Read / Saravali / Chapter 32 of 54 अध्यायः ३२ · द्वात्रिंशोऽध्यायः
(ho.ra.7a.216pṛ.2. yannavamarkṣagṛhaṃ)sarvamapahāya cintyaṃ bhāgyarkṣaṃ … dvātriṃśo'dhyāyaḥ
॥
Kalyanavarma's classic of horoscopy.
115 verses · Sanskrit with transliteration
(हो.र.7अ.216पृ.2. यन्नवमर्क्षगृहं)सर्वमपहाय चिन्त्यं भाग्यर्क्षं प्राणिनां विशेषेण ।
भाग्यं विना न जन्तुर्यस्मात्तद्यत्नतो वक्ष्ये ॥ १ ॥
(ho.ra.7a.216pṛ.2. yannavamarkṣagṛhaṃ)sarvamapahāya cintyaṃ bhāgyarkṣaṃ prāṇināṃ viśeṣeṇa |
bhāgyaṃ vinā na janturyasmāttadyatnato vakṣye || 1 ||
लग्नान्निशकाराद्वा (यन्नवमर्क्षगृहं)यन्नवमं तद्गृहं भवेद्भाग्यम् ।
अनयोर्यो बलयुक्तो भाग्यगृहं चिन्तयेदस्मात् ॥ २ ॥
lagnānniśakārādvā (yannavamarkṣagṛhaṃ)yannavamaṃ tadgṛhaṃ bhavedbhāgyam |
anayoryo balayukto bhāgyagṛhaṃ cintayedasmāt || 2 ||
भाग्यर्क्षपतिः कस्मिन्नेको(कस्मिन् को वा) भाग्यर्क्षमाश्रितो विहगः ।
बलवान्मन्दबलो वा तस्याधिपतेस्तु कारको ज्ञेयः ॥ ३ ॥
bhāgyarkṣapatiḥ kasminneko(kasmin ko vā) bhāgyarkṣamāśrito vihagaḥ |
balavānmandabalo vā tasyādhipatestu kārako jñeyaḥ || 3 ||
स्वस्वामिदृष्टयुक्तं स्वदेशफलदायकं मुनिभिरुक्तम् ।
अन्येन सहितदृष्टं परदेशफलप्रदं भवति भाग्यम् ॥ ४ ॥
svasvāmidṛṣṭayuktaṃ svadeśaphaladāyakaṃ munibhiruktam |
anyena sahitadṛṣṭaṃ paradeśaphalapradaṃ bhavati bhāgyam || 4 ||
दुश्चिक्यगतो भाग्यं पञ्चमभवनस्थितो ग्रहः पश्येत् ।
होरागतश्च बलवान् येषां ते मानवाः श्रेष्ठाः ॥ ५ ॥
duścikyagato bhāgyaṃ pañcamabhavanasthito grahaḥ paśyet |
horāgataśca balavān yeṣāṃ te mānavāḥ śreṣṭhāḥ || 5 ||
देवगुरौ भाग्यस्थे मन्त्री रविवीक्षिते नृपतितुल्यः ।
भोगी कान्तः शशिना काञ्चनभाग् भवति भौमेन ॥ ६ ॥
devagurau bhāgyasthe mantrī ravivīkṣite nṛpatitulyaḥ |
bhogī kāntaḥ śaśinā kāñcanabhāg bhavati bhaumena || 6 ||
सौम्येन धनी ज्ञेयः सितेन गोवाहनार्थसंयुक्तः ।
सौरेण स्थावरभाक् दृष्टे खरमहिषसंयुक्तः ॥ ७ ॥
saumyena dhanī jñeyaḥ sitena govāhanārthasaṃyuktaḥ |
saureṇa sthāvarabhāk dṛṣṭe kharamahiṣasaṃyuktaḥ || 7 ||
ऐश्वर्यरत्नकाञ्चनसाहसभागुत्तमश्च वीर्येण ।
रविरुधिराभ्यां दृष्टे वाहनपरिवारवान्पुरुषः ॥ ८ ॥
aiśvaryaratnakāñcanasāhasabhāguttamaśca vīryeṇa |
ravirudhirābhyāṃ dṛṣṭe vāhanaparivāravānpuruṣaḥ || 8 ||
चन्द्रार्काभ्यां दृष्टे सुसमृद्धो वल्लभः पितृजनन्योः ।
ख्यातो नरेन्द्रतुल्यो बहुदारसमन्वितः पुरुषः ॥ ९ ॥
candrārkābhyāṃ dṛṣṭe susamṛddho vallabhaḥ pitṛjananyoḥ |
khyāto narendratulyo bahudārasamanvitaḥ puruṣaḥ || 9 ||
ललितः कान्तः सुभगो वरयुवतिविभूषणार्थसम्पन्नः ।
बुधसूर्याभ्यां दृष्टे काव्यकलापण्डितः प्राज्ञः ॥ १० ॥
lalitaḥ kāntaḥ subhago varayuvativibhūṣaṇārthasampannaḥ |
budhasūryābhyāṃ dṛṣṭe kāvyakalāpaṇḍitaḥ prājñaḥ || 10 ||
उत्सवसमाजशीलो गोमहिषाजवरवारणोपेतः ।
रविसितदृष्टे जीवे भाग्यस्थे स्याद्विनीतश्च ॥ ११ ॥
utsavasamājaśīlo gomahiṣājavaravāraṇopetaḥ |
ravisitadṛṣṭe jīve bhāgyasthe syādvinītaśca || 11 ||
अर्कार्किभ्यां दृष्टे देशपुरश्रेणिनायकः ख्यातः ।
प्राज्ञो गुणवान्सधनो निधिनाथः संग्रहणशीलः ॥ १२ ॥
arkārkibhyāṃ dṛṣṭe deśapuraśreṇināyakaḥ khyātaḥ |
prājño guṇavānsadhano nidhināthaḥ saṃgrahaṇaśīlaḥ || 12 ||
सेनाचार्यः स्फीतो मन्त्री वा जायते गुरौ भाग्ये ।
दृष्टे कुजचन्द्राभ्यां नानाविधसौख्यभाजनं सुभगः ॥ १३ ॥
senācāryaḥ sphīto mantrī vā jāyate gurau bhāgye |
dṛṣṭe kujacandrābhyāṃ nānāvidhasaukhyabhājanaṃ subhagaḥ || 13 ||
उत्तमगृहशयनानां भोगी तेजोऽन्वितः क्षमाप्रतिमः ।
चन्द्रबुधाभ्यां दृष्टे जातः पुरुषोऽतिमतियुक्तः ॥ १४ ॥
