திருமுறை 11 — ஆளுடைய பிள்ளையார் திருக்கலம்பகம் · ஆளுடைய பிள்ளையார் திருக்கலம்பகம்
āḷuṭaiya piḷḷaiyār tirukkalampakam
āḷuṭaiya piḷḷaiyār tirukkalampakam
॥
āḷuṭaiya piḷḷaiyār tirukkalampakam, from book 11 of the Tirumurai.
49 passages·Tamil with transliteration
அலையார்ந்த கடலுலகத் தருந்திசைதோ றங்கங்கே
நிலையார்ந்த பலபதிகம் நெறிமனிதர்க் கினிதியற்றி
ஈங்கருளி யெம்போல்வார்க் கிடர்கெடுத்தல் காரணமாய்
ஓங்குபுகழ்ச் சண்பையெனும் ஒண்பதியுள் உதித்தனையே.
செஞ்சடைவெண் மதியணிந்த சிவன்எந்தை திருவருளால்
வஞ்சியன நுண்ணிடையாள் மலையரையன் மடப்பாவை
நற்கண்ணி அளவிறந்த ஞானத்தை அமிர்தாக்கிப்
பொற்கிண்ணத் தருள்புரிந்த போனகமுன் நுகர்ந்தனையே.
தோடணிகா தினன்என்றும் தொல்லமரர்க் கெஞ்ஞான்றும்
தேடரிய பராபரனைச் செழுமறையின் அகன்பொருளை
அந்திச்செம் மேனியனை அடையாளம் பலசொல்லி
உந்தைக்குக் காணஅரன் உவனாமென் றுரைத்தனயே.
வளமலி தமிழிசை வடகலை மறைவல
முளரிநன் மலரணி தருதிரு முடியினை.
கடல்படு விடமடை கறைமணி மிடறுடை
அடல்கரி உரியனை அறிவுடை அளவினை.
கரும்பினு மிக் கினியபுகழ்க் கண்ணுதல்விண்ணவன்அடிமேல்
பரம்பவிரும் புவியவர்க்குப் பத்திமையை விளைத்தனையே.
பன்மறையோர் செய்தொழிலும் பரமசிவா கமவிதியும்
நன்மறையின் விதிமுழுதும் ஒழிவின்றி நவின்றனையே.
அணிதவத் தவர்களுக் கதிகவித் தகனும்நீ
தணிமனத் தருளுடைத் தவநெறிக் கமிர்தம்நீ
அமணரைக் கழுநுதிக் கணைவுறுத் தவனும்நீ
தமிழ்நலத் தொகையினில் தகுசுவைப் பவனும்நீ
மறையவர்க் கொருவன் நீ
மருவலர்க் குருமு நீ
நிறைகுணத் தொருவன் நீ
நிகரில்உத் தமனும் நீ
அரியை நீ. எளியை நீ.
அறவன் நீ. துறவன் நீ.
பெரியை நீ உரியை நீ.
பிள்ளை நீ. வள்ளல் நீ.
எனவாங்கு
அருந்தமிழ் விரகநிற் பரசுதும் திருந்திய
நிரைச்செழு மாளிகை நிலைதொறும் நிலைதொறும்
உரைச்சதுர் மறையின் ஓங்கிய ஒலிசேர்
சீர்கெழு துழனித் திருமுகம் பொலிவுடைத்
தார்கெழு தண்டலை தண்பணை தழீஇக்
கற்றொகு புரிசைக் காழியர் நாத
நற்றொகு கீர்த்தி ஞானசம் பந்த
நின்பெருங் கருணையை நீதியின்
அன்புடை அடியவர்க் கருளுவோய் எனவே.
alaiyārnta kaṭalulakat tarunticaitō ṟaṅkaṅkē
nilaiyārnta palapatikam neṟimaṉitark kiṉitiyaṟṟi
īṅkaruḷi yempōlvārk kiṭarkeṭuttal kāraṇamāy
ōṅkupukaḻc caṇpaiyeṉum oṇpatiyuḷ utittaṉaiyē.
ceñcaṭaiveṇ matiyaṇinta civaṉentai tiruvaruḷāl
vañciyaṉa nuṇṇiṭaiyāḷ malaiyaraiyaṉ maṭappāvai
naṟkaṇṇi aḷaviṟanta ñāṉattai amirtākkip
poṟkiṇṇat taruḷpurinta pōṉakamuṉ nukarntaṉaiyē.
tōṭaṇikā tiṉaṉeṉṟum tollamarark keññāṉṟum
tēṭariya parāparaṉaic ceḻumaṟaiyiṉ akaṉporuḷai
anticcem mēṉiyaṉai aṭaiyāḷam palacolli
untaikkuk kāṇaaraṉ uvaṉāmeṉ ṟuraittaṉayē.
vaḷamali tamiḻicai vaṭakalai maṟaivala
muḷarinaṉ malaraṇi tarutiru muṭiyiṉai.
kaṭalpaṭu viṭamaṭai kaṟaimaṇi miṭaṟuṭai
aṭalkari uriyaṉai aṟivuṭai aḷaviṉai.
karumpiṉu mik kiṉiyapukaḻk kaṇṇutalviṇṇavaṉaṭimēl
parampavirum puviyavarkkup pattimaiyai viḷaittaṉaiyē.
paṉmaṟaiyōr ceytoḻilum paramacivā kamavitiyum
naṉmaṟaiyiṉ vitimuḻutum oḻiviṉṟi naviṉṟaṉaiyē.
aṇitavat tavarkaḷuk katikavit takaṉumnī
taṇimaṉat taruḷuṭait tavaneṟik kamirtamnī
amaṇaraik kaḻunutik kaṇaivuṟut tavaṉumnī
tamiḻnalat tokaiyiṉil takucuvaip pavaṉumnī
maṟaiyavark koruvaṉ nī
maruvalark kurumu nī
niṟaikuṇat toruvaṉ nī
nikarilut tamaṉum nī
ariyai nī. eḷiyai nī.
aṟavaṉ nī. tuṟavaṉ nī.
periyai nī uriyai nī.
piḷḷai nī. vaḷḷal nī.
eṉavāṅku
aruntamiḻ virakaniṟ paracutum tiruntiya
niraicceḻu māḷikai nilaitoṟum nilaitoṟum
uraiccatur maṟaiyiṉ ōṅkiya olicēr
cīrkeḻu tuḻaṉit tirumukam polivuṭait
tārkeḻu taṇṭalai taṇpaṇai taḻīik
kaṟṟoku puricaik kāḻiyar nāta
naṟṟoku kīrtti ñāṉacam panta
niṉperuṅ karuṇaiyai nītiyiṉ
aṉpuṭai aṭiyavark karuḷuvōy eṉavē.
வெண்பா
எனவே இடர்அகலும் இன்பமே எய்தும்
நனவே அரன்அருளை நாடும் - புனல்மேய
செங்கமலத் தண்தார்த் திருஞான சம்பந்தன்
கொங்கமலத் தண்காழிக் கோ.
veṇpā
eṉavē iṭarakalum iṉpamē eytum
naṉavē araṉaruḷai nāṭum - puṉalmēya
ceṅkamalat taṇtārt tiruñāṉa campantaṉ
koṅkamalat taṇkāḻik kō.
கட்டளைக் கலித்துறை
கோலப் புலமணிச் சுந்தர மாளிகைக் குந்தளவார்
ஏலப் பொழிலணி சண்பையர் கோனை இருங்கடல்சூழ்
ஞாலத் தணிபுகழ் ஞானசம் பந்தனை நற்றமிழே
போலப் பலபுன் கவிகொண்டு சேவடி போற்றுவனே.
kaṭṭaḷaik kalittuṟai
kōlap pulamaṇic cuntara māḷikaik kuntaḷavār
ēlap poḻilaṇi caṇpaiyar kōṉai iruṅkaṭalcūḻ
ñālat taṇipukaḻ ñāṉacam pantaṉai naṟṟamiḻē
pōlap palapuṉ kavikoṇṭu cēvaṭi pōṟṟuvaṉē.
