Skip to content

सर्गः ३

Tṛtīyaḥ sargaḥ

A canto of the life of Madhvacharya.

56 versesSanskrit with transliteration

Madhvacharya as a young ascetic at Udupi, the image of Krishna beside him.

तृतीयः सर्गः । अथ कदाचन सुन्दरनन्दनस्मितमुखेन्दुदृशां दयितौ नृणाम् । महमितो निजबन्धुमुदे मुदा प्रययतुः स्वजनैः सह दम्पती ॥ १ ॥

tṛtīyaḥ sargaḥ | atha kadācana sundaranandanasmitamukhendudṛśāṃ dayitau nṛṇām | mahamito nijabandhumude mudā prayayatuḥ svajanaiḥ saha dampatī || 1 ||

Report an error

स्वजनतापगमागमसङ्गमप्रतिसभाजितपूर्वकसम्भ्रमे । अविदुषी जननीति स बालकः शरणतो रणतो निरगान्नृभिः ॥ २ ॥

svajanatāpagamāgamasaṅgamapratisabhājitapūrvakasambhrame | aviduṣī jananīti sa bālakaḥ śaraṇato raṇato niragānnṛbhiḥ || 2 ||

Report an error

क्व नु यियाससि तात न साम्प्रतं स्वजनसन्त्यजनं तव साम्प्रतम् । इति विभुः पथिकैरुदितो व्रजन् स्मितमनाकुलमुत्तरमातनोत् ॥ ३ ॥

kva nu yiyāsasi tāta na sāmprataṃ svajanasantyajanaṃ tava sāmpratam | iti vibhuḥ pathikairudito vrajan smitamanākulamuttaramātanot || 3 ||

Report an error

त्वरितमेत्य स काननदेवतासदनमत्र ननाम रमापतिम् । अपि ततः प्रगतो लघुनारिकेल्युपपदान्तरसद्मगतं च तम् ॥ ४ ॥

tvaritametya sa kānanadevatāsadanamatra nanāma ramāpatim | api tataḥ pragato laghunārikelyupapadāntarasadmagataṃ ca tam || 4 ||

Report an error

नलिननाभनिभालनसन्मदागमविकस्वरभास्वरलोचनः । जनमनोनयनाम्बुजभास्करो रजतपीठपुरं प्रययावसौ ॥ ५ ॥

nalinanābhanibhālanasanmadāgamavikasvarabhāsvaralocanaḥ | janamanonayanāmbujabhāskaro rajatapīṭhapuraṃ prayayāvasau || 5 ||

Report an error

सुहयमेधगणातिशयालवो हरिनमस्कृतयः सुकृता इमाः । इति सुरैरपि भूसुरमण्डलैः समनमत् स सविस्मयमीक्षितः ॥ ६ ॥

suhayamedhagaṇātiśayālavo harinamaskṛtayaḥ sukṛtā imāḥ | iti surairapi bhūsuramaṇḍalaiḥ samanamat sa savismayamīkṣitaḥ || 6 ||

Report an error

न हि हरिं सततं न नमत्यसौ न च न पश्यति नापि न वन्दते । अपि तथेति विधाय विशेषतः स ननु साधुजनान् समशिक्षयत् ॥ ७ ॥

na hi hariṃ satataṃ na namatyasau na ca na paśyati nāpi na vandate | api tatheti vidhāya viśeṣataḥ sa nanu sādhujanān samaśikṣayat || 7 ||

Report an error

अनवलोक्य सुतं सुतवत्सलो मृगयति स्म महीसुरपुङ्गवः । मुहुरपृच्छदमुष्य गतिं नरान् पथि पथि प्रगतोऽनुपदं द्रुतम् ॥ ८ ॥

anavalokya sutaṃ sutavatsalo mṛgayati sma mahīsurapuṅgavaḥ | muhurapṛcchadamuṣya gatiṃ narān pathi pathi pragato'nupadaṃ drutam || 8 ||

Report an error

जनसदागतिसूचितवर्त्मना प्रतिपदं व्रजता परया तृषा । द्विजमहामधुपेन मनोहरं स्मितमलाभि सुताननवारिजम् ॥ ९ ॥

janasadāgatisūcitavartmanā pratipadaṃ vrajatā parayā tṛṣā | dvijamahāmadhupena manoharaṃ smitamalābhi sutānanavārijam || 9 ||

