திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 3 — திருவிளமர் - திருவிராகம் · திருவிளமர் - திருவிராகம்
tiruviḷamar - tiruvirākam
tiruviḷamar - tiruvirākam, from book 3 of the Tirumurai.
11 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
மத்தக மணிபெற மலர்வதோர் மதிபுரை நுதல்கரம் ஒத்தக நகமணி மிளிர்வதோர் அரவினர் ஒளிகிளர் அத்தக வடிதொழ அருள்பெறு கண்ணொடும் உமையவள் வித்தகர் உறைவது விரிபொழில் வளநகர் விளமரே.
mattaka maṇipeṟa malarvatōr matipurai nutalkaram ottaka nakamaṇi miḷirvatōr araviṉar oḷikiḷar attaka vaṭitoḻa aruḷpeṟu kaṇṇoṭum umaiyavaḷ vittakar uṟaivatu viripoḻil vaḷanakar viḷamarē.
பட்டில கியமுலை அரிவையர் உலகினில் இடுபலி ஒட்டில கிணைமர வடியினர் உமையுறு வடிவினர் சிட்டில கழகிய பொடியினர் விடைமிசை சேர்வதோர் விட்டில கழகொளி பெயரவர் உறைவது விளமரே.
paṭṭila kiyamulai arivaiyar ulakiṉil iṭupali oṭṭila kiṇaimara vaṭiyiṉar umaiyuṟu vaṭiviṉar ciṭṭila kaḻakiya poṭiyiṉar viṭaimicai cērvatōr viṭṭila kaḻakoḷi peyaravar uṟaivatu viḷamarē.
அங்கதிர் ஒளியினர் அரையிடை மிளிர்வதோர் அரவொடு செங்கதி ரெனநிற மனையதோர் செழுமணி மார்பினர் சங்கதிர் பறைகுழல் முழவினொ டிசைதரு சரிதையர் வெங்கதி ருறுமழு வுடையவ ரிடமெனில் விளமரே.
aṅkatir oḷiyiṉar araiyiṭai miḷirvatōr aravoṭu ceṅkati reṉaniṟa maṉaiyatōr ceḻumaṇi mārpiṉar caṅkatir paṟaikuḻal muḻaviṉo ṭicaitaru caritaiyar veṅkati ruṟumaḻu vuṭaiyava riṭameṉil viḷamarē.
மாடம தெனவளர் மதிலவை யெரிசெய்வர் விரவுசீர்ப் பீடென வருமறை யுரைசெய்வர் பெரியபல் சரிதைகள் பாடலர் ஆடிய சுடலையில் இடமுற நடம்நவில் வேடம துடையவர் வியன்நக ரதுசொலில் விளமரே.
māṭama teṉavaḷar matilavai yericeyvar viravucīrp pīṭeṉa varumaṟai yuraiceyvar periyapal caritaikaḷ pāṭalar āṭiya cuṭalaiyil iṭamuṟa naṭamnavil vēṭama tuṭaiyavar viyaṉnaka ratucolil viḷamarē.
பண்டலை மழலைசெய் யாழென மொழியுமை பாகமாக் கொண்டலை குரைகழ லடிதொழு மவர்வினை குறுகிலர் விண்டலை யமரர்கள் துதிசெய அருள்புரி விறலினர் வெண்டலை பலிகொளும் விமலர்தம் வளநகர் விளமரே.
paṇṭalai maḻalaicey yāḻeṉa moḻiyumai pākamāk koṇṭalai kuraikaḻa laṭitoḻu mavarviṉai kuṟukilar viṇṭalai yamararkaḷ tuticeya aruḷpuri viṟaliṉar veṇṭalai palikoḷum vimalartam vaḷanakar viḷamarē.
மனைகள்தோ றிடுபலி யதுகொள்வர் மதிபொதி சடையினர் கனைகடல் அடுவிடம் அமுதுசெய் கறையணி மிடறினர் முனைகெட வருமதில் எரிசெய்த அவர்கழல் பரவுவார் வினைகெட அருள்புரி தொழிலினர் செழுநகர் விளமரே.
maṉaikaḷtō ṟiṭupali yatukoḷvar matipoti caṭaiyiṉar kaṉaikaṭal aṭuviṭam amutucey kaṟaiyaṇi miṭaṟiṉar muṉaikeṭa varumatil ericeyta avarkaḻal paravuvār viṉaikeṭa aruḷpuri toḻiliṉar ceḻunakar viḷamarē.
