Skip to content

பத்து 10 · திருமொழி 9 · பத்து 10 · திருமொழி 9

Centum 10, Decad 9

pattu 10 · tirumoḻi 9

A source-numbered decad of Nammalvar’s Tiruvaymoli.

11 versesTamil with transliteration

A lotus and conch offered to Vishnu beside a Tamil manuscript.

சூழ் விசும்பு அணி முகில் தூரியம் முழக்கின ஆழ் கடல் அலை திரைக் கை எடுத்து ஆடின: ஏழ் பொழிலும் வளம் ஏந்திய என் அப்பன் வாழ் புகழ் நாரணன் தமரைக் கண்டு உகந்தே

cūḻ vicumpu aṇi mukil tūriyam muḻakkiṉa āḻ kaṭal alai tiraik kai eṭuttu āṭiṉa: ēḻ poḻilum vaḷam ēntiya eṉ appaṉ vāḻ pukaḻ nāraṇaṉ tamaraik kaṇṭu ukantē

Report an error

நாரணன் தமரைக் கண்டு உகந்து நல் நீர் முகில் பூரண பொன் குடம் பூரித்தது உயர் விண்ணில் நீர் அணி கடல்கள் நின்று ஆர்த்தன நெடு வரைத் தோரணம் நிரைத்து எங்கும் தொழுதனர் உலகே

nāraṇaṉ tamaraik kaṇṭu ukantu nal nīr mukil pūraṇa poṉ kuṭam pūrittatu uyar viṇṇil nīr aṇi kaṭalkaḷ niṉṟu ārttaṉa neṭu varait tōraṇam niraittu eṅkum toḻutaṉar ulakē

Report an error

தொழுதனர் உலகர்கள் தூப நல் மலர் மழை பொழிவனர் பூமி அன்று அளந்தவன் தமர் முன்னே எழுமின் என்று இருமருங்கு இசைத்தனர் முனிவர்கள் வழி இது வைகுந்தர்க்கு என்று வந்து எதிரே

toḻutaṉar ulakarkaḷ tūpa nal malar maḻai poḻivaṉar pūmi aṉṟu aḷantavaṉ tamar muṉṉē eḻumiṉ eṉṟu irumaruṅku icaittaṉar muṉivarkaḷ vaḻi itu vaikuntarkku eṉṟu vantu etirē

Report an error

எதிர் எதிர் இமையவர் இருப்பிடம் வகுத்தனர் கதிரவர் அவர் அவர் கைந்நிரை காட்டினர் அதிர் குரல் முரசங்கள் அலை கடல் முழக்கு ஒத்த மது விரி துழாய் முடி மாதவன் தமர்க்கே

etir etir imaiyavar iruppiṭam vakuttaṉar katiravar avar avar kainnirai kāṭṭiṉar atir kural muracaṅkaḷ alai kaṭal muḻakku otta matu viri tuḻāy muṭi mātavaṉ tamarkkē

Report an error

மாதவன் தமர் என்று வாசலில் வானவர் போதுமின் எமது இடம் புகுதுக என்றலும் கீதங்கள் பாடினர் கின்னரர் கெருடர்கள் வேத நல் வாயவர் வேள்வி உள்மடுத்தே

mātavaṉ tamar eṉṟu vācalil vāṉavar pōtumiṉ ematu iṭam pukutuka eṉṟalum kītaṅkaḷ pāṭiṉar kiṉṉarar keruṭarkaḷ vēta nal vāyavar vēḷvi uḷmaṭuttē

Report an error

வேள்வி உள்மடுத்தலும் விரை கமழ் நறும் புகை காளங்கள் வலம்புரி கலந்து எங்கும் இசைத்தனர் ஆள்மின்கள் வானகம் ஆழியான் தமர் என்று வாள் ஒண் கண் மடந்தையர் வாழ்த்தினர் மகிழ்ந்தே

vēḷvi uḷmaṭuttalum virai kamaḻ naṟum pukai kāḷaṅkaḷ valampuri kalantu eṅkum icaittaṉar āḷmiṉkaḷ vāṉakam āḻiyāṉ tamar eṉṟu vāḷ oṇ kaṇ maṭantaiyar vāḻttiṉar makiḻntē

Report an error

மடந்தையர் வாழ்த்தலும் மருதரும் வசுக்களும் தொடர்ந்து எங்கும் தோத்திரம் சொல்லினர் தொடுகடல் கிடந்த எம் கேசவன் கிளர் ஒளி மணிமுடி குடந்தை எம் கோவலன் குடி அடியார்க்கே

maṭantaiyar vāḻttalum marutarum vacukkaḷum toṭarntu eṅkum tōttiram colliṉar toṭukaṭal kiṭanta em kēcavaṉ kiḷar oḷi maṇimuṭi kuṭantai em kōvalaṉ kuṭi aṭiyārkkē

Report an error

குடி அடியார் இவர் கோவிந்தன் தனக்கு என்று முடி உடை வானவர் முறை முறை எதிர்கொள்ள கொடி அணி நெடு மதிள் கோபுரம் குறுகினர் வடிவு உடை மாதவன் வைகுந்தம் புகவே

kuṭi aṭiyār ivar kōvintaṉ taṉakku eṉṟu muṭi uṭai vāṉavar muṟai muṟai etirkoḷḷa koṭi aṇi neṭu matiḷ kōpuram kuṟukiṉar vaṭivu uṭai mātavaṉ vaikuntam pukavē

Report an error

வைகுந்தம் புகுதலும் வாசலில் வானவர் வைகுந்தன் தமர் எமர் எமது இடம் புகுத என்று வைகுந்தத்து அமரரும் முனிவரும் வியந்தனர் வைகுந்தம் புகுவது மண்ணவர் விதியே

vaikuntam pukutalum vācalil vāṉavar vaikuntaṉ tamar emar ematu iṭam pukuta eṉṟu vaikuntattu amararum muṉivarum viyantaṉar vaikuntam pukuvatu maṇṇavar vitiyē

Report an error

விதிவகை புகுந்தனர் என்று நல் வேதியர் பதியினில் பாங்கினில் பாதங்கள் கழுவினர் நிதியும் நல் சுண்ணமும் நிறை குட விளக்கமும் மதி முக மடந்தையர் ஏந்தினர் வந்தே

vitivakai pukuntaṉar eṉṟu nal vētiyar patiyiṉil pāṅkiṉil pātaṅkaḷ kaḻuviṉar nitiyum nal cuṇṇamum niṟai kuṭa viḷakkamum mati muka maṭantaiyar ēntiṉar vantē

Report an error

வந்து அவர் எதிர் கொள்ள மா மணி மண்டபத்து அந்தம் இல் பேரின்பத்து அடியரோடு இருந்தமை கொந்து அலர் பொழில் குருகூர்ச் சடகோபன் சொல் சந்தங்கள் ஆயிரத்து இவை வல்லார் முனிவரே

vantu avar etir koḷḷa mā maṇi maṇṭapattu antam il pēriṉpattu aṭiyarōṭu iruntamai kontu alar poḻil kurukūrc caṭakōpaṉ col cantaṅkaḷ āyirattu ivai vallār muṉivarē

Report an error

Illustration: Verse & Place (Project-owned).