूपगुणं उच्यते ॥ ७७ ॥

vāyorapi vikurvāṇādvirociṣṇu tamonudam | jyotirutpadyate bhāsvattadrūpaguṇaṃ ucyate || 77 ||

Next from wind modifying itself, proceeds the brilliant light, which illuminates and dispels darkness; that is declared to possess the quality of colour;

Report an error

ज्योतिषश्च विकुर्वाणादापो रसगुणाः स्मृताः । अद्भ्यो गन्धगुणा भूमिरित्येषा सृष्टिरादितः ॥ ७८ ॥

jyotiṣaśca vikurvāṇādāpo rasaguṇāḥ smṛtāḥ | adbhyo gandhaguṇā bhūmirityeṣā sṛṣṭirāditaḥ || 78 ||

And from light, modifying itself, (is produced) water, possessing the quality of taste, from water earth which has the quality of smell; such is the creation in the beginning.

Report an error

यद्प्राग्द्वादशसाहस्रं उदितं दैविकं युगम् । तदेकसप्ततिगुणं मन्वन्तरं इहोच्यते ॥ ७९ ॥

yadprāgdvādaśasāhasraṃ uditaṃ daivikaṃ yugam | tadekasaptatiguṇaṃ manvantaraṃ ihocyate || 79 ||

The before-mentioned age of the gods, (or) twelve thousand (of their years), being multiplied by seventy-one, (constitutes what) is here named the period of a Manu (Manvantara).

Report an error

मन्वन्तराण्यसंख्यानि सर्गः संहार एव च । क्रीडन्निवैतत्कुरुते परमेष्ठी पुनः पुनः ॥ ८० ॥

manvantarāṇyasaṃkhyāni sargaḥ saṃhāra eva ca | krīḍannivaitatkurute parameṣṭhī punaḥ punaḥ || 80 ||

The Manvantaras, the creations and destructions (of the world, are) numberless; sporting, as it were, Brahman repeats this again and again.

Report an error

चतुष्पात्सकलो धर्मः सत्यं चैव कृते युगे । नाधर्मेणागमः कश्चिन्मनुष्यान्प्रति वर्तते ॥ ८१ ॥

catuṣpātsakalo dharmaḥ satyaṃ caiva kṛte yuge | nādharmeṇāgamaḥ kaścinmanuṣyānprati vartate || 81 ||

In the Krita age Dharma is four-footed and entire, and (so is) Truth; nor does any gain accrue to men by unrighteousness.

Report an error

इतरेष्वागमाद्धर्मः पादशस्त्ववरोपितः । चौरिकानृतमायाभिर्धर्मश्चापैति पादशः ॥ ८२ ॥

itareṣvāgamāddharmaḥ pādaśastvavaropitaḥ | caurikānṛtamāyābhirdharmaścāpaiti pādaśaḥ || 82 ||

In the other (three ages), by reason of (unjust) gains (agama), Dharma is deprived successively of one foot, and through (the prevalence of) theft, falsehood, and fraud the merit (gained by men) is diminished by one fourth (in each).

Report an error

अरोगाः सर्वसिद्धार्थाश्चतुर्वर्षशतायुषः । कृते त्रेतादिषु ह्येषां आयुर्ह्रसति पादशः ॥ ८३ ॥

arogāḥ sarvasiddhārthāścaturvarṣaśatāyuṣaḥ | kṛte tretādiṣu hyeṣāṃ āyurhrasati pādaśaḥ || 83 ||

(Men are) free from disease, accomplish all their aims, and live four hundred years in the Krita age, but in the Treta and (in each of) the succeeding (ages) their life is lessened by one quarter.

Report an error

वेदोक्तं आयुर्मर्त्यानां आशिषश्चैव कर्मणाम् । फलन्त्यनुयुगं लोके प्रभावश्च शरीरिणाम् ॥ ८४ ॥

vedoktaṃ āyurmartyānāṃ āśiṣaścaiva karmaṇām | phalantyanuyugaṃ loke prabhāvaśca śarīriṇām || 84 ||

The life of mortals, mentioned in the Veda, the desired results of sacrificial rites and the (supernatural) power of embodied (spirits) are fruits proportioned among men according to (the character of) the age.

