Skip to content

பத்து 8 · திருமொழி 2 · பத்து 8 · திருமொழி 2

Centum 8, Decad 2

pattu 8 · tirumoḻi 2

A source-numbered decad of Nammalvar’s Tiruvaymoli.

11 versesTamil with transliteration

A lotus and conch offered to Vishnu beside a Tamil manuscript.

நங்கள் வரிவளை ஆயங்காளோ நம்முடை ஏதலர் முன்பு நாணி நுங்கட்கு யான் ஒன்று உரைக்கும் மாற்றம் நோக்குகின்றேன் எங்கும் காணமாட்டேன் சங்கம் சரிந்தன சாய் இழந்தேன் தட முலை பொன் நிறமாய்த் தளர்ந்தேன் வெங்கண் பறவையின் பாகன் எங்கோன் வேங்கடவாணனை வேண்டிச் சென்றே

naṅkaḷ varivaḷai āyaṅkāḷō nammuṭai ētalar muṉpu nāṇi nuṅkaṭku yāṉ oṉṟu uraikkum māṟṟam nōkkukiṉṟēṉ eṅkum kāṇamāṭṭēṉ caṅkam carintaṉa cāy iḻantēṉ taṭa mulai poṉ niṟamāyt taḷarntēṉ veṅkaṇ paṟavaiyiṉ pākaṉ eṅkōṉ vēṅkaṭavāṇaṉai vēṇṭic ceṉṟē

Report an error

வேண்டிச் சென்று ஒன்று பெறுகிற்பாரில் என்னுடைத் தோழியர் நுங்கட்கேலும் ஈண்டு இது உரைக்கும் படியை அந்தோ காண்கின்றிலேன் இடராட்டியேன் நான் காண் தகு தாமரைக் கண்ணன் கள்வன் விண்ணவர் கோன் நங்கள் கோனைக் கண்டால் ஈண்டிய சங்கும் நிறைவும் கொள்வான் எத்தனை காலம் இளைக்கின்றேனே

vēṇṭic ceṉṟu oṉṟu peṟukiṟpāril eṉṉuṭait tōḻiyar nuṅkaṭkēlum īṇṭu itu uraikkum paṭiyai antō kāṇkiṉṟilēṉ iṭarāṭṭiyēṉ nāṉ kāṇ taku tāmaraik kaṇṇaṉ kaḷvaṉ viṇṇavar kōṉ naṅkaḷ kōṉaik kaṇṭāl īṇṭiya caṅkum niṟaivum koḷvāṉ ettaṉai kālam iḷaikkiṉṟēṉē

Report an error

காலம் இளைக்கில் அல்லால் வினையேன் நான் இளைக்கின்றிலன் கண்டுகொள்மின் ஞாலம் அறியப் பழி சுமந்தேன் நல் நுதலீர் இனி நாணித் தான் என் நீல மலர் நெடும் சோதி சூழ்ந்த நீண்ட முகில் வண்ணன் கண்ணன் கொண்ட கோல வளையொடும் மாமை கொள்வான் எத்தனை காலமும் கூடச் சென்றே?

kālam iḷaikkil allāl viṉaiyēṉ nāṉ iḷaikkiṉṟilaṉ kaṇṭukoḷmiṉ ñālam aṟiyap paḻi cumantēṉ nal nutalīr iṉi nāṇit tāṉ eṉ nīla malar neṭum cōti cūḻnta nīṇṭa mukil vaṇṇaṉ kaṇṇaṉ koṇṭa kōla vaḷaiyoṭum māmai koḷvāṉ ettaṉai kālamum kūṭac ceṉṟē?