எண்சீர்க் கழிநெடிலடி ஆசிரிய விருத்தம்
போற்று வார்இடர் பாற்றிய புனிதன்
பொழில்சு லாவிய புகலியர் பெருமான்
ஏற்ற வார்புகழ் ஞானசம் பந்தன்
எம்பி ரான்இருஞ் சுருதியங் கிரிவாய்ச்
சேற்று வார்புனங் காவல் புரிந்தென்
சிந்தை கொள்வதும் செய்தொழி லானால்
மாற்றம் நீர்எமக் கின்றுரை செய்தால்
வாசி யோகுற மாதுந லீரே.
eṇcīrk kaḻineṭilaṭi āciriya viruttam
pōṟṟu vāriṭar pāṟṟiya puṉitaṉ
poḻilcu lāviya pukaliyar perumāṉ
ēṟṟa vārpukaḻ ñāṉacam pantaṉ
empi rāṉiruñ curutiyaṅ kirivāyc
cēṟṟu vārpuṉaṅ kāval purinteṉ
cintai koḷvatum ceytoḻi lāṉāl
māṟṟam nīremak kiṉṟurai ceytāl
vāci yōkuṟa mātuna līrē.
எழுசீர்க் கழிநெடிலடி ஆசிரிய விருத்தம்
நலமலி தரும்புவனி நிறைசெய்புகழ் இன்பம்நனி
பனிமதி அணைந்த பொழில்சூழ்
பொலமதில் இரும்புகலி அதிபதி விதம்பெருகு
புனிதகுணன் எந்தம் இறைவன்
பலமலி தருந்தமிழின் வடகலை விடங்கன்மிகு
பரசமய வென்றி அரிதன்
சலமலி தருங்கமல சரண்நினைவன் என்றனது
தகுவினைகள் பொன்றும் வகையே.
eḻucīrk kaḻineṭilaṭi āciriya viruttam
nalamali tarumpuvaṉi niṟaiceypukaḻ iṉpamnaṉi
paṉimati aṇainta poḻilcūḻ
polamatil irumpukali atipati vitamperuku
puṉitakuṇaṉ entam iṟaivaṉ
palamali taruntamiḻiṉ vaṭakalai viṭaṅkaṉmiku
paracamaya veṉṟi aritaṉ
calamali taruṅkamala caraṇniṉaivaṉ eṉṟaṉatu
takuviṉaikaḷ poṉṟum vakaiyē.
பன்னிருசீர்க் கழிநெடிலடி ஆசிரிய விருத்தம்
வகைதகு முத்தமி ழாகரன் மறைபயில் திப்பிய வாசகன்
வலகலை வித்தகன் வானவில் மதியணை பொற்குவை மாளிகை
திகைதிகை மட்டலர் வார்பொழில் திகழ்புக லிக்கர சாகிய
திருவளர் விப்ரசி காமணி செழுமல யத்தமிழ்க் கேசரி
மிகமத வெற்றிகொள் வாரண மிடைவரு டைக்குலம் யாளிகள்
விரவிரு ளிற்றனி நீணெறி வினைதுயர் மொய்த்துள வேமணி
நகையெழி லிற்குற மாதுன தருமை நினைக்கிலள் நீயிவள்
நசையின் முழுப்பழி யாதல்முன் நணுகலி னிக்கிரி வாணனே.
paṉṉirucīrk kaḻineṭilaṭi āciriya viruttam
vakaitaku muttami ḻākaraṉ maṟaipayil tippiya vācakaṉ
valakalai vittakaṉ vāṉavil matiyaṇai poṟkuvai māḷikai
tikaitikai maṭṭalar vārpoḻil tikaḻpuka likkara cākiya
tiruvaḷar vipraci kāmaṇi ceḻumala yattamiḻk kēcari
mikamata veṟṟikoḷ vāraṇa miṭaivaru ṭaikkulam yāḷikaḷ
viraviru ḷiṟṟaṉi nīṇeṟi viṉaituyar moyttuḷa vēmaṇi
nakaiyeḻi liṟkuṟa mātuṉa tarumai niṉaikkilaḷ nīyivaḷ
nacaiyiṉ muḻuppaḻi yātalmuṉ naṇukali ṉikkiri vāṇaṉē.
வாணில வும்புன லும்பயில் செஞ்சடை வண்கரு ணாகரனை
மலைமா துமையொடு மிவனா வானென முன்னாளுரை செய்தோன்
சேணில வும்புகழ் மாளிகை நீடிய தென்புக லிக்கரசைத்
திருவா ளனையெழி லருகா சனிதனை மருவா தவர்கிளைபோல்
நாணில வும்பழி யோகரு தாதய லானொரு காளையுடன்
நசைதீர் நிலைகொலை புரிவே டுவர்பயில் தருகா னதர்வெயிலிற்
கேணில வுங்கிளி பாவையொ டாயமும் யாயெனை யும்மொழியக்
கிறியா லெனதொரு மகள்போ யுறுதுயர் கெடுவேன் அறிகிலனே.
vāṇila vumpuṉa lumpayil ceñcaṭai vaṇkaru ṇākaraṉai
malaimā tumaiyoṭu mivaṉā vāṉeṉa muṉṉāḷurai ceytōṉ
cēṇila vumpukaḻ māḷikai nīṭiya teṉpuka likkaracait
tiruvā ḷaṉaiyeḻi larukā caṉitaṉai maruvā tavarkiḷaipōl
nāṇila vumpaḻi yōkaru tātaya lāṉoru kāḷaiyuṭaṉ
nacaitīr nilaikolai purivē ṭuvarpayil tarukā ṉatarveyiliṟ
kēṇila vuṅkiḷi pāvaiyo ṭāyamum yāyeṉai yummoḻiyak
kiṟiyā leṉatoru makaḷpō yuṟutuyar keṭuvēṉ aṟikilaṉē.
எண்சீர்க் கழிநெடிலடி ஆசிரிய விருத்தம்
அறிவாகி இன்பஞ்செய் தமிழ்வாதில் வென்றந்த
அமணான வன்குண்டர் கழுவேற முன்கண்ட
செறிமாட வண்சண்பை நகராளி யென்தந்தை
திருஞான சம்பந்தன் அணிநீடு திண்குன்றில்
நெறியால மண்டுன்றி முனைநாள்சி னங்கொண்டு
நிறைவார் புனந்தின்று மகள்மேல் வருந்துங்க
வெறியார் மதந்தங்கு கதவா ரணங்கொன்ற
வெகுளாத நஞ்சிந்தை விறலான் உளன்பண்டே.
eṇcīrk kaḻineṭilaṭi āciriya viruttam
aṟivāki iṉpañcey tamiḻvātil veṉṟanta
amaṇāṉa vaṉkuṇṭar kaḻuvēṟa muṉkaṇṭa
ceṟimāṭa vaṇcaṇpai nakarāḷi yeṉtantai
tiruñāṉa campantaṉ aṇinīṭu tiṇkuṉṟil
neṟiyāla maṇṭuṉṟi muṉaināḷci ṉaṅkoṇṭu
niṟaivār puṉantiṉṟu makaḷmēl varuntuṅka
veṟiyār matantaṅku katavā raṇaṅkoṉṟa
vekuḷāta nañcintai viṟalāṉ uḷaṉpaṇṭē.
பதின்சீர்க் கழிநெடிலடி ஆசிரிய விருத்தம்
பண்டமுது செய்ததுமை நங்கையருள் மேவுசிவ ஞானம்
பைந்தரள நன்சிவிகை செம்பொனணி நீடுகிற தாளம்
கொண்டதரன் உம்பர்பரன் எங்கள்பெரு மானருள் படைத்துக்
கொடுத்ததமி ழைத்தவகு லத்தவர்க ளுக்குலகில் இன்பம்
கண்டதரு கந்தர்குலம் ஒன்றிமுழு துங்கழுவில் ஏறக்
கறுத்தது வினைப்பயன் மனத்திலிறை காதலது வன்றி
விண்டதுவும் வஞ்சகரை மஞ்சணவு கின்றமணி மாட
வேணுபுர நாதன்மிகு வேதியர்ச் சிகாமணி பிரானே.
patiṉcīrk kaḻineṭilaṭi āciriya viruttam
paṇṭamutu ceytatumai naṅkaiyaruḷ mēvuciva ñāṉam
paintaraḷa naṉcivikai cempoṉaṇi nīṭukiṟa tāḷam
koṇṭataraṉ umparparaṉ eṅkaḷperu māṉaruḷ paṭaittuk
koṭuttatami ḻaittavaku lattavarka ḷukkulakil iṉpam
kaṇṭataru kantarkulam oṉṟimuḻu tuṅkaḻuvil ēṟak
kaṟuttatu viṉaippayaṉ maṉattiliṟai kātalatu vaṉṟi
viṇṭatuvum vañcakarai mañcaṇavu kiṉṟamaṇi māṭa
vēṇupura nātaṉmiku vētiyarc cikāmaṇi pirāṉē.
