திருமுறை 1 — திருவடுகூர் · திருவடுகூர்
tiruvaṭukūr
tiruvaṭukūr
॥
tiruvaṭukūr, from book 1 of the Tirumurai.
11 passages·Tamil with transliteration
சுடுகூ ரெரிமாலை யணிவர் சுடர்வேலர்
கொடுகூர் மழுவாளொன் றுடையார் விடையூர்வர்
கடுகூர் பசிகாமங் கவலை பிணியில்லார்
வடுகூர் புனல்சூழ்ந்த வடுகூ ரடிகளே.
cuṭukū rerimālai yaṇivar cuṭarvēlar
koṭukūr maḻuvāḷoṉ ṟuṭaiyār viṭaiyūrvar
kaṭukūr pacikāmaṅ kavalai piṇiyillār
vaṭukūr puṉalcūḻnta vaṭukū raṭikaḷē.
பாலு நறுநெய்யுந் தயிரும் பயின்றாடி
ஏலுஞ் சுடுநீறும் என்பும் ஒளிமல்கக்
கோலம் பொழிற்சோலைக் கூடி மடவன்னம்
ஆலும் வடுகூரில் ஆடும் மடிகளே.
pālu naṟuneyyun tayirum payiṉṟāṭi
ēluñ cuṭunīṟum eṉpum oḷimalkak
kōlam poḻiṟcōlaik kūṭi maṭavaṉṉam
ālum vaṭukūril āṭum maṭikaḷē.
சூடும் இளந்திங்கள் சுடர்பொற் சடைதன்மேல்
ஓடுங் களியானை உரிபோர்த் துமையஞ்ச
ஏடு மலர்மோந்தங் கெழிலார் வரிவண்டு
பாடும் வடுகூரில் ஆடும் மடிகளே.
cūṭum iḷantiṅkaḷ cuṭarpoṟ caṭaitaṉmēl
ōṭuṅ kaḷiyāṉai uripōrt tumaiyañca
ēṭu malarmōntaṅ keḻilār varivaṇṭu
pāṭum vaṭukūril āṭum maṭikaḷē.
துவரும் புரிசையுந் துதைந்த மணிமாடம்
கவர வெரியோட்டிக் கடிய மதிலெய்தார்
கவரு மணிகொல்லைக் கடிய முலைநல்லார்
பவரும் வடுகூரில் ஆடும் மடிகளே.
tuvarum puricaiyun tutainta maṇimāṭam
kavara veriyōṭṭik kaṭiya matileytār
kavaru maṇikollaik kaṭiya mulainallār
pavarum vaṭukūril āṭum maṭikaḷē.
துணியா ருடையாடை துன்னி யரைதன்மேல்
தணியா அழல்நாகந் தரியா வகைவைத்தார்
பணியா ரடியார்கள் பலரும் பயின்றேத்த
அணியார் வடுகூரில் ஆடும் மடிகளே.
tuṇiyā ruṭaiyāṭai tuṉṉi yaraitaṉmēl
taṇiyā aḻalnākan tariyā vakaivaittār
paṇiyā raṭiyārkaḷ palarum payiṉṟētta
aṇiyār vaṭukūril āṭum maṭikaḷē.
தளருங் கொடியன்னாள் தன்னோ டுடனாகிக்
கிளரும் அரவார்த்துக் கிளரும் முடிமேலோர்
வளரும் பிறைசூடி வரிவண் டிசைபாட
ஒளிரும் வடுகூரில் ஆடும் மடிகளே.
taḷaruṅ koṭiyaṉṉāḷ taṉṉō ṭuṭaṉākik
kiḷarum aravārttuk kiḷarum muṭimēlōr
vaḷarum piṟaicūṭi varivaṇ ṭicaipāṭa
oḷirum vaṭukūril āṭum maṭikaḷē.
நெடியர் சிறிதாய நிரம்பா மதிசூடும்
முடியர் விடையூர்வர் கொடியர் மொழிகொள்ளார்
கடிய தொழிற்காலன் மடிய வுதைகொண்ட
அடியர் வடுகூரில் ஆடும் மடிகளே.
neṭiyar ciṟitāya nirampā maticūṭum
muṭiyar viṭaiyūrvar koṭiyar moḻikoḷḷār
kaṭiya toḻiṟkālaṉ maṭiya vutaikoṇṭa
aṭiyar vaṭukūril āṭum maṭikaḷē.
பிறையும் நெடுநீரும் பிரியா முடியினார்
மறையும் பலபாடி மயானத் துறைவாரும்
பறையும் அதிர்குழலும் போலப் பலவண்டாங்
கறையும் வடுகூரில் ஆடும் மடிகளே.
piṟaiyum neṭunīrum piriyā muṭiyiṉār
maṟaiyum palapāṭi mayāṉat tuṟaivārum
paṟaiyum atirkuḻalum pōlap palavaṇṭāṅ
kaṟaiyum vaṭukūril āṭum maṭikaḷē.
சந்தம் மலர்வேய்ந்த சடையின் இடைவிம்மு
கந்தம் மிகுதிங்கள் சிந்து கதிர்மாலை
வந்து நயந்தெம்மை நன்றும் அருள்செய்வார்
அந்தண் வடுகூரில் ஆடும் மடிகளே.
cantam malarvēynta caṭaiyiṉ iṭaivimmu
kantam mikutiṅkaḷ cintu katirmālai
vantu nayantemmai naṉṟum aruḷceyvār
antaṇ vaṭukūril āṭum maṭikaḷē.
திருமா லடிவீழத் திசைநான் முகனாய
பெருமா னுணர்கில்லாப் பெருமான் நெடுமுடிசேர்
செருமால் விடையூருஞ் செம்மான் திசைவில்லா
அருமா வடுகூரில் ஆடும் மடிகளே.
tirumā laṭivīḻat ticaināṉ mukaṉāya
perumā ṉuṇarkillāp perumāṉ neṭumuṭicēr
cerumāl viṭaiyūruñ cemmāṉ ticaivillā
arumā vaṭukūril āṭum maṭikaḷē.
படிநோன் பவையாவர் பழியில் புகழான
கடிநாண் நிகழ்சோலை கமழும் வடுகூரைப்
படியா னசிந்தை மொழியார் சம்பந்தன்
அடிஞா னம்வல்லா ரடிசேர் வார்களே.
paṭinōṉ pavaiyāvar paḻiyil pukaḻāṉa
kaṭināṇ nikaḻcōlai kamaḻum vaṭukūraip
paṭiyā ṉacintai moḻiyār campantaṉ
aṭiñā ṉamvallā raṭicēr vārkaḷē.
Keys: ← → turn the page, J K step through the verses.
Illustration: Verse & Place (Project-owned).