श्रीब्रह्मोवाच । श्रृणु विप्र प्रवक्ष्यामि पुराणं नारदीयकम् । पंचविंशतिसाहस्रं बृहत्कल्पकथाश्रयम् ॥ १ ॥
śrībrahmovāca | śrṛṇu vipra pravakṣyāmi purāṇaṃ nāradīyakam | paṃcaviṃśatisāhasraṃ bṛhatkalpakathāśrayam || 1 ||
पूर्वार्धः · अध्यायः ९७
A chapter of the Narada Purana.
21 versesSanskrit with transliteration
श्रीब्रह्मोवाच । श्रृणु विप्र प्रवक्ष्यामि पुराणं नारदीयकम् । पंचविंशतिसाहस्रं बृहत्कल्पकथाश्रयम् ॥ १ ॥
śrībrahmovāca | śrṛṇu vipra pravakṣyāmi purāṇaṃ nāradīyakam | paṃcaviṃśatisāhasraṃ bṛhatkalpakathāśrayam || 1 ||
सूतशौनकसंवादः सृष्टिसंक्षेपवर्णनम् । नानाधर्मकथाः पुण्याः प्रवृत्ते समुदाहृताः ॥ २ ॥
sūtaśaunakasaṃvādaḥ sṛṣṭisaṃkṣepavarṇanam | nānādharmakathāḥ puṇyāḥ pravṛtte samudāhṛtāḥ || 2 ||
प्राग्भागे प्रथमे पादे सनकेन महात्मना । द्वितीये मोक्षधर्माख्ये मोक्षोपायनिरूपणम् ॥ ३ ॥
prāgbhāge prathame pāde sanakena mahātmanā | dvitīye mokṣadharmākhye mokṣopāyanirūpaṇam || 3 ||
वेदांगानां च कथनं शुकोत्पत्तिश्च विस्तरात् । सनंदनेन गदिता नारदाय महात्मने ॥ ४ ॥
vedāṃgānāṃ ca kathanaṃ śukotpattiśca vistarāt | sanaṃdanena gaditā nāradāya mahātmane || 4 ||
महातंत्रे समुद्दिष्टं पशुपाशविमोक्षणम् । मंत्राणां शोधनं दीक्षामंत्रोद्धारश्च पूजनम् ॥ ५ ॥
mahātaṃtre samuddiṣṭaṃ paśupāśavimokṣaṇam | maṃtrāṇāṃ śodhanaṃ dīkṣāmaṃtroddhāraśca pūjanam || 5 ||
प्रयोगाः कवचं नामसहस्रं स्तोत्रमेव च । गणेशसूर्यविष्णूनां शिवशक्त्योरनुक्रमात् ॥ ६ ॥
prayogāḥ kavacaṃ nāmasahasraṃ stotrameva ca | gaṇeśasūryaviṣṇūnāṃ śivaśaktyoranukramāt || 6 ||
सनत्कुमारमुनिना नारदाय तृतीयके । पुराणलक्षणं चैव प्रमाणं दानमेव च ॥ ७ ॥
sanatkumāramuninā nāradāya tṛtīyake | purāṇalakṣaṇaṃ caiva pramāṇaṃ dānameva ca || 7 ||
पृथक्पृथक् समुद्दिष्टं दानकालपुरःसरम् । चैत्रादिसर्वमासेषु तिथीनांचपृथक्पृथक् ॥ ८ ॥
pṛthakpṛthak samuddiṣṭaṃ dānakālapuraḥsaram | caitrādisarvamāseṣu tithīnāṃcapṛthakpṛthak || 8 ||
प्रोक्तं प्रतिपदादीनां व्रतं सर्वाघनाशनम् । सनातनेन मुनिना नारदाय चतुर्थके ॥ ९ ॥
proktaṃ pratipadādīnāṃ vrataṃ sarvāghanāśanam | sanātanena muninā nāradāya caturthake || 9 ||
पूर्वभागोऽयमुदितो बृहदाख्यानसंज्ञितः । अस्योत्तरे विभागे तु प्रश्न एकादशीव्रते ॥ १० ॥
pūrvabhāgo'yamudito bṛhadākhyānasaṃjñitaḥ | asyottare vibhāge tu praśna ekādaśīvrate || 10 ||
