पटलः १
Suprabhedam
॥
A patala of the Suprabheda Agama.
30 verses·Sanskrit with transliteration
सुप्रभेदम् ।
अथ क्रियापादे प्रश्नविधिपटलः ।
कैलाशशिखरासीनं मुनिसङ्घैः समावृतम् ।
देवैर्यक्षैः सगन्धर्वैः सिद्धविद्याधरैरपि ॥ १ ॥
suprabhedam |
atha kriyāpāde praśnavidhipaṭalaḥ |
kailāśaśikharāsīnaṃ munisaṅghaiḥ samāvṛtam |
devairyakṣaiḥ sagandharvaiḥ siddhavidyādharairapi || 1 ||
ब्रह्मामृगाङ्कसूर्यैश्च लोकेशैरिहसंवृतम् ।
दृष्ट्वा प्रणम्य देवेशं विघ्नेशोवाक्यमब्रवित् ॥ २ ॥
brahmāmṛgāṅkasūryaiśca lokeśairihasaṃvṛtam |
dṛṣṭvā praṇamya deveśaṃ vighneśovākyamabravit || 2 ||
भगवन् देवदेवेश लोकनाथजगत्पते ।
अनन्यमानसो भूत्वा शिवज्ञानं परं वद ॥ ३ ॥
bhagavan devadeveśa lokanāthajagatpate |
ananyamānaso bhūtvā śivajñānaṃ paraṃ vada || 3 ||
यदवाप्यनराः सर्वे मुक्तिमायान्ति केवलाम् ।
ज्ञानयोगक्रियाचर्याः पुराप्रोक्ताः सविस्तराः ॥ ४ ॥
yadavāpyanarāḥ sarve muktimāyānti kevalām |
jñānayogakriyācaryāḥ purāproktāḥ savistarāḥ || 4 ||
पुंसामनुग्रहार्थाय संक्षेपाद् वकुमर्हसि ।
तन्त्राणामुद्भवं किञ्चित् मन्त्राणामुद्भवं कथम् ॥ ५ ॥
puṃsāmanugrahārthāya saṃkṣepād vakumarhasi |
tantrāṇāmudbhavaṃ kiñcit mantrāṇāmudbhavaṃ katham || 5 ||
किं शौचा चमनं देव स्नानं भस्मविधिः कथम् ।
अर्चनाङ्गञ्च पूजा च मुद्राणां लक्षणं कथम् ॥ ६ ॥
kiṃ śaucā camanaṃ deva snānaṃ bhasmavidhiḥ katham |
arcanāṅgañca pūjā ca mudrāṇāṃ lakṣaṇaṃ katham || 6 ||
नैवेद्यं चाग्निकार्यश्च अग्निकुण्डबलिः कथम् ।
उत्सवस्यविधिः कोवा स्नपनस्य विधिः कथम् ॥ ७ ॥
naivedyaṃ cāgnikāryaśca agnikuṇḍabaliḥ katham |
utsavasyavidhiḥ kovā snapanasya vidhiḥ katham || 7 ||
शीतकुम्भं कथं देव नवनैवेद्य लक्षणम् ।
कार्तिक्याङ्कृत्तिकादीपमाषाढे पूरकर्मकम् ॥ ८ ॥
śītakumbhaṃ kathaṃ deva navanaivedya lakṣaṇam |
kārtikyāṅkṛttikādīpamāṣāḍhe pūrakarmakam || 8 ||
फलपाक विधानञ्च आचार्यस्य च लक्षणम् ।
लक्षणं करणानाञ्च ग्रामादीनां कथं प्रभो ॥ ९ ॥
phalapāka vidhānañca ācāryasya ca lakṣaṇam |
lakṣaṇaṃ karaṇānāñca grāmādīnāṃ kathaṃ prabho || 9 ||
विभव निश्चयं किं वा कर्षणस्य विधिः कथम् ।
बालालयविधिः कोवा धामवास्तु विधि कथम् ॥ १० ॥
vibhava niścayaṃ kiṃ vā karṣaṇasya vidhiḥ katham |
