Skip to content

दशकम् ९०

Vṛkabhṛgusunimohinyambarīṣādivṛtte

Ten-verse prayers to Krishna of Guruvayur retelling the Bhagavata Purana.

11 versesSanskrit with transliteration

Guruvayurappan, Krishna of Guruvayur.

वृकभृगुसुनिमोहिन्यम्बरीषादिवृत्ते । ष्वयि तव हि महत्त्वं सर्वशर्वादिजैत्रम् । स्थितमिह परमात्मन् निष्कलार्वागभिन्नं । किमपि यदवभातं तद्धि रूपं तवैव ॥ १ ॥

vṛkabhṛgusunimohinyambarīṣādivṛtte | ṣvayi tava hi mahattvaṃ sarvaśarvādijaitram | sthitamiha paramātman niṣkalārvāgabhinnaṃ | kimapi yadavabhātaṃ taddhi rūpaṃ tavaiva || 1 ||

Report an error

मूर्तित्रयेश्वरसदाशिवपञ्चकं यत् प्राहुः परात्मवपुरेव सदाशिवोऽस्मिन् । तत्रेश्वरस्तु स विकुण्ठपदस्त्वमेव त्रित्वं पुनर्भजसि सत्यपदे त्रिभागे ॥ २ ॥

mūrtitrayeśvarasadāśivapañcakaṃ yat prāhuḥ parātmavapureva sadāśivo'smin | tatreśvarastu sa vikuṇṭhapadastvameva tritvaṃ punarbhajasi satyapade tribhāge || 2 ||

Report an error

तत्रापि सात्त्विकतनुं तव विष्णुमाहु । र्धाता तु सत्त्वविरळो रजसैव पूर्णः । सत्वोत्कटत्वमपि चास्ति तमोविकार । चेष्टादिकं च तव शङ्करनाम्नि मूर्तौ ॥ ३ ॥

tatrāpi sāttvikatanuṃ tava viṣṇumāhu | rdhātā tu sattvaviral̤o rajasaiva pūrṇaḥ | satvotkaṭatvamapi cāsti tamovikāra | ceṣṭādikaṃ ca tava śaṅkaranāmni mūrtau || 3 ||

Report an error

तं च त्रिमूर्त्यतिगतं पुरपूरुषं त्वां । शर्वात्मनापि खलु सर्वमयत्वहेतोः । शंसन्त्युपासनाविधौ तदपि स्वतस्तु । त्वद्रूपमित्यतिदृढं बहु नः प्रमाणम् ॥ ४ ॥

taṃ ca trimūrtyatigataṃ purapūruṣaṃ tvāṃ | śarvātmanāpi khalu sarvamayatvahetoḥ | śaṃsantyupāsanāvidhau tadapi svatastu | tvadrūpamityatidṛḍhaṃ bahu naḥ pramāṇam || 4 ||

Report an error

श्रीशङ्करोऽपि भगवान्सकलेषु तावत् । त्वामेव मानयति यो न हि पक्षपाती । त्वन्निष्ठमेव स हि नामसहस्रकादि । व्याख्यद्भवत्स्तुतिपरश्च गतिं गतोऽन्ते ॥ ५ ॥

śrīśaṅkaro'pi bhagavānsakaleṣu tāvat | tvāmeva mānayati yo na hi pakṣapātī | tvanniṣṭhameva sa hi nāmasahasrakādi | vyākhyadbhavatstutiparaśca gatiṃ gato'nte || 5 ||

Report an error

मूर्तित्रयातिगमुवाच च मन्त्रशास्त्र । स्यादौ कलायसुषमं सकलेश्वरं त्वाम् । ध्यानं च निष्कळमसौ प्रणवे खलूक्त्वा । त्वामेव तत्र सकलं निजगाद नान्यम् ॥ ६ ॥

mūrtitrayātigamuvāca ca mantraśāstra | syādau kalāyasuṣamaṃ sakaleśvaraṃ tvām | dhyānaṃ ca niṣkal̤amasau praṇave khalūktvā | tvāmeva tatra sakalaṃ nijagāda nānyam || 6 ||

Report an error

समस्तसारे च पुराणसंग्रहे विसंशयं त्वन्महिमैव वर्ण्यते । त्रिमूर्तियुक्सत्यपदत्रिभागतः परं पदं ते कथितं न शूलिनः ॥ ७ ॥

samastasāre ca purāṇasaṃgrahe visaṃśayaṃ tvanmahimaiva varṇyate | trimūrtiyuksatyapadatribhāgataḥ paraṃ padaṃ te kathitaṃ na śūlinaḥ || 7 ||

Report an error

यद्ब्राह्मकल्प इह भागवतद्वितीय । स्कन्धोदितं वपुरनावृतमीश धात्रे । तस्यैव नाम हरिशर्वमुखं जगाद । श्रीमाधवः शिवपरोऽपि पुराणसारे ॥ ८ ॥

yadbrāhmakalpa iha bhāgavatadvitīya | skandhoditaṃ vapuranāvṛtamīśa dhātre | tasyaiva nāma hariśarvamukhaṃ jagāda | śrīmādhavaḥ śivaparo'pi purāṇasāre || 8 ||

Report an error

ये स्वप्रकृत्यनुगुणा गिरिशं भजन्ते । तेषां फलं हि दृढयैव तदीयभक्त्या । व्यासो हि तेन कृतवानधिकारिहेतोः । स्कान्दादिकेषु तव हानिवचोऽर्थवादैः ॥ ९ ॥

ye svaprakṛtyanuguṇā giriśaṃ bhajante | teṣāṃ phalaṃ hi dṛḍhayaiva tadīyabhaktyā | vyāso hi tena kṛtavānadhikārihetoḥ | skāndādikeṣu tava hānivaco'rthavādaiḥ || 9 ||

Report an error

भूतार्थकीर्तिरनुवादविरुद्धवादौ । त्रेधार्थवादगतयः खलु रोचनार्थाः । स्कान्दादिकेषु बहवोऽत्र विरुद्धवादा । स्त्वत्तामसत्वपरिभूत्युपशिक्षणाद्याः ॥ १० ॥

bhūtārthakīrtiranuvādaviruddhavādau | tredhārthavādagatayaḥ khalu rocanārthāḥ | skāndādikeṣu bahavo'tra viruddhavādā | stvattāmasatvaparibhūtyupaśikṣaṇādyāḥ || 10 ||

Report an error

यत्किञ्चिदप्यविदुषापि विभो मयोक्तं । तन्मन्त्रशास्त्रवचनाद्यभिदृष्टमेव । व्यासोक्तिसारमयभागवतोपगीत । क्लेशान्विधूय कुरु भक्तिभरं परात्मन् ॥ ११ ॥

yatkiñcidapyaviduṣāpi vibho mayoktaṃ | tanmantraśāstravacanādyabhidṛṣṭameva | vyāsoktisāramayabhāgavatopagīta | kleśānvidhūya kuru bhaktibharaṃ parātman || 11 ||

Report an error

Illustration: Verse & Place (Project-owned).