Skip to content

திருமுறை 11 — திருவலஞ்சுழி மும்மணிக்கோவை · திருவலஞ்சுழி மும்மணிக்கோவை

tiruvalañcuḻi mummaṇikkōvai

tiruvalañcuḻi mummaṇikkōvai

tiruvalañcuḻi mummaṇikkōvai, from book 11 of the Tirumurai.

15 passagesTamil with transliteration

An oil lamp beneath an arch for book 11 of the Tirumurai.

வணங்குதும் வாழி நெஞ்சே புணர்ந்துடன் பொருகடல் முகந்து கருமுகிற் கணம்நற் படவர வொடுங்க மின்னிக் குடவரைப் பொழிந்து கொழித்திழி அருவி குணகடல் மடுக்குங் காவிரி மடந்தை வார்புனல் உடுத்த மணிநீர் வலஞ்சுழி அணிநீர்க் கொன்றை அண்ணல தடியே.

vaṇaṅkutum vāḻi neñcē puṇarntuṭaṉ porukaṭal mukantu karumukiṟ kaṇamnaṟ paṭavara voṭuṅka miṉṉik kuṭavaraip poḻintu koḻittiḻi aruvi kuṇakaṭal maṭukkuṅ kāviri maṭantai vārpuṉal uṭutta maṇinīr valañcuḻi aṇinīrk koṉṟai aṇṇala taṭiyē.

Report an error

அடிப்போது தந்தலைவைத் தவ்வடிகள் உன்னிக் கடிப்போது கைக்கொண்டார் கண்டார் - முடிப்போதா வாணாகஞ் சூடும் வலஞ்சுழியான் வானோரும் காணாத செம்பொற் கழல்.

aṭippōtu tantalaivait tavvaṭikaḷ uṉṉik kaṭippōtu kaikkoṇṭār kaṇṭār - muṭippōtā vāṇākañ cūṭum valañcuḻiyāṉ vāṉōrum kāṇāta cempoṟ kaḻal.

Report an error

கழல்வண்ண மும்சடைக் கற்றையும் மற்றவர் காணகில்லார் தழல்வண்ணம் கண்டே தளர்ந்தார் இருவரந் தாமரையின் நிழல்வண்ணம் பொன்வண்ணம் நீர்நிற வண்ணம் நெடியவண்ணம் அழல்வண்ண முந்நீர் வலஞ்சுழி ஆள்கின்ற அண்ணலையே.

kaḻalvaṇṇa mumcaṭaik kaṟṟaiyum maṟṟavar kāṇakillār taḻalvaṇṇam kaṇṭē taḷarntār iruvaran tāmaraiyiṉ niḻalvaṇṇam poṉvaṇṇam nīrniṟa vaṇṇam neṭiyavaṇṇam aḻalvaṇṇa munnīr valañcuḻi āḷkiṉṟa aṇṇalaiyē.

Report an error

அண்ணலது பெருமை கண்டனம் கண்ணுதற் கடவுள் மன்னிய தடமல்கு வலஞ்சுழிப் பனிப்பொருட் பயந்து பல்லவம் பழிக்கும் திகழொளி முறுவல் தேமொழிச் செவ்வாய்த் திருந்திருங் குழலியைக் கண்டு வருந்திஎன் உள்ளம் வந்தஅப் போதே.

aṇṇalatu perumai kaṇṭaṉam kaṇṇutaṟ kaṭavuḷ maṉṉiya taṭamalku valañcuḻip paṉipporuṭ payantu pallavam paḻikkum tikaḻoḷi muṟuval tēmoḻic cevvāyt tiruntiruṅ kuḻaliyaik kaṇṭu varuntieṉ uḷḷam vantaap pōtē.

Report an error

போதெலாம் பூங்கொன்றை கொண்டிருந்த பூங்கொன்றைத் தாதெலாம் தன்மேனி தைவருமால் -தீதில் மறைக்கண்டான் வானோன் வலஞ்சுழியான் சென்னிப் பிறைக்கண்டங் கண்டணைந்த பெண்.

pōtelām pūṅkoṉṟai koṇṭirunta pūṅkoṉṟait tātelām taṉmēṉi taivarumāl -tītil maṟaikkaṇṭāṉ vāṉōṉ valañcuḻiyāṉ ceṉṉip piṟaikkaṇṭaṅ kaṇṭaṇainta peṇ.

Report an error

பெண்கொண் டிருந்து வருந்துங்கொ லாம்பெரு மான்திருமால் வண்கொண்ட சோலை வலஞ்சுழி யான்மதி சூடிநெற்றிக் கண்கொண்ட கோபம் கலந்தன போல்மின்னிக் கார்ப்புனத்துப் பண்கொண்டு வண்டினம் பாடநின் றார்த்தன பன்முகிலே.

peṇkoṇ ṭiruntu varuntuṅko lāmperu māṉtirumāl vaṇkoṇṭa cōlai valañcuḻi yāṉmati cūṭineṟṟik kaṇkoṇṭa kōpam kalantaṉa pōlmiṉṉik kārppuṉattup paṇkoṇṭu vaṇṭiṉam pāṭaniṉ ṟārttaṉa paṉmukilē.