uttamagṛhaśayanānāṃ bhogī tejo'nvitaḥ kṣamāpratimaḥ |
candrabudhābhyāṃ dṛṣṭe jātaḥ puruṣo'timatiyuktaḥ || 14 ||
आढ्यः कर्मोद्युक्तः शूरः परदारवान् सुतविहीनः ।
इन्दुसिताभ्यां दृष्टे भाग्यगृहे स्याद्गुरौ जातः ॥ १५ ॥
āḍhyaḥ karmodyuktaḥ śūraḥ paradāravān sutavihīnaḥ |
indusitābhyāṃ dṛṣṭe bhāgyagṛhe syādgurau jātaḥ || 15 ||
मदबहुलः स्थिरजीवी परदेशरतो विवादशीलः स्यात् ।
अनृतवचनो गुणोनः शशियमदृष्टे गुरौ भाग्ये ॥ १६ ॥
madabahulaḥ sthirajīvī paradeśarato vivādaśīlaḥ syāt |
anṛtavacano guṇonaḥ śaśiyamadṛṣṭe gurau bhāgye || 16 ||
सुप्राज्ञोऽतिसुशालः (सुभगो)सुगुणो विद्वान्गृहीतवाक्यश्च ।
सुरुचिरवेषो जीवे कुजबुधदृष्टे भवेद्भाग्ये ॥ १७ ॥
suprājño'tisuśālaḥ (subhago)suguṇo vidvāngṛhītavākyaśca |
suruciraveṣo jīve kujabudhadṛṣṭe bhavedbhāgye || 17 ||
धनवान्विद्यायुक्तो विदेशगः सात्त्विकोऽतिनिपुणश्च ।
क्षितितनयभार्गवाभ्यां दृष्टे क्रूरो नरो जातः ॥ १८ ॥
dhanavānvidyāyukto videśagaḥ sāttviko'tinipuṇaśca |
kṣititanayabhārgavābhyāṃ dṛṣṭe krūro naro jātaḥ || 18 ||
नीचः पिशुनो द्वेष्यो विदेशगश्चलजनैः समायुक्तः ।
भौमार्किभ्यां दृष्टे भाग्यगृहे सुरगुरौ जातः ॥ १९ ॥
nīcaḥ piśuno dveṣyo videśagaścalajanaiḥ samāyuktaḥ |
bhaumārkibhyāṃ dṛṣṭe bhāgyagṛhe suragurau jātaḥ || 19 ||
शिल्पज्ञोऽतिसुशीलो विद्वान्सुभगो गृहीतवाक्यश्च ।
सुरुचिरवेषो जीवे बुधसितदृष्टे भवेद्भाग्ये ॥ २० ॥
śilpajño'tisuśīlo vidvānsubhago gṛhītavākyaśca |
suruciraveṣo jīve budhasitadṛṣṭe bhavedbhāgye || 20 ||
सुभगो विद्वान्वक्ता ललितः शूरः सुखी विनीतश्च ।
जीवे भाग्योपगते बुधार्किदृष्टे पुमान्भवति ॥ २१ ॥
subhago vidvānvaktā lalitaḥ śūraḥ sukhī vinītaśca |
jīve bhāgyopagate budhārkidṛṣṭe pumānbhavati || 21 ||
देवगुरौ भाग्यस्थे काव्यार्कजवीक्षिते पुमान्भवति ।
राजेश्वरराष्ट्राणां पुरोगमो धनसमृद्धश्च ॥ २२ ॥
devagurau bhāgyasthe kāvyārkajavīkṣite pumānbhavati |
rājeśvararāṣṭrāṇāṃ purogamo dhanasamṛddhaśca || 22 ||
राश्यधिपेन च दृष्टे जीवे भाग्याश्रिते नृपं ज्ञेयम् ।
एभिः कथितैर्दृष्टे फलमिदमन्यैरसंदृष्टे ॥ २३ ॥
rāśyadhipena ca dṛṣṭe jīve bhāgyāśrite nṛpaṃ jñeyam |
ebhiḥ kathitairdṛṣṭe phalamidamanyairasaṃdṛṣṭe || 23 ||
उत्तमरूपो गुणवान् तेजस्वी पार्थिवो महाविभवः ।
देवगुरौ भाग्यस्थे सर्वग्रहवीक्षिते भवति ॥ २४ ॥
uttamarūpo guṇavān tejasvī pārthivo mahāvibhavaḥ |
devagurau bhāgyasthe sarvagrahavīkṣite bhavati || 24 ||
भाग्ये शुभगगनसदो बलिनो राज्यप्रदास्तु विज्ञेयाः ।
स्थावरधनधान्यकरा धर्मायुर्वर्धनाश्चैव ॥ २५ ॥
bhāgye śubhagaganasado balino rājyapradāstu vijñeyāḥ |
sthāvaradhanadhānyakarā dharmāyurvardhanāścaiva || 25 ||
नीचारिराशिसंस्थाः पापा भाग्ये न सौम्यसंदृष्टाः ।
दुर्बलमधनं कुर्युर्विगतख्यातिं नरं मलिनम् ॥ २६ ॥
nīcārirāśisaṃsthāḥ pāpā bhāgye na saumyasaṃdṛṣṭāḥ |
durbalamadhanaṃ kuryurvigatakhyātiṃ naraṃ malinam || 26 ||
स्वे स्वे भवने पुंसां क्रूरा भाग्यर्क्षसंस्थिता ये स्युः ।
ज्ञेयास्तु उत्तमशुभा बहुतरगुणसंयुताः शुभैर्दृष्टाः ॥ २७ ॥
sve sve bhavane puṃsāṃ krūrā bhāgyarkṣasaṃsthitā ye syuḥ |
jñeyāstu uttamaśubhā bahutaraguṇasaṃyutāḥ śubhairdṛṣṭāḥ || 27 ||
पूर्णेन्दुयुते भाग्ये वक्रार्किबुधाः प्रधानवीर्याश्च ।
व्यस्ता वाऽथ समस्ताः प्रधाननृपसंभवो ज्ञेयः ॥ २८ ॥
pūrṇenduyute bhāgye vakrārkibudhāḥ pradhānavīryāśca |
vyastā vā'tha samastāḥ pradhānanṛpasaṃbhavo jñeyaḥ || 28 ||
सकलगगनखेटा(गेहाः) स्वोच्चगा भाग्यराशौ ।
धनकनकसमृद्धं श्रेष्ठमुत्पादयन्ति ।
अथ शुभविहगेन्द्रैस्तत्र दृष्टे नरेन्द्रं ।
विनिहतरिपुपक्षं दिव्यकान्तिं सुकीर्तिम्(हो.र. 7 अ. 221 पृ.) ॥ २९ ॥
