வளைந்தது வில்லு விளைந்தது பூசல் உளைந்தன முப்புரம் உந்தீபற ஒருங்குடன் வெந்தவா றுந்தீபற.
vaḷaintatu villu viḷaintatu pūcal uḷaintaṉa muppuram untīpaṟa oruṅkuṭaṉ ventavā ṟuntīpaṟa.
திருமுறை 8 — திருஉந்தியார் - ஞான வெற்றி · திருஉந்தியார் - ஞான வெற்றி
tiruuntiyār - ñāṉa veṟṟi
tiruuntiyār - ñāṉa veṟṟi, from book 8 of the Tirumurai.
20 passagesTamil with transliteration
வளைந்தது வில்லு விளைந்தது பூசல் உளைந்தன முப்புரம் உந்தீபற ஒருங்குடன் வெந்தவா றுந்தீபற.
vaḷaintatu villu viḷaintatu pūcal uḷaintaṉa muppuram untīpaṟa oruṅkuṭaṉ ventavā ṟuntīpaṟa.
ஈரம்பு கண்டிலம் ஏகம்பர் தங்கையில் ஓரம்பே முப்புரம் உந்தீபற ஒன்றும் பெருமிகை உந்தீபற.
īrampu kaṇṭilam ēkampar taṅkaiyil ōrampē muppuram untīpaṟa oṉṟum perumikai untīpaṟa.
தச்சு விடுத்தலும் தாமடி யிட்டலும் அச்சு முறிந்ததென் றுந்தீபற அழந்தன முப்புரம் உந்தீபற.
taccu viṭuttalum tāmaṭi yiṭṭalum accu muṟintateṉ ṟuntīpaṟa aḻantaṉa muppuram untīpaṟa.
உய்யவல் லாரெரு மூவரைக் காவல்கொண் டெய்யவல் லானுக்கே உந்தீபற இளமுலை பங்கனென் றுந்தீபற.
uyyaval lāreru mūvaraik kāvalkoṇ ṭeyyaval lāṉukkē untīpaṟa iḷamulai paṅkaṉeṉ ṟuntīpaṟa.
சாடிய வேள்வி சரிந்திடத் தேவர்கள் ஓடிய வாபாடி உந்தீபற உருந்திர நாதனுக் குந்தீபற.
cāṭiya vēḷvi carintiṭat tēvarkaḷ ōṭiya vāpāṭi untīpaṟa uruntira nātaṉuk kuntīpaṟa.
ஆவா திருமால் அவிப்பாகங் கொண்டன்று சாவா திருந்தானென் று தீபற சதுர்முகன் தாதையென் றுந்தீபற.
āvā tirumāl avippākaṅ koṇṭaṉṟu cāvā tiruntāṉeṉ ṟu tīpaṟa caturmukaṉ tātaiyeṉ ṟuntīpaṟa.
வெய்யவன் அங்கி விழுங்கத்திரட்டிய கையைத் தறித்தானென் றுந்தீபற கலங்கிற்று வேள்வியென் றுந்தீபற.
veyyavaṉ aṅki viḻuṅkattiraṭṭiya kaiyait taṟittāṉeṉ ṟuntīpaṟa kalaṅkiṟṟu vēḷviyeṉ ṟuntīpaṟa.
பார்ப்பதி யைப்பகை சாற்றிய தக்கனைப் பார்ப்பதென் னேயேடி யந்தீபற பணைமுலை பாகனுக் குந்தீபற.
pārppati yaippakai cāṟṟiya takkaṉaip pārppateṉ ṉēyēṭi yantīpaṟa paṇaimulai pākaṉuk kuntīpaṟa.
புரந்தர னாரொரு பூங்குயி லாகி மரந்தனி லேறினார் உந்தீபற வானவர் கோனென்றே உந்தீபற.
purantara ṉāroru pūṅkuyi lāki marantaṉi lēṟiṉār untīpaṟa vāṉavar kōṉeṉṟē untīpaṟa.
