Skip to content

திருமுறை 4 — பசுபதி - திருவிருத்தம் · பசுபதி - திருவிருத்தம்

pacupati - tiruviruttam

pacupati - tiruviruttam

pacupati - tiruviruttam, from book 4 of the Tirumurai.

8 passagesTamil with transliteration

An oil lamp beneath an arch for book 4 of the Tirumurai.
←
Go to verse
→

Invocation

4.111.opening

திருச்சிற்றம்பலம்

tirucciṟṟampalam

Editor's note: Traditional opening material, separate from the numbered poems.

சாம்பலைப் பூசித் தரையிற் புரண்டுநின் றாள்பரவி ஏம்பலிப் பார்கட் கிரங்குகண் டாயிருங் கங்கையென்னுங் காம்பலைக் கும்பணைத் தோளி கதிர்ப்பூண் வனமுலைமேற் பாம்பலைக் குஞ்சடை யாயெம்மை யாளும் பசுபதியே.

cāmpalaip pūcit taraiyiṟ puraṇṭuniṉ ṟāḷparavi ēmpalip pārkaṭ kiraṅkukaṇ ṭāyiruṅ kaṅkaiyeṉṉuṅ kāmpalaik kumpaṇait tōḷi katirppūṇ vaṉamulaimēṟ pāmpalaik kuñcaṭai yāyemmai yāḷum pacupatiyē.

Report an error

உடம்பைத் தொலைவித்துன் பாதந் தலைவைத்த உத்தமர்கள் இடும்பைப் படாமல் இரங்குகண் டாயிரு ளோடச்செந்தீ அடும்பொத் தனைய அழன்மழு வாவழ லேயுமிழும் படம்பொத் தரவரை யாயெம்மை யாளும் பசுபதியே.

uṭampait tolaivittuṉ pātan talaivaitta uttamarkaḷ iṭumpaip paṭāmal iraṅkukaṇ ṭāyiru ḷōṭaccentī aṭumpot taṉaiya aḻaṉmaḻu vāvaḻa lēyumiḻum paṭampot taravarai yāyemmai yāḷum pacupatiyē.

Report an error

தாரித் திரந்தவி ராவடி யார்தடு மாற்றமென்னும் மூரித் திரைப்பௌவ நீக்குகண் டாய்முன்னை நாளொருகால் வேரித்தண் பூஞ்சுடர் ஐங்கணை வேள்வெந்து வீழச்செந்தீப் பாரித்த கண்ணுடை யாயெம்மை யாளும் பசுபதியே.

tārit tirantavi rāvaṭi yārtaṭu māṟṟameṉṉum mūrit tiraippauva nīkkukaṇ ṭāymuṉṉai nāḷorukāl vērittaṇ pūñcuṭar aiṅkaṇai vēḷventu vīḻaccentīp pāritta kaṇṇuṭai yāyemmai yāḷum pacupatiyē.

Report an error

ஒருவரைத் தஞ்சமென் றெண்ணாதுன் பாத மிறைஞ்சுகின்றார் அருவினைச் சுற்றம் அகல்விகண் டாயண்ட மேயணவும் பெருவரைக் குன்றம் பிளிறப் பிளந்துவேய்த் தோளியஞ்சப் பருவரைத் தோலுரித் தாயெம்மை யாளும் பசுபதியே.

oruvarait tañcameṉ ṟeṇṇātuṉ pāta miṟaiñcukiṉṟār aruviṉaic cuṟṟam akalvikaṇ ṭāyaṇṭa mēyaṇavum peruvaraik kuṉṟam piḷiṟap piḷantuvēyt tōḷiyañcap paruvarait tōlurit tāyemmai yāḷum pacupatiyē.

Report an error

இடுக்கொன்று மின்றியெஞ் சாமையுன் பாத மிறைஞ்சுகின்றார்க் கடர்க்கின்ற நோயை விலக்குகண் டாயண்டம் எண்டிசையுஞ் சுடர்த்திங்கள் சூடிச் சுழற்கங்கை யோடுஞ் சுரும்புதுன்றிப் படர்க்கொண்ட செஞ்சடை யாயெம்மை யாளும் பசுபதியே.

iṭukkoṉṟu miṉṟiyeñ cāmaiyuṉ pāta miṟaiñcukiṉṟārk kaṭarkkiṉṟa nōyai vilakkukaṇ ṭāyaṇṭam eṇṭicaiyuñ cuṭarttiṅkaḷ cūṭic cuḻaṟkaṅkai yōṭuñ curumputuṉṟip paṭarkkoṇṭa ceñcaṭai yāyemmai yāḷum pacupatiyē.

Report an error

அடலைக் கடல்கழி வான்நின் னடியிணை யேயடைந்தார் நடலைப் படாமை விலக்குகண் டாய்நறுங் கொன்றை திங்கள் சுடலைப் பொடிச்சுண்ண மாசுணஞ் சூளா மணிகிடந்து படரச் சுடர்மகு டாயெம்மை யாளும் பசுபதியே.

aṭalaik kaṭalkaḻi vāṉniṉ ṉaṭiyiṇai yēyaṭaintār naṭalaip paṭāmai vilakkukaṇ ṭāynaṟuṅ koṉṟai tiṅkaḷ cuṭalaip poṭiccuṇṇa mācuṇañ cūḷā maṇikiṭantu paṭarac cuṭarmaku ṭāyemmai yāḷum pacupatiyē.

Report an error

துறவித் தொழிலே புரிந்துன் சுரும்படி யேதொழுவார் மறவித் தொழிலது மாற்றுகண் டாய்மதின் மூன்றுடைய அறவைத் தொழில்புரிந் தந்தரத் தேசெல்லு மந்திரத்தேர்ப் பறவைப் புரமெரித் தாயெம்மை யாளும் பசுபதியே.

tuṟavit toḻilē purintuṉ curumpaṭi yētoḻuvār maṟavit toḻilatu māṟṟukaṇ ṭāymatiṉ mūṉṟuṭaiya aṟavait toḻilpurin tantarat tēcellu mantirattērp paṟavaip puramerit tāyemmai yāḷum pacupatiyē.

Report an error

சித்தத் துருகிச் சிவனெம் பிரானென்று சிந்தையுள்ளே பித்துப் பெருகப் பிதற்றுகின் றார்பிணி தீர்த்தருளாய் மத்தத் தரக்கன் இருபது தோளு முடியுமெல்லாம் பத்துற் றுறநெரித் தாயெம்மை யாளும் பசுபதியே.

cittat turukic civaṉem pirāṉeṉṟu cintaiyuḷḷē pittup perukap pitaṟṟukiṉ ṟārpiṇi tīrttaruḷāy mattat tarakkaṉ irupatu tōḷu muṭiyumellām pattuṟ ṟuṟanerit tāyemmai yāḷum pacupatiyē.

Report an error

Illustration: Verse & Place (Project-owned).