Skip to content

பத்து 7 · திருமொழி 3 · பத்து 7 · திருமொழி 3

Centum 7, Decad 3

pattu 7 · tirumoḻi 3

A source-numbered decad of Nammalvar’s Tiruvaymoli.

11 versesTamil with transliteration

A lotus and conch offered to Vishnu beside a Tamil manuscript.

வெள்ளைச் சுரி சங்கொடு ஆழி ஏந்தி தாமரைக் கண்ணன் என் நெஞ்சினூடே புள்ளைக் கடாகின்ற ஆற்றைக் காணீர் என் சொல்லிச் சொல்லுகேன் அன்னைமீர்காள்? வெள்ளச் சுகம் அவன் வீற்றிருந்த வேத ஒலியும் விழா ஒலியும் பிள்ளைக் குழா விளையாட்டு ஒலியும் அறா திருப்பேரெயில் சேர்வன் நானே

veḷḷaic curi caṅkoṭu āḻi ēnti tāmaraik kaṇṇaṉ eṉ neñciṉūṭē puḷḷaik kaṭākiṉṟa āṟṟaik kāṇīr eṉ collic collukēṉ aṉṉaimīrkāḷ? veḷḷac cukam avaṉ vīṟṟirunta vēta oliyum viḻā oliyum piḷḷaik kuḻā viḷaiyāṭṭu oliyum aṟā tiruppēreyil cērvaṉ nāṉē

Report an error

நானக் கருங் குழல் தோழிமீர்காள் அன்னையர்காள் அயல் சேரியீர்காள் நான் இத் தனி நெஞ்சம் காக்கமாட்டேன் என் வசம் அன்று இது இராப்பகல் போய் தேன் மொய்த்த பூம்பொழில் தண் பணை சூழ் தென் திருப்பேரெயில் வீற்றிருந்த வானப் பிரான் மணிவண்ணன் கண்ணன் செங்கனி வாயின் திறத்ததுவே

nāṉak karuṅ kuḻal tōḻimīrkāḷ aṉṉaiyarkāḷ ayal cēriyīrkāḷ nāṉ it taṉi neñcam kākkamāṭṭēṉ eṉ vacam aṉṟu itu irāppakal pōy tēṉ moytta pūmpoḻil taṇ paṇai cūḻ teṉ tiruppēreyil vīṟṟirunta vāṉap pirāṉ maṇivaṇṇaṉ kaṇṇaṉ ceṅkaṉi vāyiṉ tiṟattatuvē

Report an error

செங்கனி வாயின் திறத்ததாயும் செஞ் சுடர் நீள் முடி தாழ்ந்ததாயும் சங்கொடு சக்கரம் கண்டு உகந்தும் தாமரைக் கண்களுக்கு அற்றுத் தீர்ந்தும் திங்களும் நாளும் விழா அறாத தென் திருப்பேரெயில் வீற்றிருந்த நங்கள் பிரானுக்கு என் நெஞ்சம் தோழீ நாணும் நிறையும் இழந்ததுவே

ceṅkaṉi vāyiṉ tiṟattatāyum ceñ cuṭar nīḷ muṭi tāḻntatāyum caṅkoṭu cakkaram kaṇṭu ukantum tāmaraik kaṇkaḷukku aṟṟut tīrntum tiṅkaḷum nāḷum viḻā aṟāta teṉ tiruppēreyil vīṟṟirunta naṅkaḷ pirāṉukku eṉ neñcam tōḻī nāṇum niṟaiyum iḻantatuvē

Report an error

இழந்த எம் மாமைத்திறத்துப் போன என் நெஞ்சினாரும் அங்கே ஒழிந்தார் உழந்து இனி யாரைக்கொண்டு என் உசாகோ? ஓதக் கடல் ஒலி போல எங்கும் எழுந்த நல் வேதத்து ஒலி நின்று ஓங்கு தென் திருப்பேரெயில் வீற்றிருந்த முழங்கு சங்கக் கையன் மாயத்து ஆழ்ந்தேன் அன்னையர்காள் என்னை என் முனிந்தே?

