Skip to content

திருமுறை 1 — திருப்பாம்புரம் · திருப்பாம்புரம்

tiruppāmpuram

tiruppāmpuram

tiruppāmpuram, from book 1 of the Tirumurai.

11 passagesTamil with transliteration

An oil lamp beneath an arch for book 1 of the Tirumurai.

சீரணி திகழ்திரு மார்பில் வெண்ணூலர் திரிபுர மெரிசெய்த செல்வர் வாரணி வனமுலை மங்கையோர் பங்கர் மான்மறி யேந்திய மைந்தர் காரணி மணிதிகழ் மிடறுடை யண்ணல் கண்ணுதல் விண்ணவ ரேத்தும் பாரணி திகழ்தரு நான்மறை யாளர் பாம்புர நன்னக ராரே.

cīraṇi tikaḻtiru mārpil veṇṇūlar tiripura mericeyta celvar vāraṇi vaṉamulai maṅkaiyōr paṅkar māṉmaṟi yēntiya maintar kāraṇi maṇitikaḻ miṭaṟuṭai yaṇṇal kaṇṇutal viṇṇava rēttum pāraṇi tikaḻtaru nāṉmaṟai yāḷar pāmpura naṉṉaka rārē.

Report an error

கொக்கிற கோடு கூவிள மத்தங் கொன்றையொ டெருக்கணி சடையர் அக்கினொ டாமை பூண்டழ காக அனலது ஆடுமெம் மடிகள் மிக்கநல் வேத வேள்வியு ளெங்கும் விண்ணவர் விரைமலர் தூவப் பக்கம்பல் பூதம் பாடிட வருவார் பாம்புர நன்னக ராரே.

kokkiṟa kōṭu kūviḷa mattaṅ koṉṟaiyo ṭerukkaṇi caṭaiyar akkiṉo ṭāmai pūṇṭaḻa kāka aṉalatu āṭumem maṭikaḷ mikkanal vēta vēḷviyu ḷeṅkum viṇṇavar viraimalar tūvap pakkampal pūtam pāṭiṭa varuvār pāmpura naṉṉaka rārē.

Report an error

துன்னலி னாடை யுடுத்ததன் மேலோர் சூறைநல் லரவது சுற்றிப் பின்னுவார் சடைகள் தாழவிட் டாடிப் பித்தராய்த் திரியுமெம் பெருமான் மன்னுமா மலர்கள் தூவிட நாளும் மாமலை யாட்டியுந் தாமும் பன்னுநான் மறைகள் பாடிட வருவார் பாம்புர நன்னக ராரே.

tuṉṉali ṉāṭai yuṭuttataṉ mēlōr cūṟainal laravatu cuṟṟip piṉṉuvār caṭaikaḷ tāḻaviṭ ṭāṭip pittarāyt tiriyumem perumāṉ maṉṉumā malarkaḷ tūviṭa nāḷum māmalai yāṭṭiyun tāmum paṉṉunāṉ maṟaikaḷ pāṭiṭa varuvār pāmpura naṉṉaka rārē.

Report an error

துஞ்சுநாள் துறந்து தோற்றமு மில்லாச் சுடர்விடு சோதியெம் பெருமான் நஞ்சுசேர் கண்ட முடையவென் நாதர் நள்ளிருள் நடஞ்செயும் நம்பர் மஞ்சுதோய் சோலை மாமயி லாட மாடமா ளிகைதன்மே லேறி பஞ்சுசேர் மெல்லடிப் பாவையர் பயிலும் பாம்புர நன்னக ராரே.

tuñcunāḷ tuṟantu tōṟṟamu millāc cuṭarviṭu cōtiyem perumāṉ nañcucēr kaṇṭa muṭaiyaveṉ nātar naḷḷiruḷ naṭañceyum nampar mañcutōy cōlai māmayi lāṭa māṭamā ḷikaitaṉmē lēṟi pañcucēr mellaṭip pāvaiyar payilum pāmpura naṉṉaka rārē.

Report an error

நதியத னயலே நகுதலை மாலை நாண்மதி சடைமிசை யணிந்து கதியது வாகக் காளிமுன் காணக் கானிடை நடஞ்செய்த கருத்தர் விதியது வழுவா வேதியர் வேள்வி செய்தவர் ஓத்தொலி ஓவாப் பதியது வாகப் பாவையுந் தாமும் பாம்புர நன்னக ராரே.

natiyata ṉayalē nakutalai mālai nāṇmati caṭaimicai yaṇintu katiyatu vākak kāḷimuṉ kāṇak kāṉiṭai naṭañceyta karuttar vitiyatu vaḻuvā vētiyar vēḷvi ceytavar ōttoli ōvāp patiyatu vākap pāvaiyun tāmum pāmpura naṉṉaka rārē.

Report an error

ஓதிநன் குணர்வார்க் குணர்வுடை யொருவர் ஒளிதிகழ் உருவஞ் சேரொருவர் மாதினை யிடமா வைத்தவெம் வள்ளல் மான்மறி யேந்திய மைந்தர் ஆதிநீ யருளென் றமரர்கள் பணிய அலைகடல் கடையவன் றெழுந்த பாதிவெண் பிறைசடை வைத்தவெம் பரமர் பாம்புர நன்னக ராரே.

