திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 4 — திருக்கெடிலவாணர் · திருக்கெடிலவாணர்
tirukkeṭilavāṇar
tirukkeṭilavāṇar, from book 4 of the Tirumurai.
10 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
முளைக்கதிர் இளம்பிறை மூழ்க வெள்ளநீர் வளைத்தெழு சடையினர் மழலை வீணையர் திளைத்ததோர் மான்மழுக் கையர் செய்யபொன் கிளைத்துழித் தோன்றிடுங் கெடில வாணரே.
muḷaikkatir iḷampiṟai mūḻka veḷḷanīr vaḷaitteḻu caṭaiyiṉar maḻalai vīṇaiyar tiḷaittatōr māṉmaḻuk kaiyar ceyyapoṉ kiḷaittuḻit tōṉṟiṭuṅ keṭila vāṇarē.
ஏறினர் ஏறினை ஏழை தன்னொரு கூறினர் கூறினர் வேதம் அங்கமும் ஆறினர் ஆறிடு சடையர் பக்கமுங் கீறின வுடையினர் கெடில வாணரே.
ēṟiṉar ēṟiṉai ēḻai taṉṉoru kūṟiṉar kūṟiṉar vētam aṅkamum āṟiṉar āṟiṭu caṭaiyar pakkamuṅ kīṟiṉa vuṭaiyiṉar keṭila vāṇarē.
விடந்திகழ் கெழுதரு மிடற்றர் வெள்ளைநீ றுடம்பழ கெழுதுவர் முழுதும் வெண்ணிலாப் படந்தழ கெழுதரு சடையிற் பாய்புனல் கிடந்தழ கெழுதிய கெடில வாணரே.
viṭantikaḻ keḻutaru miṭaṟṟar veḷḷainī ṟuṭampaḻa keḻutuvar muḻutum veṇṇilāp paṭantaḻa keḻutaru caṭaiyiṟ pāypuṉal kiṭantaḻa keḻutiya keṭila vāṇarē.
விழுமணி அயிலெயிற் றம்பு வெய்யதோர் கொழுமணி நெடுவரை கொளுவிக் கோட்டினார் செழுமணி மிடற்றினர் செய்யர் வெய்யதோர் கெழுமணி அரவினர் கெடில வாணரே.
viḻumaṇi ayileyiṟ ṟampu veyyatōr koḻumaṇi neṭuvarai koḷuvik kōṭṭiṉār ceḻumaṇi miṭaṟṟiṉar ceyyar veyyatōr keḻumaṇi araviṉar keṭila vāṇarē.
குழுவினர் தொழுதெழும் அடியர் மேல்வினை தழுவின கழுவுவர் பவள மேனியர் மழுவினர் மான்மறிக் கையர் மங்கையைக் கெழுவின யோகினர் கெடில வாணரே.
kuḻuviṉar toḻuteḻum aṭiyar mēlviṉai taḻuviṉa kaḻuvuvar pavaḷa mēṉiyar maḻuviṉar māṉmaṟik kaiyar maṅkaiyaik keḻuviṉa yōkiṉar keṭila vāṇarē.
அங்கையில் அனலெரி யேந்தி யாறெனும் மங்கையைச் சடையிடை மணப்பர் மால்வரை நங்கையைப் பாகமு நயப்பர் தென்றிசைக் கெங்கைய தெனப்படுங் கெடில வாணரே.
aṅkaiyil aṉaleri yēnti yāṟeṉum maṅkaiyaic caṭaiyiṭai maṇappar mālvarai naṅkaiyaip pākamu nayappar teṉṟicaik keṅkaiya teṉappaṭuṅ keṭila vāṇarē.
கழிந்தவர் தலைகல னேந்திக் காடுறைந் திழிந்தவ ரொருவரென் றெள்க வாழ்பவர் வழிந்திழி மதுகர மிழற்ற மந்திகள் கிழிந்ததேன் நுகர்தருங் கெடில வாணரே.
kaḻintavar talaikala ṉēntik kāṭuṟain tiḻintava roruvareṉ ṟeḷka vāḻpavar vaḻintiḻi matukara miḻaṟṟa mantikaḷ kiḻintatēṉ nukartaruṅ keṭila vāṇarē.
கிடந்தபாம் பருகுகண் டரிவை பேதுறக் கிடந்தபாம் பவளையோர் மயிலென் றையுறக் கிடந்தநீர்ச் சடைமிசைப் பிறையும் ஏங்கவே கிடந்துதான் நகுதலைக் கெடில வாணரே.
kiṭantapām parukukaṇ ṭarivai pētuṟak kiṭantapām pavaḷaiyōr mayileṉ ṟaiyuṟak kiṭantanīrc caṭaimicaip piṟaiyum ēṅkavē kiṭantutāṉ nakutalaik keṭila vāṇarē.
வெறியுறு விரிசடை புரள வீசியோர் பொறியுறு புலியுரி யரைய தாகவும் நெறியுறு குழலுமை பாக மாகவுங் கிறிபட உழிதர்வர் கெடில வாணரே.
veṟiyuṟu viricaṭai puraḷa vīciyōr poṟiyuṟu puliyuri yaraiya tākavum neṟiyuṟu kuḻalumai pāka mākavuṅ kiṟipaṭa uḻitarvar keṭila vāṇarē.
பூண்டதோர் அரக்கனைப் பொருவில் மால்வரைத் தூண்டுதோ ளவைபட அடர்த்த தாளினார் ஈண்டுநீர்க் கமலவாய் மேதி பாய்தரக் கீண்டுதேன் சொரிதருங் கெடில வாணரே.
pūṇṭatōr arakkaṉaip poruvil mālvarait tūṇṭutō ḷavaipaṭa aṭartta tāḷiṉār īṇṭunīrk kamalavāy mēti pāytarak kīṇṭutēṉ coritaruṅ keṭila vāṇarē.
Keys: ← → turn the page, J K step through the verses.
Illustration: Verse & Place (Project-owned).