sakalagaganakheṭā(gehāḥ) svoccagā bhāgyarāśau |
dhanakanakasamṛddhaṃ śreṣṭhamutpādayanti |
atha śubhavihagendraistatra dṛṣṭe narendraṃ |
vinihataripupakṣaṃ divyakāntiṃ sukīrtim(ho.ra. 7 a. 221 pṛ.) || 29 ||
सूर्यश्चन्द्रसहायो भाग्ये स्वल्पायुषं नरं कुरुते ।
नयनव्याधितमाढ्यं सुभगं कलहप्रियं चापि ॥ ३० ॥
sūryaścandrasahāyo bhāgye svalpāyuṣaṃ naraṃ kurute |
nayanavyādhitamāḍhyaṃ subhagaṃ kalahapriyaṃ cāpi || 30 ||
भानुर्वक्रसमेतो नानादुःखान्वितं नरं कुरुते ।
कलहप्रियं प्रचण्डं शूरं नृपवल्लभं निपुणम् ॥ ३१ ॥
bhānurvakrasameto nānāduḥkhānvitaṃ naraṃ kurute |
kalahapriyaṃ pracaṇḍaṃ śūraṃ nṛpavallabhaṃ nipuṇam || 31 ||
रविसहितः शशितनयो निपुणं दुःखान्वितं बहुविपक्षम् ।
जनयति भाग्ये पुरुषं नानारोगैः परिगृहीतम् ॥ ३२ ॥
ravisahitaḥ śaśitanayo nipuṇaṃ duḥkhānvitaṃ bahuvipakṣam |
janayati bhāgye puruṣaṃ nānārogaiḥ parigṛhītam || 32 ||
सुरगुरुसहितः सूर्यो भाग्ये कुर्याद्धनान्वितं पुरुषम् ।
पितरं च धनसमृद्धं दीर्धायुषमार्यमतिशूरम् ॥ ३३ ॥
suragurusahitaḥ sūryo bhāgye kuryāddhanānvitaṃ puruṣam |
pitaraṃ ca dhanasamṛddhaṃ dīrdhāyuṣamāryamatiśūram || 33 ||
शुक्रसहायः सूर्यो व्याधितदेहं नरं कुरुते ।
प्रियगन्धमाल्यभूषणलङ्कारसंयुतं भाग्ये ॥ ३४ ॥
śukrasahāyaḥ sūryo vyādhitadehaṃ naraṃ kurute |
priyagandhamālyabhūṣaṇalaṅkārasaṃyutaṃ bhāgye || 34 ||
सूर्यः सौरसहायो धनिनं नेत्रातुरं कलहनिष्ठम् ।
व्याधितपितरं कुरुते भाग्ये स्वल्पायुषं पुरुषम् ॥ ३५ ॥
sūryaḥ saurasahāyo dhaninaṃ netrāturaṃ kalahaniṣṭham |
vyādhitapitaraṃ kurute bhāgye svalpāyuṣaṃ puruṣam || 35 ||
चन्द्रो रुधिरसहायो भाग्यं समुपेत्य मातरं हन्यात् ।
कुर्याच्च विकलगात्रं सव्रणदेहं समृद्धं च ॥ ३६ ॥
candro rudhirasahāyo bhāgyaṃ samupetya mātaraṃ hanyāt |
kuryācca vikalagātraṃ savraṇadehaṃ samṛddhaṃ ca || 36 ||
चन्द्रः स्वसुतसमेतः शास्त्रज्ञं पण्डितं विकलदेहम् ।
जनयत्युत्तमपुरुषं बहुवाचं विश्रुतं चैव ॥ ३७ ॥
candraḥ svasutasametaḥ śāstrajñaṃ paṇḍitaṃ vikaladeham |
janayatyuttamapuruṣaṃ bahuvācaṃ viśrutaṃ caiva || 37 ||
सुरगुरुसहिते चन्द्रे भाग्ये प्रवरः प्रसूयते पुरुषः ।
सौभाग्यधनसमृद्धः सर्वत्र सुखान्वितो धीरः ॥ ३८ ॥
suragurusahite candre bhāgye pravaraḥ prasūyate puruṣaḥ |
saubhāgyadhanasamṛddhaḥ sarvatra sukhānvito dhīraḥ || 38 ||
चन्द्रो भार्गवसहितोगृहे व्याधितं नरं कुरुते ।
कुलटापतिं समृद्धं मातृसपत्नीप्रदं सचिववश्यम् ॥ ३९ ॥
candro bhārgavasahitogṛhe vyādhitaṃ naraṃ kurute |
kulaṭāpatiṃ samṛddhaṃ mātṛsapatnīpradaṃ sacivavaśyam || 39 ||
रविसुतसहितश्चन्द्रो नवमे राशौ विकृष्टधर्माणम् ।
जनयति मनुजं पापं माता च कुलच्युता भवति ॥ ४० ॥
ravisutasahitaścandro navame rāśau vikṛṣṭadharmāṇam |
janayati manujaṃ pāpaṃ mātā ca kulacyutā bhavati || 40 ||
रुधिरः सोमजसहितो भाग्यर्क्षे जनयति प्रधानं च ।
नित्योद्विग्नं सुभगं भोगयुतं शास्त्रकुशलं च ॥ ४१ ॥
rudhiraḥ somajasahito bhāgyarkṣe janayati pradhānaṃ ca |
nityodvignaṃ subhagaṃ bhogayutaṃ śāstrakuśalaṃ ca || 41 ||
भौमः सुरगुरुयुक्तो भाग्ये धनधान्यभागिनं पुरुषम् ।
पूज्यं व्याधितदेहं क्लिष्टं (दीप्ति)व्रणविक्षतं प्रसवे ॥ ४२ ॥
bhaumaḥ suraguruyukto bhāgye dhanadhānyabhāginaṃ puruṣam |
pūjyaṃ vyādhitadehaṃ kliṣṭaṃ (dīpti)vraṇavikṣataṃ prasave || 42 ||
भार्गवसहितः क्षितिजः परदेशरतं विवादिनं क्रूरम् ।
स्त्रीद्वेषिणं कृतघ्नं जनयति मिथ्याप्रधानं च ॥ ४३ ॥
bhārgavasahitaḥ kṣitijaḥ paradeśarataṃ vivādinaṃ krūram |
strīdveṣiṇaṃ kṛtaghnaṃ janayati mithyāpradhānaṃ ca || 43 ||