bālālayavidhiḥ kovā dhāmavāstu vidhi katham || 10 ||
आद्येष्टकाविधानं किं गर्भन्यासविधिः कथम् ।
अङ्गुलीनां विधानं किं कथं प्रासादलक्षणम् ॥ ११ ॥
ādyeṣṭakāvidhānaṃ kiṃ garbhanyāsavidhiḥ katham |
aṅgulīnāṃ vidhānaṃ kiṃ kathaṃ prāsādalakṣaṇam || 11 ||
मूर्ध्नेऽष्टकाविधानं किं कथं वा लिङ्गलक्षणम् ।
प्रतिमालक्षणं किं वा अङ्कुरार्पणलक्षणम् ॥ १२ ॥
mūrdhne'ṣṭakāvidhānaṃ kiṃ kathaṃ vā liṅgalakṣaṇam |
pratimālakṣaṇaṃ kiṃ vā aṅkurārpaṇalakṣaṇam || 12 ||
लिङ्गसंस्थापनं किञ्च सकलस्थापनं कथम् ।
शक्तिनां स्थापनं किं वा परिवारस्य लक्षणम् ॥ १३ ॥
liṅgasaṃsthāpanaṃ kiñca sakalasthāpanaṃ katham |
śaktināṃ sthāpanaṃ kiṃ vā parivārasya lakṣaṇam || 13 ||
प्. २) अथाष्ट परिवाराणां स्थापनञ्च पृथक् पृथक् ।
इन्द्रादीनां प्रतिष्ठा च आदित्यस्थापनं कथम् ॥ १४ ॥
p. 2) athāṣṭa parivārāṇāṃ sthāpanañca pṛthak pṛthak |
indrādīnāṃ pratiṣṭhā ca ādityasthāpanaṃ katham || 14 ||
क्षेत्रपालप्रतिष्ठा च शूलस्य स्थापनं कथम् ।
अस्त्रराजप्रतिष्ठा च शास्तुश्च स्थापनं कथम् ॥ १५ ॥
kṣetrapālapratiṣṭhā ca śūlasya sthāpanaṃ katham |
astrarājapratiṣṭhā ca śāstuśca sthāpanaṃ katham || 15 ||
जीर्णोद्धारविधिः किं वा प्रायश्चित्तविधिः कथम् ।
तन्त्राणां सङ्करोपेतं क्रियापादे कथं प्रभो ॥ १६ ॥
jīrṇoddhāravidhiḥ kiṃ vā prāyaścittavidhiḥ katham |
tantrāṇāṃ saṅkaropetaṃ kriyāpāde kathaṃ prabho || 16 ||
चर्या पादे च शैवानामुद्भवञ्च कथं प्रभो ।
जातिभेदविधानं किं मण्डलस्य कथं प्रभो ॥ १७ ॥
caryā pāde ca śaivānāmudbhavañca kathaṃ prabho |
jātibhedavidhānaṃ kiṃ maṇḍalasya kathaṃ prabho || 17 ||
दीक्षामार्गं कथन्तेषां चर्यापादे व्यवस्थितम् ।
आदिशैवानुशैवानां कथं वा शोडश क्रियाः ॥ १८ ॥
dīkṣāmārgaṃ kathanteṣāṃ caryāpāde vyavasthitam |
ādiśaivānuśaivānāṃ kathaṃ vā śoḍaśa kriyāḥ || 18 ||
व्रताचाराः कथन्तेषां पवित्रारोहणं कथम् ।
दीक्षितानां नृपाणाञ्च स्वर्णगर्भ तुलाकथम् ॥ १९ ॥
vratācārāḥ kathanteṣāṃ pavitrārohaṇaṃ katham |
dīkṣitānāṃ nṛpāṇāñca svarṇagarbha tulākatham || 19 ||
हिरण्यगर्भ तुलाभारं दहनस्य विधिः कथम् ।
पितृयज्ञविधानं किं स पिण्डीकरणञ्च किम् ॥ २० ॥
hiraṇyagarbha tulābhāraṃ dahanasya vidhiḥ katham |
pitṛyajñavidhānaṃ kiṃ sa piṇḍīkaraṇañca kim || 20 ||