Report an error

अन्ये कृतयुगे धर्मास्त्रेतायां द्वापरेऽपरे । अन्ये कलियुगे नॄणां युगह्रासानुरूपतः ॥ ८५ ॥

anye kṛtayuge dharmāstretāyāṃ dvāpare'pare | anye kaliyuge nṝṇāṃ yugahrāsānurūpataḥ || 85 ||

One set of duties (is prescribed) for men in the Krita age, different ones in the Treta and in the Dvapara, and (again) another (set) in the Kali, in a proportion as (those) ages decrease in length.

Report an error

तपः परं कृतयुगे त्रेतायां ज्ञानं उच्यते । द्वापरे यज्ञं एवाहुर्दानं एकं कलौ युगे ॥ ८६ ॥

tapaḥ paraṃ kṛtayuge tretāyāṃ jñānaṃ ucyate | dvāpare yajñaṃ evāhurdānaṃ ekaṃ kalau yuge || 86 ||

In the Krita age the chief (virtue) is declared to be (the performance of) austerities, in the Treta (divine) knowledge, in the Dvapara (the performance of) sacrifices, in the Kali liberality alone.

Report an error

सर्वस्यास्य तु सर्गस्य गुप्त्यर्थं स महाद्युतिः । मुखबाहूरुपज्जानां पृथक्कर्माण्यकल्पयत् ॥ ८७ ॥

sarvasyāsya tu sargasya guptyarthaṃ sa mahādyutiḥ | mukhabāhūrupajjānāṃ pṛthakkarmāṇyakalpayat || 87 ||

But in order to protect this universe He, the most resplendent one, assigned separate (duties and) occupations to those who sprang from his mouth, arms, thighs, and feet.

Report an error

अध्यापनं अध्ययनं यजनं याजनं तथा । दानं प्रतिग्रहं चैव ब्राह्मणानां अकल्पयत् ॥ ८८ ॥

adhyāpanaṃ adhyayanaṃ yajanaṃ yājanaṃ tathā | dānaṃ pratigrahaṃ caiva brāhmaṇānāṃ akalpayat || 88 ||

To Brahmanas he assigned teaching and studying (the Veda), sacrificing for their own benefit and for others, giving and accepting (of alms).

Report an error

प्रजानां रक्षणं दानं इज्याध्ययनं एव च । विषयेष्वप्रसक्तिश्च क्षत्रियस्य समासतः ॥ ८९ ॥

prajānāṃ rakṣaṇaṃ dānaṃ ijyādhyayanaṃ eva ca | viṣayeṣvaprasaktiśca kṣatriyasya samāsataḥ || 89 ||

The Kshatriya he commanded to protect the people, to bestow gifts, to offer sacrifices, to study (the Veda), and to abstain from attaching himself to sensual pleasures;

Report an error

पशूनां रक्षणं दानं इज्याध्ययनं एव च । वणिक्पथं कुसीदं च वैश्यस्य कृषिं एव च ॥ ९० ॥

paśūnāṃ rakṣaṇaṃ dānaṃ ijyādhyayanaṃ eva ca | vaṇikpathaṃ kusīdaṃ ca vaiśyasya kṛṣiṃ eva ca || 90 ||

The Vaisya to tend cattle, to bestow gifts, to offer sacrifices, to study (the Veda), to trade, to lend money, and to cultivate land.

Report an error

एकं एव तु शूद्रस्य प्रभुः कर्म समादिशत् । एतेषां एव वर्णानां शुश्रूषां अनसूयया ॥ ९१ ॥

ekaṃ eva tu śūdrasya prabhuḥ karma samādiśat | eteṣāṃ eva varṇānāṃ śuśrūṣāṃ anasūyayā || 91 ||

One occupation only the lord prescribed to the Sudra, to serve meekly even these (other) three castes.

