திருமுறை 1 — திருக்காட்டுப்பள்ளி · திருக்காட்டுப்பள்ளி
tirukkāṭṭuppaḷḷi
tirukkāṭṭuppaḷḷi
॥
tirukkāṭṭuppaḷḷi, from book 1 of the Tirumurai.
10 passages·Tamil with transliteration
செய்யரு கேபுனல் பாயஓங்கிச்
செங்கயல் பாயச் சிலமலர்த்தேன்
கையரு கேகனி வாழையீன்று
கானலெலாங் கமழ் காட்டுப்பள்ளிப்
பையரு கேயழல் வாயவைவாய்ப்
பாம்பணை யான்பணைத் தோளிபாகம்
மெய்யரு கேயுடை யானையுள்கி
விண்டவ ரேறுவர் மேலுலகே.
ceyyaru kēpuṉal pāyaōṅkic
ceṅkayal pāyac cilamalarttēṉ
kaiyaru kēkaṉi vāḻaiyīṉṟu
kāṉalelāṅ kamaḻ kāṭṭuppaḷḷip
paiyaru kēyaḻal vāyavaivāyp
pāmpaṇai yāṉpaṇait tōḷipākam
meyyaru kēyuṭai yāṉaiyuḷki
viṇṭava rēṟuvar mēlulakē.
திரைகளெல் லாமல ருஞ்சுமந்து
செழுமணி முத்தொடு பொன்வரன்றிக்
கரைகளெல் லாமணி சேர்ந்துரிஞ்சிக்
காவிரி கால்பொரு காட்டுப்பள்ளி
உரைகளெல் லாமுணர் வெய்திநல்ல
உத்தம ராயுயர்ந் தாருலகில்
அரவமெல் லாமரை யார்த்தசெல்வர்க்
காட்செய அல்லல் அறுக்கலாமே.
tiraikaḷel lāmala ruñcumantu
ceḻumaṇi muttoṭu poṉvaraṉṟik
karaikaḷel lāmaṇi cērnturiñcik
kāviri kālporu kāṭṭuppaḷḷi
uraikaḷel lāmuṇar veytinalla
uttama rāyuyarn tārulakil
aravamel lāmarai yārttacelvark
kāṭceya allal aṟukkalāmē.
தோலுடை யான்வண்ணப் போர்வையினான்
சுண்ணவெண் ணீறுது தைந்திலங்கு
நூலுடை யானிமை யோர்பெருமான்
நுண்ணறி வால்வழி பாடுசெய்யுங்
காலுடை யான்கரி தாயகண்டன்
காதலிக் கப்படுங் காட்டுப்பள்ளி
மேலுடை யானிமை யாதமுக்கண்
மின்னிடை யாளொடும் வேண்டினானே.
tōluṭai yāṉvaṇṇap pōrvaiyiṉāṉ
cuṇṇaveṇ ṇīṟutu taintilaṅku
nūluṭai yāṉimai yōrperumāṉ
nuṇṇaṟi vālvaḻi pāṭuceyyuṅ
kāluṭai yāṉkari tāyakaṇṭaṉ
kātalik kappaṭuṅ kāṭṭuppaḷḷi
mēluṭai yāṉimai yātamukkaṇ
miṉṉiṭai yāḷoṭum vēṇṭiṉāṉē.
சலசல சந்தகி லோடும்உந்திச்
சந்தன மேகரை சார்த்தியெங்கும்
பலபல வாய்த்தலை யார்த்துமண்டி
பாய்ந்திழி காவிரிப் பாங்கரின்வாய்
கலகல நின்றதி ருங்கழலான்
காதலிக் கப்படுங் காட்டுப்பள்ளிச்
சொலவல தொண்டர்க ளேத்தநின்ற
சூலம்வல் லான்கழல் சொல்லுவோமே.
calacala cantaki lōṭumuntic
cantaṉa mēkarai cārttiyeṅkum
palapala vāyttalai yārttumaṇṭi
pāyntiḻi kāvirip pāṅkariṉvāy
kalakala niṉṟati ruṅkaḻalāṉ
kātalik kappaṭuṅ kāṭṭuppaḷḷic
colavala toṇṭarka ḷēttaniṉṟa
cūlamval lāṉkaḻal colluvōmē.
தளையவிழ் தண்ணிற நீலம்நெய்தல்
தாமரை செங்கழு நீருமெல்லாங்
களையவி ழுங்குழ லார்கடியக்
காதலிக் கப்படுங் காட்டுப்பள்ளித்
துளைபயி லுங்குழல் யாழ்முரல
துன்னிய இன்னிசை யால்துதைந்த
அளைபயில் பாம்பரை யார்த்தசெல்வர்க்
காட்செய அல்லல் அறுக்கலாமே.
taḷaiyaviḻ taṇṇiṟa nīlamneytal
tāmarai ceṅkaḻu nīrumellāṅ
kaḷaiyavi ḻuṅkuḻa lārkaṭiyak
kātalik kappaṭuṅ kāṭṭuppaḷḷit
tuḷaipayi luṅkuḻal yāḻmurala
tuṉṉiya iṉṉicai yāltutainta
aḷaipayil pāmparai yārttacelvark
kāṭceya allal aṟukkalāmē.
