திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 5 — திருமருகல் - திருக்குறுந்தொகை · திருமருகல் - திருக்குறுந்தொகை
tirumarukal - tirukkuṟuntokai
tirumarukal - tirukkuṟuntokai, from book 5 of the Tirumurai.
10 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
பெருக லாந்தவம் பேதைமை தீரலாந் திருக லாகிய சிந்தை திருத்தலாம் பருக லாம்பர மாயதோ ரானந்தம் மருக லானடி வாழ்த்தி வணங்கவே.
peruka lāntavam pētaimai tīralān tiruka lākiya cintai tiruttalām paruka lāmpara māyatō rāṉantam maruka lāṉaṭi vāḻtti vaṇaṅkavē.
பாடங் கொள்பனு வற்றிறங் கற்றுப்போய் நாடங் குள்ளன தட்டிய நாணிலீர் மாடஞ் சூழ்மரு கற்பெரு மான்றிரு வேடங் கைதொழ வீடெளி தாகுமே.
pāṭaṅ koḷpaṉu vaṟṟiṟaṅ kaṟṟuppōy nāṭaṅ kuḷḷaṉa taṭṭiya nāṇilīr māṭañ cūḻmaru kaṟperu māṉṟiru vēṭaṅ kaitoḻa vīṭeḷi tākumē.
சினத்தி னால்வருஞ் செய்தொழி லாமவை அனைத்தும் நீங்கிநின் றாதர வாய்மிக மனத்தி னால்மரு கற்பெரு மான்றிறம் நினைப்பி னார்க்கில்லை நீணில வாழ்க்கையே.
ciṉatti ṉālvaruñ ceytoḻi lāmavai aṉaittum nīṅkiniṉ ṟātara vāymika maṉatti ṉālmaru kaṟperu māṉṟiṟam niṉaippi ṉārkkillai nīṇila vāḻkkaiyē.
ஓது பைங்கிளிக் கொண்பால் அமுதூட்டிப் பாது காத்துப் பலபல கற்பித்து மாது தான்மரு கற்பெரு மானுக்குத் தூது சொல்ல விடத்தான் தொடங்குமே.
ōtu paiṅkiḷik koṇpāl amutūṭṭip pātu kāttup palapala kaṟpittu mātu tāṉmaru kaṟperu māṉukkut tūtu colla viṭattāṉ toṭaṅkumē.
இன்ன வாறென்ப துண்டறி யேனின்று துன்னு கைவளை சோரக்கண் நீர்மல்கும் மன்னு தென்மரு கற்பெரு மான்றிறம் உன்னி யொண்கொடி உள்ள முருகுமே.
iṉṉa vāṟeṉpa tuṇṭaṟi yēṉiṉṟu tuṉṉu kaivaḷai cōrakkaṇ nīrmalkum maṉṉu teṉmaru kaṟperu māṉṟiṟam uṉṉi yoṇkoṭi uḷḷa murukumē.
சங்கு சோரக் கலையுஞ் சரியவே மங்கை தான்மரு கற்பெரு மான்வரும் அங்க வீதி அருகணை யாநிற்கும் நங்கை மீரிதற் கென்செய்கேன் நாளுமே.
caṅku cōrak kalaiyuñ cariyavē maṅkai tāṉmaru kaṟperu māṉvarum aṅka vīti arukaṇai yāniṟkum naṅkai mīritaṟ keṉceykēṉ nāḷumē.
காட்சி பெற்றில ளாகிலுங் காதலே மீட்சி யொன்றறி யாது மிகுவதே மாட்சி யார்மரு கற்பெரு மானுக்குத் தாழ்ச்சி சாலவுண் டாகுமென் தையலே.
kāṭci peṟṟila ḷākiluṅ kātalē mīṭci yoṉṟaṟi yātu mikuvatē māṭci yārmaru kaṟperu māṉukkut tāḻcci cālavuṇ ṭākumeṉ taiyalē.
நீடு நெஞ்சுள் நினைந்துகண் ணீர்மல்கும் ஓடு மாலினோ டொண்கொடி மாதராள் மாட நீண்மரு கற்பெரு மான்வரிற் கூடு நீயென்று கூட லிழைக்குமே.
nīṭu neñcuḷ niṉaintukaṇ ṇīrmalkum ōṭu māliṉō ṭoṇkoṭi mātarāḷ māṭa nīṇmaru kaṟperu māṉvariṟ kūṭu nīyeṉṟu kūṭa liḻaikkumē.
கந்த வார்குழல் கட்டிலள் காரிகை அந்தி மால்விடை யோடுமன் பாய்மிக வந்தி டாய்மரு கற்பெரு மானென்று சிந்தை செய்து திகைத்திடுங் காண்மினே.
kanta vārkuḻal kaṭṭilaḷ kārikai anti mālviṭai yōṭumaṉ pāymika vanti ṭāymaru kaṟperu māṉeṉṟu cintai ceytu tikaittiṭuṅ kāṇmiṉē.
ஆதி மாமலை அன்றெடுத் தானிற்றுச் சோதி யென்றலுந் தொல்லருள் செய்திடும் ஆதி யான்மரு கற்பெரு மான்றிறம் ஓதி வாழ்பவர் உம்பர்க்கும் உம்பரே.
āti māmalai aṉṟeṭut tāṉiṟṟuc cōti yeṉṟalun tollaruḷ ceytiṭum āti yāṉmaru kaṟperu māṉṟiṟam ōti vāḻpavar umparkkum umparē.
Keys: ← → turn the page, J K step through the verses.
Illustration: Verse & Place (Project-owned).