वसिष्ठेनाथ संवादो मांधातुः परिकीर्तितः । रुक्मांगदकथा पुण्यामोहिन्युत्पत्तिकर्म च ॥ ११ ॥
vasiṣṭhenātha saṃvādo māṃdhātuḥ parikīrtitaḥ | rukmāṃgadakathā puṇyāmohinyutpattikarma ca || 11 ||
वसुशापश्च मोहिन्यै पश्चादुद्धरणक्रिया । गंगाकथा पुण्यतमा गयायात्रानुकीर्तनम् ॥ १२ ॥
vasuśāpaśca mohinyai paścāduddharaṇakriyā | gaṃgākathā puṇyatamā gayāyātrānukīrtanam || 12 ||
काश्या माहात्म्यमतुलं पुरुषोत्तमवर्णनम् । यात्राविधानं क्षेत्रस्य बह्वाख्यानसमन्वितम् ॥ १३ ॥
kāśyā māhātmyamatulaṃ puruṣottamavarṇanam | yātrāvidhānaṃ kṣetrasya bahvākhyānasamanvitam || 13 ||
प्रयागस्याथ माहात्म्यं कुरुक्षेत्रस्य तत्परम् । हरिद्वारस्य चाख्यानं कामोदाख्यानकं तथा ॥ १४ ॥
prayāgasyātha māhātmyaṃ kurukṣetrasya tatparam | haridvārasya cākhyānaṃ kāmodākhyānakaṃ tathā || 14 ||
बदरीतीर्थमाहात्म्यं कामाक्षायास्तथैव च । प्रभासस्य च माहात्म्यं पुष्कराख्यानकं ततः ॥ १५ ॥
badarītīrthamāhātmyaṃ kāmākṣāyāstathaiva ca | prabhāsasya ca māhātmyaṃ puṣkarākhyānakaṃ tataḥ || 15 ||
गौतमाख्यानकं पश्चाद्वेदपादस्तवस्ततः । गोकर्णक्षेत्रमाहात्म्यं लक्ष्मणाख्यानकं तथा ॥ १६ ॥
gautamākhyānakaṃ paścādvedapādastavastataḥ | gokarṇakṣetramāhātmyaṃ lakṣmaṇākhyānakaṃ tathā || 16 ||
सेतुमाहात्म्यकथनं नर्मदातीर्थवर्णनम् । अवंत्याश्चैव माहात्म्यं मधुरायास्ततः परम् ॥ १७ ॥
setumāhātmyakathanaṃ narmadātīrthavarṇanam | avaṃtyāścaiva māhātmyaṃ madhurāyāstataḥ param || 17 ||
बृन्दावनस्य महिमा पशोर्ब्रह्मांतिके गतिः । मोहिनीचरितं पश्चादेवं पश्चादेवं वै नारदीयकम् ॥ १८ ॥
bṛndāvanasya mahimā paśorbrahmāṃtike gatiḥ | mohinīcaritaṃ paścādevaṃ paścādevaṃ vai nāradīyakam || 18 ||
यः शृणोति नरो भक्त्याश्रावयेद्वा समाहितः । स याति ब्रह्मणो धाम नात्र कार्या विचारणा ॥ १९ ॥
yaḥ śṛṇoti naro bhaktyāśrāvayedvā samāhitaḥ | sa yāti brahmaṇo dhāma nātra kāryā vicāraṇā || 19 ||
यस्त्वेतदिषुपूर्णायां धेनूनां सप्तकान्वितम् । प्रदद्याद्दिजंर्याय संलभेन्मोक्षमेव च ॥ २० ॥
yastvetadiṣupūrṇāyāṃ dhenūnāṃ saptakānvitam | pradadyāddijaṃryāya saṃlabhenmokṣameva ca || 20 ||
यश्चानुक्रमणीमेतां नारदीयस्य वर्णयेत् । श्रृणुयद्वैकचित्तेन सोऽपि स्वर्गगतिं लभेत् ॥ २१ ॥
yaścānukramaṇīmetāṃ nāradīyasya varṇayet | śrṛṇuyadvaikacittena so'pi svargagatiṃ labhet || 21 ||
Keys: ← → turn the page, J K step through the verses.
Illustration: Verse & Place (Project-owned).