ōtinaṉ kuṇarvārk kuṇarvuṭai yoruvar oḷitikaḻ uruvañ cēroruvar mātiṉai yiṭamā vaittavem vaḷḷal māṉmaṟi yēntiya maintar ātinī yaruḷeṉ ṟamararkaḷ paṇiya alaikaṭal kaṭaiyavaṉ ṟeḻunta pātiveṇ piṟaicaṭai vaittavem paramar pāmpura naṉṉaka rārē.

Report an error

மாலினுக் கன்று சக்கர மீந்து மலரவற் கொருமுக மொழித்து ஆலின்கீ ழறமோர் நால்வருக் கருளி அனலது ஆடுமெம் மடிகள் காலனைக் காய்ந்து தங்கழ லடியாற் காமனைப் பொடிபட நோக்கிப் பாலனுக் கருள்கள் செய்தவெம் மடிகள் பாம்புர நன்னக ராரே.

māliṉuk kaṉṟu cakkara mīntu malaravaṟ korumuka moḻittu āliṉkī ḻaṟamōr nālvaruk karuḷi aṉalatu āṭumem maṭikaḷ kālaṉaik kāyntu taṅkaḻa laṭiyāṟ kāmaṉaip poṭipaṭa nōkkip pālaṉuk karuḷkaḷ ceytavem maṭikaḷ pāmpura naṉṉaka rārē.

Report an error

விடைத்தவல் லரக்கன் வெற்பினை யெடுக்க மெல்லிய திருவிர லூன்றி அடர்த்தவன் றனக்கன் றருள்செய்த வடிகள் அனலது ஆடுமெம் மண்ணல் மடக்கொடி யவர்கள் வருபுன லாட வந்திழி அரிசிலின் கரைமேற் படப்பையிற் கொணர்ந்து பருமணி சிதறும் பாம்புர நன்னக ராரே.

viṭaittaval larakkaṉ veṟpiṉai yeṭukka melliya tiruvira lūṉṟi aṭarttavaṉ ṟaṉakkaṉ ṟaruḷceyta vaṭikaḷ aṉalatu āṭumem maṇṇal maṭakkoṭi yavarkaḷ varupuṉa lāṭa vantiḻi ariciliṉ karaimēṟ paṭappaiyiṟ koṇarntu parumaṇi citaṟum pāmpura naṉṉaka rārē.

Report an error

கடிபடு கமலத் தயனொடு மாலுங் காதலோ டடிமுடி தேடச் செடிபடு வினைகள் தீர்த்தருள் செய்யுந் தீவணர் எம்முடைச் செல்வர் முடியுடையமரர் முனிகணத் தவர்கள் முறைமுறை யடிபணிந் தேத்தப் படியது வாகப் பாவையுந் தாமும் பாம்புர நன்னக ராரே.

kaṭipaṭu kamalat tayaṉoṭu māluṅ kātalō ṭaṭimuṭi tēṭac ceṭipaṭu viṉaikaḷ tīrttaruḷ ceyyun tīvaṇar emmuṭaic celvar muṭiyuṭaiyamarar muṉikaṇat tavarkaḷ muṟaimuṟai yaṭipaṇin tēttap paṭiyatu vākap pāvaiyun tāmum pāmpura naṉṉaka rārē.

Report an error

குண்டர்சாக் கியருங் குணமிலா தாருங் குற்றுவிட் டுடுக்கையர் தாமுங் கண்டவா றுரைத்துக் கால்நிமிர்த் துண்ணுங் கையர்தாம் உள்ளவா றறியார் வண்டுசேர் குழலி மலைமகள் நடுங்க வாரணம் உரிசெய்து போர்த்தார் பண்டுநாம் செய்த பாவங்கள் தீர்ப்பார் பாம்புர நன்னக ராரே.

kuṇṭarcāk kiyaruṅ kuṇamilā tāruṅ kuṟṟuviṭ ṭuṭukkaiyar tāmuṅ kaṇṭavā ṟuraittuk kālnimirt tuṇṇuṅ kaiyartām uḷḷavā ṟaṟiyār vaṇṭucēr kuḻali malaimakaḷ naṭuṅka vāraṇam uriceytu pōrttār paṇṭunām ceyta pāvaṅkaḷ tīrppār pāmpura naṉṉaka rārē.

Report an error

பார்மலிந் தோங்கிப் பருமதில் சூழ்ந்த பாம்புர நன்னக ராரைக் கார்மலிந் தழகார் கழனிசூழ் மாடக் கழுமல முதுபதிக் கவுணி நார்மலிந் தோங்கும் நால்மறை ஞான சம்பந்தன் செந்தமிழ் வல்லார் சீர்மலிந் தழகார் செல்வம தோங்கிச் சிவனடி நண்ணுவர் தாமே.

pārmalin tōṅkip parumatil cūḻnta pāmpura naṉṉaka rāraik kārmalin taḻakār kaḻaṉicūḻ māṭak kaḻumala mutupatik kavuṇi nārmalin tōṅkum nālmaṟai ñāṉa campantaṉ centamiḻ vallār cīrmalin taḻakār celvama tōṅkic civaṉaṭi naṇṇuvar tāmē.

Report an error

Illustration: Verse & Place (Project-owned).