அறுசீர்க் கழிநெடிலடி ஆசிரிய விருத்தம்
பிரானை மெய்த்திரு ஞானசம் பந்தனை மறையவர் பெருமானைக்
குராம லர்ப்பொழிற் கொச்சையர் நாதனைக் குரைகழ லிணைவாழ்த்தித்
தராத லத்தினில் அவனருள் நினைவொடு தளர்வுறு தமியேனுக்
கிராவி னைக்கொடு வந்ததிவ் வந்திமற் றினிவிடி வறியேனே.
aṟucīrk kaḻineṭilaṭi āciriya viruttam
pirāṉai meyttiru ñāṉacam pantaṉai maṟaiyavar perumāṉaik
kurāma larppoḻiṟ koccaiyar nātaṉaik kuraikaḻa liṇaivāḻttit
tarāta lattiṉil avaṉaruḷ niṉaivoṭu taḷarvuṟu tamiyēṉuk
kirāvi ṉaikkoṭu vantativ vantimaṟ ṟiṉiviṭi vaṟiyēṉē.
பதினான்குசீர்க் கழிநெடிலடி ஆசிரிய விருத்தம்
ஏனமு கத்தவ புத்தரை இந்திர சித்து மணம்புணர் வுற்றான்
ஈழவ னார்சொரி தொட்டி யினங்களை வெட்டி யிசித்தனர் பட்டர்
தானம் இரக்கிற சீதை மடுப்பது சாதி குடத்தொடு கண்டீர்
சக்கர வர்த்திகள் சிக்கர மட்டுவர் தத்துவ மிப்பரி சுண்டே
ஆன புகழ்ப்பயில் விப்ர சிகாமணி அத்தகு மைப்புரை யுங்கார்
ஆர்பொழில் நீடிய சண்பையர் காவலன் வண்களி யேன்எளி யேனோ
சோனக னுக்குமெ னக்கு மெனத்தரை அம்மனை சூலது கொண்டாள்
தும்புரு வாலியை வென்று நிலத்திடை நின்று துலுக்குகி றாரே.
patiṉāṉkucīrk kaḻineṭilaṭi āciriya viruttam
ēṉamu kattava puttarai intira cittu maṇampuṇar vuṟṟāṉ
īḻava ṉārcori toṭṭi yiṉaṅkaḷai veṭṭi yicittaṉar paṭṭar
tāṉam irakkiṟa cītai maṭuppatu cāti kuṭattoṭu kaṇṭīr
cakkara varttikaḷ cikkara maṭṭuvar tattuva mippari cuṇṭē
āṉa pukaḻppayil vipra cikāmaṇi attaku maippurai yuṅkār
ārpoḻil nīṭiya caṇpaiyar kāvalaṉ vaṇkaḷi yēṉeḷi yēṉō
cōṉaka ṉukkume ṉakku meṉattarai ammaṉai cūlatu koṇṭāḷ
tumpuru vāliyai veṉṟu nilattiṭai niṉṟu tulukkuki ṟārē.
அறுசீர்க் கழிநெடிலடி ஆசிரிய விருத்தம்
ஆர்மலி புகலி நாதன் அருளென இரவில் வந்தென்
வார்முலை பயலை தீர மணந்தவர் தணந்து போன
தேரதர் அழியல் உம்மைச் செய்பிழை எம்ம தில்லை
கார்திரை புரள மோதிக் கரைபொருங் கடலி னீரே.
aṟucīrk kaḻineṭilaṭi āciriya viruttam
ārmali pukali nātaṉ aruḷeṉa iravil vanteṉ
vārmulai payalai tīra maṇantavar taṇantu pōṉa
tēratar aḻiyal ummaic ceypiḻai emma tillai
kārtirai puraḷa mōtik karaiporuṅ kaṭali ṉīrē.
கலிவிருத்தம்
கடல்மேவு புவியேறு கவிநீரர் பெருமான்றன்
தடமாடு மிகுகாழி தகுபேதை அருளாமல்
திடமாகில் அணிநீறு செழுமேனி முழுதாடி
மடலேறி எழில்வீதி வருகாதல் ஒழியேனே.
kaliviruttam
kaṭalmēvu puviyēṟu kavinīrar perumāṉṟaṉ
taṭamāṭu mikukāḻi takupētai aruḷāmal
tiṭamākil aṇinīṟu ceḻumēṉi muḻutāṭi
maṭalēṟi eḻilvīti varukātal oḻiyēṉē.
எண்சீர்க் கழிநெடிலடி ஆசிரிய விருத்தம்
ஒழியா தின்புறு பொழில்சூழ் சண்பைமன்
உயர்பார் துன்றிய தகுஞா னன்புகழ்
எழிலா ருங்கவு ணியர்தீபன்திகழ்
இணையார் செங்கரன் நிகழ்வான் விண்குயின்
பொழியா நின்றன துளிதார் கொன்றைகள்
புலமே துன்றின கலைமான் ஒன்றின
பழிமேல் கொண்டது நுமர்தேர் அன்பொடும்
அருகே வந்தது அதுகாண் மங்கையே.
eṇcīrk kaḻineṭilaṭi āciriya viruttam
oḻiyā tiṉpuṟu poḻilcūḻ caṇpaimaṉ
uyarpār tuṉṟiya takuñā ṉaṉpukaḻ
eḻilā ruṅkavu ṇiyartīpaṉtikaḻ
iṇaiyār ceṅkaraṉ nikaḻvāṉ viṇkuyiṉ
poḻiyā niṉṟaṉa tuḷitār koṉṟaikaḷ
pulamē tuṉṟiṉa kalaimāṉ oṉṟiṉa
paḻimēl koṇṭatu numartēr aṉpoṭum
arukē vantatu atukāṇ maṅkaiyē.
அறுசீர்க் கழிநெடிலடி ஆசிரிய விருத்தம்
மங்கை யிடத்தர னைக்கவி நீரெதிர் ஓட மதித்தருள்செய்
தங்கு புகழ்ச்சதுர் மாமறை நாவளர் சைவசி காமணிதன்
துங்க மதிற்பிர மாபுரம் மேவிய சூழ்பொழில் நின்றொளிர்மென்
கொங்கை யுடைக்கொடி ஏரிடை யாள்குடி கொண்டனள் எம்மனமே.
aṟucīrk kaḻineṭilaṭi āciriya viruttam
maṅkai yiṭattara ṉaikkavi nīretir ōṭa matittaruḷcey
taṅku pukaḻccatur māmaṟai nāvaḷar caivaci kāmaṇitaṉ
tuṅka matiṟpira māpuram mēviya cūḻpoḻil niṉṟoḷirmeṉ
koṅkai yuṭaikkoṭi ēriṭai yāḷkuṭi koṇṭaṉaḷ emmaṉamē.
எண்சீர்க் கழிநெடிலடி ஆசிரிய விருத்தம்
மனங்கொண்டு நிறைகொண்டு கலையுங் கொண்டு
மணிநிறமும் இவள்செங்கை வளையுங் கொண்ட
தனங்கொண்ட பெருஞ்செல்வம் திகழும் கீர்த்திச்
சண்பையர்கோன் திருஞான சம்பந் தற்கு
நனங்கொண்டு மெய்கொண்டு பயலை கொண்டே
நன்னுதலாள் அயர்கின்றாள் நடுவே நின்றும்
இனங்கொண்டு நகைகொண்டு மடவீர் வாளா
என்செயநீர் அலர்தூற்றி எழுகின் றீரே.
eṇcīrk kaḻineṭilaṭi āciriya viruttam
maṉaṅkoṇṭu niṟaikoṇṭu kalaiyuṅ koṇṭu
maṇiniṟamum ivaḷceṅkai vaḷaiyuṅ koṇṭa
taṉaṅkoṇṭa peruñcelvam tikaḻum kīrttic
caṇpaiyarkōṉ tiruñāṉa campan taṟku
naṉaṅkoṇṭu meykoṇṭu payalai koṇṭē
naṉṉutalāḷ ayarkiṉṟāḷ naṭuvē niṉṟum
iṉaṅkoṇṭu nakaikoṇṭu maṭavīr vāḷā
eṉceyanīr alartūṟṟi eḻukiṉ ṟīrē.
