Skip to content

दशकम् ७५

Prātaḥ santrastabhojakṣitipativacasā prastute mallatūrye

Ten-verse prayers to Krishna of Guruvayur retelling the Bhagavata Purana.

10 versesSanskrit with transliteration

Guruvayurappan, Krishna of Guruvayur.

प्रातः सन्त्रस्तभोजक्षितिपतिवचसा प्रस्तुते मल्लतूर्ये । सङ्घे राज्ञां च मञ्चानभिययुषि गते नन्दगोपेऽपि हर्म्यम् । कंसे सौधाधिरूढे त्वमपि सहबलः सानुगश्चारुवेषो । रङ्गद्वारं गतोऽभूः कुपितकुवलयापीडनागावलीढम् ॥ १ ॥

prātaḥ santrastabhojakṣitipativacasā prastute mallatūrye | saṅghe rājñāṃ ca mañcānabhiyayuṣi gate nandagope'pi harmyam | kaṃse saudhādhirūḍhe tvamapi sahabalaḥ sānugaścāruveṣo | raṅgadvāraṃ gato'bhūḥ kupitakuvalayāpīḍanāgāvalīḍham || 1 ||

Report an error

पापिष्ठापेहि मार्गाद्द्रुतमिति वचसा निष्ठुरक्रुद्धबुद्धे । रग्बष्ठस्य प्रणोदादधिकजवजुषा हस्तिना गृह्यमाणः । केलीमुक्तोऽथ गोपीकुचकलशचिरस्पर्धिनं कुम्भमस्य । व्याहत्यालीयथास्त्वं चरणभुवि पुनर्निर्गतो वल्गुहासी ॥ २ ॥

pāpiṣṭhāpehi mārgāddrutamiti vacasā niṣṭhurakruddhabuddhe | ragbaṣṭhasya praṇodādadhikajavajuṣā hastinā gṛhyamāṇaḥ | kelīmukto'tha gopīkucakalaśaciraspardhinaṃ kumbhamasya | vyāhatyālīyathāstvaṃ caraṇabhuvi punarnirgato valguhāsī || 2 ||

Report an error

हस्तप्राप्योऽप्यगम्यो झटिति मुनिजनस्येव धावन्गजेन्द्रं । क्रीडन्नापत्य भूमौ पुनरभिपततस्तस्य दन्तं सजीवम् । मूलादुन्मूल्य तन्मूलगमहितमहामौक्तिकान्यात्ममित्रे । प्रादास्त्वं हारमेभिर्ललितविरचितं राधिकायै दिशेति ॥ ३ ॥

hastaprāpyo'pyagamyo jhaṭiti munijanasyeva dhāvangajendraṃ | krīḍannāpatya bhūmau punarabhipatatastasya dantaṃ sajīvam | mūlādunmūlya tanmūlagamahitamahāmauktikānyātmamitre | prādāstvaṃ hāramebhirlalitaviracitaṃ rādhikāyai diśeti || 3 ||

Report an error

गृह्णानं दन्तमंसे युतमथ हलिना रङ्गमङ्गाविशन्तं । त्वां मङ्गल्याङ्गभङ्गीरभसहृतमनोलोचना वीक्ष्य लोकाः । हंहो धन्यो नु नन्दो नहि नहि पशुपालाङ्गना नो यशोदा । नो नो धन्येक्षणाः स्मस्त्रिजगति वयमेवेति सर्वे शशंसुः ॥ ४ ॥

gṛhṇānaṃ dantamaṃse yutamatha halinā raṅgamaṅgāviśantaṃ | tvāṃ maṅgalyāṅgabhaṅgīrabhasahṛtamanolocanā vīkṣya lokāḥ | haṃho dhanyo nu nando nahi nahi paśupālāṅganā no yaśodā | no no dhanyekṣaṇāḥ smastrijagati vayameveti sarve śaśaṃsuḥ || 4 ||

Report an error

पूर्णं ब्रह्मैव साक्षान्निरवधिपरमानन्दसान्द्रप्रकाशं । गोपेषु त्वं व्यलासीर्न खलु बहुजनैस्तावदावेदितोऽभूः । दृष्ट्वाथ त्वां तदेदंप्रथममुपगते पुण्यकाले जनौघाः । पूर्णानन्दा विपापाः सरसमभिजगुस्त्वत्कृतानि स्मृतानि ॥ ५ ॥

pūrṇaṃ brahmaiva sākṣānniravadhiparamānandasāndraprakāśaṃ | gopeṣu tvaṃ vyalāsīrna khalu bahujanaistāvadāvedito'bhūḥ | dṛṣṭvātha tvāṃ tadedaṃprathamamupagate puṇyakāle janaughāḥ | pūrṇānandā vipāpāḥ sarasamabhijagustvatkṛtāni smṛtāni || 5 ||