Report an error

विरहदूनतयोद्गमनोन्मुखं न्यरुणदश्रु पुरा स ययोर्दृशोः । अथ तयोः प्रमदोत्थितमप्यदः प्रतिनिरुध्य गिरं गुरुरब्रवीत् ॥ १० ॥

virahadūnatayodgamanonmukhaṃ nyaruṇadaśru purā sa yayordṛśoḥ | atha tayoḥ pramadotthitamapyadaḥ pratinirudhya giraṃ gururabravīt || 10 ||

Report an error

अयि सुतेदमुदाहर तत्तवतो ननु समागतवानसि साम्प्रतम् । स्वजनतारहितस्य तु कोऽत्र ते सहचरोऽर्भक दीर्घतमे पथि ॥ ११ ॥

ayi sutedamudāhara tattavato nanu samāgatavānasi sāmpratam | svajanatārahitasya tu ko'tra te sahacaro'rbhaka dīrghatame pathi || 11 ||

Report an error

जनकवाचमिमामवधारयन् कलमुदाहरदम्बुरुहेक्षणः । स्वपदमाव्रजतो व्रजतोऽप्यतो ननु सखा मम काननगो विभुः ॥ १२ ॥

janakavācamimāmavadhārayan kalamudāharadamburuhekṣaṇaḥ | svapadamāvrajato vrajato'pyato nanu sakhā mama kānanago vibhuḥ || 12 ||

Report an error

तदितरायतनात्तु यदागमं कृतनतिः खलु तत्र हरिः सखा । अहमिहापि महेन्द्रदिगालयं प्रणतवानुत यावदधीश्वरम् ॥ १३ ॥

taditarāyatanāttu yadāgamaṃ kṛtanatiḥ khalu tatra hariḥ sakhā | ahamihāpi mahendradigālayaṃ praṇatavānuta yāvadadhīśvaram || 13 ||

Report an error

अपि ततोऽहमुपेत्य सहामुना भगवतेऽत्र सते प्रणतिं व्यधाम् । इति निगद्य विभाति शिशुः स्म विस्मितसभाजनचीर्णसभाजनः ॥ १४ ॥

api tato'hamupetya sahāmunā bhagavate'tra sate praṇatiṃ vyadhām | iti nigadya vibhāti śiśuḥ sma vismitasabhājanacīrṇasabhājanaḥ || 14 ||

Report an error

विरहितस्वजनं चरणप्रियं विविधभूतभयङ्करवर्त्मनि । अयि कृपालय पालय बालकं लघुशुभस्य ममेत्यनमद् द्विजः ॥ १५ ॥

virahitasvajanaṃ caraṇapriyaṃ vividhabhūtabhayaṅkaravartmani | ayi kṛpālaya pālaya bālakaṃ laghuśubhasya mametyanamad dvijaḥ || 15 ||

Report an error

तमुपगृह्य सुतं सुतपोनिधिर्गृहमसौ गृहिणीसहितो ययौ । उदयतीति हि बालदिवाकरे स्मितमभूत् सुजनाननवारिजम् ॥ १६ ॥

tamupagṛhya sutaṃ sutaponidhirgṛhamasau gṛhiṇīsahito yayau | udayatīti hi bāladivākare smitamabhūt sujanānanavārijam || 16 ||

Report an error

वरविमानगिरावपि चण्डिका शिशुमहो जननी तमलालयत् । अपरथा परितुष्टमनाः कथं चिरमिहैष वसेद्विसहायकः ॥ १७ ॥

varavimānagirāvapi caṇḍikā śiśumaho jananī tamalālayat | aparathā parituṣṭamanāḥ kathaṃ ciramihaiṣa vasedvisahāyakaḥ || 17 ||

Report an error

सकलशब्दमयी च सरस्वती सततमानमति स्वयमेव यम् । द्विजवरोऽथ कदाचन मातृकाः किल सुतं परिचाययति स्म तम् ॥ १८ ॥

sakalaśabdamayī ca sarasvatī satatamānamati svayameva yam | dvijavaro'tha kadācana mātṛkāḥ kila sutaṃ paricāyayati sma tam || 18 ||

Report an error

लिपिकुलं ननु तात गते दिने लिखितमेव पुनर्लिखितं कुतः । इति निजप्रतिभागुणभावितं हरिपदस्य वचस्तमनन्दयत् ॥ १९ ॥

lipikulaṃ nanu tāta gate dine likhitameva punarlikhitaṃ kutaḥ | iti nijapratibhāguṇabhāvitaṃ haripadasya vacastamanandayat || 19 ||