சம்பிரதம்
எழுகுல வெற்பிவை மிடறில் அடக்குவன்
எறிகட லிற்புனல் குளறிவ யிற்றினில்
முழுதும் ஒளித்திர வியையி நிலத்திடை
முடுகுவன் இப்பொழு திவையல விச்சைகள்
கழுமல நற்பதி அதிப தமிழ்க்கடல்
கவுணிய நற்குல திலகன் இணைக்கழல்
தொழுது வழுத்திய பிறரொரு வர்க்குறு
துயர்வரு விப்பனி தரியதோர் விச்சையே.
campiratam
eḻukula veṟpivai miṭaṟil aṭakkuvaṉ
eṟikaṭa liṟpuṉal kuḷaṟiva yiṟṟiṉil
muḻutum oḷittira viyaiyi nilattiṭai
muṭukuvaṉ ippoḻu tivaiyala viccaikaḷ
kaḻumala naṟpati atipa tamiḻkkaṭal
kavuṇiya naṟkula tilakaṉ iṇaikkaḻal
toḻutu vaḻuttiya piṟaroru varkkuṟu
tuyarvaru vippaṉi tariyatōr viccaiyē.
எழுசீர்க் கழிநெடிலடி ஆசிரிய விருத்தம்
சயமி குத்தரு கரைமு ருக்கிய தமிழ்ப யிற்றிய நாவன்
வியலி யற்றிரு மருக லிற்கொடு விடம ழித்தருள் போதன்
கயலு டைப்புனல் வயல்வ ளத்தகு கழும லப்பதி நாதன்
இயலு டைக்கழல் தொழநி னைப்பவ ரிருவி னைத்துயர் போமே.
eḻucīrk kaḻineṭilaṭi āciriya viruttam
cayami kuttaru karaimu rukkiya tamiḻpa yiṟṟiya nāvaṉ
viyali yaṟṟiru maruka liṟkoṭu viṭama ḻittaruḷ pōtaṉ
kayalu ṭaippuṉal vayalva ḷattaku kaḻuma lappati nātaṉ
iyalu ṭaikkaḻal toḻani ṉaippava riruvi ṉaittuyar pōmē.
எண்சீர்க் கழிநெடிலடி ஆசிரிய விருத்தம்
மேதகுந் திகழ்பூக நாகசண் பகசூத
வேரிவண் டறைசோலை ஆலைதுன் றியகாழி
நாதன்அந் தணர்கோனென் ஆனைவண் புகழாளி
ஞானசுந் தரன்மேவு தார்நினைந் தயர்வேனை
நீதியன்றன பேசும் யாயுமிந் துவும்வாசம்
நீடுதென் றலும்வீணை ஓசையும் கரைசேர
மோதுதெண் திரைசேவல் சேரும்அன் றிலும்வேயும்
மூடுதண் பனிவாடை கூடிவன் பகையாமே.
eṇcīrk kaḻineṭilaṭi āciriya viruttam
mētakun tikaḻpūka nākacaṇ pakacūta
vērivaṇ ṭaṟaicōlai ālaituṉ ṟiyakāḻi
nātaṉan taṇarkōṉeṉ āṉaivaṇ pukaḻāḷi
ñāṉacun taraṉmēvu tārniṉain tayarvēṉai
nītiyaṉṟaṉa pēcum yāyumin tuvumvācam
nīṭuteṉ ṟalumvīṇai ōcaiyum karaicēra
mōtuteṇ tiraicēval cērumaṉ ṟilumvēyum
mūṭutaṇ paṉivāṭai kūṭivaṉ pakaiyāmē.
வன்பகை யாமக் குண்டரை வென்றோய்
மாமலர் வாளிப் பொருமத வேளைத்
தன்பகை யாகச் சிந்தையுள் நையும்
தையலை உய்யக் கொண்டருள் செய்யாய்
நின்புகழ் பாடிக் கண்பனி சோரா
நின்றெழில் ஞானா என்றகம் நெக்கிட்
டன்பக லாமெய்ச் சிந்தையர் இன்பா
அம்பொழில் மாடச் சண்பையர் கோவே.
vaṉpakai yāmak kuṇṭarai veṉṟōy
māmalar vāḷip porumata vēḷait
taṉpakai yākac cintaiyuḷ naiyum
taiyalai uyyak koṇṭaruḷ ceyyāy
niṉpukaḻ pāṭik kaṇpaṉi cōrā
niṉṟeḻil ñāṉā eṉṟakam nekkiṭ
ṭaṉpaka lāmeyc cintaiyar iṉpā
ampoḻil māṭac caṇpaiyar kōvē.
மறம்
கோவின்திரு முகமீதொடு வருதூதுவன் ஈர
குளிர்பைம்பொழில் வளநாடெழில் நிதியம்பரி சம்மீ
மாவீரியர் இவர்தங்கையென் மகுடன்திறம் அமண
மறவெங்குல மறிகின்றிலன் பழியச்சத வரசன்
பாவேறிய மதுரத்தமிழ் விரகன்புக லியர்மன்
பயில்வண்புக ழருகாசனி பணியன்றெனின் நமர்காள்
தூவேரியை மடுமின்துடி யடிமின்படை யெழுமின்
தொகுசேனையும் அவனும்பட மலையும்பரி சினியே.
maṟam
kōviṉtiru mukamītoṭu varutūtuvaṉ īra
kuḷirpaimpoḻil vaḷanāṭeḻil nitiyampari cammī
māvīriyar ivartaṅkaiyeṉ makuṭaṉtiṟam amaṇa
maṟaveṅkula maṟikiṉṟilaṉ paḻiyaccata varacaṉ
pāvēṟiya maturattamiḻ virakaṉpuka liyarmaṉ
payilvaṇpuka ḻarukācaṉi paṇiyaṉṟeṉiṉ namarkāḷ
tūvēriyai maṭumiṉtuṭi yaṭimiṉpaṭai yeḻumiṉ
tokucēṉaiyum avaṉumpaṭa malaiyumpari ciṉiyē.
எழுசீர்க் கழிநெடிலடி ஆசிரிய விருத்தம்
இனியின் றொழிமினிவ் வெறியும் மறிபடு
தொழிலும் மிடுகுர வையுமெல்லாம்
நனிசிந் தையி னிவள் மிகவன் புறுவதொர்
நசையுண் டதுநரை முதுபெண்டீர்
புனிதன் புகலியர் அதிபன் புனைதமிழ்
விரகன் புயமுறும் அரவிந்தம்
பனிமென் குழலியை அணிமின் துயரொடு
மயலுங் கெடுவது சரதம்மே.
eḻucīrk kaḻineṭilaṭi āciriya viruttam
iṉiyiṉ ṟoḻimiṉiv veṟiyum maṟipaṭu
toḻilum miṭukura vaiyumellām
naṉicin taiyi ṉivaḷ mikavaṉ puṟuvator
nacaiyuṇ ṭatunarai mutupeṇṭīr
puṉitaṉ pukaliyar atipaṉ puṉaitamiḻ
virakaṉ puyamuṟum aravintam
paṉimeṉ kuḻaliyai aṇimiṉ tuyaroṭu
mayaluṅ keṭuvatu caratammē.