iḻanta em māmaittiṟattup pōṉa eṉ neñciṉārum aṅkē oḻintār uḻantu iṉi yāraikkoṇṭu eṉ ucākō? ōtak kaṭal oli pōla eṅkum eḻunta nal vētattu oli niṉṟu ōṅku teṉ tiruppēreyil vīṟṟirunta muḻaṅku caṅkak kaiyaṉ māyattu āḻntēṉ aṉṉaiyarkāḷ eṉṉai eṉ muṉintē?

Report an error

முனிந்து சகடம் உதைத்து மாயப் பேய் முலை உண்டு மருது இடை போய் கனிந்த விளவுக்குக் கன்று எறிந்த கண்ண பிரானுக்கு என் பெண்மை தோற்றேன் முனிந்து இனி என் செய்தீர் அன்னைமீர்காள்? முன்னி அவன் வந்து வீற்றிருந்த கனிந்த பொழில் திருப்பேரெயிற்கே காலம்பெற என்னைக் காட்டுமினே

muṉintu cakaṭam utaittu māyap pēy mulai uṇṭu marutu iṭai pōy kaṉinta viḷavukkuk kaṉṟu eṟinta kaṇṇa pirāṉukku eṉ peṇmai tōṟṟēṉ muṉintu iṉi eṉ ceytīr aṉṉaimīrkāḷ? muṉṉi avaṉ vantu vīṟṟirunta kaṉinta poḻil tiruppēreyiṟkē kālampeṟa eṉṉaik kāṭṭumiṉē

Report an error

காலம்பெற என்னைக் காட்டுமின்கள் காதல் கடலின் மிகப் பெரிதால் நீல முகில் வண்ணத்து எம் பெருமான் நிற்கும் முன்னே வந்து என் கைக்கும் எய்தான் ஞாலத்து அவன் வந்து வீற்றிருந்த நான்மறையாளரும் வேள்வி ஓவா கோலச் செந்நெற்கள் கவரி வீசும் கூடு புனல் திருப்பேரெயிற்கே.

kālampeṟa eṉṉaik kāṭṭumiṉkaḷ kātal kaṭaliṉ mikap peritāl nīla mukil vaṇṇattu em perumāṉ niṟkum muṉṉē vantu eṉ kaikkum eytāṉ ñālattu avaṉ vantu vīṟṟirunta nāṉmaṟaiyāḷarum vēḷvi ōvā kōlac cenneṟkaḷ kavari vīcum kūṭu puṉal tiruppēreyiṟkē.

Report an error

பேர் எயில் சூழ் கடல் தென் இலங்கை செற்ற பிரான் வந்து வீற்றிருந்த பேரெயிற்கே புக்கு என் நெஞ்சம் நாடி பேர்த்து வர எங்கும் காணமாட்டேன் ஆரை இனி இங்கு உடையம் தோழீ? என் நெஞ்சம் கூவ வல்லாரும் இல்லை ஆரை இனிக்கொண்டு என் சாதிக்கின்றது? என் நெஞ்சம் கண்டதுவே கண்டேனே

pēr eyil cūḻ kaṭal teṉ ilaṅkai ceṟṟa pirāṉ vantu vīṟṟirunta pēreyiṟkē pukku eṉ neñcam nāṭi pērttu vara eṅkum kāṇamāṭṭēṉ ārai iṉi iṅku uṭaiyam tōḻī? eṉ neñcam kūva vallārum illai ārai iṉikkoṇṭu eṉ cātikkiṉṟatu? eṉ neñcam kaṇṭatuvē kaṇṭēṉē