Report an error

शिशुरसौ प्रतिभाम्बुधिरित्यलं जनमनोवचनग्रहपीडना । न भवतादिति तं विजनस्थले स्वतनयं समशिक्षयदेषकः ॥ २० ॥

śiśurasau pratibhāmbudhirityalaṃ janamanovacanagrahapīḍanā | na bhavatāditi taṃ vijanasthale svatanayaṃ samaśikṣayadeṣakaḥ || 20 ||

Report an error

महवता स्वजनेन समीरितस्वजननीसहितेन कदाचन । रुचिरवाचनयाऽर्चितवाक्श्रिया प्रति यये प्रभुणा घृतवल्यपि ॥ २१ ॥

mahavatā svajanena samīritasvajananīsahitena kadācana | ruciravācanayā'rcitavākśriyā prati yaye prabhuṇā ghṛtavalyapi || 21 ||

Report an error

परिषदा नितरां परिवारितः शिवपदः किल धौतपटोद्भवः । इह कथां कथयन् ददृशे ततः पृथुधिया पृथुकाकृतिनाऽमुना ॥ २२ ॥

pariṣadā nitarāṃ parivāritaḥ śivapadaḥ kila dhautapaṭodbhavaḥ | iha kathāṃ kathayan dadṛśe tataḥ pṛthudhiyā pṛthukākṛtinā'munā || 22 ||

Report an error

इदमुवाच विचारविचक्षणः शुचिवचः शनकैः स जनान्तरे । अपरथा कथितं कथक त्वया ननु मतात् महतामिति सस्मितम् ॥ २३ ॥

idamuvāca vicāravicakṣaṇaḥ śucivacaḥ śanakaiḥ sa janāntare | aparathā kathitaṃ kathaka tvayā nanu matāt mahatāmiti sasmitam || 23 ||

Report an error

अगणयन्न शिवं जनता तदा सवचने वसुदेवसुताह्वये । मुखरमिच्छति को मृगधूर्तकं प्रकृतहुङ्कृतसिम्हशिशौ सति ॥ २४ ॥

agaṇayanna śivaṃ janatā tadā savacane vasudevasutāhvaye | mukharamicchati ko mṛgadhūrtakaṃ prakṛtahuṅkṛtasimhaśiśau sati || 24 ||

Report an error

अथ कथां {कथं} कथयेति तदा जने गदितवत्युचितार्थमुदाहरत् । स समलाल्यत विस्मयिभिर्नरैरपि सुरैर्विजयाङ्कुरपूजकैः ॥ २५ ॥

atha kathāṃ {kathaṃ} kathayeti tadā jane gaditavatyucitārthamudāharat | sa samalālyata vismayibhirnarairapi surairvijayāṅkurapūjakaiḥ || 25 ||

Report an error

स जननीसहितो जनकं गृहे प्रगतवांस्तमुदन्तमवेदयत् । निगद तात शिवः कथकः स किं वितथगीरथवाऽहमितीरयन् ॥ २६ ॥

sa jananīsahito janakaṃ gṛhe pragatavāṃstamudantamavedayat | nigada tāta śivaḥ kathakaḥ sa kiṃ vitathagīrathavā'hamitīrayan || 26 ||

Report an error

ननु सुतावितथं कथितं त्वयेत्यमुमुदीर्य सविस्मयमस्मरत् । प्रकृतितः कृतिता खलु मे शिशोर्मदधिनाथदयोदयजेत्यसौ ॥ २७ ॥

nanu sutāvitathaṃ kathitaṃ tvayetyamumudīrya savismayamasmarat | prakṛtitaḥ kṛtitā khalu me śiśormadadhināthadayodayajetyasau || 27 ||

Report an error

कथयतां प्रथमे कथयत्यलं स्वजनके जनसङ्घवृते कथाम् । सकललोकमनोनयनोत्सवश्चतुरधीः स कदाचिदवाचयत् ॥ २८ ॥

kathayatāṃ prathame kathayatyalaṃ svajanake janasaṅghavṛte kathām | sakalalokamanonayanotsavaścaturadhīḥ sa kadācidavācayat || 28 ||

Report an error

विविधशाखिपदार्थनिवेदने लिकुचनाम्नि तदाऽनुदितार्थके । किमिति तात तदर्थमवर्णयन् कथयसीति शनैरयमब्रवीत् ॥ २९ ॥

vividhaśākhipadārthanivedane likucanāmni tadā'nuditārthake | kimiti tāta tadarthamavarṇayan kathayasīti śanairayamabravīt || 29 ||