Report an error

ऊर्ध्वं नाभेर्मेध्यतरः पुरुषः परिकीर्तितः । तस्मान्मेध्यतमं त्वस्य मुखं उक्तं स्वयंभुवा ॥ ९२ ॥

ūrdhvaṃ nābhermedhyataraḥ puruṣaḥ parikīrtitaḥ | tasmānmedhyatamaṃ tvasya mukhaṃ uktaṃ svayaṃbhuvā || 92 ||

Man is stated to be purer above the navel (than below); hence the Self-existent (Svayambhu) has declared the purest (part) of him (to be) his mouth.

Report an error

उत्तमाङ्गोद्भवाज्ज्येष्ठ्याद्ब्रह्मणश्चैव धारणात् । सर्वस्यैवास्य सर्गस्य धर्मतो ब्राह्मणः प्रभुः ॥ ९३ ॥

uttamāṅgodbhavājjyeṣṭhyādbrahmaṇaścaiva dhāraṇāt | sarvasyaivāsya sargasya dharmato brāhmaṇaḥ prabhuḥ || 93 ||

As the Brahmana sprang from (Brahman's) mouth, as he was the first-born, and as he possesses the Veda, he is by right the lord of this whole creation.

Report an error

तं हि स्वयंभूः स्वादास्यात्तपस्तप्त्वादितोऽसृजत् । हव्यकव्याभिवाह्याय सर्वस्यास्य च गुप्तये ॥ ९४ ॥

taṃ hi svayaṃbhūḥ svādāsyāttapastaptvādito'sṛjat | havyakavyābhivāhyāya sarvasyāsya ca guptaye || 94 ||

For the Self-existent (Svayambhu), having performed austerities, produced him first from his own mouth, in order that the offerings might be conveyed to the gods and manes and that this universe might be preserved.

Report an error

यस्यास्येन सदाश्नन्ति हव्यानि त्रिदिवौकसः । कव्यानि चैव पितरः किं भूतं अधिकं ततः ॥ ९५ ॥

yasyāsyena sadāśnanti havyāni tridivaukasaḥ | kavyāni caiva pitaraḥ kiṃ bhūtaṃ adhikaṃ tataḥ || 95 ||

What created being can surpass him, through whose mouth the gods continually consume the sacrificial viands and the manes the offerings to the dead?

Report an error

भूतानां प्राणिनः श्रेष्ठाः प्राणिनां बुद्धिजीविनः । बुद्धिमत्सु नराः श्रेष्ठा नरेषु ब्राह्मणाः स्मृताः ॥ ९६ ॥

bhūtānāṃ prāṇinaḥ śreṣṭhāḥ prāṇināṃ buddhijīvinaḥ | buddhimatsu narāḥ śreṣṭhā nareṣu brāhmaṇāḥ smṛtāḥ || 96 ||

Of created beings the most excellent are said to be those which are animated; of the animated, those which subsist by intelligence; of the intelligent, mankind; and of men, the Brahmanas;

Report an error

ब्राह्मणेषु च विद्वांसो विद्वत्सु कृतबुद्धयः । कृतबुद्धिषु कर्तारः कर्तृषु ब्रह्मवेदिनः ॥ ९७ ॥

brāhmaṇeṣu ca vidvāṃso vidvatsu kṛtabuddhayaḥ | kṛtabuddhiṣu kartāraḥ kartṛṣu brahmavedinaḥ || 97 ||

Of Brahmanas, those learned (in the Veda); of the learned, those who recognise (the necessity and the manner of performing the prescribed duties); of those who possess this knowledge, those who perform them; of the performers, those who know the Brahman.

Report an error

उत्पत्तिरेव विप्रस्य मूर्तिर्धर्मस्य शाश्वती । स हि धर्मार्थं उत्पन्नो ब्रह्मभूयाय कल्पते ॥ ९८ ॥

utpattireva viprasya mūrtirdharmasya śāśvatī | sa hi dharmārthaṃ utpanno brahmabhūyāya kalpate || 98 ||

The very birth of a Brahmana is an eternal incarnation of the sacred law; for he is born to (fulfil) the sacred law, and becomes one with Brahman.