पापं मलिनाचारं परदाररतं विनष्टधनसौख्यम् ।
कुजरविजौ भाग्यगृहे स्वजनविहीनं नरं कुरुते ॥ ४४ ॥
pāpaṃ malinācāraṃ paradārarataṃ vinaṣṭadhanasaukhyam |
kujaravijau bhāgyagṛhe svajanavihīnaṃ naraṃ kurute || 44 ||
सौम्यः सुरगुरुसहितः शास्त्रज्ञं पण्डितं धनसमृद्धम् ।
प्रियवादिनं कलाज्ञं प्रभविष्णुमहत्तरं भाग्ये ॥ ४५ ॥
saumyaḥ suragurusahitaḥ śāstrajñaṃ paṇḍitaṃ dhanasamṛddham |
priyavādinaṃ kalājñaṃ prabhaviṣṇumahattaraṃ bhāgye || 45 ||
भृगुसुतसहितः सौम्यः ख्यातं च सुपण्डितं धीरम् ।
सुभगं वचनसमर्थं जनयति (गीतप्रियं)नीतिप्रियं भाग्ये ॥ ४६ ॥
bhṛgusutasahitaḥ saumyaḥ khyātaṃ ca supaṇḍitaṃ dhīram |
subhagaṃ vacanasamarthaṃ janayati (gītapriyaṃ)nītipriyaṃ bhāgye || 46 ||
सूर्यजसहितः सौम्यो व्याधितमाढ्यं प्रियान्वितं निपुणम् ।
जनयति भाग्ये पुरुषं सद्द्वेष्यं बहुकथं चैव ॥ ४७ ॥
sūryajasahitaḥ saumyo vyādhitamāḍhyaṃ priyānvitaṃ nipuṇam |
janayati bhāgye puruṣaṃ saddveṣyaṃ bahukathaṃ caiva || 47 ||
शुक्रः सुरगुरुसहितो भाग्यगृहस्थो नराधिपं कुरुते ।
चिरजीविनं सुवाक्यं नानाविधसौख्यसम्पन्नम् ॥ ४८ ॥
śukraḥ suragurusahito bhāgyagṛhastho narādhipaṃ kurute |
cirajīvinaṃ suvākyaṃ nānāvidhasaukhyasampannam || 48 ||
जीवः सौरसहायो भाग्ये धनरत्नभागिनं कुरुते ।
पूज्यं व्याधितदेहं स्वजनविहीनं सदा पुरुषम् ॥ ४९ ॥
jīvaḥ saurasahāyo bhāgye dhanaratnabhāginaṃ kurute |
pūjyaṃ vyādhitadehaṃ svajanavihīnaṃ sadā puruṣam || 49 ||
सौरसहायः शुक्रो व्याधितदेहं नरं कुरुते ।
बहुपुत्रं(बहुवित्तं) नृपतीष्टं यशस्विनं शीलसम्पन्नम् ॥ ५० ॥
saurasahāyaḥ śukro vyādhitadehaṃ naraṃ kurute |
bahuputraṃ(bahuvittaṃ) nṛpatīṣṭaṃ yaśasvinaṃ śīlasampannam || 50 ||
एवं स्थानविशेषैर्दृष्टिविशेषैश्च निपुणमधिगम्य ।
ब्रूयात्फलनिर्देशं शास्त्रादनुरूपतः प्राज्ञः ॥ ५१ ॥
evaṃ sthānaviśeṣairdṛṣṭiviśeṣaiśca nipuṇamadhigamya |
brūyātphalanirdeśaṃ śāstrādanurūpataḥ prājñaḥ || 51 ||
सव्रणगात्रं रूक्षं मृतपितरं मातृवर्जितं कुर्युः ।
बाल्ये क्षुद्रं द्वेष्यं हिंस्रं शशिरुधिरभानवो भाग्ये ॥ ५२ ॥
savraṇagātraṃ rūkṣaṃ mṛtapitaraṃ mātṛvarjitaṃ kuryuḥ |
bālye kṣudraṃ dveṣyaṃ hiṃsraṃ śaśirudhirabhānavo bhāgye || 52 ||
रविचन्द्रबुधा भाग्ये क्लीवाकारं सुदुःखितं कुर्युः ।
सर्वजनानां द्वेष्यं विक्रान्तं सत्यवचनं च ॥ ५३ ॥
ravicandrabudhā bhāgye klīvākāraṃ suduḥkhitaṃ kuryuḥ |
sarvajanānāṃ dveṣyaṃ vikrāntaṃ satyavacanaṃ ca || 53 ||
चन्द्रदिवाकरगुरवो नवमे पुरुषस्य सम्भवे यस्य ।
स भवत्युत्तपुरुषो वाहनधनसौख्यसम्पन्नः ॥ ५४ ॥
candradivākaraguravo navame puruṣasya sambhave yasya |
sa bhavatyuttapuruṣo vāhanadhanasaukhyasampannaḥ || 54 ||
रविचन्द्रसिता नवमे स्त्रीकलहैर्नष्टसर्वधनसौख्यम् ।
नृपसंमतं नयज्ञं जनयन्ति नरं प्रियालापम् ॥ ५५ ॥
ravicandrasitā navame strīkalahairnaṣṭasarvadhanasaukhyam |
nṛpasaṃmataṃ nayajñaṃ janayanti naraṃ priyālāpam || 55 ||
सूर्यनिशाकरसौरा नवमे राशौ नरं सदा कुर्युः ।
प्रबलं चण्डाचारं परभृत्यं लोकविद्विष्टम् ॥ ५६ ॥
sūryaniśākarasaurā navame rāśau naraṃ sadā kuryuḥ |
prabalaṃ caṇḍācāraṃ parabhṛtyaṃ lokavidviṣṭam || 56 ||
रविभौमबुधा नवमे कुर्वन्ति नरं प्रियालापम् ।
(सुभगमथा)भुजगमिवातिकुद्धं समरपरं निष्ठुरं (प्रवासार्तम्)प्रवासरतम् ॥ ५७ ॥
ravibhaumabudhā navame kurvanti naraṃ priyālāpam |
(subhagamathā)bhujagamivātikuddhaṃ samaraparaṃ niṣṭhuraṃ (pravāsārtam)pravāsaratam || 57 ||
रविगुरुवक्रा नवमे जनयन्ति नरं सदोद्युक्तम् ।
देवपितृपूजनरतं समृद्धदारं गुणोपेतम् ॥ ५८ ॥
raviguruvakrā navame janayanti naraṃ sadodyuktam |
devapitṛpūjanarataṃ samṛddhadāraṃ guṇopetam || 58 ||