Report an error

अवदतीति पितर्यपि चोदिते प्रतिबुभुत्सुषु तत्र जनेष्वपि ॥ । अयमुदीर्य तदर्थमवाप्तवान् परिषदो ह्यसमानसुमाननाम् ॥ ३० ॥

avadatīti pitaryapi codite pratibubhutsuṣu tatra janeṣvapi || | ayamudīrya tadarthamavāptavān pariṣado hyasamānasumānanām || 30 ||

Report an error

बहुविधैश्चरितैरिति चारुभिः सकललोककुतूहलकारिणम् । द्विजवरेण वयस्युचिते स्थितं तमुपनेतुमनेन दधे मनः ॥ ३१ ॥

bahuvidhaiścaritairiti cārubhiḥ sakalalokakutūhalakāriṇam | dvijavareṇa vayasyucite sthitaṃ tamupanetumanena dadhe manaḥ || 31 ||

Report an error

समुचितग्रहयोगगुणान्वितं समवधार्य मुहूर्तमदूषणम् । प्रणयबन्धुरबान्धववानसौ द्विजकुलाकुलमुत्सवमातनोत् ॥ ३२ ॥

samucitagrahayogaguṇānvitaṃ samavadhārya muhūrtamadūṣaṇam | praṇayabandhurabāndhavavānasau dvijakulākulamutsavamātanot || 32 ||

Report an error

विविधवेदतया विजिहीर्षवो वदनरङ्गपदेऽस्य चिराय याः । सुरवरप्रमदा अपि सप्रिया अभिननन्दुरहो वियतो महम् ॥ ३३ ॥

vividhavedatayā vijihīrṣavo vadanaraṅgapade'sya cirāya yāḥ | suravarapramadā api sapriyā abhinananduraho viyato maham || 33 ||

Report an error

विहितसाधनसाधितसत्क्रियोज्जवलनमुज्जवलधीर्ज्वलयन्नयम् । उपनिनाय सुतं समलङ्कृतं कुशलिनं कुशलीकृतशीर्षकम् ॥ ३४ ॥

vihitasādhanasādhitasatkriyojjavalanamujjavaladhīrjvalayannayam | upanināya sutaṃ samalaṅkṛtaṃ kuśalinaṃ kuśalīkṛtaśīrṣakam || 34 ||

Report an error

परिचराग्निगुरू चरितव्रतः सुचरणः पठ साधु सदागमान् । इति गुरोस्त्रिजगद्गुरुशिक्षणे स्फुटमहासि सुरैः कृतसाक्षिभिः ॥ ३५ ॥

paricarāgnigurū caritavrataḥ sucaraṇaḥ paṭha sādhu sadāgamān | iti gurostrijagadguruśikṣaṇe sphuṭamahāsi suraiḥ kṛtasākṣibhiḥ || 35 ||

Report an error

जितकुमारगुणं सुकुमारकं निजकुमारमवेक्ष्य निरन्तरम् । समुचिताचरणे चतुरं स्वतः क्षितिसुरो मुदमायत शिक्षयन् ॥ ३६ ॥

jitakumāraguṇaṃ sukumārakaṃ nijakumāramavekṣya nirantaram | samucitācaraṇe caturaṃ svataḥ kṣitisuro mudamāyata śikṣayan || 36 ||

Report an error

स पटखण्डमकिञ्चनवत् क्वचित् स्वविभवानुचितं चरणादिकम् । भुवनभर्तुरहो स्वनिगूहनं सुरसभासु कुतूहलमातनोत् ॥ ३७ ॥

sa paṭakhaṇḍamakiñcanavat kvacit svavibhavānucitaṃ caraṇādikam | bhuvanabharturaho svanigūhanaṃ surasabhāsu kutūhalamātanot || 37 ||

Report an error

अविरलैर्गरलोष्मभिराकुलीकृतसमस्तजनो विचचार यः । क्वचिदमुं निजघाङ्सुरशान्तिमानुपससर्प स सर्पमयोऽसुरः ॥ ३८ ॥

aviralairgaraloṣmabhirākulīkṛtasamastajano vicacāra yaḥ | kvacidamuṃ nijaghāṅsuraśāntimānupasasarpa sa sarpamayo'suraḥ || 38 ||