Report an error

ब्राह्मणो जायमानो हि पृथिव्यां अधिजायते । ईश्वरः सर्वभूतानां धर्मकोशस्य गुप्तये ॥ ९९ ॥

brāhmaṇo jāyamāno hi pṛthivyāṃ adhijāyate | īśvaraḥ sarvabhūtānāṃ dharmakośasya guptaye || 99 ||

A Brahmana, coming into existence, is born as the highest on earth, the lord of all created beings, for the protection of the treasury of the law.

Report an error

सर्वं स्वं ब्राह्मणस्येदं यत्किं चिज्जगतीगतम् । श्रैष्ठ्येनाभिजनेनेदं सर्वं वै ब्राह्मणोऽर्हति ॥ १०० ॥

sarvaṃ svaṃ brāhmaṇasyedaṃ yatkiṃ cijjagatīgatam | śraiṣṭhyenābhijanenedaṃ sarvaṃ vai brāhmaṇo'rhati || 100 ||

Whatever exists in the world is, the property of the Brahmana; on account of the excellence of his origin The Brahmana is, indeed, entitled to all.

Report an error

स्वं एव ब्राह्मणो भुङ्क्ते स्वं वस्ते स्वं ददाति च । आनृशंस्याद्ब्राह्मणस्य भुञ्जते हीतरे जनाः ॥ १०१ ॥

svaṃ eva brāhmaṇo bhuṅkte svaṃ vaste svaṃ dadāti ca | ānṛśaṃsyādbrāhmaṇasya bhuñjate hītare janāḥ || 101 ||

The Brahmana eats but his own food, wears but his own apparel, bestows but his own in alms; other mortals subsist through the benevolence of the Brahmana.

Report an error

तस्य कर्मविवेकार्थं शेषाणां अनुपूर्वशः । स्वायंभुवो मनुर्धीमानिदं शास्त्रं अकल्पयत् ॥ १०२ ॥

tasya karmavivekārthaṃ śeṣāṇāṃ anupūrvaśaḥ | svāyaṃbhuvo manurdhīmānidaṃ śāstraṃ akalpayat || 102 ||

In order to clearly settle his duties those of the other (castes) according to their order, wise Manu sprung from the Self-existent, composed these Institutes (of the sacred Law).

Report an error

विदुषा ब्राह्मणेनेदं अध्येतव्यं प्रयत्नतः । शिश्येभ्यश्च प्रवक्तव्यं सम्यङ्नान्येन केन चित् ॥ १०३ ॥

viduṣā brāhmaṇenedaṃ adhyetavyaṃ prayatnataḥ | śiśyebhyaśca pravaktavyaṃ samyaṅnānyena kena cit || 103 ||

A learned Brahmana must carefully study them, and he must duly instruct his pupils in them, but nobody else (shall do it).

Report an error

इदं शास्त्रं अधीयानो ब्राह्मणः शंसितव्रतः । मनोवाग्गेहजैर्नित्यं कर्मदोषैर्न लिप्यते ॥ १०४ ॥

idaṃ śāstraṃ adhīyāno brāhmaṇaḥ śaṃsitavrataḥ | manovāggehajairnityaṃ karmadoṣairna lipyate || 104 ||

A Brahmana who studies these Institutes (and) faithfully fulfils the duties (prescribed therein), is never tainted by sins, arising from thoughts, words, or deeds.

Report an error

पुनाति पङ्क्तिं वंश्यांश्च सप्तसप्त परावरान् । पृथिवीं अपि चैवेमां कृत्स्नां एकोऽपि सोऽर्हति ॥ १०५ ॥

punāti paṅktiṃ vaṃśyāṃśca saptasapta parāvarān | pṛthivīṃ api caivemāṃ kṛtsnāṃ eko'pi so'rhati || 105 ||

He sanctifies any company (which he may enter), seven ancestors and seven descendants, and he alone deserves (to possess) this whole earth.