எண்சீர்க் கழிநெடிலடி ஆசிரிய விருத்தம்
சரத மணமலி பரிசம் வருவன
தளர்வில் புகலியர் அதிபன் நதிதரு
வரதன் அணிதிகழ் விரகன் மிகுபுகழ்
மருவு சுருதிநன் மலையின் அமர்தரு
விரத முடையைநின் இடையின் அவள்மனம்
விரைசெய் குழலியை அணைவ தரிதென
இரதம் அழிதர வருதல் முனம்இனி
எளிய தொருவகை கருது மலையனே.
eṇcīrk kaḻineṭilaṭi āciriya viruttam
carata maṇamali paricam varuvaṉa
taḷarvil pukaliyar atipaṉ natitaru
varataṉ aṇitikaḻ virakaṉ mikupukaḻ
maruvu curutinaṉ malaiyiṉ amartaru
virata muṭaiyainiṉ iṭaiyiṉ avaḷmaṉam
viraicey kuḻaliyai aṇaiva tariteṉa
iratam aḻitara varutal muṉamiṉi
eḷiya toruvakai karutu malaiyaṉē.
அயன்நெடிய மாலும்அவ ரறிவரிய தாணுவரன்
அருளினொடு நீடவனி இடர்முழுது போயகல
வயலணிதென் வீழிமிழ லையின்நிலவு காசின்மலி
மழைபொழியு மானகுண மதுரன்மதி தோய்கனக
செயநிலவு மாடமதில் புடைதழுவு வாசமலி
செறிபொழில்சு லாவிவளர் சிரபுரசு ரேசன்முதிர்
பயன்நிலவு ஞானதமிழ் விரகன்மறை ஞானமுணர்
பரமகுரு நாதன்மிகு பரசமய கோளரியே.
ayaṉneṭiya mālumava raṟivariya tāṇuvaraṉ
aruḷiṉoṭu nīṭavaṉi iṭarmuḻutu pōyakala
vayalaṇiteṉ vīḻimiḻa laiyiṉnilavu kāciṉmali
maḻaipoḻiyu māṉakuṇa maturaṉmati tōykaṉaka
ceyanilavu māṭamatil puṭaitaḻuvu vācamali
ceṟipoḻilcu lāvivaḷar cirapuracu rēcaṉmutir
payaṉnilavu ñāṉatamiḻ virakaṉmaṟai ñāṉamuṇar
paramakuru nātaṉmiku paracamaya kōḷariyē.
அரியாருங் கிரிநெறிஎங் ஙனம்நீர் வந்தீர்
அழகிதினிப் பயமில்லை அந்திக் கப்பால்
தெரியாபுன் சிறுநெறிகள் எந்தம் வாழ்விச்
சிறுகுடியின் றிரவிங்கே சிரமந் தீர்ந்திச்
சுரியார்மென் குழலியொடும் விடியச் சென்று
தொகுபுகழ்சேர் திருஞான சம்பந் தன்றன்
வரியாரும் பொழிலுமெழில் மதிலும் தோற்றும்
வயற்புகலிப் பதியினிது மருவ லாமே.
ariyāruṅ kirineṟieṅ ṅaṉamnīr vantīr
aḻakitiṉip payamillai antik kappāl
teriyāpuṉ ciṟuneṟikaḷ entam vāḻvic
ciṟukuṭiyiṉ ṟiraviṅkē ciraman tīrntic
curiyārmeṉ kuḻaliyoṭum viṭiyac ceṉṟu
tokupukaḻcēr tiruñāṉa campan taṉṟaṉ
variyārum poḻilumeḻil matilum tōṟṟum
vayaṟpukalip patiyiṉitu maruva lāmē.
ஈற்றடி மிக்குவந்த நான்கடிக் கலித்தாழிசை
ஆமாண்பொன் கூட்டகத்த அஞ்சொலிளம் பைங்கிளியே
பாமாலை யாழ்முரியப் பாணழியப் பண்டருள்செய்
மாமான சுந்தரன்வண் சம்பந்த மாமுனியெம்
கோமான்தன் புகழொருகால் இன்புறநீ கூறாயே
கொச்சையர்கோன் தன்புகழ்யான் இன்புறநீ கூறாயே.
īṟṟaṭi mikkuvanta nāṉkaṭik kalittāḻicai
āmāṇpoṉ kūṭṭakatta añcoliḷam paiṅkiḷiyē
pāmālai yāḻmuriyap pāṇaḻiyap paṇṭaruḷcey
māmāṉa cuntaraṉvaṇ campanta māmuṉiyem
kōmāṉtaṉ pukaḻorukāl iṉpuṟanī kūṟāyē
koccaiyarkōṉ taṉpukaḻyāṉ iṉpuṟanī kūṟāyē.
எழுசீர்க் கழிநெடிலடி ஆசிரிய விருத்தம்
கூற தாகமெய் யடிமை தான்எனை உடைய கொச்சையர் அதிபதி
வீற தார்தமிழ் விரகன் மேதகு புகழி னான்இவன் மிகுவனச்
சேற தார்தரு திரள்க ளைக்கன செழுமு லைக்குரி யவர்சினத்
தேறு தானிது தழுவி னாரென இடிகொள் மாமுர சதிருமே.
eḻucīrk kaḻineṭilaṭi āciriya viruttam
kūṟa tākamey yaṭimai tāṉeṉai uṭaiya koccaiyar atipati
vīṟa tārtamiḻ virakaṉ mētaku pukaḻi ṉāṉivaṉ mikuvaṉac
cēṟa tārtaru tiraḷka ḷaikkaṉa ceḻumu laikkuri yavarciṉat
tēṟu tāṉitu taḻuvi ṉāreṉa iṭikoḷ māmura catirumē.
அறுசீர்க் கழிநெடிலடி ஆசிரிய விருத்தம்
சதுரன் புகலியர் அதிபன்கூர்
தவசுந் தரகவு ணியர்தஞ்சீர்
முதல்வன் புகலியர் அதிபன்தாள்
முறைவந் தடையலர் நகரம்போல்
எதிர்வந்தனர்விறல் கெடவெம்போர்
எரிவெங் கணைசொரி புரிமின்கார்
அதிர்கின் றனஇது பருவஞ்சே
ரலர்தம் பதிமதில் இடிமின்னே.
aṟucīrk kaḻineṭilaṭi āciriya viruttam
caturaṉ pukaliyar atipaṉkūr
tavacun tarakavu ṇiyartañcīr
mutalvaṉ pukaliyar atipaṉtāḷ
muṟaivan taṭaiyalar nakarampōl
etirvantaṉarviṟal keṭavempōr
eriveṅ kaṇaicori purimiṉkār
atirkiṉ ṟaṉaitu paruvañcē
ralartam patimatil iṭimiṉṉē.
எண்சீர்க் கழிநெடிலடி ஆசிரிய விருத்தம்
மின்னு மாகத் தெழிலி யுஞ்சேர் மிகுபொன் மாடப் புகலி நாதன்
துன்னு ஞானத் தெம்பி ரான்மெய்த் தொகைசெய் பாடற் பதிகம் அன்னாள்
பொன்னு மாநல் தரள முந்தன் பொருக யற்கண் தனம்நி றைந்தாள்
இன்னும் ஏகிப் பொருள்ப டைப்பான் எங்ஙனேநான் எண்ணு மாறே.
eṇcīrk kaḻineṭilaṭi āciriya viruttam
miṉṉu mākat teḻili yuñcēr mikupoṉ māṭap pukali nātaṉ
tuṉṉu ñāṉat tempi rāṉmeyt tokaicey pāṭaṟ patikam aṉṉāḷ
poṉṉu mānal taraḷa muntaṉ poruka yaṟkaṇ taṉamni ṟaintāḷ
iṉṉum ēkip poruḷpa ṭaippāṉ eṅṅaṉēnāṉ eṇṇu māṟē.
பன்னிருசீர்க் கழிநெடிலடி ஆசிரிய விருத்தம்
மாறி லாத பொடிநீ றேறு கோல வடிவும்
வம்பு பம்பு குழலும் துங்க கொங்கை இணையும்
ஊறி யேறு பதிகத் தோசை நேச நுகர்வும்
ஒத்து கித்து நடையும் சித்த பத்தி மிகையும்
வீற தேறும் வயல்சூழ் காழி ஞான பெருமான்
வென்றி துன்று கழலின் ஒன்றி நின்ற பணியும்
தேறல் போலும் மொழியும் சேல்கள் போலும் விழியும்
சிந்தை கொண்ட பரிசும் நன்றி மங்கை தவமே.
paṉṉirucīrk kaḻineṭilaṭi āciriya viruttam
māṟi lāta poṭinī ṟēṟu kōla vaṭivum
vampu pampu kuḻalum tuṅka koṅkai iṇaiyum
ūṟi yēṟu patikat tōcai nēca nukarvum
ottu kittu naṭaiyum citta patti mikaiyum
vīṟa tēṟum vayalcūḻ kāḻi ñāṉa perumāṉ
veṉṟi tuṉṟu kaḻaliṉ oṉṟi niṉṟa paṇiyum
tēṟal pōlum moḻiyum cēlkaḷ pōlum viḻiyum
cintai koṇṭa paricum naṉṟi maṅkai tavamē.