Report an error

त्वरितमुद्यतविस्तृतमस्तकः प्रतिददंश यदैनमविक्षतम् । प्रभुपदारुणचारुतराङ्गुलीविहृतिपिष्टतनुः प्रतताम सः ॥ ३९ ॥

tvaritamudyatavistṛtamastakaḥ pratidadaṃśa yadainamavikṣatam | prabhupadāruṇacārutarāṅgulīvihṛtipiṣṭatanuḥ pratatāma saḥ || 39 ||

Report an error

गरुडतुण्डमिव प्रतिपन्नवान् द्विजकुमारपदं स ममार च । समुचितं चरितं महतामिदं सुमनसो मनसेष्टमपूजयन् ॥ ४० ॥

garuḍatuṇḍamiva pratipannavān dvijakumārapadaṃ sa mamāra ca | samucitaṃ caritaṃ mahatāmidaṃ sumanaso manaseṣṭamapūjayan || 40 ||

Report an error

गिरिशगुर्वमरेन्द्रमुखैश्च यच्चरणरेणुरधारि सुराधिपैः । क्षितिसुराङ्घ्र्यभिवन्दनपूर्वकं स विदधेऽध्ययनं छलमानुषः ॥ ४१ ॥

giriśagurvamarendramukhaiśca yaccaraṇareṇuradhāri surādhipaiḥ | kṣitisurāṅghryabhivandanapūrvakaṃ sa vidadhe'dhyayanaṃ chalamānuṣaḥ || 41 ||

Report an error

करतले खलु कन्दुकवत् सदा सकलया कलया सह विद्यया । अरिधरेण समं स्फुरितं गुरोर्मनसि तस्य विडम्बयतो जनान् ॥ ४२ ॥

karatale khalu kandukavat sadā sakalayā kalayā saha vidyayā | aridhareṇa samaṃ sphuritaṃ gurormanasi tasya viḍambayato janān || 42 ||

Report an error

अनधिकैरधिकैश्च वयस्यथो बहुभिरध्ययनोपरमान्तरे । अनिकटे वटुभिः पटुभिर्गुरोः स विजहार सुखी सखिभिः समम् ॥ ४३ ॥

anadhikairadhikaiśca vayasyatho bahubhiradhyayanoparamāntare | anikaṭe vaṭubhiḥ paṭubhirguroḥ sa vijahāra sukhī sakhibhiḥ samam || 43 ||

Report an error

पदमुदीर्य जवेन यियासितं द्रुतसखेष्वभवत् स पुरःसरः । अयमयत्नतयेति न विस्मयो ननु मनोजवजित् पवनो ह्यसौ ॥ ४४ ॥

padamudīrya javena yiyāsitaṃ drutasakheṣvabhavat sa puraḥsaraḥ | ayamayatnatayeti na vismayo nanu manojavajit pavano hyasau || 44 ||

Report an error

प्लवनतेजसि हन्त न केवलं विजितवान् स तदा सकलान् जनान् । प्रभुनिदेशकरो हनुमत्तनौ ननु जिगाय स वालिसुतादिकान् ॥ ४५ ॥

plavanatejasi hanta na kevalaṃ vijitavān sa tadā sakalān janān | prabhunideśakaro hanumattanau nanu jigāya sa vālisutādikān || 45 ||

Report an error

जलविहारपराजयिभिः स्पृधा सखिभिरीरितवारिपरिश्रितम् । वदनमाकुललोचनमादधे स्मितममुष्य हि कञ्चन विभ्रमम् ॥ ४६ ॥

jalavihāraparājayibhiḥ spṛdhā sakhibhirīritavāripariśritam | vadanamākulalocanamādadhe smitamamuṣya hi kañcana vibhramam || 46 ||

Report an error

स शनकैर्बलिनो युगपद्गतान् प्रविहृतेषु सखीन् निरपातयत् । अशनकैर्युगपत् प्रकृताहवान् सहसितो द्विजसूनुरयत्नवान् ॥ ४७ ॥

sa śanakairbalino yugapadgatān pravihṛteṣu sakhīn nirapātayat | aśanakairyugapat prakṛtāhavān sahasito dvijasūnurayatnavān || 47 ||

Report an error

ग्रहणनिग्रहणे ग्रहणे दृड्हे गुरुभरोद्धरणादिविधौ पटौ । इह विभावुपचारधिया नृणामृतमयं ननु भीम इतीरितम् ॥ ४८ ॥

grahaṇanigrahaṇe grahaṇe dṛḍhe gurubharoddharaṇādividhau paṭau | iha vibhāvupacāradhiyā nṛṇāmṛtamayaṃ nanu bhīma itīritam || 48 ||

