Skip to content

பத்து 4 · திருமொழி 3 · பத்து 4 · திருமொழி 3

Centum 4, Decad 3

pattu 4 · tirumoḻi 3

A source-numbered decad of Nammalvar’s Tiruvaymoli.

11 versesTamil with transliteration

A lotus and conch offered to Vishnu beside a Tamil manuscript.

கோவை வாயாள்பொருட்டு ஏற்றின் எருத்தம் இறுத்தாய் மதிள் இலங்கைக் கோவை வீயச் சிலை குனித்தாய் குல நல் யானை மருப்பு ஒசித்தாய் பூவை வீயா நீர் தூவிப் போதால் வணங்கேனேலும் நின் பூவை வீயாம் மேனிக்குப் பூசும் சாந்து என் நெஞ்சமே

kōvai vāyāḷporuṭṭu ēṟṟiṉ eruttam iṟuttāy matiḷ ilaṅkaik kōvai vīyac cilai kuṉittāy kula nal yāṉai maruppu ocittāy pūvai vīyā nīr tūvip pōtāl vaṇaṅkēṉēlum niṉ pūvai vīyām mēṉikkup pūcum cāntu eṉ neñcamē

Report an error

பூசும் சாந்து என் நெஞ்சமே புனையும் கண்ணி எனதுடைய வாசகம் செய் மாலையே வான் பட்டு ஆடையும் அஃதே தேசம் ஆன அணிகலனும் என் கைகூப்புச் செய்கையே ஈசன் ஞாலம் உண்டு உமிழ்ந்த எந்தை ஏக மூர்த்திக்கே

pūcum cāntu eṉ neñcamē puṉaiyum kaṇṇi eṉatuṭaiya vācakam cey mālaiyē vāṉ paṭṭu āṭaiyum aḵtē tēcam āṉa aṇikalaṉum eṉ kaikūppuc ceykaiyē īcaṉ ñālam uṇṭu umiḻnta entai ēka mūrttikkē

Report an error

ஏக மூர்த்தி இரு மூர்த்தி மூன்று மூர்த்தி பல மூர்த்தி ஆகி ஐந்து பூதம் ஆய் இரண்டு சுடர் ஆய் அருவு ஆகி நாகம் ஏறி நடுக் கடலுள் துயின்ற நாராயணனே உன் ஆகம் முற்றும் அகத்து அடக்கி ஆவி அல்லல் மாய்த்ததே

ēka mūrtti iru mūrtti mūṉṟu mūrtti pala mūrtti āki aintu pūtam āy iraṇṭu cuṭar āy aruvu āki nākam ēṟi naṭuk kaṭaluḷ tuyiṉṟa nārāyaṇaṉē uṉ ākam muṟṟum akattu aṭakki āvi allal māyttatē

Report an error

மாய்த்தல் எண்ணி வாய் முலை தந்த மாயப் பேய் உயிர் மாய்த்த ஆய மாயனே வாமனனே மாதவா பூத் தண் மாலை கொண்டு உன்னைப் போதால் வணங்கேனேலும் நின் பூத் தண் மாலை நெடு முடிக்குப் புனையும் கண்ணி எனது உயிரே

māyttal eṇṇi vāy mulai tanta māyap pēy uyir māytta āya māyaṉē vāmaṉaṉē mātavā pūt taṇ mālai koṇṭu uṉṉaip pōtāl vaṇaṅkēṉēlum niṉ pūt taṇ mālai neṭu muṭikkup puṉaiyum kaṇṇi eṉatu uyirē

Report an error

கண்ணி எனது உயிர் காதல் கனகச் சோதி முடி முதலா எண் இல் பல் கலன்களும் ஏலும் ஆடையும் அஃதே நண்ணி மூவுலகும் நவிற்றும் கீர்த்தியும் அஃதே கண்ணன் எம் பிரான் எம்மான் கால சக்கரத்தானுக்கே

kaṇṇi eṉatu uyir kātal kaṉakac cōti muṭi mutalā eṇ il pal kalaṉkaḷum ēlum āṭaiyum aḵtē naṇṇi mūvulakum naviṟṟum kīrttiyum aḵtē kaṇṇaṉ em pirāṉ emmāṉ kāla cakkarattāṉukkē

