Skip to content

திருமுறை 8 — கண்டபத்து - நிருத்த தரிசனம் · கண்டபத்து - நிருத்த தரிசனம்

kaṇṭapattu - nirutta taricaṉam

kaṇṭapattu - nirutta taricaṉam

kaṇṭapattu - nirutta taricaṉam, from book 8 of the Tirumurai.

10 passagesTamil with transliteration

An oil lamp beneath an arch for book 8 of the Tirumurai.

இந்திரிய வயமயங்கி இறப்பதற்கே காரணமாய் அந்தரமே திரிந்துபோய் அருநகரில் வீழ்வேற்குச் சிந்தைதனைத் தெளிவித்துச் சிவமாக்கி எனையாண்ட அந்தமிலா ஆனந்தம் அணிகொள் தில்லை கண்டேனே.

intiriya vayamayaṅki iṟappataṟkē kāraṇamāy antaramē tirintupōy arunakaril vīḻvēṟkuc cintaitaṉait teḷivittuc civamākki eṉaiyāṇṭa antamilā āṉantam aṇikoḷ tillai kaṇṭēṉē.

Report an error

வினைப்பிறவி என்கின்ற வேதனையில் அகப்பட்டுத் தனைச்சிறுதும் நினையாதே தளர்வெய்திக் கிடப்பேனை எனைப்பெரிதும் ஆட்கொண்டேன் பிறப்பறுத்த இணையிலியை அனைத்துலகுந் தொழுந்தில்லை அம்பலத்தே கண்டேனே.

viṉaippiṟavi eṉkiṉṟa vētaṉaiyil akappaṭṭut taṉaicciṟutum niṉaiyātē taḷarveytik kiṭappēṉai eṉaipperitum āṭkoṇṭēṉ piṟappaṟutta iṇaiyiliyai aṉaittulakun toḻuntillai ampalattē kaṇṭēṉē.

Report an error

உருத்தெரியாக் காலத்தே உள்புகுந்தென் உளம்மன்னிக் கருத்திருத்தி ஊன்புக்குக் கருணையினால் ஆண்டுகொண்ட திருத்திருத்தி மேயானைத் தித்திக்குஞ் சிவபதத்தை அருத்தியினால் நாயடியேன் அணிகொள்தில்லை கண்டேனே.

urutteriyāk kālattē uḷpukunteṉ uḷammaṉṉik karuttirutti ūṉpukkuk karuṇaiyiṉāl āṇṭukoṇṭa tiruttirutti mēyāṉait tittikkuñ civapatattai aruttiyiṉāl nāyaṭiyēṉ aṇikoḷtillai kaṇṭēṉē.

Report an error

கல்லாத புல்லறிவிற் கடைப்பட்ட நாயேனை வல்லாகி னாய்வந்து வனப்பெய்தி யிருக்கும் வண்ணம் பல்லோருங் காண என்றன் பசுபாசம் அறுத்தானை எல்லோரும் இறைஞ்சுதில்லை அம்பலத்தே கண்டேனே.

kallāta pullaṟiviṟ kaṭaippaṭṭa nāyēṉai vallāki ṉāyvantu vaṉappeyti yirukkum vaṇṇam pallōruṅ kāṇa eṉṟaṉ pacupācam aṟuttāṉai ellōrum iṟaiñcutillai ampalattē kaṇṭēṉē.

Report an error

சாதிகுலம் பிறப்பென்னுஞ் சுழிப்பட்டுத் தடுமாறும் ஆதமிலி நாயேனை அல்லலுறுந் தாட்கொண்டு பேதைகுணம் பிறருருவம் யானெனதென் னுரைமாய்த்துக் கோதிலமு தானானைக் குலாவுதில்லை கண்டேனே.

cātikulam piṟappeṉṉuñ cuḻippaṭṭut taṭumāṟum ātamili nāyēṉai allaluṟun tāṭkoṇṭu pētaikuṇam piṟaruruvam yāṉeṉateṉ ṉuraimāyttuk kōtilamu tāṉāṉaik kulāvutillai kaṇṭēṉē.