Report an error

विहरतीति पठत्यपि न स्फुटं स्वगृहगामिनि चाद्रुतमायति । परितुतोष न तत्र जगद्गुरौ स किल पूगवनान्वयजो द्विजः ॥ ४९ ॥

viharatīti paṭhatyapi na sphuṭaṃ svagṛhagāmini cādrutamāyati | paritutoṣa na tatra jagadgurau sa kila pūgavanānvayajo dvijaḥ || 49 ||

Report an error

अथ कदाचन सोऽध्ययनान्तरे तमवदत् कुपितोऽन्यमनस्विनम् । पठसि नो शठ ते सखिभिः समं किमिति नित्यमुदासितधीरिति ॥ ५० ॥

atha kadācana so'dhyayanāntare tamavadat kupito'nyamanasvinam | paṭhasi no śaṭha te sakhibhiḥ samaṃ kimiti nityamudāsitadhīriti || 50 ||

Report an error

गुणनिका चरणादिकगोचरा न मम हृद्दयितेत्युदितेऽमुना । वद विशारदवाद यथेप्सितं त्वमुपरीत्यवदद्धरणीसुरः ॥ ५१ ॥

guṇanikā caraṇādikagocarā na mama hṛddayitetyudite'munā | vada viśāradavāda yathepsitaṃ tvamuparītyavadaddharaṇīsuraḥ || 51 ||

Report an error

सकललक्षणशिक्षणमूलभूः श्रुतिसमामननं स्खलनोज्ह्ज्हितम् । न खलु केवलमस्य गुरोर्व्यधात् सुमनसामपि तत्र कुतूहलम् ॥ ५२ ॥

sakalalakṣaṇaśikṣaṇamūlabhūḥ śrutisamāmananaṃ skhalanojhjhitam | na khalu kevalamasya gurorvyadhāt sumanasāmapi tatra kutūhalam || 52 ||

Report an error

प्रियवयस्यशिरोगुरुवेदनामशमयत् सहजामपि दुःसहाम् । स विपिने विजने मुखवायुना श्रवणगोचरितेन कदाचन ॥ ५३ ॥

priyavayasyaśiroguruvedanāmaśamayat sahajāmapi duḥsahām | sa vipine vijane mukhavāyunā śravaṇagocaritena kadācana || 53 ||

Report an error

अधिगतोपनिषच्च सकृच्छ्रुता प्रकटभागवतीति न विस्मयः । अधिगता ननु जात्वपि न श्रुताः प्रतिभया श्रुतयः शतशोऽमुना ॥ ५४ ॥

adhigatopaniṣacca sakṛcchrutā prakaṭabhāgavatīti na vismayaḥ | adhigatā nanu jātvapi na śrutāḥ pratibhayā śrutayaḥ śataśo'munā || 54 ||

Report an error

साक्षादथोपनिषदो विभुरैत्तरेय्याः । पाठच्छलेन विजनेऽर्थरसान् ब्रुवाणः । अध्यापकाय विततार विमोक्षबीजं । गोविन्दभक्तिमुचितां गुरुदक्षिणां सः ॥ ५५ ॥

sākṣādathopaniṣado vibhuraittareyyāḥ | pāṭhacchalena vijane'rtharasān bruvāṇaḥ | adhyāpakāya vitatāra vimokṣabījaṃ | govindabhaktimucitāṃ gurudakṣiṇāṃ saḥ || 55 ||

Report an error

अयि स्वामिन् दुष्टान् दमय दमय व्यक्तमचिरात् । गुणान् गूड्हान् विष्णोः कथय कथय स्वान् प्रमदयन् । तदाऽनन्दं तन्वन्निति सुमनसां सोऽनुसरता । मनुज्ञामादत्त त्रिभुवनगुरुर्ब्राह्मणगुरोः ॥ ५६ ॥

ayi svāmin duṣṭān damaya damaya vyaktamacirāt | guṇān gūḍhān viṣṇoḥ kathaya kathaya svān pramadayan | tadā'nandaṃ tanvanniti sumanasāṃ so'nusaratā | manujñāmādatta tribhuvanagururbrāhmaṇaguroḥ || 56 ||

Report an error

Illustration: Verse & Place (Project-owned).