य॑था म॑नौ सां॑व्वरणं सो॑मम् इन्द्रा॑पिबस् सुत॑म् । नी॑पातिथौ मघवन् मे॑ध्यातिथौ पु॑ष्टिगौ श्रु॑ष्टिगौ स॑चा ।
yáthā mánau sā́ṃvvaraṇaṃ sómam indrā́pibas sutám | nī́pātithau maghavan médhyātithau púṣṭigau śrúṣṭigau sácā |
अध्यायः ३ • खिलसूक्तम् ३
Sanskrit from the selected Khilani edition, with IAST and source accents.
10 passagesSanskrit with transliteration
य॑था म॑नौ सां॑व्वरणं सो॑मम् इन्द्रा॑पिबस् सुत॑म् । नी॑पातिथौ मघवन् मे॑ध्यातिथौ पु॑ष्टिगौ श्रु॑ष्टिगौ स॑चा ।
yáthā mánau sā́ṃvvaraṇaṃ sómam indrā́pibas sutám | nī́pātithau maghavan médhyātithau púṣṭigau śrúṣṭigau sácā |
पार्षद्वान॑ᳵ प्र॑स्कण्वं स॑म् अ⟦सादयच्⟧ छ॑यानं जि॑व्रिम् उ॑द्धितम् । सह॑स्राण्य् आ॑सिषासद् ग॑वाम् ॠषिस् त्वो॑तो द॑स्यवे वॄकः ।
pārṣadvānáh̬ práskaṇvaṃ sám a⟦sādayac⟧ cháyānaṃ jívrim úddhitam | sahásrāṇy ā́siṣāsad gávām ṝṣis tvóto dásyave vṝkaḥ |
य॑ उक्थे॑भिर् न॑ विन्ध॑ते चिकि॑द् य॑ ऋषिचो॑दनः । इ॑न्द्रन् त॑म् अ॑च्छा वद न॑व्यस्या मत्य् अ॑विष्यन्तन् न॑ भो॑जसे ।
yá ukthébhir ná vindháte cikíd yá ṛṣicódanaḥ | índran tám ácchā vada návyasyā maty áviṣyantan ná bhójase |
य॑स्मा अर्कं॑ सप्त॑शीर्षाणम् आनृचु॑स् त्रिधा॑तुम् उत्तमे॑ पदे॑ । स॑ त्व् इमा॑ वि॑श्वा भु॑वनानि चिक्रदद् आ॑द् इज् जनिष्ट पउं॑स्यम् ।
yásmā arkáṃ saptáśīrṣāṇam ānṛcús tridhā́tum uttamé padé | sá tv imā́ víśvā bhúvanāni cikradad ā́d ij janiṣṭa paúṃsyam |
यो॑ नो दाता॑ व॑सूनाम् इ॑न्द्रं तं॑ हूमहे वय॑म् । विद्मा॑ ह्य् अस्य सुमति॑न् न॑वीयसीं गमे॑म गो॑मति व्रजे॑ ॥ ५ ॥
yó no dātā́ vásūnām índraṃ táṃ hūmahe vayám | vidmā́ hy asya sumatín návīyasīṃ gaméma gómati vrajé || 5 ||
य॑स्मै त्वं॑ वसो दाना॑य शि॑क्षसि स॑ राय॑स् पो॑षम् अश्नुते । त॑न् त्वा वयं॑ मघवन्न् इन्द्र गिर्वणस् सुता॑वन्तो हवामहे ।
yásmai tváṃ vaso dānā́ya śíkṣasi sá rāyás póṣam aśnute | tán tvā vayáṃ maghavann indra girvaṇas sutā́vanto havāmahe |
कदा॑ चन॑ स्तरी॑र् असि ने॑न्द्र सश्चसि दाशु॑षे । उ॑पोपे॑न् नु॑ मघवन् भू॑य इ॑न् नु॑ ते दा॑नन् देव॑स्य पृच्यते ।
kadā́ caná starī́r asi néndra saścasi dāśúṣe | úpopén nú maghavan bhū́ya ín nú te dā́nan devásya pṛcyate |
प्र॑ यो॑ ननक्षे॑ अभ्य् ओ॑जसा क्रि॑विं वधइ॑श् शु॑ष्णन् निघोष॑यन् । यदे॑द् अ॑स्तम्भीत् प्रथ॑यन्न् अमू॑न् दिव॑म् आ॑द् इ॑ज् जनिष्ट पा॑र्थिवः ।
prá yó nanakṣé abhy ójasā kríviṃ vadhaíś śúṣṇan nighoṣáyan | yadéd ástambhīt pratháyann amū́n divám ā́d íj janiṣṭa pā́rthivaḥ |
य॑स्यायं॑ व्वि॑श्व आ॑र्यो दा॑सश् शेवधिपा॑ अरिः॑ । तिर॑स् चिद् अर्ये॑ रु॑शमे प॑वीरवि तु॑भ्ये॑त् सो॑ अज्यते रयिः॑ ।
yásyāyáṃ vvíśva ā́ryo dā́saś śevadhipā́ aríḥ | tirás cid aryé rúśame pávīravi túbhyét só ajyate rayíḥ |
तुरण्य॑वो म॑धुमन्तो घृतश्चु॑तो वि॑प्रासो अर्क॑म् आनृचुः । अस्मे॑ रयि॑ᳵ पप्रथे वॄष्ण्यं श॑वोस्मे॑ सुवाना॑स इ॑न्दवः ॥ ६ ॥
turaṇyávo mádhumanto ghṛtaścúto víprāso arkám ānṛcuḥ | asmé rayíh̬ paprathe vṝṣṇyaṃ śávosmé suvānā́sa índavaḥ || 6 ||
Keys: ← → turn the page, J K step through the verses.
Illustration: Verse & Place (Project-owned).