Report an error

கால சக்கரத்தொடு வெண் சங்கம் கை ஏந்தினாய் ஞாலம் முற்றும் உண்டு உமிழ்ந்த நாராயணனே என்று என்று ஓலம் இட்டு நான் அழைத்தால் ஒன்றும் வாராயாகிலும் கோலம் ஆம் என் சென்னிக்கு உன் கமலம் அன்ன குரைகழலே

kāla cakkarattoṭu veṇ caṅkam kai ēntiṉāy ñālam muṟṟum uṇṭu umiḻnta nārāyaṇaṉē eṉṟu eṉṟu ōlam iṭṭu nāṉ aḻaittāl oṉṟum vārāyākilum kōlam ām eṉ ceṉṉikku uṉ kamalam aṉṉa kuraikaḻalē

Report an error

குரை கழல்கள் நீட்டி மண் கொண்ட கோல வாமனா குரை கழல் கைகூப்புவார்கள் கூட நின்ற மாயனே விரை கொள் பூவும் நீரும் கொண்டு ஏத்தமாட்டேனேலும் உன் உரை கொள் சோதித் திரு உருவம் என்னது ஆவி மேலதே

kurai kaḻalkaḷ nīṭṭi maṇ koṇṭa kōla vāmaṉā kurai kaḻal kaikūppuvārkaḷ kūṭa niṉṟa māyaṉē virai koḷ pūvum nīrum koṇṭu ēttamāṭṭēṉēlum uṉ urai koḷ cōtit tiru uruvam eṉṉatu āvi mēlatē

Report an error

என்னது ஆவி மேலையாய் ஏர் கொள் ஏழ் உலகமும் துன்னி முற்றும் ஆகி நின்ற சோதி ஞான மூர்த்தியாய் உன்னது என்னது ஆவியும் என்னது உன்னது ஆவியும் இன்ன வண்ணமே நின்றாய் என்று உரைக்க வல்லேனே?

eṉṉatu āvi mēlaiyāy ēr koḷ ēḻ ulakamum tuṉṉi muṟṟum āki niṉṟa cōti ñāṉa mūrttiyāy uṉṉatu eṉṉatu āviyum eṉṉatu uṉṉatu āviyum iṉṉa vaṇṇamē niṉṟāy eṉṟu uraikka vallēṉē?

Report an error

உரைக்க வல்லேன் அல்லேன் உன் உலப்பு இல் கீர்த்தி வெள்ளத்தின் கரைக்கண் என்று செல்வன் நான்? காதல் மையல் ஏறினேன் புரைப்பு இலாத பரம்பரனே பொய் இலாத பரஞ்சுடரே இரைத்து நல்ல மேன்மக்கள் ஏத்த யானும் ஏத்தினேன்

uraikka vallēṉ allēṉ uṉ ulappu il kīrtti veḷḷattiṉ karaikkaṇ eṉṟu celvaṉ nāṉ? kātal maiyal ēṟiṉēṉ puraippu ilāta paramparaṉē poy ilāta parañcuṭarē iraittu nalla mēṉmakkaḷ ētta yāṉum ēttiṉēṉ

Report an error

யானும் ஏத்தி ஏழ் உலகும் முற்றும் ஏத்தி பின்னையும் தானும் ஏத்திலும் தன்னை ஏத்த ஏத்த எங்கு எய்தும்? தேனும் பாலும் கன்னலும் அமுதும் ஆகித் தித்திப்ப யானும் எம் பிரானையே ஏத்தினேன் யான் உய்வானே

yāṉum ētti ēḻ ulakum muṟṟum ētti piṉṉaiyum tāṉum ēttilum taṉṉai ētta ētta eṅku eytum? tēṉum pālum kaṉṉalum amutum ākit tittippa yāṉum em pirāṉaiyē ēttiṉēṉ yāṉ uyvāṉē

Report an error

உய்வு உபாயம் மற்று இன்மை தேறி கண்ணன் ஒண் கழல்கள் மேல் செய்ய தாமரைப் பழனத் தென்னன் குருகூர்ச் சடகோபன் பொய் இல் பாடல் ஆயிரத்துள் இவையும் பத்தும் வல்லார்கள் வையம் மன்னி வீற்றிருந்து விண்ணும் ஆள்வர் மண்ணூடே

uyvu upāyam maṟṟu iṉmai tēṟi kaṇṇaṉ oṇ kaḻalkaḷ mēl ceyya tāmaraip paḻaṉat teṉṉaṉ kurukūrc caṭakōpaṉ poy il pāṭal āyirattuḷ ivaiyum pattum vallārkaḷ vaiyam maṉṉi vīṟṟiruntu viṇṇum āḷvar maṇṇūṭē

Report an error

Illustration: Verse & Place (Project-owned).