திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 3 — திருவேகம்பம் - திருஇயமகம் · திருவேகம்பம் - திருஇயமகம்
tiruvēkampam - tiruiyamakam
tiruvēkampam - tiruiyamakam, from book 3 of the Tirumurai.
11 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
பாயுமால்விடை மேலொரு பாகனே பாவைதன்னுரு மேலொரு பாகனே தூயவானவர் வேதத் துவனியே சோதிமாலெரி வேதத் துவனியே ஆயுநன்பொருள் நுண்பொரு ளாதியே ஆலநீழல் அரும்பொரு ளாதியே காயவின்மதன் பட்டது கம்பமே கண்ணுதற்பர மற்கிடங் கம்பமே.
pāyumālviṭai mēloru pākaṉē pāvaitaṉṉuru mēloru pākaṉē tūyavāṉavar vētat tuvaṉiyē cōtimāleri vētat tuvaṉiyē āyunaṉporuḷ nuṇporu ḷātiyē ālanīḻal arumporu ḷātiyē kāyaviṉmataṉ paṭṭatu kampamē kaṇṇutaṟpara maṟkiṭaṅ kampamē.
சடையணிந்ததும் வெண்டலை மாலையே தம்முடம்பிலும் வெண்டலை மாலையே படையிலங்கையிற் சூலம தென்பதே பரந்திலங்கையிற் சூலம தென்பதே புடைபரப்பன பூத கணங்களே போற்றிசைப்பன பூத கணங்களே கடைகடோ றும் இரப்பது மிச்சையே கம்பமேவி யிருப்பது மிச்சையே.
caṭaiyaṇintatum veṇṭalai mālaiyē tammuṭampilum veṇṭalai mālaiyē paṭaiyilaṅkaiyiṟ cūlama teṉpatē parantilaṅkaiyiṟ cūlama teṉpatē puṭaiparappaṉa pūta kaṇaṅkaḷē pōṟṟicaippaṉa pūta kaṇaṅkaḷē kaṭaikaṭō ṟum irappatu miccaiyē kampamēvi yiruppatu miccaiyē.
வெள்ளெருக்கொடு தும்பை மிலைச்சியே வேறுமுன்செலத் தும்பை மிலைச்சியே அள்ளிநீறது பூசுவ தாகமே யானமாசுண மூசுவ தாகமே புள்ளியாடை யுடுப்பது கத்துமே போனவூழி யுடுப்பது கத்துமே கள்ளுலாமலர்க் கம்ப மிருப்பதே காஞ்சிமாநகர்க் கம்ப மிருப்பதே.
veḷḷerukkoṭu tumpai milaicciyē vēṟumuṉcelat tumpai milaicciyē aḷḷinīṟatu pūcuva tākamē yāṉamācuṇa mūcuva tākamē puḷḷiyāṭai yuṭuppatu kattumē pōṉavūḻi yuṭuppatu kattumē kaḷḷulāmalark kampa miruppatē kāñcimānakark kampa miruppatē.
முற்றலாமை யணிந்த முதல்வரே மூரியாமை யணிந்த முதல்வரே பற்றிவாளர வாட்டும் பரிசரே பாலுநெய்யுகந் தாட்டும் பரிசரே வற்றலோடு கலம்பலி தேர்வதே வானினோடு கலம்பலி தேர்வதே கற்றிலாமனங் கம்ப மிருப்பதே காஞ்சிமாநகர்க் கம்ப மிருப்பதே.
muṟṟalāmai yaṇinta mutalvarē mūriyāmai yaṇinta mutalvarē paṟṟivāḷara vāṭṭum paricarē pāluneyyukan tāṭṭum paricarē vaṟṟalōṭu kalampali tērvatē vāṉiṉōṭu kalampali tērvatē kaṟṟilāmaṉaṅ kampa miruppatē kāñcimānakark kampa miruppatē.
வேடனாகி விசையற் கருளியே வேலைநஞ்ச மிசையற் கருளியே ஆடுபாம்பரை யார்த்த துடையதே யஞ்சுபூதமு மார்த்த துடையதே கோடுவான்மதிக் கண்ணி யழகிதே குற்றமின்மதிக் கண்ணி யழகிதே காடுவாழ்பதி யாவது மும்மதே கம்பமாபதி யாவது மும்மதே.
vēṭaṉāki vicaiyaṟ karuḷiyē vēlainañca micaiyaṟ karuḷiyē āṭupāmparai yārtta tuṭaiyatē yañcupūtamu mārtta tuṭaiyatē kōṭuvāṉmatik kaṇṇi yaḻakitē kuṟṟamiṉmatik kaṇṇi yaḻakitē kāṭuvāḻpati yāvatu mummatē kampamāpati yāvatu mummatē.