அறுசீர்க் கழிநெடிலடி ஆசிரிய விருத்தம்
கைதவத்தால் என்னிடைக்கு நீவந்த
தறியேனோ கலதிப் பாணா
மெய்தவத்தார் உயிரனைய மிகுசைவ
சிகாமணியை வேணுக் கோனைச்
செய்தவத்தால் விதிவாய்ந்த செழுமுலையார்
அவனுடைய செம்பொன் திண்டோள்
எய்தவத்தால் விளிவெனக்கென் யாதுக்கு
நீபலபொய் இசைக்கின் றாயே.
aṟucīrk kaḻineṭilaṭi āciriya viruttam
kaitavattāl eṉṉiṭaikku nīvanta
taṟiyēṉō kalatip pāṇā
meytavattār uyiraṉaiya mikucaiva
cikāmaṇiyai vēṇuk kōṉaic
ceytavattāl vitivāynta ceḻumulaiyār
avaṉuṭaiya cempoṉ tiṇṭōḷ
eytavattāl viḷiveṉakkeṉ yātukku
nīpalapoy icaikkiṉ ṟāyē.
மதங்கியார்
எண்சீர்க் கழிநெடிலடி ஆசிரிய விருத்தம்
இசையை முகந்தெழு மிடறுமி திங்கிவன்
இடுகர ணங்களின் இயல்பும் வளம்பொலி
திசைதிசை துன்றிய பொழில்சுல வுந்திகழ்
சிரிபுர மன்றகு தமிழ்விர கன்பல
நசைமிகு வண்புகழ் பயிலு மதங்கிதன்
நளிர்முலை செங்கயல் விழிநகை கண்டபின்
வசைதகு மென்குல மவைமுழு துங்கொள
மதிவளர் சிந்தனை மயல்வரு கின்றதே.
mataṅkiyār
eṇcīrk kaḻineṭilaṭi āciriya viruttam
icaiyai mukanteḻu miṭaṟumi tiṅkivaṉ
iṭukara ṇaṅkaḷiṉ iyalpum vaḷampoli
ticaiticai tuṉṟiya poḻilcula vuntikaḻ
ciripura maṉṟaku tamiḻvira kaṉpala
nacaimiku vaṇpukaḻ payilu mataṅkitaṉ
naḷirmulai ceṅkayal viḻinakai kaṇṭapiṉ
vacaitaku meṉkula mavaimuḻu tuṅkoḷa
mativaḷar cintaṉai mayalvaru kiṉṟatē.
வருகின் றனன்என் றனதுள் ளமும்நின்
வசமே நிறுவிக் குறைகொண் டுதணித்
தருகும் புனல்வெஞ் சுரம்யான் அமரும்
மதுநீ இறையுன் னினையா தெனின்முன்
கருகும் புயல்சேர் மதில்வண் புகலிக்
கவிஞன் பயில்செந் தமிழா கரன்மெய்ப்
பெருகுந் திருவார் அருள்பே ணலர்போற்
பிழைசெய் தனைவந் ததர்பெண் கொடியே.
varukiṉ ṟaṉaṉeṉ ṟaṉatuḷ ḷamumniṉ
vacamē niṟuvik kuṟaikoṇ ṭutaṇit
tarukum puṉalveñ curamyāṉ amarum
matunī iṟaiyuṉ ṉiṉaiyā teṉiṉmuṉ
karukum puyalcēr matilvaṇ pukalik
kaviñaṉ payilcen tamiḻā karaṉmeyp
perukun tiruvār aruḷpē ṇalarpōṟ
piḻaicey taṉaivan tatarpeṇ koṭiyē.
கொடிநீடு விடையுடைய பெருமானை அடிபரவு
குணமேதை கவுணியர்கள் குலதீப சுபசரிதன்
அடியேன திடர்முழுதும் அறவீசு தமிழ்விரகன்
அணியான புகலிநகர் அணையான கனைகடலின்
முடிநீடு பெருவலைகொ டலையூடு புகுவன்நுமர்
முறையேவு பணிபுரிவன் அணிதோணி புனைவனவை
படியாரும் நிகரரிய வரியாரும் மதர்நயனி
பணைவார்மென் முலைநுளையர் மடமாதுன் அருள்பெறினே.
koṭinīṭu viṭaiyuṭaiya perumāṉai aṭiparavu
kuṇamētai kavuṇiyarkaḷ kulatīpa cupacaritaṉ
aṭiyēṉa tiṭarmuḻutum aṟavīcu tamiḻvirakaṉ
aṇiyāṉa pukalinakar aṇaiyāṉa kaṉaikaṭaliṉ
muṭinīṭu peruvalaiko ṭalaiyūṭu pukuvaṉnumar
muṟaiyēvu paṇipurivaṉ aṇitōṇi puṉaivaṉavai
paṭiyārum nikarariya variyārum matarnayaṉi
paṇaivārmeṉ mulainuḷaiyar maṭamātuṉ aruḷpeṟiṉē.
பெறுபயன் மிகப்புவியுள் அருளுவன பிற்றைமுறை
பெருநெறி அளிப்பனபல் பிறவியை ஒழிச்சுவன
உறுதுயர் அழிப்பனமுன் உமைதிரு வருட்பெருக
உடையன நதிப்புனலின் எதிர்பஃறி உய்த்தனபுன்
நறுமுறு குறைச்சமணை நிரைகழு நிறுத்தியன
நனிகத வடைத்தனது னருவிடம் அகற்றியன
துறுபொழில் மதிற்புறவ முதுபதிமன் ஒப்பரிய
தொழில்பல மிகுத்ததமிழ் விரகன கவித்தொகையே.
peṟupayaṉ mikappuviyuḷ aruḷuvaṉa piṟṟaimuṟai
peruneṟi aḷippaṉapal piṟaviyai oḻiccuvaṉa
uṟutuyar aḻippaṉamuṉ umaitiru varuṭperuka
uṭaiyaṉa natippuṉaliṉ etirpaḵṟi uyttaṉapuṉ
naṟumuṟu kuṟaiccamaṇai niraikaḻu niṟuttiyaṉa
naṉikata vaṭaittaṉatu ṉaruviṭam akaṟṟiyaṉa
tuṟupoḻil matiṟpuṟava mutupatimaṉ oppariya
toḻilpala mikuttatamiḻ virakaṉa kavittokaiyē.
பன்னீருசீர்க் கழிநெடிலடி ஆசிரிய விருத்தம்
தொகுவார் பொழில்சுற் றியவான் மதிதோ யுமதிற் கனமார்
தொலையா ததிருப் பொழில்மா ளிகைமா டநெருக் கியசீர்
மிருகா ழிமன்முத் தமிழா கரன்மே தகுபொற் புனைதார்
விரையார் கமலக் கழலே துணையா கநினைப் பவர்தாம்
மகரா கரநித் திலநீர் நிலையார் புவியுத் தமராய்
வரலா றுபிழைப் பினினூ ழியிலக்................ கிதமா
தகுவாழ் வுநிலைத் தெழில்சே ரறமா னபயிற் றுவர்மா
சதுரால் வினைசெற் றதன்மே லணுகார் பிறவிக் கடலே.
paṉṉīrucīrk kaḻineṭilaṭi āciriya viruttam
tokuvār poḻilcuṟ ṟiyavāṉ matitō yumatiṟ kaṉamār
tolaiyā tatirup poḻilmā ḷikaimā ṭaneruk kiyacīr
mirukā ḻimaṉmut tamiḻā karaṉmē takupoṟ puṉaitār
viraiyār kamalak kaḻalē tuṇaiyā kaniṉaip pavartām
makarā karanit tilanīr nilaiyār puviyut tamarāy
varalā ṟupiḻaip piṉiṉū ḻiyilak................ kitamā
takuvāḻ vunilait teḻilcē raṟamā ṉapayiṟ ṟuvarmā
caturāl viṉaiceṟ ṟataṉmē laṇukār piṟavik kaṭalē.