Report an error

முகிற்கணம் முழங்க முனிந்த வேழம் எயிற்றிடை அடக்கிய வெகுளி ஆற்ற அணிநடை மடப்பிடி அருகுவந் தணைதரும் சாரல் தண்பொழில் அணைந்து சோரும் தேனுகு தண்தழை செறிதரு வனத்தில் சருவரி வாரல்எம் பெருமநீர் மல்கு சடைமுடி ஒருவன் மருவிய வலஞ்சுழி அணிதிகழ் தோற்றத் தங்கயத் தெழுந்த மணிநீர்க் குவளை அன்ன அணிநீர்க் கருங்கண் ஆயிழை பொருட்டே.

mukiṟkaṇam muḻaṅka muṉinta vēḻam eyiṟṟiṭai aṭakkiya vekuḷi āṟṟa aṇinaṭai maṭappiṭi arukuvan taṇaitarum cāral taṇpoḻil aṇaintu cōrum tēṉuku taṇtaḻai ceṟitaru vaṉattil caruvari vāralem perumanīr malku caṭaimuṭi oruvaṉ maruviya valañcuḻi aṇitikaḻ tōṟṟat taṅkayat teḻunta maṇinīrk kuvaḷai aṉṉa aṇinīrk karuṅkaṇ āyiḻai poruṭṭē.

Report an error

பொருட்டக்கீர் சில்பலிக்கென் றில்புகுந்தீ ரேனும் அருட்டக்கீர் யாதும்ஊர் என்றேன் – மருட்டக்க மாமறையம் என்றார் வலஞ்சுழிநம் வாழ்வென்றார் தாம்மறைந்தார் காணேன்கைச் சங்கு.

poruṭṭakkīr cilpalikkeṉ ṟilpukuntī rēṉum aruṭṭakkīr yātumūr eṉṟēṉ – maruṭṭakka māmaṟaiyam eṉṟār valañcuḻinam vāḻveṉṟār tāmmaṟaintār kāṇēṉkaic caṅku.

Report an error

சங்கம் புரளத் திரைசுமந் தேறுங் கழியருகே வங்கம் மலியுந் துறையிடைக் காண்டிர் வலஞ்சுழியா றங்கம் புலன்ஐந்தும் ஆகிய நான்மறை முக்கணக்கன் பங்கன் றிருவர்க் கொருவடி வாகிய பாவையையே.

caṅkam puraḷat tiraicuman tēṟuṅ kaḻiyarukē vaṅkam maliyun tuṟaiyiṭaik kāṇṭir valañcuḻiyā ṟaṅkam pulaṉaintum ākiya nāṉmaṟai mukkaṇakkaṉ paṅkaṉ ṟiruvark koruvaṭi vākiya pāvaiyaiyē.

Report an error

அகவல் பாவை ஆடிய துறையும் பாவை மருவொடு வளர்ந்த அன்னமும் மருவித் திருவடி அடியேன் தீண்டிய திறனும் கொடியேன் உள்ளங்கொண்ட சூழலும், கள்ளக் கருங்கண் போன்ற காவியும் நெருங்கி அவளே போன்ற தன்றே தவளச் சாம்பல் அம்பொடி சாந்தெனத் தைவந்து தேம்பல் வெண்பிறை சென்னிமிசை வைத்த வெள்ளேற் றுழவன் வீங்குபுனல் வலஞ்சுழி வண்டினம் பாடுஞ் சோலைக் கண்ட அம்மஅக் கடிபொழில் தானே.

akaval pāvai āṭiya tuṟaiyum pāvai maruvoṭu vaḷarnta aṉṉamum maruvit tiruvaṭi aṭiyēṉ tīṇṭiya tiṟaṉum koṭiyēṉ uḷḷaṅkoṇṭa cūḻalum, kaḷḷak karuṅkaṇ pōṉṟa kāviyum neruṅki avaḷē pōṉṟa taṉṟē tavaḷac cāmpal ampoṭi cānteṉat taivantu tēmpal veṇpiṟai ceṉṉimicai vaitta veḷḷēṟ ṟuḻavaṉ vīṅkupuṉal valañcuḻi vaṇṭiṉam pāṭuñ cōlaik kaṇṭa ammaak kaṭipoḻil tāṉē.

