ईद॑न् देवा भागधे॑यं पुराणं॑ य॑द् आ॑शिरे हृषिता॑ यज्ञि॑यासः एष॑स्य घर्म॑ᳵ प॑रिपूत ऋग्भि॑स् तं॑ ब॑प्सथो रथिरा॑ विद्र॑वन्ता ।
īdán devā bhāgadhéyaṃ purāṇáṃ yád ā́śire hṛṣitā́ yajñíyāsaḥ eṣásya gharmáh̬ páripūta ṛgbhís táṃ bápsatho rathirā́ vidrávantā |
अध्यायः १ • खिलसूक्तम् ११
Sanskrit from the selected Khilani edition, with IAST and source accents.
8 passagesSanskrit with transliteration
ईद॑न् देवा भागधे॑यं पुराणं॑ य॑द् आ॑शिरे हृषिता॑ यज्ञि॑यासः एष॑स्य घर्म॑ᳵ प॑रिपूत ऋग्भि॑स् तं॑ ब॑प्सथो रथिरा॑ विद्र॑वन्ता ।
īdán devā bhāgadhéyaṃ purāṇáṃ yád ā́śire hṛṣitā́ yajñíyāsaḥ eṣásya gharmáh̬ páripūta ṛgbhís táṃ bápsatho rathirā́ vidrávantā |
वृक्णं॑ शि॑रो वृषणा य॑न् मख॑स्य शिरो भिषजा सम॑धत्तम् अर्वा॑क् । त॑द् वान् न॑रस् सरि॑रञ् चा॑रु चित्त्रं॑ स॑दा गृणन्ति कव॑यस् सुते॑षु ।
vṛkṇáṃ śíro vṛṣaṇā yán makhásya śiro bhiṣajā samádhattam arvā́k | tád vān náras sarírañ cā́ru cittráṃ sádā gṛṇanti kaváyas sutéṣu |
ये॑न देवा॑ अ॑घ्नत सं॑ र॑पांसि ये॑ना॑सहन्त पृत॑ना अदेवीः॑ । ये॑ना॑भवन्न् अमॄतास् सोमधा॑नन् त॑म् अर्पयतं शिर॑सा हय॑स्य ।
yéna devā́ ághnata sáṃ rápāṃsi yénā́sahanta pṛtánā adevī́ḥ | yénā́bhavann amṝtās somadhā́nan tám arpayataṃ śirásā hayásya |
पुरा॑ विशीर्ष्णा॑ विद॑थेन देवा॑ ना॑वाशि॑षोरुन्धत ना॑पि ना॑कम् । ईजाना॑ बह्वी॑र् उ स॑मा यदा॑स्य शि॑रो दत्तं स॑मधा॑न्वारुहन् स्वः॒ ॥ १५ ॥
purā́ viśīrṣṇā́ vidáthena devā́ nā́vāśíṣorundhata nā́pi nā́kam | ījānā́ bahvī́r u sámā yadā́sya śíro dattaṃ sámadhā́nvāruhan svàḥ || 15 ||
य॑द् वाम् माता॑ उ॑प आ॑तिष्ठद् उग्रं सुवॄद्र॑थान् अव्यथेयं॑ सर॑ण्यूः त॑त्र वाम् माध्वी मध्वा॑हितं सुनीथं॑ प्रत्न॑म् अश्विना मयोभु॑ ।
yád vām mātā́ úpa ā́tiṣṭhad ugraṃ suvṝdráthān avyatheyáṃ saráṇyūḥ tátra vām mādhvī madhvā́hitaṃ sunītháṃ pratnám aśvinā mayobhú |
युवं॑ स्त्रिभि॑श् चितयथो॑पि ना॑कं य्युवं॑ प॑⟦य्⟧आंसि श॑क्वरीषु धत्तम् । युवं॑ व्वीरु॑द्भिस् सृज॑तम् महीमं॑ य्युवं॑ स॑र्तवे सृजतं व्वि॑ सि॑न्धून् ।
yuváṃ stribhíś citayathópi nā́kaṃ yyuváṃ pá⟦y⟧āṃsi śákvarīṣu dhattam | yuváṃ vvīrúdbhis sṛjátam mahīmáṃ yyuváṃ sártave sṛjataṃ vví síndhūn |
युवं॑ माध्वी म॑धुभिस् सारघे॑भिर् युवं॑ भेषजा॑ स्थो भिषजा सुपाणी॑ । युवं॑ र॑थेभी रथिरइ॑ स्थ उग्रा सुमङ्गला॑व् अमीवचा॑तनेभिः
yuváṃ mādhvī mádhubhis sāraghébhir yuváṃ bheṣajā́ stho bhiṣajā supāṇī́ | yuváṃ ráthebhī rathiraí stha ugrā sumaṅgalā́v amīvacā́tanebhiḥ
त॑न् मे दत्तञ् च॑क्षुर् अक्ष्णो॑र् विच॑क्षे प॑श्यामो ये॑न स्व॑र् इमा॑ दि॑शश् च । ये॑नाभि॑ख्याय वि ध॑वाम शक्रन् दुर्ह॑णाद् वाम् अश्विना शू॑रसातौ ॥ १६ ॥
tán me dattañ cákṣur akṣṇór vicákṣe páśyāmo yéna svár imā́ díśaś ca | yénābhíkhyāya vi dhávāma śakran durháṇād vām aśvinā śū́rasātau || 16 ||
Keys: ← → turn the page, J K step through the verses.
Illustration: Verse & Place (Project-owned).