Report an error

கண்டதுவே கொண்டு எல்லாரும் கூடி கார்க் கடல் வண்ணனோடு என் திறத்துக் கொண்டு அலர் தூற்றிற்று அது முதலாக் கொண்ட என் காதல் உரைக்கில் தோழீ மண் திணி ஞாலமும் ஏழ் கடலும் நீள் விசும்பும் கழியப் பெரிதால் தெண் திரை சூழ்ந்து அவன் வீற்றிருந்த தென் திருப்பேரெயில் சேர்வன் சென்றே

kaṇṭatuvē koṇṭu ellārum kūṭi kārk kaṭal vaṇṇaṉōṭu eṉ tiṟattuk koṇṭu alar tūṟṟiṟṟu atu mutalāk koṇṭa eṉ kātal uraikkil tōḻī maṇ tiṇi ñālamum ēḻ kaṭalum nīḷ vicumpum kaḻiyap peritāl teṇ tirai cūḻntu avaṉ vīṟṟirunta teṉ tiruppēreyil cērvaṉ ceṉṟē

Report an error

சேர்வன் சென்று என்னுடைத் தோழிமீர்காள் அன்னையர்காள் என்னைத் தேற்ற வேண்டா நீர்கள் உரைக்கின்றது என் இதற்கு? நெஞ்சும் நிறைவும் எனக்கு இங்கு இல்லை கார்வண்ணன் கார்க் கடல் ஞாலம் உண்ட கண்ண பிரான் வந்து வீற்றிருந்த ஏர் வள ஒண் கழனிப் பழன தென் திருப்பேரெயில் மாநகரே.

cērvaṉ ceṉṟu eṉṉuṭait tōḻimīrkāḷ aṉṉaiyarkāḷ eṉṉait tēṟṟa vēṇṭā nīrkaḷ uraikkiṉṟatu eṉ itaṟku? neñcum niṟaivum eṉakku iṅku illai kārvaṇṇaṉ kārk kaṭal ñālam uṇṭa kaṇṇa pirāṉ vantu vīṟṟirunta ēr vaḷa oṇ kaḻaṉip paḻaṉa teṉ tiruppēreyil mānakarē.

Report an error

நகரமும் நாடும் பிறவும் தேர்வேன் நாண் எனக்கு இல்லை என் தோழிமீர்காள் சிகர மணி நெடு மாடம் நீடு தென் திருப்பேரெயில் வீற்றிருந்த மகர நெடுங்குழைக் காதன் மாயன் நூற்றுவரை அன்று மங்க நூற்ற நிகர் இல் முகில்வண்ணன் நேமியான் என் நெஞ்சம் கவர்ந்து எனை ஊழியானே?

nakaramum nāṭum piṟavum tērvēṉ nāṇ eṉakku illai eṉ tōḻimīrkāḷ cikara maṇi neṭu māṭam nīṭu teṉ tiruppēreyil vīṟṟirunta makara neṭuṅkuḻaik kātaṉ māyaṉ nūṟṟuvarai aṉṟu maṅka nūṟṟa nikar il mukilvaṇṇaṉ nēmiyāṉ eṉ neñcam kavarntu eṉai ūḻiyāṉē?

Report an error

ஊழிதோறு ஊழி உருவும் பேரும் செய்கையும் வேறவன் வையம் காக்கும் ஆழி நீர் வண்ணனை அச்சுதனை அணி குருகூர்ச் சடகோபன் சொன்ன கேழ் இல் அந்தாதி ஓர் ஆயிரத்துள் இவை திருப்பேரெயில் மேய பத்தும் ஆழி அங்கையனை ஏத்த வல்லார் அவர் அடிமைத்திறத்து ஆழியாரே.

ūḻitōṟu ūḻi uruvum pērum ceykaiyum vēṟavaṉ vaiyam kākkum āḻi nīr vaṇṇaṉai accutaṉai aṇi kurukūrc caṭakōpaṉ coṉṉa kēḻ il antāti ōr āyirattuḷ ivai tiruppēreyil mēya pattum āḻi aṅkaiyaṉai ētta vallār avar aṭimaittiṟattu āḻiyārē.

Report an error

Illustration: Verse & Place (Project-owned).