Report an error

தான்ஏறும் ஆனேறு கைதொழேன் தன்சடைமேல் தேன்ஏறு கொன்றைத் திறம்பேசேன் - வான்ஏறு மையாருஞ் சோலை வலஞ்சுழியான் என்கொல்என் கையார் வளைகவர்ந்த வாறு.

tāṉēṟum āṉēṟu kaitoḻēṉ taṉcaṭaimēl tēṉēṟu koṉṟait tiṟampēcēṉ - vāṉēṟu maiyāruñ cōlai valañcuḻiyāṉ eṉkoleṉ kaiyār vaḷaikavarnta vāṟu.

Report an error

ஆறுகற் றைச்சடைக் கொண்டொரொற் றைப்பிறை சூடிமற்றைக் கூறுபெண் ணாயவன் கண்ணார் வலஞ்சுழிக் கொங்குதங்கு நாறுதண் கொம்பரன் னீர்கள்இன் னேநடந் தேகடந்தார் சீறுவென் றிச்சிலைக் கானவர் வாழ்கின்ற சேண்நெறியே.

āṟukaṟ ṟaiccaṭaik koṇṭoroṟ ṟaippiṟai cūṭimaṟṟaik kūṟupeṇ ṇāyavaṉ kaṇṇār valañcuḻik koṅkutaṅku nāṟutaṇ komparaṉ ṉīrkaḷiṉ ṉēnaṭan tēkaṭantār cīṟuveṉ ṟiccilaik kāṉavar vāḻkiṉṟa cēṇneṟiyē.

Report an error

நெறிதரு குழலி விறலியொடு புணர்ந்த செறிதரு தமிழ்நூல் சீறியாழ்ப் பாண பொய்கை யூரன் புதுமணம் புணர்தர மூவோம் மூன்று பயன்பெற் றனவே நீஅவன் புனைதார் மாலை பொருந்தப் பாடி இல்லதும் உள்ளதும் சொல்லிக் கள்ள வாசகம் வழாமல் பேச வண்மையில் வானர மகளிர் வான்பொருள் பெற்றனை, அவரேல் எங்கையர் கொங்கைக் குங்குமந் தழீஇ விழையா இன்பம் பெற்றனர் யானேல் அரன்அமர்ந் துறையும் அணிநீர் வலஞ்சுழிச் சுரும்பிவர் நறவயற் சூழ்ந்தெழு கரும்பில் தீநீர் அன்ன வாய்நீர் சோரும் சிலம்புகுரற் சிறுபறை பூண்ட அலம்புகுரற் கிண்கிணிக் களிறுபெற் றனனே.

neṟitaru kuḻali viṟaliyoṭu puṇarnta ceṟitaru tamiḻnūl cīṟiyāḻp pāṇa poykai yūraṉ putumaṇam puṇartara mūvōm mūṉṟu payaṉpeṟ ṟaṉavē nīavaṉ puṉaitār mālai poruntap pāṭi illatum uḷḷatum collik kaḷḷa vācakam vaḻāmal pēca vaṇmaiyil vāṉara makaḷir vāṉporuḷ peṟṟaṉai, avarēl eṅkaiyar koṅkaik kuṅkuman taḻīi viḻaiyā iṉpam peṟṟaṉar yāṉēl araṉamarn tuṟaiyum aṇinīr valañcuḻic curumpivar naṟavayaṟ cūḻnteḻu karumpil tīnīr aṉṉa vāynīr cōrum cilampukuraṟ ciṟupaṟai pūṇṭa alampukuraṟ kiṇkiṇik kaḷiṟupeṟ ṟaṉaṉē.

Report an error

தனம்ஏறிப் பீர்பொங்கித் தன்அங்கம் வேறாய் மனம்வேறு பட்டொழிந்தாள் மாதோ - இனம்ஏறிப் பாடாலம் வண்டலம்பும் பாய்நீர் வலஞ்சுழியான் கோடாலங் கண்டணைந்த கொம்பு.

taṉamēṟip pīrpoṅkit taṉaṅkam vēṟāy maṉamvēṟu paṭṭoḻintāḷ mātō - iṉamēṟip pāṭālam vaṇṭalampum pāynīr valañcuḻiyāṉ kōṭālaṅ kaṇṭaṇainta kompu.

Report an error

கொம்பார் குளிர்மறைக் காடனை வானவர் கூடிநின்று நம்பா எனவணங் கப்பெறு வானை நகர்எரிய அம்பாய்ந் தவனை வலஞ்சுழி யானைஅண் ணாமலைமேல் வம்பார் நறுங்கொன்றைத் தாருடை யானை வணங்குதுமே.

kompār kuḷirmaṟaik kāṭaṉai vāṉavar kūṭiniṉṟu nampā eṉavaṇaṅ kappeṟu vāṉai nakareriya ampāyn tavaṉai valañcuḻi yāṉaiaṇ ṇāmalaimēl vampār naṟuṅkoṉṟait tāruṭai yāṉai vaṇaṅkutumē.

Report an error

Illustration: Verse & Place (Project-owned).