திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 7 — திருநாவலூர் · திருநாவலூர்
tirunāvalūr
tirunāvalūr, from book 7 of the Tirumurai.
11 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
கோவலன் நான்முகன் வானவர் கோனுங்குற் றேவல்செய்ய மேவலர் முப்புரந் தீயெழு வித்தவன் ஓரம்பினால் ஏவல னார்வெண்ணெய் நல்லூரில் வைத்தெனை யாளுங்கொண்ட நாவல னார்க்கிட மாவது நந்திரு நாவலூரே.
kōvalaṉ nāṉmukaṉ vāṉavar kōṉuṅkuṟ ṟēvalceyya mēvalar muppuran tīyeḻu vittavaṉ ōrampiṉāl ēvala ṉārveṇṇey nallūril vaitteṉai yāḷuṅkoṇṭa nāvala ṉārkkiṭa māvatu nantiru nāvalūrē.
தன்மையி னாலடி யேனைத்தாம் ஆட்கொண்ட நாட்சபைமுன் வன்மைகள் பேசிட வன்றொண்டன் என்பதோர் வாழ்வுதந்தார் புன்மைகள் பேசவும் பொன்னைத்தந் தென்னைப்போ கம்புணர்த்த நன்மையி னார்க்கிட மாவது நந்திரு நாவலூரே.
taṉmaiyi ṉālaṭi yēṉaittām āṭkoṇṭa nāṭcapaimuṉ vaṉmaikaḷ pēciṭa vaṉṟoṇṭaṉ eṉpatōr vāḻvutantār puṉmaikaḷ pēcavum poṉṉaittan teṉṉaippō kampuṇartta naṉmaiyi ṉārkkiṭa māvatu nantiru nāvalūrē.
வேகங்கொண் டோ டிய வெள்விடை ஏறியோர் மெல்லியலை ஆகங்கொண் டார்வெண்ணெய் நல்லூரில் வைத்தெனை ஆளுங்கொண்டார் போகங்கொண் டார்கடற் கோடியின் மோடியைப் பூண்பதாக நாகங்கொண் டார்க்கிட மாவது நந்திரு நாவலூரே.
vēkaṅkoṇ ṭō ṭiya veḷviṭai ēṟiyōr melliyalai ākaṅkoṇ ṭārveṇṇey nallūril vaitteṉai āḷuṅkoṇṭār pōkaṅkoṇ ṭārkaṭaṟ kōṭiyiṉ mōṭiyaip pūṇpatāka nākaṅkoṇ ṭārkkiṭa māvatu nantiru nāvalūrē.
அஞ்சுங்கொண் டாடுவர் ஆவினிற் சேவினை ஆட்சிகொண்டார் தஞ்சங்கொண் டாரடிச் சண்டியைத் தாமென வைத்துகந்தார் நெஞ்சங்கொண் டார்வெண்ணெய் நல்லூரில் வைத்தெனை ஆளுங்கொண்டு நஞ்சங்கொண் டார்க்கிட மாவது நந்திரு நாவலூரே.
añcuṅkoṇ ṭāṭuvar āviṉiṟ cēviṉai āṭcikoṇṭār tañcaṅkoṇ ṭāraṭic caṇṭiyait tāmeṉa vaittukantār neñcaṅkoṇ ṭārveṇṇey nallūril vaitteṉai āḷuṅkoṇṭu nañcaṅkoṇ ṭārkkiṭa māvatu nantiru nāvalūrē.
உம்பரார் கோனைத்திண் டோ ள்முரித் தாருரித் தார்களிற்றைச் செம்பொனார் தீவண்ணர் தூவண்ண நீற்றரோர் ஆவணத்தால் எம்பிரா னார்வெண்ணெய் நல்லூரில் வைத்தெனை ஆளுங்கொண்ட நம்பிரா னார்க்கிட மாவது நந்திரு நாவலூரே.
umparār kōṉaittiṇ ṭō ḷmurit tārurit tārkaḷiṟṟaic cempoṉār tīvaṇṇar tūvaṇṇa nīṟṟarōr āvaṇattāl empirā ṉārveṇṇey nallūril vaitteṉai āḷuṅkoṇṭa nampirā ṉārkkiṭa māvatu nantiru nāvalūrē.
