Skip to content

दशकम् ९४

Śuddhā niṣkāmadharmaiḥ pravaragurugirā tatsvarūpaṃ …

Ten-verse prayers to Krishna of Guruvayur retelling the Bhagavata Purana.

10 versesSanskrit with transliteration

Guruvayurappan, Krishna of Guruvayur.

शुद्धा निष्कामधर्मैः प्रवरगुरुगिरा तत्स्वरूपं परं ते । शुद्धं देहेन्द्रियादिव्यपगतमखिलव्याप्तमावेदयन्ते । नानात्वस्थौल्यकार्श्यादि तु गुणजवपुस्सङ्गतोऽध्यासितं ते । वह्नेर्दारुप्रभेदेष्विव महदणुतादीप्तताशान्ततादि ॥ १ ॥

śuddhā niṣkāmadharmaiḥ pravaragurugirā tatsvarūpaṃ paraṃ te | śuddhaṃ dehendriyādivyapagatamakhilavyāptamāvedayante | nānātvasthaulyakārśyādi tu guṇajavapussaṅgato'dhyāsitaṃ te | vahnerdāruprabhedeṣviva mahadaṇutādīptatāśāntatādi || 1 ||

Report an error

आचार्याख्याधरस्थारणिसमनुमिळच्छिष्यरूपोत्तरार । ण्यावेधोद्भासितेन स्फुटतरपरिबोधाग्निना दह्यमाने । कर्मालीवासनातत्कृततनुभुवनभ्रान्तिकान्तारपूरे । दाह्याभावेन विद्याशिखिनि च विरते त्वन्मयी खल्ववस्था ॥ २ ॥

ācāryākhyādharasthāraṇisamanumil̤acchiṣyarūpottarāra | ṇyāvedhodbhāsitena sphuṭataraparibodhāgninā dahyamāne | karmālīvāsanātatkṛtatanubhuvanabhrāntikāntārapūre | dāhyābhāvena vidyāśikhini ca virate tvanmayī khalvavasthā || 2 ||

Report an error

एवं त्वत्प्राप्तितोऽन्यो नहि खलु निखिलक्लेशहानेरुपायो । नैकान्तात्यन्तिकास्ते कृषिवदगदषाड्गुण्यषड्कर्मयोगाः । दुर्वैकल्यैरकल्या अपि निगमपथास्तत्फलान्यप्यवाप्ता । मत्तास्त्वां विस्मरन्तः प्रसजति पतने यान्त्यनन्तान्विषादान् ॥ ३ ॥

evaṃ tvatprāptito'nyo nahi khalu nikhilakleśahānerupāyo | naikāntātyantikāste kṛṣivadagadaṣāḍguṇyaṣaḍkarmayogāḥ | durvaikalyairakalyā api nigamapathāstatphalānyapyavāptā | mattāstvāṃ vismarantaḥ prasajati patane yāntyanantānviṣādān || 3 ||

Report an error

त्वल्लोकादन्यलोकः क्वनु भयरहितो यत्परार्धद्वयान्ते । त्वद्भीतस्सत्यलोकेऽपि न सुखवसतिः पद्मभूः पद्मनाभ । एवम्भावे त्वधर्मार्जितबहुतमसां का कथा नारकाणां । तन्मे त्वं छिन्धि बन्धं वरद कृपणबन्धो कृपापूरसिन्धो ॥ ४ ॥

tvallokādanyalokaḥ kvanu bhayarahito yatparārdhadvayānte | tvadbhītassatyaloke'pi na sukhavasatiḥ padmabhūḥ padmanābha | evambhāve tvadharmārjitabahutamasāṃ kā kathā nārakāṇāṃ | tanme tvaṃ chindhi bandhaṃ varada kṛpaṇabandho kṛpāpūrasindho || 4 ||

Report an error

याथार्थ्यात्त्वन्मयस्यैव हि मम न विभो वस्तुतो बन्धमोक्षौ । मायाविद्यातनुभ्यां तव तु विरचितौ स्वप्नबोधोपमौ तौ । बद्धे जीवद्विमुक्तिं गतवति च भिदा तावती तावदेको । भुङ्क्ते देहद्रुमस्थो विषयफलरसान्नापरो निर्व्यथात्मा ॥ ५ ॥

yāthārthyāttvanmayasyaiva hi mama na vibho vastuto bandhamokṣau | māyāvidyātanubhyāṃ tava tu viracitau svapnabodhopamau tau | baddhe jīvadvimuktiṃ gatavati ca bhidā tāvatī tāvadeko | bhuṅkte dehadrumastho viṣayaphalarasānnāparo nirvyathātmā || 5 ||