முடிகையி னாற்றொடும் மோட்டுழவர்
முன்கைத் தருக்கைக் கரும்பின்கட்டிக்
கடிகையி னாலெறி காட்டுப்பள்ளி
காதல்செய் தான்கரி தாயகண்டன்
பொடியணி மேனியி னானையுள்கிப்
போதொடு நீர்சுமந் தேத்திமுன்னின்
றடிகையி னாற்றொழ வல்லதொண்டர்
அருவினை யைத்துரந் தாட்செய்வாரே.
muṭikaiyi ṉāṟṟoṭum mōṭṭuḻavar
muṉkait tarukkaik karumpiṉkaṭṭik
kaṭikaiyi ṉāleṟi kāṭṭuppaḷḷi
kātalcey tāṉkari tāyakaṇṭaṉ
poṭiyaṇi mēṉiyi ṉāṉaiyuḷkip
pōtoṭu nīrcuman tēttimuṉṉiṉ
ṟaṭikaiyi ṉāṟṟoḻa vallatoṇṭar
aruviṉai yaitturan tāṭceyvārē.
பிறையுடை யான்பெரி யோர்கள்பெம்மான்
பெய்கழல் நாடொறும் பேணியேத்த
மறையுடை யான்மழு வாளுடையான்
வார்தரு மால்கடல் நஞ்சமுண்ட
கறையுடை யான்கன லாடுகண்ணாற்
காமனைக் காய்ந்தவன் காட்டுப்பள்ளிக்
குறையுடை யான்குறட் பூதச்செல்வன்
குரைகழ லேகைகள் கூப்பினோமே.
piṟaiyuṭai yāṉperi yōrkaḷpemmāṉ
peykaḻal nāṭoṟum pēṇiyētta
maṟaiyuṭai yāṉmaḻu vāḷuṭaiyāṉ
vārtaru mālkaṭal nañcamuṇṭa
kaṟaiyuṭai yāṉkaṉa lāṭukaṇṇāṟ
kāmaṉaik kāyntavaṉ kāṭṭuppaḷḷik
kuṟaiyuṭai yāṉkuṟaṭ pūtaccelvaṉ
kuraikaḻa lēkaikaḷ kūppiṉōmē.
செற்றவர் தம்அர ணம்மவற்றைச்
செவ்வழல் வாயெரி யூட்டிநின்றுங்
கற்றவர் தாந்தொழு தேத்தநின்றான்
காதலிக் கப்படுங் காட்டுப்பள்ளி
உற்றவர் தாமுணர் வெய்திநல்ல
உம்பருள் ளார்தொழு தேத்தநின்ற
பெற்றம ரும்பெரு மானையல்லால்
பேசுவதும் மற்றோர் பேச்சிலோமே.
ceṟṟavar tamara ṇammavaṟṟaic
cevvaḻal vāyeri yūṭṭiniṉṟuṅ
kaṟṟavar tāntoḻu tēttaniṉṟāṉ
kātalik kappaṭuṅ kāṭṭuppaḷḷi
uṟṟavar tāmuṇar veytinalla
umparuḷ ḷārtoḻu tēttaniṉṟa
peṟṟama rumperu māṉaiyallāl
pēcuvatum maṟṟōr pēccilōmē.
ஒண்டுவ ரார்துகி லாடைமெய்போர்த்
துச்சிகொ ளாமையுண் டேயுரைக்குங்
குண்டர்க ளோடரைக் கூறையில்லார்
கூறுவ தாங்குண மல்லகண்டீர்
அண்டம றையவன் மாலுங்காணா
ஆதியி னானுறை காட்டுப்பள்ளி
வண்டம ரும்மலர்க் கொன்றைமாலை
வார்சடை யான்கழல் வாழ்த்துவோமே.
oṇṭuva rārtuki lāṭaimeypōrt
tucciko ḷāmaiyuṇ ṭēyuraikkuṅ
kuṇṭarka ḷōṭaraik kūṟaiyillār
kūṟuva tāṅkuṇa mallakaṇṭīr
aṇṭama ṟaiyavaṉ māluṅkāṇā
ātiyi ṉāṉuṟai kāṭṭuppaḷḷi
vaṇṭama rummalark koṉṟaimālai
vārcaṭai yāṉkaḻal vāḻttuvōmē.
பொன்னியல் தாமரை நீலம்நெய்தல்
போதுக ளாற்பொலி வெய்துபொய்கைக்
கன்னியர் தாங்குடை காட்டுப்பள்ளிக்
காதல னைக்கடற் காழியர்கோன்
துன்னிய இன்னிசை யாற்றுதைந்து
சொல்லிய ஞானசம் பந்தன்நல்ல
தன்னிசை யாற்சொன்ன மாலைபத்துந்
தாங்கவல் லார்புகழ் தாங்குவாரே.
poṉṉiyal tāmarai nīlamneytal
pōtuka ḷāṟpoli veytupoykaik
kaṉṉiyar tāṅkuṭai kāṭṭuppaḷḷik
kātala ṉaikkaṭaṟ kāḻiyarkōṉ
tuṉṉiya iṉṉicai yāṟṟutaintu
colliya ñāṉacam pantaṉnalla
taṉṉicai yāṟcoṉṉa mālaipattun
tāṅkaval lārpukaḻ tāṅkuvārē.
Keys: ← → turn the page, J K step through the verses.
Illustration: Verse & Place (Project-owned).