கோட்டங்கொண் டார்குட மூக்கிலுங் கோவலுங் கோத்திட்டையும் வேட்டங்கொண் டார்வெண்ணெய் நல்லூரில் வைத்தெனை ஆளுங்கொண்டார் ஆட்டங்கொண் டார்தில்லைச் சிற்றம் பலத்தே அருக்கனைமுன் நாட்டங்கொண் டார்க்கிட மாவது நந்திரு நாவலூரே.
kōṭṭaṅkoṇ ṭārkuṭa mūkkiluṅ kōvaluṅ kōttiṭṭaiyum vēṭṭaṅkoṇ ṭārveṇṇey nallūril vaitteṉai āḷuṅkoṇṭār āṭṭaṅkoṇ ṭārtillaic ciṟṟam palattē arukkaṉaimuṉ nāṭṭaṅkoṇ ṭārkkiṭa māvatu nantiru nāvalūrē.
தாயவ ளாய்த்தந்தை யாகிச் சாதல் பிறத்தலின்றிப் போயக லாமைத்தன் பொன்னடிக் கென்னைப் பொருந்தவைத்த வேயவ னார்வெண்ணெய் நல்லூரில் வைத்தெனை ஆளுங்கொண்ட நாயக னார்க்கிட மாவது நந்திரு நாவலூரே.
tāyava ḷāyttantai yākic cātal piṟattaliṉṟip pōyaka lāmaittaṉ poṉṉaṭik keṉṉaip poruntavaitta vēyava ṉārveṇṇey nallūril vaitteṉai āḷuṅkoṇṭa nāyaka ṉārkkiṭa māvatu nantiru nāvalūrē.
வாயாடி மாமறை ஓதியோர் வேதிய னாகிவந்து தீயாடி யார்சினக் கேழலின் பின்சென்றோர் வேடுவனாய் வேயாடி யார்வெண்ணெய் நல்லூரில் வைத்தெனை ஆளுங்கொண்ட நாயாடி யார்க்கிட மாவது நந்திரு நாவலூரே.
vāyāṭi māmaṟai ōtiyōr vētiya ṉākivantu tīyāṭi yārciṉak kēḻaliṉ piṉceṉṟōr vēṭuvaṉāy vēyāṭi yārveṇṇey nallūril vaitteṉai āḷuṅkoṇṭa nāyāṭi yārkkiṭa māvatu nantiru nāvalūrē.
படமாடு பாம்பணை யானுக்கும் பாவைநல் லாள்தனக்கும் வடமாடு மால்விடை ஏற்றுக்கும் பாகனாய் வந்தொருநாள் இடமாடி யார்வெண்ணெய் நல்லூரில் வைத்தெனை ஆளுங்கொண்ட நடமாடி யார்க்கிட மாவது நந்திரு நாவலூரே.
paṭamāṭu pāmpaṇai yāṉukkum pāvainal lāḷtaṉakkum vaṭamāṭu mālviṭai ēṟṟukkum pākaṉāy vantorunāḷ iṭamāṭi yārveṇṇey nallūril vaitteṉai āḷuṅkoṇṭa naṭamāṭi yārkkiṭa māvatu nantiru nāvalūrē.
மிடுக்குண்டென் றோடியோர் வெற்பெடுத் தான்வலி யைநெரித்தார் அடக்கங்கொண் டாவணங் காட்டிநல் வெண்ணெயூர் ஆளுங்கொண்டார் தடுக்கவொண் ணாததோர் வேழத்தி னையுரித் திட்டுமையை நடுக்கங்கண் டார்க்கிட மாவது நந்திரு நாவலூரே.
miṭukkuṇṭeṉ ṟōṭiyōr veṟpeṭut tāṉvali yainerittār aṭakkaṅkoṇ ṭāvaṇaṅ kāṭṭinal veṇṇeyūr āḷuṅkoṇṭār taṭukkavoṇ ṇātatōr vēḻatti ṉaiyurit tiṭṭumaiyai naṭukkaṅkaṇ ṭārkkiṭa māvatu nantiru nāvalūrē.
நாதனுக் கூர்நமக் கூர்நர சிங்க முனையரையன் ஆதரித் தீசனுக் காட்செயும் ஊரணி நாவலூரென் றோதநற் றக்கவன் றொண்டனா ரூரன் உரைத்ததமிழ் காதலித் துங்கற்றுங் கேட்பவர் தம்வினை கட்டறுமே.
nātaṉuk kūrnamak kūrnara ciṅka muṉaiyaraiyaṉ ātarit tīcaṉuk kāṭceyum ūraṇi nāvalūreṉ ṟōtanaṟ ṟakkavaṉ ṟoṇṭaṉā rūraṉ uraittatamiḻ kātalit tuṅkaṟṟuṅ kēṭpavar tamviṉai kaṭṭaṟumē.
Keys: ← → turn the page, J K step through the verses.
Illustration: Verse & Place (Project-owned).