Skip to content

अध्यायः २ • खिलसूक्तम् २

Adhyaya II · hymn 2

Sanskrit from the selected Khilani edition, with IAST and source accents.

5 passagesSanskrit with transliteration

A sacrificial flame emblem for Adhyaya II · hymn 2.
←
Go to verse
→

भद्रं॑ व्वद दक्षिणतो॑ भद्र॑म् उत्तरतो॑ वद । भद्रं॑ पुर॑स्तान् नो वद भद्र॑म् पश्चा॑त् कपिञ्जल ।

bhadráṃ vvada dakṣiṇató bhadrám uttarató vada | bhadráṃ purástān no vada bhadrám paścā́t kapiñjala |

Report an error

भद्रं॑ व्वद पुत्रइ॑र् भद्रं॑ व्वद गृहे॑षु च । भद्र॑म् अस्मा॑कं व्वद भद्रं॑ नो अ॑भयं व्वद ।

bhadráṃ vvada putraír bhadráṃ vvada gṛhéṣu ca | bhadrám asmā́kaṃ vvada bhadráṃ no ábhayaṃ vvada |

Report an error

भद्र॑म् अध॑स्तान् नो वद भद्र॑म् उप॑रिष्टान् नो वद । भद्रं॑ भद्रं॑ न आ॑ वद भद्रं॑ नस् सर्वतो॑ वद ।

bhadrám adhástān no vada bhadrám upáriṣṭān no vada | bhadráṃ bhadráṃ na ā́ vada bhadráṃ nas sarvató vada |

Report an error

असपत्नं॑ पुर॑स्तान् नश् शिव॑न् दक्षिणत॑स् कृधि । अ॑भयं स॑ततं पश्चा॑द् भद्र॑म् उत्तरतो॑ गृहे॑ ।

asapatnáṃ purástān naś śiván dakṣiṇatás kṛdhi | ábhayaṃ sátataṃ paścā́d bhadrám uttarató gṛhé |

Report an error

यौव॑नानि मह॑यसि जिग्यु॑षाम् इव दुन्दुभिः॑ । श॑कुन्तक प्रदक्षिणं॑ शत॑पत्त्राभि॑ नो वद । आव॑दंस् त्वं॑ शकुने भद्र॑म् आ॑ वद ॥ २ ॥

yauvánāni maháyasi jigyúṣām iva dundubhíḥ | śákuntaka pradakṣiṇáṃ śatápattrābhí no vada | āvádaṃs tváṃ śakune bhadrám ā́ vada || 2 ||

Report an error

Illustration: Verse & Place (Project-owned).