कलहप्रियं कुलीनं कन्यानां दूषकं च चपलं च ।
दिवसरवक्रशुक्रा नवमे द्वेष्यं नरं कुर्युः ॥ ५९ ॥
kalahapriyaṃ kulīnaṃ kanyānāṃ dūṣakaṃ ca capalaṃ ca |
divasaravakraśukrā navame dveṣyaṃ naraṃ kuryuḥ || 59 ||
साहसिकमतिक्षुद्रं लोकद्वेष्यं प्रियानृतं क्रूरम् ।
पित्रा रहितं बाल्ये कुर्युर्वक्रार्किभावनो नवमे ॥ ६० ॥
sāhasikamatikṣudraṃ lokadveṣyaṃ priyānṛtaṃ krūram |
pitrā rahitaṃ bālye kuryurvakrārkibhāvano navame || 60 ||
रविबुधगुरवो नवमे भाग्यसमेत धनान्वितं सुभगम् ।
नृपतिप्रियं सुवेषं जनयन्ति नरं सुधीरं च ॥ ६१ ॥
ravibudhaguravo navame bhāgyasameta dhanānvitaṃ subhagam |
nṛpatipriyaṃ suveṣaṃ janayanti naraṃ sudhīraṃ ca || 61 ||
रविबुधशुक्रा भाग्ये जनयन्ति नरं प्रकाशिनं कान्तम् ।
रिपुपक्षपरिक्षीणं नृपतिसमं सारवन्तं च ॥ ६२ ॥
ravibudhaśukrā bhāgye janayanti naraṃ prakāśinaṃ kāntam |
ripupakṣaparikṣīṇaṃ nṛpatisamaṃ sāravantaṃ ca || 62 ||
परदाररतं पापं प्रवासशीलं च निपुणमतिधृष्टम् ।
आनृतिकमदैरपरं रविबुधसौरा नरं भाग्ये ॥ ६३ ॥
paradārarataṃ pāpaṃ pravāsaśīlaṃ ca nipuṇamatidhṛṣṭam |
ānṛtikamadairaparaṃ ravibudhasaurā naraṃ bhāgye || 63 ||
भाग्यगृहे रविशुक्रौ जीवश्च नरं सुपण्डितं कान्तम् ।
बहुविषयपतिं वीरं जनयन्ति सुमेधसं प्राज्ञम् ॥ ६४ ॥
bhāgyagṛhe raviśukrau jīvaśca naraṃ supaṇḍitaṃ kāntam |
bahuviṣayapatiṃ vīraṃ janayanti sumedhasaṃ prājñam || 64 ||
त्रिदशगुरुसौरसूर्या नवमे यस्येह जायमानस्य ।
स भवेदुत्तवीर्यो राजा धनवान्गुणैः समृद्धश्च ॥ ६५ ॥
tridaśagurusaurasūryā navame yasyeha jāyamānasya |
sa bhaveduttavīryo rājā dhanavānguṇaiḥ samṛddhaśca || 65 ||
कान्तिविहीनं मलिनं भूपतिपरिण्डितं विभवहीनम् ।
जनयन्ति नरं भाग्ये रविशुक्रशनैश्चरा मूर्खम् ॥ ६६ ॥
kāntivihīnaṃ malinaṃ bhūpatipariṇḍitaṃ vibhavahīnam |
janayanti naraṃ bhāgye raviśukraśanaiścarā mūrkham || 66 ||
धनकरनकरत्नभाजनं जनयन्ति शशिभूमिजाः पुरुषम् ।
प्रथमे वयसि च तप्तं भाग्यगृहे सर्वनाशेन(भावेन) ॥ ६७ ॥
dhanakaranakaratnabhājanaṃ janayanti śaśibhūmijāḥ puruṣam |
prathame vayasi ca taptaṃ bhāgyagṛhe sarvanāśena(bhāvena) || 67 ||
भौमनिशाकरजीवाः कुवर्न्ति नरं जितेन्द्रियं प्राज्ञम् ।
गुरुदेवभक्तिनिरतं विद्याधनभागिनं सुभगम् ॥ ६८ ॥
bhaumaniśākarajīvāḥ kuvarnti naraṃ jitendriyaṃ prājñam |
gurudevabhaktinirataṃ vidyādhanabhāginaṃ subhagam || 68 ||
व्रणिताङ्गमरूपं वा (प्रभक्षणं)प्रभेदिनं स्त्रीप्रियं युवतिवश्यम् ।
युवतिविनाशितसारं भृगुशशिवक्रा नरं नवमे ॥ ६९ ॥
vraṇitāṅgamarūpaṃ vā (prabhakṣaṇaṃ)prabhedinaṃ strīpriyaṃ yuvativaśyam |
yuvativināśitasāraṃ bhṛguśaśivakrā naraṃ navame || 69 ||
व्यापन्नमातृवंशं क्षुद्रं बाल्ये निराकृतं मात्रा ।
सौरो भौमश्चन्द्रो जनयन्ति नराधमं नवमे ॥ ७० ॥
vyāpannamātṛvaṃśaṃ kṣudraṃ bālye nirākṛtaṃ mātrā |
sauro bhaumaścandro janayanti narādhamaṃ navame || 70 ||
गुरुबुधचन्द्रा नवमे कुलवंशविविर्धनं कुर्यः ।
आचार्यं बहुमित्रं नृपतिं बहुसाधनोपेतम् ॥ ७१ ॥
gurubudhacandrā navame kulavaṃśavivirdhanaṃ kuryaḥ |
ācāryaṃ bahumitraṃ nṛpatiṃ bahusādhanopetam || 71 ||
मातृसपत्नीजनकं प्रमुदितमानान्वितं प्रचुरमित्रम् ।
कुर्वन्ति सामशीलं भृगुबुधचन्द्रा नरं भाग्ये ॥ ७२ ॥
mātṛsapatnījanakaṃ pramuditamānānvitaṃ pracuramitram |
kurvanti sāmaśīlaṃ bhṛgubudhacandrā naraṃ bhāgye || 72 ||
शशिबुधसौरा नवमे क्रूराचारं सु वक्रमं मलिनम् ।
जनयन्ति कुत्सितधियं संग्रामपराङ्मुखं दीनम् ॥ ७३ ॥
śaśibudhasaurā navame krūrācāraṃ su vakramaṃ malinam |
janayanti kutsitadhiyaṃ saṃgrāmaparāṅmukhaṃ dīnam || 73 ||