பாணாற்றுப்படை
நேரிசை ஆசிரியப்பா
கருமங் கேண்மதி கருமங் கேண்மதி
துருமதிப் பாண கருமங் கேண்மதி
நிரம்பிய பாடல் நின்கண் ணோடும்
அரும்பசி நலிய அலக்கணுற் றிளைத்துக்
காந்திய உதரக் கனல்தழைத் தெழுதலின்
தேய்ந்துடல் வற்றிச் சின்னரம் பெழுந்தே
இறுகுபு சுள்ளி இயற்றிய குரம்பை
உறுசெறித் தனைய உருவுகொண் டுள்வளைஇ
இன்னிசை நல்லி யாழ்சுமந் தன்னம்
மன்னிய வளநகர் மனைக்கடை தோறும்
சென்றுழிச் சென்றுழிச் சில்பலி பெறாது
நின்றுழி நிலாவு வன்றுயர் போயொழிந்
தின்புற் றிருநிதி எய்தும் அதுநுன
துள்ளத் துள்ள தாயின் மதுமலர்
வண்டறை சோலை வளவயல் அகவ
ஒண்திறற் கோண்மீன் உலாவு குண்டகம்
உயர்தரு வரையில் இயல்தரு பதணத்துக்
கடுநுதிக் கழுக்கடை மிடைதரு வேலிக்
கனகப் பருமுரட் கணையக் கபாட
விலையக் கோபுர விளங்கெழில் வாயில்
நெகிழ்ச்சியில் வகுத்துத் திகழ்ச்சியில் ஓங்கும்
மஞ்சணை இஞ்சி வண்கொடி மிடைந்த
செஞ்சுடர்க் கனகத் திகழ்சிலம் பனைய
மாளிகை ஓளிச் சூளிகை வளாகத்
தணிவுடைப் பலபட மணிதுடைத் தழுத்திய
நல்லொளி பரந்து நயந்திகழ் இந்திர
வில்லொளி பலபல விசும்பிடைக் காட்ட
மன்னிய செல்வத்துத் துன்னிய பெருமைச்
செம்மலர் மாது சேர்ந்திறை பிரியாக்
கழுமல நாதன் கவுணியர் குலபதி
தண்டமிழ் விரகன் சைவ சிகாமணி
பண்டிதர் இன்பன் பரசமய கோளரி
என்புனை தமிழ்கொண் டிரங்கிஎன் னுள்ளத்
தன்பினை அருளிய ஆண்டகை தன்புகழ்
குறைவறுத் துள்கி நிறைகடை குறுகி
நாப்பொலி நல்லிசை பாட
மாப்பெருஞ் செல்வம் மன்னுதி நீயே.
pāṇāṟṟuppaṭai
nēricai āciriyappā
karumaṅ kēṇmati karumaṅ kēṇmati
turumatip pāṇa karumaṅ kēṇmati
nirampiya pāṭal niṉkaṇ ṇōṭum
arumpaci naliya alakkaṇuṟ ṟiḷaittuk
kāntiya utarak kaṉaltaḻait teḻutaliṉ
tēyntuṭal vaṟṟic ciṉṉaram peḻuntē
iṟukupu cuḷḷi iyaṟṟiya kurampai
uṟuceṟit taṉaiya uruvukoṇ ṭuḷvaḷaii
iṉṉicai nalli yāḻcuman taṉṉam
maṉṉiya vaḷanakar maṉaikkaṭai tōṟum
ceṉṟuḻic ceṉṟuḻic cilpali peṟātu
niṉṟuḻi nilāvu vaṉṟuyar pōyoḻin
tiṉpuṟ ṟiruniti eytum atunuṉa
tuḷḷat tuḷḷa tāyiṉ matumalar
vaṇṭaṟai cōlai vaḷavayal akava
oṇtiṟaṟ kōṇmīṉ ulāvu kuṇṭakam
uyartaru varaiyil iyaltaru pataṇattuk
kaṭunutik kaḻukkaṭai miṭaitaru vēlik
kaṉakap parumuraṭ kaṇaiyak kapāṭa
vilaiyak kōpura viḷaṅkeḻil vāyil
nekiḻcciyil vakuttut tikaḻcciyil ōṅkum
mañcaṇai iñci vaṇkoṭi miṭainta
ceñcuṭark kaṉakat tikaḻcilam paṉaiya
māḷikai ōḷic cūḷikai vaḷākat
taṇivuṭaip palapaṭa maṇituṭait taḻuttiya
nalloḷi parantu nayantikaḻ intira
villoḷi palapala vicumpiṭaik kāṭṭa
maṉṉiya celvattut tuṉṉiya perumaic
cemmalar mātu cērntiṟai piriyāk
kaḻumala nātaṉ kavuṇiyar kulapati
taṇṭamiḻ virakaṉ caiva cikāmaṇi
paṇṭitar iṉpaṉ paracamaya kōḷari
eṉpuṉai tamiḻkoṇ ṭiraṅkieṉ ṉuḷḷat
taṉpiṉai aruḷiya āṇṭakai taṉpukaḻ
kuṟaivaṟut tuḷki niṟaikaṭai kuṟuki
nāppoli nallicai pāṭa
māpperuñ celvam maṉṉuti nīyē.
வஞ்சித் துறை
நீதியின் நிறைபுகழ்
மேதகு புகலிமன்
மாதமிழ் விரகனை
ஓதுவ துறுதியே.
vañcit tuṟai
nītiyiṉ niṟaipukaḻ
mētaku pukalimaṉ
mātamiḻ virakaṉai
ōtuva tuṟutiyē.
எண்சீர்க் கழிநெடிலடி ஆசிரிய விருத்தம்
உறுதி முலைதாழ எனையி கழுநீதி
உனது மனமார முழுவ துமதாக
அறுதி பெறுமாதர் பெயல்த ருதறானும்
அழகி தினியானுன் அருள்பு னைவதாகப்
பெறுதி இவைநீயென் அடிப ணிதல்மேவு
பெருமை கெடநீடு படிறொ ழிபொன்மாட
நறைக மழுவாச வளர்பொ ழில்சுலாவும்
நனிபு கலிநாத தமிழ்வி ரகநீயே.
eṇcīrk kaḻineṭilaṭi āciriya viruttam
uṟuti mulaitāḻa eṉaiyi kaḻunīti
uṉatu maṉamāra muḻuva tumatāka
aṟuti peṟumātar peyalta rutaṟāṉum
aḻaki tiṉiyāṉuṉ aruḷpu ṉaivatākap
peṟuti ivainīyeṉ aṭipa ṇitalmēvu
perumai keṭanīṭu paṭiṟo ḻipoṉmāṭa
naṟaika maḻuvāca vaḷarpo ḻilculāvum
naṉipu kalināta tamiḻvi rakanīyē.
ஆசிரியத் துறை
நீமதித் துன்னி நினையேல் மடநெஞ்சமே
காமதிக் கார்பொழிற் காழி
நாமதிக் கும்புகழ் ஞானசம் பந்தனொடு
பூமதிக் குங்கழல் போற்றே.
āciriyat tuṟai
nīmatit tuṉṉi niṉaiyēl maṭaneñcamē
kāmatik kārpoḻiṟ kāḻi
nāmatik kumpukaḻ ñāṉacam pantaṉoṭu
pūmatik kuṅkaḻal pōṟṟē.
