பாடல் 38 · பாடல் 38
Song 38
pāṭal 38
॥
The lyric stanzas of Arunagirinathar’s Thiruppugazh.
4 verses·Tamil with transliteration
கட்டழகு விட்டுத் தளர்ந்தங் கிருந்துமுனம்
இட்டபொறி தப்பிப் பிணங்கொண்ட தின்சிலர்கள்
கட்டணமெ டுத்துச் சுமந்தும் பெரும்பறைகள் ...... முறையோடே
kaṭṭaḻaku viṭṭut taḷarntaṅ kiruntumuṉam
iṭṭapoṟi tappip piṇaṅkoṇṭa tiṉcilarkaḷ
kaṭṭaṇame ṭuttuc cumantum perumpaṟaikaḷ ...... muṟaiyōṭē
வெட்டவிட வெட்டக் கிடஞ்சங் கிடஞ்சமென
மக்களொரு மிக்கத் தொடர்ந்தும் புரண்டும்வழி
விட்டுவரு மித்தைத் தவிர்ந்துன் பதங்களுற ...... வுணர்வேனோ
veṭṭaviṭa veṭṭak kiṭañcaṅ kiṭañcameṉa
makkaḷoru mikkat toṭarntum puraṇṭumvaḻi
viṭṭuvaru mittait tavirntuṉ pataṅkaḷuṟa ...... vuṇarvēṉō
பட்டுருவி நெட்டைக் க்ரவுஞ்சம் பிளந்துகடல்
முற்றுமலை வற்றிக் குழம்புங் குழம்பமுனை
பட்டஅயில் தொட்டுத் திடங்கொண் டெதிர்ந்தவுணர் ...... முடிசாயத்
paṭṭuruvi neṭṭaik kravuñcam piḷantukaṭal
muṟṟumalai vaṟṟik kuḻampuṅ kuḻampamuṉai
paṭṭaayil toṭṭut tiṭaṅkoṇ ṭetirntavuṇar ...... muṭicāyat
தட்டழிய வெட்டிக் கவந்தம் பெருங்கழுகு
நிர்த்தமிட ரத்தக் குளங்கண் டுமிழ்ந்துமணி
சற்சமய வித்தைப் பலன்கண்டு செந்திலுறை ...... பெருமாளே.
taṭṭaḻiya veṭṭik kavantam peruṅkaḻuku
nirttamiṭa rattak kuḷaṅkaṇ ṭumiḻntumaṇi
caṟcamaya vittaip palaṉkaṇṭu centiluṟai ...... perumāḷē.
Keys: ← → turn the page, J K step through the verses.
Illustration: Verse & Place (Project-owned).