Report an error

கூடச் சென்றேன் இனி என் கொடுக்கேன்? கோல்வளை நெஞ்சத் தொடக்கம் எல்லாம் பாடு அற்று ஒழிய இழந்து வைகல் பல்வளையார்முன் பரிசு அழிந்தேன் மாடக் கொடி மதிள் தென் குளந்தை வண் குடபால் நின்ற மாயக் கூத்தன் ஆடல் பறவை உயர்த்த வெல் போர் ஆழிவலவனை ஆதரித்தே

kūṭac ceṉṟēṉ iṉi eṉ koṭukkēṉ? kōlvaḷai neñcat toṭakkam ellām pāṭu aṟṟu oḻiya iḻantu vaikal palvaḷaiyārmuṉ paricu aḻintēṉ māṭak koṭi matiḷ teṉ kuḷantai vaṇ kuṭapāl niṉṟa māyak kūttaṉ āṭal paṟavai uyartta vel pōr āḻivalavaṉai ātarittē

Report an error

ஆழிவலவனை ஆதரிப்பும் ஆங்கு அவன் நம்மில் வரவும் எல்லாம் தோழியர்காள் நம் உடையமேதான்? சொல்லுவதோ இங்கு அரியதுதான் ஊழிதோறு ஊழி ஒருவனாக நன்கு உணர்வார்க்கும் உணரலாகாச் சூழல் உடைய சுடர் கொள் ஆதித் தொல்லை அம் சோதி நினைக்குங்காலே?

āḻivalavaṉai ātarippum āṅku avaṉ nammil varavum ellām tōḻiyarkāḷ nam uṭaiyamētāṉ? colluvatō iṅku ariyatutāṉ ūḻitōṟu ūḻi oruvaṉāka naṉku uṇarvārkkum uṇaralākāc cūḻal uṭaiya cuṭar koḷ ātit tollai am cōti niṉaikkuṅkālē?

Report an error

தொல்லை அம் சோதி நினைக்குங்கால் என் சொல் அளவு அன்று இமையோர் தமக்கும் எல்லை இலாதன கூழ்ப்புச் செய்யும் அத் திறம் நிற்க எம் மாமை கொண்டான் அல்லி மலர்த் தண் துழாயும் தாரான் ஆர்க்கு இடுகோ இனிப் பூசல்? சொல்லீர்! வல்லி வள வயல் சூழ் குடந்தை மா மலர்க்கண் வளர்கின்ற மாலே

tollai am cōti niṉaikkuṅkāl eṉ col aḷavu aṉṟu imaiyōr tamakkum ellai ilātaṉa kūḻppuc ceyyum at tiṟam niṟka em māmai koṇṭāṉ alli malart taṇ tuḻāyum tārāṉ ārkku iṭukō iṉip pūcal? collīr! valli vaḷa vayal cūḻ kuṭantai mā malarkkaṇ vaḷarkiṉṟa mālē

Report an error

மால் அரி கேசவன் நாரணன் சீமாதவன் கோவிந்தன் வைகுந்தன் என்று என்று ஓலம் இட என்னைப் பண்ணி விட்டிட்டு ஒன்றும் உருவும் சுவடும் காட்டான் ஏல மலர்க்குழல் அன்னைமீர்காள் என்னுடைத் தோழியர்காள் என் செய்கேன்? காலம் பல சென்றும் காண்பது ஆணை உங்களோடு எங்கள் இடை இல்லையே

māl ari kēcavaṉ nāraṇaṉ cīmātavaṉ kōvintaṉ vaikuntaṉ eṉṟu eṉṟu ōlam iṭa eṉṉaip paṇṇi viṭṭiṭṭu oṉṟum uruvum cuvaṭum kāṭṭāṉ ēla malarkkuḻal aṉṉaimīrkāḷ eṉṉuṭait tōḻiyarkāḷ eṉ ceykēṉ? kālam pala ceṉṟum kāṇpatu āṇai uṅkaḷōṭu eṅkaḷ iṭai illaiyē

