திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 2 — திருக்குடவாயில் · திருக்குடவாயில்
tirukkuṭavāyil
tirukkuṭavāyil, from book 2 of the Tirumurai.
10 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
கலைவாழும் அங்கையீர் கொங்கையாருங் கருங்கூந்தல் அலைவாழுஞ் செஞ்சடையில் அரவும்பிறையும் அமர்வித்தீர் குலைவாழை கமுகம்பொன் பவளம்பழுக்குங் குடவாயில் நிலைவாழுங் கோயிலே கோயிலாக நின்றீரே.
kalaivāḻum aṅkaiyīr koṅkaiyāruṅ karuṅkūntal alaivāḻuñ ceñcaṭaiyil aravumpiṟaiyum amarvittīr kulaivāḻai kamukampoṉ pavaḷampaḻukkuṅ kuṭavāyil nilaivāḻuṅ kōyilē kōyilāka niṉṟīrē.
அடியார்ந்த பைங்கழலுஞ் சிலம்புமார்ப்ப அங்கையில் செடியார்ந்த வெண்டலையொன் றேந்தியுலகம் பலிதேர்வீர் குடியார்ந்த மாமறையோர் குலாவியேத்துங் குடவாயிற் படியார்ந்த கோயிலே கோயிலாகப் பயின்றீரே.
aṭiyārnta paiṅkaḻaluñ cilampumārppa aṅkaiyil ceṭiyārnta veṇṭalaiyoṉ ṟēntiyulakam palitērvīr kuṭiyārnta māmaṟaiyōr kulāviyēttuṅ kuṭavāyiṟ paṭiyārnta kōyilē kōyilākap payiṉṟīrē.
கழலார்பூம் பாதத்தீர் ஓதக்கடலில் விடமுண்டன் றழலாருங் கண்டத்தீர் அண்டர்போற்றும் அளவினீர் குழலார வண்டினங்கள் கீதத்தொலிசெய் குடவாயில் நிழலார்ந்த கோயிலே கோயிலாக நிகழ்ந்தீரே.
kaḻalārpūm pātattīr ōtakkaṭalil viṭamuṇṭaṉ ṟaḻalāruṅ kaṇṭattīr aṇṭarpōṟṟum aḷaviṉīr kuḻalāra vaṇṭiṉaṅkaḷ kītattolicey kuṭavāyil niḻalārnta kōyilē kōyilāka nikaḻntīrē.
மறியாருங் கைத்தலத்தீர் மங்கைபாக மாகச்சேர்ந் தெறியாரும் மாமழுவும் எரியுமேந்துங் கொள்கையீர் குறியார வண்டினங்கள் தேன்மிழற்றுங் குடவாயில் நெறியாருங் கோயிலே கோயிலாக நிகழ்ந்தீரே.
maṟiyāruṅ kaittalattīr maṅkaipāka mākaccērn teṟiyārum māmaḻuvum eriyumēntuṅ koḷkaiyīr kuṟiyāra vaṇṭiṉaṅkaḷ tēṉmiḻaṟṟuṅ kuṭavāyil neṟiyāruṅ kōyilē kōyilāka nikaḻntīrē.
இழையார்ந்த கோவணமுங் கீளும்எழிலார் உடையாகப் பிழையாத சூலம்பெய் தாடல்பாடல் பேணினீர் குழையாரும் பைம்பொழிலும் வயலுஞ்சூழ்ந்த குடவாயில் விழவார்ந்த கோயிலே கோயிலாக மிக்கீரே.
iḻaiyārnta kōvaṇamuṅ kīḷumeḻilār uṭaiyākap piḻaiyāta cūlampey tāṭalpāṭal pēṇiṉīr kuḻaiyārum paimpoḻilum vayaluñcūḻnta kuṭavāyil viḻavārnta kōyilē kōyilāka mikkīrē.
அரவார்ந்த திருமேனி யானவெண்ணீ றாடினீர் இரவார்ந்த பெய்பலிகொண் டிமையோரேத்த நஞ்சுண்டீர் குரவார்ந்த பூஞ்சோலை வாசம்வீசுங் குடவாயிற் திருவார்ந்த கோயிலே கோயிலாகத் திகழ்ந்தீரே.
aravārnta tirumēṉi yāṉaveṇṇī ṟāṭiṉīr iravārnta peypalikoṇ ṭimaiyōrētta nañcuṇṭīr kuravārnta pūñcōlai vācamvīcuṅ kuṭavāyiṟ tiruvārnta kōyilē kōyilākat tikaḻntīrē.
பாடலார் வாய்மொழியீர் பைங்கண்வெள்ளே றூர்தியீர் ஆடலார் மாநடத்தீர் அரிவைபோற்றும் ஆற்றலீர் கோடலார் தும்பிமுரன் றிசைமிழற்றுங் குடவாயில் நீடலார் கோயிலே கோயிலாக நிகழ்ந்தீரே.
pāṭalār vāymoḻiyīr paiṅkaṇveḷḷē ṟūrtiyīr āṭalār mānaṭattīr arivaipōṟṟum āṟṟalīr kōṭalār tumpimuraṉ ṟicaimiḻaṟṟuṅ kuṭavāyil nīṭalār kōyilē kōyilāka nikaḻntīrē.
கொங்கார்ந்த பைங்கமலத் தயனுங்குறளாய் நிமிர்ந்தானும் அங்காந்து தள்ளாட அழலாய்நிமிர்ந்தீர் இலங்கைக்கோன் தங்காதல் மாமுடியுந் தாளுமடர்த்தீர் குடவாயில் பங்கார்ந்த கோயிலே கோயிலாகப் பரிந்தீரே.
koṅkārnta paiṅkamalat tayaṉuṅkuṟaḷāy nimirntāṉum aṅkāntu taḷḷāṭa aḻalāynimirntīr ilaṅkaikkōṉ taṅkātal māmuṭiyun tāḷumaṭarttīr kuṭavāyil paṅkārnta kōyilē kōyilākap parintīrē.
தூசார்ந்த சாக்கியருந் தூய்மையில்லாச் சமணரும் ஏசார்ந்த புன்மொழிநீத் தெழில்கொள்மாடக் குடவாயில் ஆசாரஞ் செய்மறையோர் அளவிற்குன்றா தடிபோற்றத் தேசார்ந்த கோயிலே கோயிலாகச் சேர்ந்தீரே.
tūcārnta cākkiyarun tūymaiyillāc camaṇarum ēcārnta puṉmoḻinīt teḻilkoḷmāṭak kuṭavāyil ācārañ ceymaṟaiyōr aḷaviṟkuṉṟā taṭipōṟṟat tēcārnta kōyilē kōyilākac cērntīrē.
நளிர்பூந் திரைமல்கு காழிஞான சம்பந்தன் குளிர்பூங் குடவாயிற் கோயில்மேய கோமானை ஒளிர்பூந் தமிழ்மாலை உரைத்தபாட லிவைவல்லார் தளர்வான தானொழியத் தகுசீர்வானத் திருப்பாரே.
naḷirpūn tiraimalku kāḻiñāṉa campantaṉ kuḷirpūṅ kuṭavāyiṟ kōyilmēya kōmāṉai oḷirpūn tamiḻmālai uraittapāṭa livaivallār taḷarvāṉa tāṉoḻiyat takucīrvāṉat tiruppārē.
Keys: ← → turn the page, J K step through the verses.
Illustration: Verse & Place (Project-owned).