चन्द्रबृहस्पतिशुक्रा नवमे यस्येह जायमानस्य ।
स भवति महीपतुल्यो नृपतिकुले भूपतिश्चैव ॥ ७४ ॥
candrabṛhaspatiśukrā navame yasyeha jāyamānasya |
sa bhavati mahīpatulyo nṛpatikule bhūpatiścaiva || 74 ||
शशिगुरुसौरा नवमे कुर्वन्ति नरं प्रियालापम् ।
सत्यव्रतं सुशीलं विख्यातं सर्वशास्त्रकुशलं च ॥ ७५ ॥
śaśigurusaurā navame kurvanti naraṃ priyālāpam |
satyavrataṃ suśīlaṃ vikhyātaṃ sarvaśāstrakuśalaṃ ca || 75 ||
शुक्रेन्दुयमा नवमे कृषिवृत्तिं योनिपोषणानुरतम् ।
कुर्युर्मनुजमपापं(मनुजं पापम्) कृतकृत्यं लोकविख्यातम् ॥ ७६ ॥
śukrenduyamā navame kṛṣivṛttiṃ yonipoṣaṇānuratam |
kuryurmanujamapāpaṃ(manujaṃ pāpam) kṛtakṛtyaṃ lokavikhyātam || 76 ||
तेजस्विनं विशोकं विद्वांसं वाक् स्थिरं विशिष्टं वा ।
कुजबुधजीवा नवमे कुर्वन्ति च मण्डलाधिपतिम् ॥ ७७ ॥
tejasvinaṃ viśokaṃ vidvāṃsaṃ vāk sthiraṃ viśiṣṭaṃ vā |
kujabudhajīvā navame kurvanti ca maṇḍalādhipatim || 77 ||
बहुविषयपतिं ख्यातं नरेन्द्रसत्कारसत्कृतं चण्डम् ।
कुजबुधशुक्रा भाग्ये कुर्वन्ति नरं सतां सत्यम् ॥ ७८ ॥
bahuviṣayapatiṃ khyātaṃ narendrasatkārasatkṛtaṃ caṇḍam |
kujabudhaśukrā bhāgye kurvanti naraṃ satāṃ satyam || 78 ||
परवञ्चनासु निपुणं तमोधिकं सर्वशास्त्रमतिबाह्यम् ।
बुधभौमयमा नवमे कुर्यः परतर्कसंमूढम् ॥ ७९ ॥
paravañcanāsu nipuṇaṃ tamodhikaṃ sarvaśāstramatibāhyam |
budhabhaumayamā navame kuryaḥ paratarkasaṃmūḍham || 79 ||
बुधगुरुशुक्रा भाग्ये जनयन्ति नरं सुरोपमं विशदम् ।
विख्यातं नरनाथं विद्वांसं धर्मशीलं च ॥ ८० ॥
budhaguruśukrā bhāgye janayanti naraṃ suropamaṃ viśadam |
vikhyātaṃ naranāthaṃ vidvāṃsaṃ dharmaśīlaṃ ca || 80 ||
शुक्रशनैश्चरशशिजा नवमस्था जातकं प्रकुर्वन्ति ।
मेधाविनं प्रकाशं सुरुचिरवाक्यं सुखोपेतम् ॥ ८१ ॥
śukraśanaiścaraśaśijā navamasthā jātakaṃ prakurvanti |
medhāvinaṃ prakāśaṃ suruciravākyaṃ sukhopetam || 81 ||
शनिशुक्रामरगुरवो भाग्यगृहस्था नरं प्रकुर्वन्ति ।
प्रचुरान्नपानविभवं सुभगं सुखितं सुरूपं च ॥ ८२ ॥
śaniśukrāmaraguravo bhāgyagṛhasthā naraṃ prakurvanti |
pracurānnapānavibhavaṃ subhagaṃ sukhitaṃ surūpaṃ ca || 82 ||
रविचन्द्रभौमशशिजा जन्मनि भाग्यर्क्षगा नरं कुर्युः ।
सभवत्युत्तमपुरुषो विदेशगो नित्यसंतुष्टः ॥ ८३ ॥
ravicandrabhaumaśaśijā janmani bhāgyarkṣagā naraṃ kuryuḥ |
sabhavatyuttamapuruṣo videśago nityasaṃtuṣṭaḥ || 83 ||
सूर्यशशिभौमगुरवो भाग्यर्क्षगता नर कुर्युः ।
धनिनं विद्याकुशलं सुभगं नृपसंमतं चेव ॥ ८४ ॥
sūryaśaśibhaumaguravo bhāgyarkṣagatā nara kuryuḥ |
dhaninaṃ vidyākuśalaṃ subhagaṃ nṛpasaṃmataṃ ceva || 84 ||
शुक्रेन्दुभौमरवयो मायाचतुरं स्वदारसन्तुष्टम् ।
जनयन्ति सदा भाग्ये पुरुषं बहुनीचकर्माणम् ॥ ८५ ॥
śukrendubhaumaravayo māyācaturaṃ svadārasantuṣṭam |
janayanti sadā bhāgye puruṣaṃ bahunīcakarmāṇam || 85 ||
सूर्याचन्द्ररवयः पिशुनं मायाविनं कुशीलञ्च ।
जनयन्ति सदा भाग्ये पुरुषं बहुनीचकर्माणम् ॥ ८६ ॥
sūryācandraravayaḥ piśunaṃ māyāvinaṃ kuśīlañca |
janayanti sadā bhāgye puruṣaṃ bahunīcakarmāṇam || 86 ||
शशिसुरगुरुबुधरवयो जन्मनि भाग्यर्क्षमाश्रिताः कुर्युः ।
पुरुषं प्रधानमचलं नरेन्द्रपूज्यं तथा हृष्टम् ॥ ८७ ॥
śaśisuragurubudharavayo janmani bhāgyarkṣamāśritāḥ kuryuḥ |
puruṣaṃ pradhānamacalaṃ narendrapūjyaṃ tathā hṛṣṭam || 87 ||
चन्द्रबुधशुक्ररवयो धनेश्वरं धार्मिक समृद्धं च ।
जनयन्ति नवमसंस्थाः पुरुषं प्रियवादिनं शान्तम् ॥ ८८ ॥
candrabudhaśukraravayo dhaneśvaraṃ dhārmika samṛddhaṃ ca |
janayanti navamasaṃsthāḥ puruṣaṃ priyavādinaṃ śāntam || 88 ||
तरणिबुधचन्द्रसौरा जन्मनि नवमाश्रिता नरं कुर्युः ।