Report an error

जीवन्मुक्तत्वमेवंविधमिति वचसा किं फलं दूरदूरे । तन्नामाशुद्धबुद्धेर्न च लघु मनसः शोधनं भक्तितोऽन्यत् । तन्मे विष्णो कृषीष्ठास्त्वयि कृतसकलप्रार्पणं भक्तिभारं । येन स्यां मङ्क्षु किञ्चिद्गुरुवचनमिळत्त्वत्प्रबोधस्त्वदात्मा ॥ ६ ॥

jīvanmuktatvamevaṃvidhamiti vacasā kiṃ phalaṃ dūradūre | tannāmāśuddhabuddherna ca laghu manasaḥ śodhanaṃ bhaktito'nyat | tanme viṣṇo kṛṣīṣṭhāstvayi kṛtasakalaprārpaṇaṃ bhaktibhāraṃ | yena syāṃ maṅkṣu kiñcidguruvacanamil̤attvatprabodhastvadātmā || 6 ||

Report an error

शब्दब्रह्मण्यपीह प्रयतितमनसस्त्वां न जानन्ति केचित् । कष्टं वन्ध्यश्रस् सकलमलाहरा दिव्यलीलावताराः । सच्चित्सान्द्रं च रूपं तव न निगदितं तां न वाचं भ्रियासम् ॥ ७ ॥

śabdabrahmaṇyapīha prayatitamanasastvāṃ na jānanti kecit | kaṣṭaṃ vandhyaśras sakalamalāharā divyalīlāvatārāḥ | saccitsāndraṃ ca rūpaṃ tava na nigaditaṃ tāṃ na vācaṃ bhriyāsam || 7 ||

Report an error

यो यावान्यादृशो वा त्वमिति किमपि नैवावगच्छामि भूम । न्नेवञ्चानन्यभावस्त्वदनुभजनमेवाद्रिये चैद्यवैरिन् । त्वल्लिङ्गानां त्वदङ्घ्रिप्रियजनसदसां दर्शनस्पर्शनादि । र्भूयान्मे त्वत्प्रपूजानतिनुतिगुणकर्मानुकीर्त्यादरोऽपि ॥ ८ ॥

yo yāvānyādṛśo vā tvamiti kimapi naivāvagacchāmi bhūma | nnevañcānanyabhāvastvadanubhajanamevādriye caidyavairin | tvalliṅgānāṃ tvadaṅghripriyajanasadasāṃ darśanasparśanādi | rbhūyānme tvatprapūjānatinutiguṇakarmānukīrtyādaro'pi || 8 ||

Report an error

यद्यल्लभ्येत तत्तत्तव समुपहृतं देव दासोऽस्मि तेऽहं । त्वद्गेहोन्मार्जनाद्यं भवतु मम मुहुः कर्म निर्मायमेव । सूर्याग्निब्राह्मणात्मादिषु लसितचतुर्बाहुमाराधये त्वां । त्वत्प्रेमार्द्रत्वरूपो मम सततमभिष्यन्दतां भक्तियोगः ॥ ९ ॥

yadyallabhyeta tattattava samupahṛtaṃ deva dāso'smi te'haṃ | tvadgehonmārjanādyaṃ bhavatu mama muhuḥ karma nirmāyameva | sūryāgnibrāhmaṇātmādiṣu lasitacaturbāhumārādhaye tvāṃ | tvatpremārdratvarūpo mama satatamabhiṣyandatāṃ bhaktiyogaḥ || 9 ||

Report an error

ऐक्यं ते दानोहोमव्रतनियमतपस्साङ्ख्ययोगैर्दुरापं । त्वत्सङ्गेनैव गोप्यः किल सुकृतितमाः प्रापुरानन्दसान्द्रम् । भक्तेष्वन्येषु भूयस्स्वपि बहुमनुषे भक्तिमेव त्वमासां । तन्मे त्वद्भक्तिमेव दृढय हर गदान्कृष्ण वातालयेश ॥ १० ॥

aikyaṃ te dānohomavrataniyamatapassāṅkhyayogairdurāpaṃ | tvatsaṅgenaiva gopyaḥ kila sukṛtitamāḥ prāpurānandasāndram | bhakteṣvanyeṣu bhūyassvapi bahumanuṣe bhaktimeva tvamāsāṃ | tanme tvadbhaktimeva dṛḍhaya hara gadānkṛṣṇa vātālayeśa || 10 ||

Report an error

Illustration: Verse & Place (Project-owned).