Report an error

இடை இல்லை யான் வளர்த்த கிளிகாள் பூவைகள்காள் குயில்காள் மயில்காள்! உடைய நம் மாமையும் சங்கும் நெஞ்சும் ஒன்றும் ஒழிய ஒட்டாது கொண்டான் அடையும் வைகுந்தமும் பாற்கடலும் அஞ்சன வெற்பும் அவை நணிய கடையறப் பாசங்கள் விட்டபின்னை அன்றி அவன் அவை காண்கொடானே

iṭai illai yāṉ vaḷartta kiḷikāḷ pūvaikaḷkāḷ kuyilkāḷ mayilkāḷ! uṭaiya nam māmaiyum caṅkum neñcum oṉṟum oḻiya oṭṭātu koṇṭāṉ aṭaiyum vaikuntamum pāṟkaṭalum añcaṉa veṟpum avai naṇiya kaṭaiyaṟap pācaṅkaḷ viṭṭapiṉṉai aṉṟi avaṉ avai kāṇkoṭāṉē

Report an error

காண்கொடுப்பான் அல்லன் ஆர்க்கும் தன்னை கைசெய் அப்பாலது ஓர் மாயம் தன்னால் மாண் குறள் கோல வடிவு காட்டி மண்ணும் விண்ணும் நிறைய மலர்ந்த சேண் சுடர்த் தோள்கள் பல தழைத்த தேவ பிராற்கு என் நிறைவினோடு நாண் கொடுத்தேன் இனி என் கொடுக்கேன் என்னுடை நல் நுதல் நங்கைமீர்காள்?

kāṇkoṭuppāṉ allaṉ ārkkum taṉṉai kaicey appālatu ōr māyam taṉṉāl māṇ kuṟaḷ kōla vaṭivu kāṭṭi maṇṇum viṇṇum niṟaiya malarnta cēṇ cuṭart tōḷkaḷ pala taḻaitta tēva pirāṟku eṉ niṟaiviṉōṭu nāṇ koṭuttēṉ iṉi eṉ koṭukkēṉ eṉṉuṭai nal nutal naṅkaimīrkāḷ?

Report an error

என்னுடை நல் நுதல் நங்கைமீர்காள் யான் இனிச் செய்வது என் என் நெஞ்சு என்னை நின் இடையேன் அல்லேன் என்று நீங்கி நேமியும் சங்கும் இருகைக் கொண்டு பல் நெடும் சூழ் சுடர் ஞாயிற்றோடு பால் மதி ஏந்தி ஓர் கோல நீல நல் நெடும் குன்றம் வருவது ஒப்பான் நாள் மலர்ப் பாதம் அடைந்ததுவே

eṉṉuṭai nal nutal naṅkaimīrkāḷ yāṉ iṉic ceyvatu eṉ eṉ neñcu eṉṉai niṉ iṭaiyēṉ allēṉ eṉṟu nīṅki nēmiyum caṅkum irukaik koṇṭu pal neṭum cūḻ cuṭar ñāyiṟṟōṭu pāl mati ēnti ōr kōla nīla nal neṭum kuṉṟam varuvatu oppāṉ nāḷ malarp pātam aṭaintatuvē

Report an error

பாதம் அடைவதன் பாசத்தாலே மற்றவன் பாசங்கள் முற்ற விட்டு கோது இல் புகழ்க் கண்ணன் தன் அடிமேல் வண் குருகூர்ச் சடகோபன் சொன்ன தீது இல் அந்தாதி ஓர் ஆயிரத்துள் இவையும் ஓர் பத்து இசையொடும் வல்லார் ஆதும் ஓர் தீது இலர் ஆகி இங்கும் அங்கும் எல்லாம் அமைவார்கள் தாமே.

pātam aṭaivataṉ pācattālē maṟṟavaṉ pācaṅkaḷ muṟṟa viṭṭu kōtu il pukaḻk kaṇṇaṉ taṉ aṭimēl vaṇ kurukūrc caṭakōpaṉ coṉṉa tītu il antāti ōr āyirattuḷ ivaiyum ōr pattu icaiyoṭum vallār ātum ōr tītu ilar āki iṅkum aṅkum ellām amaivārkaḷ tāmē.

Report an error

Illustration: Verse & Place (Project-owned).