नीचानुरतं दीनं परस्वहरणे सदा सक्तम् ॥ ८९ ॥
taraṇibudhacandrasaurā janmani navamāśritā naraṃ kuryuḥ |
nīcānurataṃ dīnaṃ parasvaharaṇe sadā saktam || 89 ||
रविगुरुबुधभूतनया जन्मनि नवमे नरं प्रकुर्वन्ति ।
देवपितृपूजनपरं समृद्धदारं गुणोपेतम् ॥ ९० ॥
ravigurubudhabhūtanayā janmani navame naraṃ prakurvanti |
devapitṛpūjanaparaṃ samṛddhadāraṃ guṇopetam || 90 ||
शुक्रज्ञभौमसूर्या नवमे जनयन्ति निष्ठुरं सुभगम् ।
साहसनिरतं विधनं रिपुक्षक्षपितविभवं च ॥ ९१ ॥
śukrajñabhaumasūryā navame janayanti niṣṭhuraṃ subhagam |
sāhasanirataṃ vidhanaṃ ripukṣakṣapitavibhavaṃ ca || 91 ||
रविसौरिचान्द्रिभौमा नवमे यस्येह जायमानस्य ।
स भवति परदाररतो विनष्टकोशः सदा दीनः ॥ ९२ ॥
ravisauricāndribhaumā navame yasyeha jāyamānasya |
sa bhavati paradārarato vinaṣṭakośaḥ sadā dīnaḥ || 92 ||
शुक्रगुरुभौमरवयो लोके द्वेष्यं पिपासार्तम् ।
जनयन्ति नवमसंस्थाः कन्यानां दूषकं चपलचित्तम् ॥ ९३ ॥
śukragurubhaumaravayo loke dveṣyaṃ pipāsārtam |
janayanti navamasaṃsthāḥ kanyānāṃ dūṣakaṃ capalacittam || 93 ||
गुरुभौमसौरसूर्या नवमे सुखवर्जितं सदोद्युक्तम्।(Slok 196 is found in the P. L. M. S.) ।
जनयन्ति नरं चण्ड विक्रमयुक्तं महासत्त्वम् ॥ ९४ ॥
gurubhaumasaurasūryā navame sukhavarjitaṃ sadodyuktam|(Slok 196 is found in the P. L. M. S.) |
janayanti naraṃ caṇḍa vikramayuktaṃ mahāsattvam || 94 ||
रविबुधजीवसिताः स्युर्नवमे यस्येह जायमानस्य ।
स भवत्युत्तमपुरुषो धनकनकैश्वर्यसम्पन्नः ॥ ९५ ॥
ravibudhajīvasitāḥ syurnavame yasyeha jāyamānasya |
sa bhavatyuttamapuruṣo dhanakanakaiśvaryasampannaḥ || 95 ||
भानुजरविबुधगुरवो नवमे जनयन्ति मानवं निधनम् ।
पापं परदाररतं विद्विष्टं नीचकर्माणम् ॥ ९६ ॥
bhānujaravibudhaguravo navame janayanti mānavaṃ nidhanam |
pāpaṃ paradārarataṃ vidviṣṭaṃ nīcakarmāṇam || 96 ||
बुधरविजरविसिताः स्युर्भाग्यस्थाने नरं सुभगम् ।
जनयन्ति धनसमेतं सत्यरतं लोकविख्यातम् ॥ ९७ ॥
budharavijaravisitāḥ syurbhāgyasthāne naraṃ subhagam |
janayanti dhanasametaṃ satyarataṃ lokavikhyātam || 97 ||
रविगुरुसितभानुसुता जन्मनि नवमर्क्षगा नरं कुर्युः ।
सत्यव्रतं सुवाक्यं गुरुद्विजातिथिषु भक्तम् ॥ ९८ ॥
ravigurusitabhānusutā janmani navamarkṣagā naraṃ kuryuḥ |
satyavrataṃ suvākyaṃ gurudvijātithiṣu bhaktam || 98 ||
चन्द्रज्ञकुजसुरेज्या जनयन्ति नरं परिच्छदसमृद्धम् ।
बाल्ये मातृवियुक्तं धनान्वितं संस्थिता भाग्ये ॥ ९९ ॥
candrajñakujasurejyā janayanti naraṃ paricchadasamṛddham |
bālye mātṛviyuktaṃ dhanānvitaṃ saṃsthitā bhāgye || 99 ||
भौमसितशशिजचन्द्रा भाग्ये जनयन्ति तापसं ख्यातम् ।
वाग्मिनमतिदातारं परलोकपरं महाप्राज्ञम् ॥ १०० ॥
bhaumasitaśaśijacandrā bhāgye janayanti tāpasaṃ khyātam |
vāgminamatidātāraṃ paralokaparaṃ mahāprājñam || 100 ||
रविजबुधचन्द्रभौमा जनयन्ति नरं पराङ्मुखं दीनम् ।
क्षुद्रं मायाचतुरं परदाररतं स्थिता भाग्ये ॥ १०१ ॥
ravijabudhacandrabhaumā janayanti naraṃ parāṅmukhaṃ dīnam |
kṣudraṃ māyācaturaṃ paradārarataṃ sthitā bhāgye || 101 ||
भौमेन्दुशुक्रजीवा नृपवंशकरं प्रधानमतिशूरम् ।
विद्याधनसुसमृद्धं विख्यातं लोकसंमतं चैव ॥ १०२ ॥
bhaumenduśukrajīvā nṛpavaṃśakaraṃ pradhānamatiśūram |
vidyādhanasusamṛddhaṃ vikhyātaṃ lokasaṃmataṃ caiva || 102 ||
शशिवक्रार्किसुरेज्या जनयन्ति नरं पिपासार्तम् ।
कलहप्रियं च नवमे सौभाग्यपरिच्छदातीतम् ॥ १०३ ॥
śaśivakrārkisurejyā janayanti naraṃ pipāsārtam |
kalahapriyaṃ ca navame saubhāgyaparicchadātītam || 103 ||
चन्द्रारभानुजसिता नवमे जनयन्ति निष्ठुरं पापम् ।
मायाविनं च पुरुषं शौचाचारैर्विहीनं च ॥ १०४ ॥