இரும்புகைக்கொடி தங்கழல் கையதே இமயமாமகள் தங்கழல் கையதே அரும்புமொய்த்த மலர்ப்பொறை தாங்கியே ஆழியான்றன் மலர்ப்பொறை தாங்கியே பெரும்பகல்நட மாடுதல் செய்துமே பேதைமார்மனம் வாடுதல் செய்துமே கரும்புமொய்த்தெழு கம்ப மிருப்பதே காஞ்சிமாநகர்க் கம்ப மிருப்பதே.
irumpukaikkoṭi taṅkaḻal kaiyatē imayamāmakaḷ taṅkaḻal kaiyatē arumpumoytta malarppoṟai tāṅkiyē āḻiyāṉṟaṉ malarppoṟai tāṅkiyē perumpakalnaṭa māṭutal ceytumē pētaimārmaṉam vāṭutal ceytumē karumpumoytteḻu kampa miruppatē kāñcimānakark kampa miruppatē.
முதிரமங்கை தவஞ்செய்த காலமே முன்புமங்கை தவஞ்செய்த காலமே வெதிர்களோடகில் சந்த முருட்டியே வேழமோடகில் சந்த முருட்டியே அதிரவாறு வரத்தழு வத்தொடே ஆன்நெய்ஆடு வரத்தழு வத்தொடே கதிர்கொள்பூண்முலைக் கம்ப மிருப்பதே காஞ்சிமாநகர்க் கம்ப மிருப்பதே.
mutiramaṅkai tavañceyta kālamē muṉpumaṅkai tavañceyta kālamē vetirkaḷōṭakil canta muruṭṭiyē vēḻamōṭakil canta muruṭṭiyē atiravāṟu varattaḻu vattoṭē āṉneyāṭu varattaḻu vattoṭē katirkoḷpūṇmulaik kampa miruppatē kāñcimānakark kampa miruppatē.
பண்டரக்க னெடுத்த பலத்தையே பாய்ந்தரக்க னெடுத்த பலத்தையே கொண்டரக்கிய துங்கால் விரலையே கோளரக்கிய துங்கால் விரலையே உண்டுழன்றது முண்டத் தலையிலே யுடுபதிக்கிட முண்டத் தலையிலே கண்டநஞ்சம் அடக்கினை கம்பமே கடவுள்நீயிடங் கொண்டது கம்பமே.
paṇṭarakka ṉeṭutta palattaiyē pāyntarakka ṉeṭutta palattaiyē koṇṭarakkiya tuṅkāl viralaiyē kōḷarakkiya tuṅkāl viralaiyē uṇṭuḻaṉṟatu muṇṭat talaiyilē yuṭupatikkiṭa muṇṭat talaiyilē kaṇṭanañcam aṭakkiṉai kampamē kaṭavuḷnīyiṭaṅ koṇṭatu kampamē.
தூணியான சுடர்விடு சோதியே சுத்தமான சுடர்விடு சோதியே பேணியோடு பிரமப் பறவையே பித்தனான பிரமப் பறவையே சேணினோடு கீழூழி திரிந்துமே சித்தமோடு கீழூழி திரிந்துமே காணநின்றனர் உற்றது கம்பமே கடவுள்நீயிடம் உற்றது கம்பமே.
tūṇiyāṉa cuṭarviṭu cōtiyē cuttamāṉa cuṭarviṭu cōtiyē pēṇiyōṭu piramap paṟavaiyē pittaṉāṉa piramap paṟavaiyē cēṇiṉōṭu kīḻūḻi tirintumē cittamōṭu kīḻūḻi tirintumē kāṇaniṉṟaṉar uṟṟatu kampamē kaṭavuḷnīyiṭam uṟṟatu kampamē.
ஓருடம்பினை யீருரு வாகவே யுன்பொருட்டிற மீருரு வாகவே ஆருமெய்தற் கரிது பெரிதுமே ஆற்றலெய்தற் கரிது பெரிதுமே தேரரும்மறி யாது திகைப்பரே சித்தமும்மறி யாது திகைப்பரே கார்நிறத்தம ணர்க்கொரு கம்பமே கடவுள்நீயிடங் கொண்டது கம்பமே.
ōruṭampiṉai yīruru vākavē yuṉporuṭṭiṟa mīruru vākavē ārumeytaṟ karitu peritumē āṟṟaleytaṟ karitu peritumē tērarummaṟi yātu tikaipparē cittamummaṟi yātu tikaipparē kārniṟattama ṇarkkoru kampamē kaṭavuḷnīyiṭaṅ koṇṭatu kampamē.
கந்தமார்பொழில் சூழ்தரு கம்பமே காதல்செய்பவர் தீர்த்திடு கம்பமே புந்திசெய்து விரும்பிப் புகலியே பூசுரன்றன் விரும்பிப் புகலியே அந்தமில்பொரு ளாயின கொண்டுமே அண்ணலின்பொரு ளாயின கொண்டுமே பந்தனின்னியல் பாடிய பத்துமே பாடவல்லவ ராயின பத்துமே.
kantamārpoḻil cūḻtaru kampamē kātalceypavar tīrttiṭu kampamē punticeytu virumpip pukaliyē pūcuraṉṟaṉ virumpip pukaliyē antamilporu ḷāyiṉa koṇṭumē aṇṇaliṉporu ḷāyiṉa koṇṭumē pantaṉiṉṉiyal pāṭiya pattumē pāṭavallava rāyiṉa pattumē.
Keys: ← → turn the page, J K step through the verses.
Illustration: Verse & Place (Project-owned).