अष्टकायाविधानञ्च प्रायश्चित्तविधिः कथम् ।
नाडीचक्रं कथं योगे कालचक्रं तु कीदृशम् ॥ २१ ॥
aṣṭakāyāvidhānañca prāyaścittavidhiḥ katham |
nāḍīcakraṃ kathaṃ yoge kālacakraṃ tu kīdṛśam || 21 ||
आधाराधेयकं सर्वं योगपादे तु कीर्तितम् ।
ज्ञानपादे महादेव शिवसृष्टिक्रमं कथम् ॥ २२ ॥
ādhārādheyakaṃ sarvaṃ yogapāde tu kīrtitam |
jñānapāde mahādeva śivasṛṣṭikramaṃ katham || 22 ||
पशुसृष्टिश्चका देव षडध्वालक्षणं कथम् ।
मया तु तानिप्रश्नानि प्रश्नान्यन्यान्यशेषतः ॥ २३ ॥
paśusṛṣṭiścakā deva ṣaḍadhvālakṣaṇaṃ katham |
mayā tu tānipraśnāni praśnānyanyānyaśeṣataḥ || 23 ||
वक्तुमर्हसि मे देव अनुग्रह्योह्यहं प्रभो ।
श्रीभगवानुवाच ।
साधु साधु महाप्राज्ञ यत् त्वयापरिचोदितम् ॥ २४ ॥
vaktumarhasi me deva anugrahyohyahaṃ prabho |
śrībhagavānuvāca |
sādhu sādhu mahāprājña yat tvayāparicoditam || 24 ||
शुद्धशैवमिदं तन्त्रं न देयं न प्रकाशितम् ।
दीक्षितस्य सुधीरस्य शिवभक्तिपरस्य च ॥ २५ ॥
śuddhaśaivamidaṃ tantraṃ na deyaṃ na prakāśitam |
dīkṣitasya sudhīrasya śivabhaktiparasya ca || 25 ||
श्रवणीयं न चान्यत्र कथनं हि प्रशस्यते ।
चतुष्पादयुतं तन्त्रं भुक्तिमुक्त्यर्थकारणम् ॥ २६ ॥
śravaṇīyaṃ na cānyatra kathanaṃ hi praśasyate |
catuṣpādayutaṃ tantraṃ bhuktimuktyarthakāraṇam || 26 ||
सारात् सारमिदं तन्त्रं सुप्रभेदं विनायक ।
तवस्ते? हादहं वक्ष्ये तत्सर्वं श्रूयतां क्रमात् ॥ २७ ॥
sārāt sāramidaṃ tantraṃ suprabhedaṃ vināyaka |
tavaste? hādahaṃ vakṣye tatsarvaṃ śrūyatāṃ kramāt || 27 ||
प्. ३) शैवं पाशुपतं सोमं लाकुलञ्च चतुर्विधम् ।
तेषु शैवं परं सौम्यं रौद्रं पाशुपतादिकम् ॥ २८ ॥
p. 3) śaivaṃ pāśupataṃ somaṃ lākulañca caturvidham |
teṣu śaivaṃ paraṃ saumyaṃ raudraṃ pāśupatādikam || 28 ||
शैवं पुनश्चतुर्भेदं वामदक्षिणमेव च ।
मिश्रञ्चैव तु सिद्धान्तं तेषु सिद्धान्तमुत्तमम् ॥ २९ ॥
śaivaṃ punaścaturbhedaṃ vāmadakṣiṇameva ca |
miśrañcaiva tu siddhāntaṃ teṣu siddhāntamuttamam || 29 ||
अष्टाविंशति भेदेन सिद्धान्तं शृणु तत्वतम् ।
इति प्रश्नविधिपटलः प्रथमः ॥ ३० ॥
aṣṭāviṃśati bhedena siddhāntaṃ śṛṇu tatvatam |
iti praśnavidhipaṭalaḥ prathamaḥ || 30 ||
Keys: ← → turn the page, J K step through the verses.
Illustration: Verse & Place (Project-owned).