கட்டளைக் கலிப்பா
போற்றி செய்தரன் பொற்கழல் பூண்டதே
புந்தி யானுந்தம் பொற்கழல் பூண்டதே
மாற்றி யிட்டது வல்விட வாதையே
மன்னு குண்டரை வென்றது வாதையே
ஆற்றெ திர்ப்புனல் உற்றதந் தோணியே
ஆன தன்பதி யாவதந் தோணியே
நாற்றி சைக்கவி ஞானசம் பந்தனே
நல்ல நாமமும் ஞானசம் பந்தனே.
kaṭṭaḷaik kalippā
pōṟṟi ceytaraṉ poṟkaḻal pūṇṭatē
punti yāṉuntam poṟkaḻal pūṇṭatē
māṟṟi yiṭṭatu valviṭa vātaiyē
maṉṉu kuṇṭarai veṉṟatu vātaiyē
āṟṟe tirppuṉal uṟṟatan tōṇiyē
āṉa taṉpati yāvatan tōṇiyē
nāṟṟi caikkavi ñāṉacam pantaṉē
nalla nāmamum ñāṉacam pantaṉē.
கைக்கிளை மருட்பா
அம்புந்து கண்ணிமைக்கும் ஆன நுதல்வியர்க்கும்
வம்புந்து கோதை மலர்வாடும் - சம்பந்தன்
காமரு கழுமலம் அனையாள்
ஆமிவள் அணங்கலள் அடிநிலத் தனவே.
kaikkiḷai maruṭpā
ampuntu kaṇṇimaikkum āṉa nutalviyarkkum
vampuntu kōtai malarvāṭum - campantaṉ
kāmaru kaḻumalam aṉaiyāḷ
āmivaḷ aṇaṅkalaḷ aṭinilat taṉavē.
பன்னிருசீர்க் கழிநெடிலடி ஆசிரிய விருத்தம்
தனமுந் துகிலுஞ் சாலிக் குவையுங் கோலக் கனமாடச்
சண்பைத் திகழ்மா மறையோர் அதிபன் தவமெய்க் குலதீபன்
கனவண் கொடைநீ டருகா சனிதன் கமலக் கழல்பாடிக்
கண்டார் நிறையக் கொள்ளப் பசியைக் கருதா தெம்பாண
புனைதண் டமிழின் இசையார் புகலிக் கரசைப் புகழ்பாடிப்
புலையச் சேரிக் காளை புகுந்தால் என்சொற் புதிதாக்கிச்
சினவெங் கதமாக் களிறொன் றிந்தச் சேரிக் கொடுவந்தார்
சேரிக் குடிலும் இழந்தார் இதனைச் செய்வ தறியாரே.
paṉṉirucīrk kaḻineṭilaṭi āciriya viruttam
taṉamun tukiluñ cālik kuvaiyuṅ kōlak kaṉamāṭac
caṇpait tikaḻmā maṟaiyōr atipaṉ tavameyk kulatīpaṉ
kaṉavaṇ koṭainī ṭarukā caṉitaṉ kamalak kaḻalpāṭik
kaṇṭār niṟaiyak koḷḷap paciyaik karutā tempāṇa
puṉaitaṇ ṭamiḻiṉ icaiyār pukalik karacaip pukaḻpāṭip
pulaiyac cērik kāḷai pukuntāl eṉcoṟ putitākkic
ciṉaveṅ katamāk kaḷiṟoṉ ṟintac cērik koṭuvantār
cērik kuṭilum iḻantār itaṉaic ceyva taṟiyārē.
இன்னிசை வெண்பா
யாரேஎம் போல அருளுடையார் இன்கமலத்
தாரேயுஞ் சென்னித் தமிழ்விரகன் - சீரேயும்
கொச்சை வயன்தன் குரைகழற்கே மெச்சி
அடிமைசெயப் பெற்றேன் அறிந்து.
iṉṉicai veṇpā
yārēem pōla aruḷuṭaiyār iṉkamalat
tārēyuñ ceṉṉit tamiḻvirakaṉ - cīrēyum
koccai vayaṉtaṉ kuraikaḻaṟkē mecci
aṭimaiceyap peṟṟēṉ aṟintu.
பதின்சீர்க் கழிநெடிலடி ஆசிரிய விருத்தம்
அறிதரு நுண்பொருள் சேர்பதி கம்மரன் கழல்மேல்
அணிதரு சுந்தர மார்தமிழ் விரகன் பிறைதோய்
செறிதரு பைம்பொழில் மாளிகை கலவுந் திகழ்சீர்த்
திருவளர் சண்பையில் மாடலை கடலொண் கழிசேர்
எறிதிரை வந்தெழு மீனிரை நுகர்கின் றிலைபோய்
இனமும் அடைந்திலை கூரிட ரோடிருந் தனையால்
உறுதுயர் சிந்தையி னூடுத வினரெந் தமர்போல்
உமரும் அகன்றன ரோஇது உரைவண் குருகே.
patiṉcīrk kaḻineṭilaṭi āciriya viruttam
aṟitaru nuṇporuḷ cērpati kammaraṉ kaḻalmēl
aṇitaru cuntara mārtamiḻ virakaṉ piṟaitōy
ceṟitaru paimpoḻil māḷikai kalavun tikaḻcīrt
tiruvaḷar caṇpaiyil māṭalai kaṭaloṇ kaḻicēr
eṟitirai vanteḻu mīṉirai nukarkiṉ ṟilaipōy
iṉamum aṭaintilai kūriṭa rōṭirun taṉaiyāl
uṟutuyar cintaiyi ṉūṭuta viṉaren tamarpōl
umarum akaṉṟaṉa rōitu uraivaṇ kurukē.
கலி விருத்தம்
குருகணி மணிமுன்கைக் கொடியுநல் விறலவனும்
அருகணை குவரப்பால் அரிதினி வழிமீண்மின்
தருகெழு முகில்வண்கைத் தகுதமிழ் விரகன்தன்
கருகெழு பொழில்மாடக் கழுமல வளநாடே.
kali viruttam
kurukaṇi maṇimuṉkaik koṭiyunal viṟalavaṉum
arukaṇai kuvarappāl aritiṉi vaḻimīṇmiṉ
tarukeḻu mukilvaṇkait takutamiḻ virakaṉtaṉ
karukeḻu poḻilmāṭak kaḻumala vaḷanāṭē.
நாடே றும்புகழ் ஞானசம் பந்தன்வண்
சேடே றுங்கொச்சை நேர்வளஞ் செய்துனை
மாடே றுந்தையல் வாட மலர்ந்தனை
கேடே றுங்கொடி யாய்கொல்லை முல்லையே.
nāṭē ṟumpukaḻ ñāṉacam pantaṉvaṇ
cēṭē ṟuṅkoccai nērvaḷañ ceytuṉai
māṭē ṟuntaiyal vāṭa malarntaṉai
kēṭē ṟuṅkoṭi yāykollai mullaiyē.
எண்சீர்க் கழிநெடிலடி ஆசிரிய விருத்தம்
முல்லை நகையுமைதன் மன்னு திருவருளை
முந்தியுறுபெரிய செந்தண் முனிவன்மிகு
நல்ல பொழில்சுலவு தொல்லை யணிபுகலி
நாதன் மறைமுதல்வன் வேத மலையதனில்
வில்லை இலர்கணையும் இல்லை பகழியுறு
வேழம் இரலைகலை கேழல் வினவுறுவர்
சொல்லை யிலர்விரக ரல்லர் தழைகொணர்வர்
தோழி இவரொருவர் ஆவ அழிதர்வரே.
eṇcīrk kaḻineṭilaṭi āciriya viruttam
mullai nakaiyumaitaṉ maṉṉu tiruvaruḷai
muntiyuṟuperiya centaṇ muṉivaṉmiku
nalla poḻilculavu tollai yaṇipukali
nātaṉ maṟaimutalvaṉ vēta malaiyataṉil
villai ilarkaṇaiyum illai pakaḻiyuṟu
vēḻam iralaikalai kēḻal viṉavuṟuvar
collai yilarviraka rallar taḻaikoṇarvar
tōḻi ivaroruvar āva aḻitarvarē.
வஞ்சித் துறை
வழிதரு பிறவியின்உறு
தொழில்அமர் துயர்கெடுமிகு
பொழிலணி தருபுகலிமன்
எழிலிணை அடிஇசைமினே.
vañcit tuṟai
vaḻitaru piṟaviyiṉuṟu
toḻilamar tuyarkeṭumiku
poḻilaṇi tarupukalimaṉ
eḻiliṇai aṭiicaimiṉē.
Keys: ← → turn the page, J K step through the verses.
Illustration: Verse & Place (Project-owned).