candrārabhānujasitā navame janayanti niṣṭhuraṃ pāpam |
māyāvinaṃ ca puruṣaṃ śaucācārairvihīnaṃ ca || 104 ||
सितगुरुशशिजशशाङ्का जन्मनि भाग्यर्क्षमाश्रिता धनिनम् ।
जनयन्ति धर्मसक्तं नरं कलासु प्रसिद्धं च ।
प्राज्ञं नृपति कुलजं प्रधानमतिवित्तसंयुतं कान्तम् ।
सौम्येन्दुशुक्रजीवा जनयन्ति नरं तु विख्यातम् ।
(Reading of s'loka 103 in the P. L. M. S.) ।
गुरुसौम्यशुक्रचन्द्रा भाग्ये युक्ताः प्रजायमानस्य ।
यस्य स भाग्ये युक्तो लोके पुरुषोत्तमो ज्ञेयः ॥ १०५ ॥
sitaguruśaśijaśaśāṅkā janmani bhāgyarkṣamāśritā dhaninam |
janayanti dharmasaktaṃ naraṃ kalāsu prasiddhaṃ ca |
prājñaṃ nṛpati kulajaṃ pradhānamativittasaṃyutaṃ kāntam |
saumyenduśukrajīvā janayanti naraṃ tu vikhyātam |
(Reading of s'loka 103 in the P. L. M. S.) |
gurusaumyaśukracandrā bhāgye yuktāḥ prajāyamānasya |
yasya sa bhāgye yukto loke puruṣottamo jñeyaḥ || 105 ||
भानुजबुधगुरुचन्द्रा जनयन्ति नरं परं सुनयम् ।
भाग्यस्थिताः समृद्धं नीतिज्ञं चारुवेशं च ॥ १०६ ॥
bhānujabudhagurucandrā janayanti naraṃ paraṃ sunayam |
bhāgyasthitāḥ samṛddhaṃ nītijñaṃ cāruveśaṃ ca || 106 ||
शनिशुक्रबुधशशाङ्का जन्मनि भाग्यस्थिता नरं कुर्युः ।
मेधाविनं प्रचण्डं जननीतिविशारदं धन्यम् ॥ १०७ ॥
śaniśukrabudhaśaśāṅkā janmani bhāgyasthitā naraṃ kuryuḥ |
medhāvinaṃ pracaṇḍaṃ jananītiviśāradaṃ dhanyam || 107 ||
चन्द्रशनिशुक्रजीवा जन्मनि नवमस्थिताः प्रकुर्वन्ति ।
मायाविनं प्रचण्डं नरेष्वजेयं नरं धीरम् ॥ १०८ ॥
candraśaniśukrajīvā janmani navamasthitāḥ prakurvanti |
māyāvinaṃ pracaṇḍaṃ nareṣvajeyaṃ naraṃ dhīram || 108 ||
भौमज्ञसूरिशनयो नवमस्थानोपगा नरं कुर्युः ।
रिपुपक्षपरिक्षीणं रणप्रचण्डं सुधीरं च ॥ १०९ ॥
bhaumajñasūriśanayo navamasthānopagā naraṃ kuryuḥ |
ripupakṣaparikṣīṇaṃ raṇapracaṇḍaṃ sudhīraṃ ca || 109 ||
भौमज्ञशक्रशनयः (कुर्वन्ति)नरं (दशानुगतं)विदेशानुगं सुशीलं च ।
जनयन्ति नवमसंस्था धनयुक्तं भक्तियुक्तं च ॥ ११० ॥
bhaumajñaśakraśanayaḥ (kurvanti)naraṃ (daśānugataṃ)videśānugaṃ suśīlaṃ ca |
janayanti navamasaṃsthā dhanayuktaṃ bhaktiyuktaṃ ca || 110 ||
भौमभृगुजीवरविजा जनयन्ति नरं धनपरित्यक्तम् ।
क्षुद्रं दयाविरहितं विहीनसत्त्वं स्थिता भाग्ये ॥ १११ ॥
bhaumabhṛgujīvaravijā janayanti naraṃ dhanaparityaktam |
kṣudraṃ dayāvirahitaṃ vihīnasattvaṃ sthitā bhāgye || 111 ||
बुधभृगुभानुजगुरवा जन्मनि नवमे स्थिता नरं कुर्युः ।
परवादविवादरतं परदेशप्राप्तवित्तञ्च ॥ ११२ ॥
budhabhṛgubhānujaguravā janmani navame sthitā naraṃ kuryuḥ |
paravādavivādarataṃ paradeśaprāptavittañca || 112 ||
त्रिचतुःपञ्चखगेन्द्रास्तथा च षट् सप्त संस्थिता भाग्ये ।
प्रात्ययिकं धनवन्तं कुर्युनृपतिं च बुधसहिताः ॥ ११३ ॥
tricatuḥpañcakhagendrāstathā ca ṣaṭ sapta saṃsthitā bhāgye |
prātyayikaṃ dhanavantaṃ kuryunṛpatiṃ ca budhasahitāḥ || 113 ||
जनयन्ति भाग्यसंस्थां गुरुसौम्यविवर्जिताः ग्रहाः पुरुषम् ।
व्याधिप्रायमकान्तं जनहीनं बन्धनार्तमतिदीनम् ॥ ११४ ॥
janayanti bhāgyasaṃsthāṃ gurusaumyavivarjitāḥ grahāḥ puruṣam |
vyādhiprāyamakāntaṃ janahīnaṃ bandhanārtamatidīnam || 114 ||
उक्तं बहुप्रकारं भाग्यगृहे बादरायणदिकृतम् ।
ग्रहयोगेक्षणभावैर्विचिन्त्य बुद्ध्या वदेदन्यत् ॥ ११५ ॥
uktaṃ bahuprakāraṃ bhāgyagṛhe bādarāyaṇadikṛtam |
grahayogekṣaṇabhāvairvicintya buddhyā vadedanyat || 115 ||
← Chapter 31 Horācaturthasaptamadaśameṣu yathā dvayordvayorgrahayoḥ Chapter 33 → Lagnāddaśame rāśau karmaphalaṃ yatprakīrtitaṃ … Keys: ← → turn the page, J K step through the verses.
Illustration: Verse & Place (Project-owned).