Report an error

चाणूरो मल्लवीरस्तदनु नृपगिरा मुष्टिको मुष्टिशाली । त्वां रामं चाभिपेदे झटझटिति मिथो मुष्टिपातातिरूक्षम् । उत्पातापातनाकर्षणविविधरणान्यासतां तत्र चित्रं । मृत्योः प्रागेव मल्लप्रभुरगमदयं भूरिशो बन्धमोक्षान् ॥ ६ ॥

cāṇūro mallavīrastadanu nṛpagirā muṣṭiko muṣṭiśālī | tvāṃ rāmaṃ cābhipede jhaṭajhaṭiti mitho muṣṭipātātirūkṣam | utpātāpātanākarṣaṇavividharaṇānyāsatāṃ tatra citraṃ | mṛtyoḥ prāgeva mallaprabhuragamadayaṃ bhūriśo bandhamokṣān || 6 ||

Report an error

हा धिक्कष्टं कुमारौ सुललितवपुषौ मल्लवीरौ कठोरौ । न द्रक्ष्यामो व्रजामस्त्वरितमिति जने भाषमाणे तदानीम् । चाणूरं तं कराद्भ्रामणविगलदसुं पोथयामासिथोर्व्यां । पिष्टोऽभून्मुष्टिकोऽपि द्रुतमथ हलिना नष्टशिष्टैर्दधावे ॥ ७ ॥

hā dhikkaṣṭaṃ kumārau sulalitavapuṣau mallavīrau kaṭhorau | na drakṣyāmo vrajāmastvaritamiti jane bhāṣamāṇe tadānīm | cāṇūraṃ taṃ karādbhrāmaṇavigaladasuṃ pothayāmāsithorvyāṃ | piṣṭo'bhūnmuṣṭiko'pi drutamatha halinā naṣṭaśiṣṭairdadhāve || 7 ||

Report an error

कंसस्संवार्यं तूर्यं खलमतिरविदन्कार्यमार्यान् पितॄंस्ता । नाहन्तुं व्याप्तमूर्तेस्तव च समशिषद्दूरमुत्सारणाय । रुष्टो दुष्टोक्तिभिस्त्वं गरुड इव गिरिं मञ्cअमञ्cअन्नुदञ्cअत् । खङ्गव्यावद्गदुस्संग्रहमपि च हठात्प्राग्रहीरौग्रसेनिम् ॥ ८ ॥

kaṃsassaṃvāryaṃ tūryaṃ khalamatiravidankāryamāryān pitṝṃstā | nāhantuṃ vyāptamūrtestava ca samaśiṣaddūramutsāraṇāya | ruṣṭo duṣṭoktibhistvaṃ garuḍa iva giriṃ mañcamañcannudañcat | khaṅgavyāvadgadussaṃgrahamapi ca haṭhātprāgrahīraugrasenim || 8 ||

Report an error

सद्यो निष्पिष्टसन्धिं भुवि नरपतिमापात्य तस्योपरिष्टात् । त्वय्यापात्ये तदैव त्वदुपरि पतिता नाकिनां पुष्पवृष्टिः । किं किं ब्रूमस्तदानीं सततमपि भिया त्वद्गतात्मा स भेजे । सायुज्यं त्वद्वधोत्था परम परमियं वासना कालनेमेः ॥ ९ ॥

sadyo niṣpiṣṭasandhiṃ bhuvi narapatimāpātya tasyopariṣṭāt | tvayyāpātye tadaiva tvadupari patitā nākināṃ puṣpavṛṣṭiḥ | kiṃ kiṃ brūmastadānīṃ satatamapi bhiyā tvadgatātmā sa bheje | sāyujyaṃ tvadvadhotthā parama paramiyaṃ vāsanā kālanemeḥ || 9 ||

Report an error

तद्भ्रातॄनष्ट पिष्ट्वा द्रुतमथ पितरौ सन्नमन्नुग्रसेनं । कृत्वा राजानमुच्चैर्यदुकुलमखिलं मोदयन्कामदानैः । भक्तानामुत्तमम्ञ्चोद्धवममरगुरोराप्तनीतिं सखायं । लब्ध्वा तुष्टो नगर्यां पवनपुरपते रुन्धि मे सर्वरोगान् ॥ १० ॥

tadbhrātṝnaṣṭa piṣṭvā drutamatha pitarau sannamannugrasenaṃ | kṛtvā rājānamuccairyadukulamakhilaṃ modayankāmadānaiḥ | bhaktānāmuttamamñcoddhavamamaragurorāptanītiṃ sakhāyaṃ | labdhvā tuṣṭo nagaryāṃ pavanapurapate rundhi me sarvarogān || 10 ||

Report an error

Illustration: Verse & Place (Project-owned).