Report an error

इदं स्वस्त्ययनं श्रेष्ठं इदं बुद्धिविवर्धनम् । इदं यशस्यं आयुष्यं इदं निःश्रेयसं परम् ॥ १०६ ॥

idaṃ svastyayanaṃ śreṣṭhaṃ idaṃ buddhivivardhanam | idaṃ yaśasyaṃ āyuṣyaṃ idaṃ niḥśreyasaṃ param || 106 ||

(To study) this (work) is the best means of securing welfare, it increases understanding, it procures fame and long life, it (leads to) supreme bliss.

Report an error

अस्मिन्धर्मोऽखिलेनोक्तो गुणदोषौ च कर्मणाम् । चतुर्णां अपि वर्णानां आचारश्चैव शाश्वतः ॥ १०७ ॥

asmindharmo'khilenokto guṇadoṣau ca karmaṇām | caturṇāṃ api varṇānāṃ ācāraścaiva śāśvataḥ || 107 ||

In this (work) the sacred law has been fully stated as well as the good and bad qualities of (human) actions and the immemorial rule of conduct, (to be followed) by all the four castes (varna).

Report an error

आचारः परमो धर्मः श्रुत्युक्तः स्मार्त एव च । तस्मादस्मिन्सदा युक्तो नित्यं स्यादात्मवान्द्विजः ॥ १०८ ॥

ācāraḥ paramo dharmaḥ śrutyuktaḥ smārta eva ca | tasmādasminsadā yukto nityaṃ syādātmavāndvijaḥ || 108 ||

The rule of conduct is transcendent law, whether it be taught in the revealed texts or in the sacred tradition; hence a twice-born man who possesses regard for himself, should be always careful to (follow) it.

Report an error

आचाराद्विच्युतो विप्रो न वेदफलं अश्नुते । आचारेण तु संयुक्तः सम्पूर्णफलभाग्भवेत् ॥ १०९ ॥

ācārādvicyuto vipro na vedaphalaṃ aśnute | ācāreṇa tu saṃyuktaḥ sampūrṇaphalabhāgbhavet || 109 ||

A Brahmana who departs from the rule of conduct, does not reap the fruit of the Veda, but he who duly follows it, will obtain the full reward.

Report an error

एवं आचारतो दृष्ट्वा धर्मस्य मुनयो गतिम् । सर्वस्य तपसो मूलं आचारं जगृहुः परम् ॥ ११० ॥

evaṃ ācārato dṛṣṭvā dharmasya munayo gatim | sarvasya tapaso mūlaṃ ācāraṃ jagṛhuḥ param || 110 ||

The sages who saw that the sacred law is thus grounded on the rule of conduct, have taken good conduct to be the most excellent root of all austerity.

Report an error

जगतश्च समुत्पत्तिं संस्कारविधिं एव च । व्रतचर्योपचारं च स्नानस्य च परं विधिम् ॥ १११ ॥

jagataśca samutpattiṃ saṃskāravidhiṃ eva ca | vratacaryopacāraṃ ca snānasya ca paraṃ vidhim || 111 ||

The creation of the universe, the rule of the sacraments, the ordinances of studentship, and the respectful behaviour (towards Gurus), the most excellent rule of bathing (on return from the teacher's house),

Report an error

दाराधिगमनं चैव विवाहानां च लक्षणम् । महायज्ञविधानं च श्राद्धकल्पं च शाश्वतम् ॥ ११२ ॥

dārādhigamanaṃ caiva vivāhānāṃ ca lakṣaṇam | mahāyajñavidhānaṃ ca śrāddhakalpaṃ ca śāśvatam || 112 ||

(The law of) marriage and the description of the (various) marriage-rites, the regulations for the great sacrifices and the eternal rule of the funeral sacrifices,