வெஞ்சின வேள்வி வியாத்திர னார்தலை துஞ்சிய வாபாடி உந்தீபற தொடர்ந்த பிறப்பற உந்தீபற.
veñciṉa vēḷvi viyāttira ṉārtalai tuñciya vāpāṭi untīpaṟa toṭarnta piṟappaṟa untīpaṟa.
ஆட்டின் தலையை விதிக்குத் தலையாகக் கூட்டிய வாபாடி உந்தீபற கொங்கை குலுங்கிநின் றுந்தீபற.
āṭṭiṉ talaiyai vitikkut talaiyākak kūṭṭiya vāpāṭi untīpaṟa koṅkai kuluṅkiniṉ ṟuntīpaṟa.
உண்ணப் புகுந்த பகனொளிந் தோடாமே கண்ணைப் பறித்தவா றுந்தீபற கருக்கெட நாமெல்லாம் உந்தீபற.
uṇṇap pukunta pakaṉoḷin tōṭāmē kaṇṇaip paṟittavā ṟuntīpaṟa karukkeṭa nāmellām untīpaṟa.
நாமகள் நாசி சிரம்மி மன்படச் சோமன் முகன் நெரித் துந்தீபற தொல்லை வினைகெட உந்தீபற.
nāmakaḷ nāci cirammi maṉpaṭac cōmaṉ mukaṉ nerit tuntīpaṟa tollai viṉaikeṭa untīpaṟa.
நான்மறை யோனும் அகத்திய மான்படப் போம்வழி தேடுமா றுந்தீபற புரந்தரன் வேள்வியி லுந்தீபற.
nāṉmaṟai yōṉum akattiya māṉpaṭap pōmvaḻi tēṭumā ṟuntīpaṟa purantaraṉ vēḷviyi luntīpaṟa.
சூரிய னார்தொண்டை வாயினிற் பற்களை வாரி நெரித்தவா றுந்தீபற மயங்கிற்று வேள்வியென் றுந்தீபற.
cūriya ṉārtoṇṭai vāyiṉiṟ paṟkaḷai vāri nerittavā ṟuntīpaṟa mayaṅkiṟṟu vēḷviyeṉ ṟuntīpaṟa.
தக்கனா ரன்றே தலையிழந் தார்தக்கன் மக்களைச் சூழநின் றுந்தீபற மடிந்தது வேள்வியென் றுந்தீபற.
takkaṉā raṉṟē talaiyiḻan tārtakkaṉ makkaḷaic cūḻaniṉ ṟuntīpaṟa maṭintatu vēḷviyeṉ ṟuntīpaṟa.
பாலக னார்க்கன்று பாற்கடல் ஈந்திட்ட கோலச் சடையற்கே யந்தீபற குமரன்தன் தாதைக்கே உந்தீபற.
pālaka ṉārkkaṉṟu pāṟkaṭal īntiṭṭa kōlac caṭaiyaṟkē yantīpaṟa kumaraṉtaṉ tātaikkē untīpaṟa.
நல்ல மலரின்மேல் நான்முக னார்தலை ஒல்லை யரிந்ததென் றுந்தீபற உகிரால் அரிந்ததென் றுந்தீபற.
nalla malariṉmēl nāṉmuka ṉārtalai ollai yarintateṉ ṟuntīpaṟa ukirāl arintateṉ ṟuntīpaṟa.
தேரை நிறுத்தி மலையெடுத் தான்சிரம் ஈரைந்தும் இற்றவா றுந்தீபற இறுபதும் இற்றதென் றுந்தீபற.
tērai niṟutti malaiyeṭut tāṉciram īraintum iṟṟavā ṟuntīpaṟa iṟupatum iṟṟateṉ ṟuntīpaṟa.
ஏகாசமிட்ட இருடிகள் போகாமல் ஆகாசங்காவலென் றுந்தீபற அதற்கப்பாலுங் காவலென் றுந்தீபற.
ēkācamiṭṭa iruṭikaḷ pōkāmal ākācaṅkāvaleṉ ṟuntīpaṟa ataṟkappāluṅ kāvaleṉ ṟuntīpaṟa.
Keys: ← → turn the page, J K step through the verses.
Illustration: Verse & Place (Project-owned).