திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 5 — திருச்சோற்றுத்துறை - திருக்குறுந்தொகை · திருச்சோற்றுத்துறை - திருக்குறுந்தொகை
tiruccōṟṟuttuṟai - tirukkuṟuntokai
tiruccōṟṟuttuṟai - tirukkuṟuntokai, from book 5 of the Tirumurai.
11 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
கொல்லை யேற்றினர் கோளர வத்தினர் தில்லைச் சிற்றம் பலத்துறைச் செல்வனார் தொல்லை யூழியர் சோற்றுத் துறையர்க்கே வல்லை யாய்ப்பணி செய்மட நெஞ்சமே.
kollai yēṟṟiṉar kōḷara vattiṉar tillaic ciṟṟam palattuṟaic celvaṉār tollai yūḻiyar cōṟṟut tuṟaiyarkkē vallai yāyppaṇi ceymaṭa neñcamē.
முத்தி யாக வொருதவஞ் செய்திலை அத்தி யாலடி யார்க்கொன் றளித்திலை தொத்து நின்றலர் சோற்றுத் துறையர்க்கே பத்தி யாய்ப்பணி செய்மட நெஞ்சமே.
mutti yāka vorutavañ ceytilai atti yālaṭi yārkkoṉ ṟaḷittilai tottu niṉṟalar cōṟṟut tuṟaiyarkkē patti yāyppaṇi ceymaṭa neñcamē.
ஒட்டி நின்ற உடலுறு நோய்வினை கட்டி நின்ற கழிந்தவை போயறத் தொட்டு நின்றுமச் சோற்றுத் துறையர்க்கே பட்டி யாய்ப்பணி செய்மட நெஞ்சமே.
oṭṭi niṉṟa uṭaluṟu nōyviṉai kaṭṭi niṉṟa kaḻintavai pōyaṟat toṭṭu niṉṟumac cōṟṟut tuṟaiyarkkē paṭṭi yāyppaṇi ceymaṭa neñcamē.
ஆதி யானண்ட வாணர்க் கருள்நல்கு நீதி யானென்றும் நின்மல னேயென்றுஞ் சோதி யானென்றுஞ் சோற்றுத் துறையர்க்கே வாதி யாய்ப்பணி செய்மட நெஞ்சமே.
āti yāṉaṇṭa vāṇark karuḷnalku nīti yāṉeṉṟum niṉmala ṉēyeṉṟuñ cōti yāṉeṉṟuñ cōṟṟut tuṟaiyarkkē vāti yāyppaṇi ceymaṭa neñcamē.
ஆட்டி னாயடி யேன்வினை யாயின ஓட்டி னாயொரு காதில் இலங்குவெண் தோட்டி னாயென்று சோற்றுத் துறையர்க்கே நீட்டி நீபணி செய்மட நெஞ்சமே.
āṭṭi ṉāyaṭi yēṉviṉai yāyiṉa ōṭṭi ṉāyoru kātil ilaṅkuveṇ tōṭṭi ṉāyeṉṟu cōṟṟut tuṟaiyarkkē nīṭṭi nīpaṇi ceymaṭa neñcamē.
பொங்கி நின்றெழுந் தகடல் நஞ்சினைப் பங்கி யுண்டதோர் தெய்வமுண் டோ சொலாய் தொங்கி நீயென்றுஞ் சோற்றுத் துறையர்க்குத் தங்கி நீபணி செய்மட நெஞ்சமே.
poṅki niṉṟeḻun takaṭal nañciṉaip paṅki yuṇṭatōr teyvamuṇ ṭō colāy toṅki nīyeṉṟuñ cōṟṟut tuṟaiyarkkut taṅki nīpaṇi ceymaṭa neñcamē.
ஆணி போலநீ ஆற்ற வலியைகாண் ஏணி போலிழிந் தேறியும் ஏங்கியுந் தோணி யாகிய சோற்றுத் துறையர்க்கே பூணி யாய்ப்பணி செய்மட நெஞ்சமே.
āṇi pōlanī āṟṟa valiyaikāṇ ēṇi pōliḻin tēṟiyum ēṅkiyun tōṇi yākiya cōṟṟut tuṟaiyarkkē pūṇi yāyppaṇi ceymaṭa neñcamē.
பெற்றம் ஏறிலென் பேய்படை யாகிலென் புற்றி லாடர வேயது பூணிலென் சுற்றி நீயென்றுஞ் சோற்றுத் துறையர்க்கே பற்றி நீபணி செய்மட நெஞ்சமே.
peṟṟam ēṟileṉ pēypaṭai yākileṉ puṟṟi lāṭara vēyatu pūṇileṉ cuṟṟi nīyeṉṟuñ cōṟṟut tuṟaiyarkkē paṟṟi nīpaṇi ceymaṭa neñcamē.
அல்லி யானர வைந்தலை நாகணைப் பள்ளி யானறி யாத பரிசெலாஞ் சொல்லி நீயென்றுஞ் சோற்றுத் துறையர்க்கே புல்லி நீபணி செய்மட நெஞ்சமே.
alli yāṉara vaintalai nākaṇaip paḷḷi yāṉaṟi yāta paricelāñ colli nīyeṉṟuñ cōṟṟut tuṟaiyarkkē pulli nīpaṇi ceymaṭa neñcamē.
மிண்ட ரோடு விரவியும் வீறிலாக் குண்டர் தம்மைக் கழிந்துய்யப் போந்துநீ தொண்டு செய்தென்றுஞ் சோற்றுத் துறையர்க்கே உண்டு நீபணி செய்மட நெஞ்சமே.
miṇṭa rōṭu viraviyum vīṟilāk kuṇṭar tammaik kaḻintuyyap pōntunī toṇṭu ceyteṉṟuñ cōṟṟut tuṟaiyarkkē uṇṭu nīpaṇi ceymaṭa neñcamē.
வாழ்ந்த வன்வலி வாளரக் கன்றனை ஆழ்ந்து போயல றவ்விர லூன்றினான் சூழ்ந்த பாரிடஞ் சோற்றுத் துறையர்க்குத் தாழ்ந்து நீபணி செய்மட நெஞ்சமே.
vāḻnta vaṉvali vāḷarak kaṉṟaṉai āḻntu pōyala ṟavvira lūṉṟiṉāṉ cūḻnta pāriṭañ cōṟṟut tuṟaiyarkkut tāḻntu nīpaṇi ceymaṭa neñcamē.
Keys: ← → turn the page, J K step through the verses.
Illustration: Verse & Place (Project-owned).