Report an error

वृत्तीनां लक्षणं चैव स्नातकस्य व्रतानि च । भक्ष्याभक्ष्यं च शौचं च द्रव्याणां शुद्धिं एव च ॥ ११३ ॥

vṛttīnāṃ lakṣaṇaṃ caiva snātakasya vratāni ca | bhakṣyābhakṣyaṃ ca śaucaṃ ca dravyāṇāṃ śuddhiṃ eva ca || 113 ||

The description of the modes of (gaining) subsistence and the duties of a Snataka, (the rules regarding) lawful and forbidden food, the purification of men and of things,

Report an error

स्त्रीधर्मयोगं तापस्यं मोक्षं संन्यासं एव च । राज्ञश्च धर्मं अखिलं कार्याणां च विनिर्णयम् ॥ ११४ ॥

strīdharmayogaṃ tāpasyaṃ mokṣaṃ saṃnyāsaṃ eva ca | rājñaśca dharmaṃ akhilaṃ kāryāṇāṃ ca vinirṇayam || 114 ||

The laws concerning women, (the law) of hermits, (the manner of gaining) final emancipation and (of) renouncing the world, the whole duty of a king and the manner of deciding lawsuits,

Report an error

साक्षिप्रश्नविधानं च धर्मं स्त्रीपुंसयोरपि । विभागधर्मं द्यूतं च कण्टकानां च शोधनम् ॥ ११५ ॥

sākṣipraśnavidhānaṃ ca dharmaṃ strīpuṃsayorapi | vibhāgadharmaṃ dyūtaṃ ca kaṇṭakānāṃ ca śodhanam || 115 ||

The rules for the examination of witnesses, the laws concerning husband and wife, the law of (inheritance and) division, (the law concerning) gambling and the removal of (men nocuous like) thorns,

Report an error

वैश्यशूद्रोपचारं च संकीर्णानां च संभवम् । आपद्धर्मं च वर्णानां प्रायश्चित्तविधिं तथा ॥ ११६ ॥

vaiśyaśūdropacāraṃ ca saṃkīrṇānāṃ ca saṃbhavam | āpaddharmaṃ ca varṇānāṃ prāyaścittavidhiṃ tathā || 116 ||

(The law concerning) the behaviour of Vaisyas and Sudras, the origin of the mixed castes, the law for all castes in times of distress and the law of penances,

Report an error

संसारगमनं चैव त्रिविधं कर्मसंभवम् । निःश्रेयसं कर्मणां च गुणदोषपरीक्षणम् ॥ ११७ ॥

saṃsāragamanaṃ caiva trividhaṃ karmasaṃbhavam | niḥśreyasaṃ karmaṇāṃ ca guṇadoṣaparīkṣaṇam || 117 ||

The threefold course of transmigrations, the result of (good or bad) actions, (the manner of attaining) supreme bliss and the examination of the good and bad qualities of actions,

Report an error

देशधर्माञ् जातिधर्मान्कुलधर्मांश्च शाश्वतान् । पाषण्डगणधर्मांश्च शास्त्रेऽस्मिन्नुक्तवान्मनुः ॥ ११८ ॥

deśadharmāñ jātidharmānkuladharmāṃśca śāśvatān | pāṣaṇḍagaṇadharmāṃśca śāstre'sminnuktavānmanuḥ || 118 ||

The primeval laws of countries, of castes (gati), of families, and the rules concerning heretics and companies (of traders and the like)- (all that) Manu has declared in these Institutes.

Report an error

यथेदं उक्तवाञ् शास्त्रं पुरा पृष्टो मनुर्मया । तथेदं यूयं अप्यद्य मत्सकाशान्निबोधत ॥ ११९ ॥

yathedaṃ uktavāñ śāstraṃ purā pṛṣṭo manurmayā | tathedaṃ yūyaṃ apyadya matsakāśānnibodhata || 119 ||

As Manu, in reply to my questions, formerly promulgated these Institutes, even so learn ye also the (whole work) from me. Sacred Texts | Hinduism

Report an error

Illustration: Verse & Place · AI-generated with ChatGPT (Generated for this project). Translation: G. Bühler, The Laws of Manu, Sacred Books of the East vol. 25, Oxford, 1886 (public domain).