Report an error

பிறவிதனை அறமாற்றிப் பிணிமூப்பென் றிவையிரண்டும் உறவினொடும் ஒழியச்சென் றுலகுடைய ஒருமுதலைச் செறிபொழில்சூழ் தில்லைநகர்த் திருச்சிற்றம்பலம் மன்னி மறையவரும் வானவரும் வணங்கிடநான் கண்டேனே.

piṟavitaṉai aṟamāṟṟip piṇimūppeṉ ṟivaiyiraṇṭum uṟaviṉoṭum oḻiyacceṉ ṟulakuṭaiya orumutalaic ceṟipoḻilcūḻ tillainakart tirucciṟṟampalam maṉṉi maṟaiyavarum vāṉavarum vaṇaṅkiṭanāṉ kaṇṭēṉē.

Report an error

பத்திமையும் பரிசுமிலாப் பசுபாசம் அறுத்தருளிப் பித்தனிவன் எனஎன்னை ஆக்குவித்துப் பேராமே சித்தமெனுந் திண்கயிற்றால் திருப்பாதங் கட்டுவித்த வித்தகனார் வினையாடல் விளங்குதில்லை கண்டேனே.

pattimaiyum paricumilāp pacupācam aṟuttaruḷip pittaṉivaṉ eṉaeṉṉai ākkuvittup pērāmē cittameṉun tiṇkayiṟṟāl tiruppātaṅ kaṭṭuvitta vittakaṉār viṉaiyāṭal viḷaṅkutillai kaṇṭēṉē.

Report an error

அளவிலாப் பாவகத்தால் அமுக்குண்டிங் கறிவின்றி விளைவொன்றும் அறியாதே வெறுவியனாய்க் கிடப்பேனுக்கு அளவிலா ஆனந்தம் அளித்தென்னை ஆண்டானைக் களவிலா வானவருக் தொழுதில்லை கண்டேனே.

aḷavilāp pāvakattāl amukkuṇṭiṅ kaṟiviṉṟi viḷaivoṉṟum aṟiyātē veṟuviyaṉāyk kiṭappēṉukku aḷavilā āṉantam aḷitteṉṉai āṇṭāṉaik kaḷavilā vāṉavaruk toḻutillai kaṇṭēṉē.

Report an error

பாங்கினொடு பரிசொன்றும் அறியாத நாயேனை ஓங்கியுளத் தொளிவளர உலப்பிலா அன்பருளி வாங்கிவினை மலம்அறுத்து வான்கருணை தந்தானை நான்குமறை பயில்தில்லை அம்பலத்தே கண்டேனே.

pāṅkiṉoṭu paricoṉṟum aṟiyāta nāyēṉai ōṅkiyuḷat toḷivaḷara ulappilā aṉparuḷi vāṅkiviṉai malamaṟuttu vāṉkaruṇai tantāṉai nāṉkumaṟai payiltillai ampalattē kaṇṭēṉē.

Report an error

பூதங்கள் ஐந்தாகிப் புலனாகிப் பொருளாகிப் பேதங்கள் அனைத்துமாய்ப் பேதமில்லாப் பெருமையனைக் கேதங்கள் கெடுத்தாண்ட கிளரொளியை மரகதத்தை வேதங்கள் தொழுதேத்தும் விளங்குதில்லை கண்டேனே.

pūtaṅkaḷ aintākip pulaṉākip poruḷākip pētaṅkaḷ aṉaittumāyp pētamillāp perumaiyaṉaik kētaṅkaḷ keṭuttāṇṭa kiḷaroḷiyai marakatattai vētaṅkaḷ toḻutēttum viḷaṅkutillai kaṇṭēṉē.

Report an error

Illustration: Verse & Place (Project-owned).