நெறிகமழ் தருமுரை யுணர்வினர் புணர்வுறு மடவரல் செறிகமழ் தருமுரு வுடையவர் படைபல பயில்பவர் பொறிகமழ் தருபட அரவினர் விரவிய சடைமிசை வெறிகமழ் தருமலர் அடைபவர் இடமெனில் விளமரே.
neṟikamaḻ tarumurai yuṇarviṉar puṇarvuṟu maṭavaral ceṟikamaḻ tarumuru vuṭaiyavar paṭaipala payilpavar poṟikamaḻ tarupaṭa araviṉar viraviya caṭaimicai veṟikamaḻ tarumalar aṭaipavar iṭameṉil viḷamarē.
தெண்கடல் புடையணி நெடுமதில் இலங்கையர் தலைவனைப் பண்பட வரைதனில் அடர்செய்த பைங்கழல் வடிவினர் திண்கட லடைபுனல் திகழ்சடை புகுவதோர் சேர்வினார் விண்கடல் விடமலி யடிகள்தம் வளநகர் விளமரே.
teṇkaṭal puṭaiyaṇi neṭumatil ilaṅkaiyar talaivaṉaip paṇpaṭa varaitaṉil aṭarceyta paiṅkaḻal vaṭiviṉar tiṇkaṭa laṭaipuṉal tikaḻcaṭai pukuvatōr cērviṉār viṇkaṭal viṭamali yaṭikaḷtam vaḷanakar viḷamarē.
தொண்டசை யுறவரு துயருறு காலனை மாள்வுற அண்டல்செய் திருவரை வெருவுற ஆரழ லாயினார் கொண்டல்செய் தருதிரு மிடறின ரிடமெனில் அளியினம் விண்டிசை யுறுமலர் நறுமது விரிபொழில் விளமரே.
toṇṭacai yuṟavaru tuyaruṟu kālaṉai māḷvuṟa aṇṭalcey tiruvarai veruvuṟa āraḻa lāyiṉār koṇṭalcey tarutiru miṭaṟiṉa riṭameṉil aḷiyiṉam viṇṭicai yuṟumalar naṟumatu viripoḻil viḷamarē.
ஒள்ளியர் தொழுதெழ வுலகினில் உரைசெயு மொழிபல கொள்ளிய களவினர் குண்டிகை யவர்தவம் அறிகிலார் பள்ளியை மெய்யெனக் கருதன்மின் பரிவொடு பேணுவீர் வெள்ளிய பிறையணி சடையினர் வளநகர் விளமரே.
oḷḷiyar toḻuteḻa vulakiṉil uraiceyu moḻipala koḷḷiya kaḷaviṉar kuṇṭikai yavartavam aṟikilār paḷḷiyai meyyeṉak karutaṉmiṉ parivoṭu pēṇuvīr veḷḷiya piṟaiyaṇi caṭaiyiṉar vaḷanakar viḷamarē.
வெந்தவெண் பொடியணி யடிகளை விளமருள் விகிர்தரைச் சிந்தையுள் இடைபெற வுரைசெய்த தமிழிவை செழுவிய அந்தணர் புகலியுள் அழகமர் அருமறை ஞானசம் பந்தன மொழியிவை உரைசெயு மவர்வினை பறையுமே.
ventaveṇ poṭiyaṇi yaṭikaḷai viḷamaruḷ vikirtaraic cintaiyuḷ iṭaipeṟa vuraiceyta tamiḻivai ceḻuviya antaṇar pukaliyuḷ aḻakamar arumaṟai ñāṉacam pantaṉa moḻiyivai uraiceyu mavarviṉai paṟaiyumē.
Keys: ← → turn the page, J K step through the verses.
Illustration: Verse & Place (Project-owned).